ᔨᕆᒤᐊᐅᑉ ᐊᒡᓚᖏᑦ 25:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑕᑯᒋᑦ ᐊᓯᕈᕐᑕᐅᓂᖅ ᓯᐊᒻᒪᕐᐸᓪᓕᐊᓕᕐᐳᖅ, ᐃᓅᖃᑎᒌᒡᔪᐊᓂᑦ ᐃᓅᖃᑎᒌᒡᔪᐊᓄᑦ, ᐊᓄᕆᕐᔪᐊᖅ ᓴᖅᑭᓕᕐᐳᖅ ᓯᓚᕐᔪᐊᑉ ᑭᒡᓕᖓᓂᑦ.

ᔨᕆᒤᐊᐅᑉ ᐊᒡᓚᖏᑦ 25:32 Iomraidhean Croise

ᑯᕉᓂᑲ ᐂᑉᐸᖏᑦ 15:6

ᐃᓅᖃᑎᒌᒡᔪᐊᑦ ᐃᒻᒥᖕᓄᑦ ᐊᓯᕈᖃᑦᑕᐅᑎᖃᑦᑕᓚᐅᕐᐳᑦ, ᐃᒡᓗᒐᓮᓪᓗ ᐃᒡᓗᒐᓴᐅᖃᑎᒥᖕᓄᑦ, ᒎᑎᐅᑉ ᐊᒃᓱᕈᕐᓇᕐᑐᒃᑰᕐᑎᓚᐅᕐᒪᒋᑦ ᐅᖁᒤᑦᑐᒃᑯᑦ.

ᐂᓮᐊᓯᐅᑉ ᐊᒡᓚᖏᑦ 30:30

ᐊᑕᓂᐅᑉ ᓂᐱᓂ ᑲᒪᓇᕐᑐᕐᔪᐊᖅ ᑐᓴᕐᓴᐅᑎᑦᓱᒫᕐᐹ, ᑕᓕᖓᑕᓗ ᑎᒡᓗᒃᓯᓂᖓ ᑕᑯᒃᓴᐅᑎᓪᓗᒍ, ᓂᓐᖓᐅᒪᓂᕐᔪᐊᒃᑯᑦ ᐃᑯᒪᒃᑯᓪᓗ ᓄᖒᑦᓯᔪᒃᑯᑦ, ᑕᑯᒃᓴᐅᓂᖃᕐᓗᓂ ᓄᕗᔭᕐᔪᐊᒥᒃ ᓯᓚᕐᓂᕐᓗᒡᔪᐊᒥᒡᓗ ᓇᑕᖅᑯᕐᓇᕐᔪᐊᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 34:2

ᐊᑕᓂᐅᑉ ᓂᓐᖓᒡᕕᒋᖕᒪᒋᑦ ᐃᓅᖃᑎᒌᒡᔪᐊᑦ, ᐅᓇᑕᕐᑐᒃᓴᖁᑎᖏᓪᓗ ᑕᒪᕐᒥᒃ ᓂᓐᖓᐅᑎᓯᒪᕔᑦ; ᐊᓯᕈᕐᑕᐅᔪᒃᓴᕈᕐᑎᑉᐰᑦ, ᑐᖁᕋᕐᑕᐅᔪᒃᓴᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 5:28

ᖃᕐᔪᖏᑦ ᐃᐱᒃᐳᑦ, ᐱᓯᒃᑎᓕᒫᖏᓪᓗ ᓂᐅᖓᒃᓯᒪᕗᑦ ᐅᕐᓕᕐᑐᕐᓗᑎᒃ, ᕿᒻᒥᕐᔪᐊᖏᑕᓗ ᑯᑭᖏᑦ ᐊᖕᒫᒃᓴᑎᑐᑦ ᓯᑎᔪᑎᑐᑦ ᑍᒤᑉᐳᑦ, ᑲᓕᒐᖏᑕᓗ ᐊᒃᓴᓗᐊᖏᑦ ᐅᓚᔪᔭᕐᑎᑐᑦ ᑬᕕᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 66:18

“ᐱᓂᐊᕐᓂᖏᑦ ᐃᓱᒪᒋᔭᖏᓪᓗ ᖃᐅᔨᒪᒐᒃᑭᑦ, ᑎᑭᑦᓱᒫᕐᐳᖓᓗ ᐃᓅᖃᑎᒌᒡᔪᐊᑦ ᐅᖃᐅᓯᖃᑎᒌᖏᑦᑐᓪᓗ ᑕᒪᕐᒥᒃ ᑲᑎᑎᑦᓴᕐᑐᕐᓗᒋᑦ; ᕾᒍᑎᒡᓗ ᓂᕐᑐᕐᓇᕐᓂᕐᔪᐊᕋ ᑕᑯᔪᒫᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 23:19

ᑕᑯᒋᑦ, ᐊᑕᓂᐅᑉ ᓂᓐᖓᐅᒻᒪᓯᖓ ᐊᓄᕆᕐᔪᐊᑐᑦ ᑎᑭᑦᓱᒫᓕᕐᐳᖅ, ᐊᓄᕆᑎᑐᑦ ᕾᕙᒡᓗᓂ ᓄᓇᒧᑦ ᑎᑭᑦᑐᑎᑐᑦ; ᐱᐅᖏᑦᑐᓕᔪᑦ ᓂᐊᖁᖏᓐᓄᑦ ᑎᑭᑦᓱᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 30:23

ᑕᑯᓕᕐᓯᐅᒃ ᐊᑕᓂᐅᑉ ᐊᓄᕆᕐᔪᐊᖁᑎᖓ ᓂᓐᖓᖕᓂᖓᓂᒃ ᑎᑭᐅᑦᔨᔪᖅ, ᐅᓚᔪᔨᕋᕐᑎᑐᑦ ᐊᖅᑲᕐᑐᖅ ᐱᐅᖏᑦᑐᓕᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 6:22

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦᓯ ᐅᓇᑕᕆᐊᕐᑐᕐᑐᑦ ᐃᓕᑦᓯᓐᓂᒃ ᕾᓕᕐᐳᑦ, ᐅᓐᓄᐊᓪᓗᐊᑉ ᓇᓛᓂᑦ, ᐃᓅᖃᑎᒌᒡᔪᐊᑦ ᐅᓇᑕᕐᑐᒃᓴᖏᑦ ᐅᖓᓯᖕᓂᕐᐹᒥᐅᑦ ᐊᐅᓚᑦᔭᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 6:23

ᐅᓇᑕᐅᑎᖃᕐᐳᑦ ᐱᑎᒃᓯᓂᒃ ᖃᓗᒋᐊᓂᒡᓗ, ᐊᑦᑕᕆᔭᖃᓐᖏᓚᑦ ᓇᒡᓕᖕᓂᖃᕋᑎᒡᓗ, ᓂᐱᖏᑦ ᓂᐱᖃᕐᐳᑦ ᐃᒪᕕᐅᑉ ᐃᒃᑑᓕᔮᕐᓂᖓᑐᑦ, ᐃᖏᕐᕋᓕᕌᖓᒥᒃ ᕿᒻᒥᕐᔪᐊᓄᑦ, ᓮᐅᓂᒥᐅᑕᐅᔪᓯ ᐅᐸᒃᑕᐅᓕᕐᐳᓯ ᐅᓇᑕᐅᓯᔭᕐᑐᓄᑦ.

ᔨᐸᓁᐊᐅᑉ ᐊᒡᓚᖏᑦ 3:8

“ᑍᒤᒻᒪ ᐅᕙᓐᓂᒃ ᐅᑕᖅᑭᒋᑦᓯ, ᐊᑕᓂᖅ ᐅᖃᕐᐳᖅ, ᐅᓪᓗᕐᒧᑦ ᓇᓗᓁᕐᓯᕕᒋᔪᒫᕐᑕᓐᓄᑦ. ᐃᓅᖃᑎᒌᒡᔪᐊᑦ ᑲᑎᑎᑦᓱᒪᕙᒃᑲ ᐊᑕᓂᐅᕖᓪᓗ ᑲᑎᑎᑦᓱᒪᕙᒃᑲ, ᓂᓐᖓᐅᒪᓂᓐᓂᒃ ᑯᕝᕕᕆᔪᒪᕙᒃᑲ, ᓯᖕᓇᓂᓐᓄᑦ ᓄᓇᕐᔪᐊᓕᒫᖅ ᐊᓯᕈᕐᑕᐅᔪᒫᕐᐳᖅ ᐃᑯᒪᒧᑦ.

ᓘᑲᓯᐅᑉ ᐊᒡᓚᖏᑦ 21:10

ᔩᓱᓯ ᑕᕝᕙ ᐅᖃᓕᕐᐳᖅ, “ᐃᓅᖃᑎᒌᒡᔪᐊᑦ ᐃᓅᖃᑎᒌᒡᔪᐊᓄᑦ ᐊᓯᒥᖕᓄᑦ ᐅᓇᑕᕈᒫᕐᐳᑦ, ᐊᖓᔪᖅᑳᕐᔪᐊᖃᕐᕖᑦ ᐊᓯᒥᖕᓄᑦ ᐊᖓᔪᖅᑳᕐᔪᐊᖃᕐᕕᖕᓄᑦ ᐅᓇᑕᕈᒫᕐᐳᑦ;

ᓘᑲᓯᐅᑉ ᐊᒡᓚᖏᑦ 21:25

“ᑲᒪᓇᕐᑐᖃᕈᒫᕐᐳᖅ ᓯᕿᓂᕐᒥ ᑕᖅᑭᕐᒥᓗ ᐅᓪᓗᕆᐊᓂᓗ, ᓄᓇᕐᔪᐊᕐᒥᓗ ᐃᓅᖃᑎᒌᒡᔪᐊᓕᒫᑦ ᓇᓗᓕᕐᓇᕐᑐᒦᑦᓱᒫᕐᐳᑦ ᑲᑉᐱᐊᓱᒻᒪᕆᒡᓗᑎᒡᓗ ᐃᒪᕐᔪᐊᑉ ᐃᒃᑑᓕᔮᕐᓂᖓᓄᑦ ᐃᖏᐅᓕᐊᓗᖕᓄᓪᓗ.