ᔨᕆᒤᐊᐅᑉ ᐊᒡᓚᖏᑦ 25:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ “ᐅᖃᐅᓯᕆᔭᐅᖁᔭᓐᓂᒃ ᐅᖃᐅᓯᖃᕆᐊᕐᑐᓕᕆᑦ ᐅᖃᐅᑎᓗᒋᓪᓗ, ‘ᐊᑕᓂᖅ ᓂᓪᓕᐊᓕᕐᐳᖅ ᖁᑦᓯᒃᑐᒥᑦ, ᐃᓂᒋᔭᒥᓂᑦ ᐃᑦᔪᕐᓁᑦᑐᒥᑦ ᓂᐱᖓ ᑐᓴᕐᓴᐅᕗᖅ, ᓂᐱᕐᔪᐊᒧᓪᓗ ᓱᐊᖕᓂᐊᕐᐳᖅ ᓄᓇᖃᕐᑐᓄᑦ ᑕᒫᓂ, ᕾᒐᓛᕐᓂᐊᕐᐳᖅ ᐸᐅᕐᖓᓂᒃ ᐃᑦᓰᔧᕝᕕᖕᒦᑦᑐᑎᑐᑦ ᓄᓇᕐᔪᐊᒥ ᐃᓂᖃᕐᑐᓕᒫᑦ ᐊᑭᕋᕐᑐᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 25:30 Iomraidhean Croise

ᓴᒧᐃᓕ ᐂᑉᐸᖏᑦ 15:25

ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ ᔭᑑᒃᒧᑦ, “ᐊᖏᖃᑎᒌᖕᓂᐅᑉ ᐃᒃᓯᕐᕕᖓ ᐅᑎᕐᑎᓚᐅᕈᒃ ᐃᒡᓗᒐᓴᖕᓄᑦ. ᐊᑕᓂᐅᑉ ᖁᕕᐊᒋᒍᓂᖓ, ᐅᓪᓗᐃᑦ ᐃᓚᖓᓐᓂ ᐅᑎᕐᑎᓛᕐᐹᖓ ᑕᑯᒃᑲᓐᓂᕐᓗᒍ ᐃᓂᒋᕙᒃᑕᖓᓂ.

ᐊᑕᓃᑦ ᓯᕗᓪᓖᑦ 9:3

ᐊᑕᓂᐅᓪᓗ ᐅᖃᕐᕕᒋᕚ, “ᑐᒃᓯᐊᕐᓂᑎᑦ ᕿᓄᓂᑎᓪᓗ ᑐᓴᕐᐸᒃᑲ, ᑐᒃᓯᐊᕐᕕᒡᔪᐊᖅ ᑖᓐᓇ ᐃᑦᔪᕐᓁᓕᑎᑉᐸᕋ ᓴᓇᓚᐅᕐᑍᑦ; ᐃᓂᒋᓂᐊᕐᓕᕐᐸᕋᓗ ᑐᒃᓯᐊᕐᕕᐅᖁᓪᓗᖓ ᐃᓱᖃᖏᑦᑐᒧᑦ, ᒥᐊᓂᕆᓂᐊᕐᐸᕋ ᓴᐳᑎᕙᒡᓗᒍᓗ ᑍᒪᓐᖓᓕᒫᖅ.

ᑯᕉᓂᑲ ᐂᑉᐸᖏᑦ 30:27

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᒪᑭᓪᓗᑎᒃ ᐃᓄᐃᑦ ᓮᒻᒪᕐᑎᑉᐰᑦ, ᓂᐱᖏᓪᓗ ᑐᓴᕐᑕᐅᕗᑦ, ᑐᒃᓯᐊᕐᓂᖏᓪᓗ ᑎᑭᐅᑎᕗᑦ ᐃᑦᔪᕐᓁᑦᑑᑉ ᐃᓂᖓᓄᑦ ᕿᓚᖕᒧᑦ.

ᐃᓐᖏᕈᑎᑦ 11:4

ᐊᑕᓂᖅ ᑐᒃᓯᐊᕐᕕᒃᔪᐊᖁᑎᒥᓃᑉᐳᖅ ᐃᑦᔪᕐᓁᑦᑐᕕᖁᑎᒥᓂ, ᐊᑕᓂᐅᑉ ᐃᒃᓯᕙᐅᑕᕐᔪᐊᖓ ᕿᓚᖕᒦᑉᐳᖅ; ᐃᔨᒋᓪᓗᓂ ᑕᑯᓐᓇᕐᐳᖅ, ᐃᔨᒥᓄᓪᓗ ᐃᓄᐃᑦ ᖃᐅᔨᓴᕐᐰᑦ.

ᐃᓐᖏᕈᑎᑦ 132:14

“ᑕᕝᕙᓂ ᑕᕾᕐᓯᕐᕕᖃᕈᒪᕗᖓ ᐃᓱᖃᖏᑦᑐᒧᑦ; ᑕᕝᕙᓂ ᐃᓂᖃᕐᓂᐊᕐᐳᖓ, ᐱᔪᒪᓯᒪᒐᒃᑯ.

ᐃᓐᖏᕈᑎᑦ 46:6

ᐃᓅᖃᑎᒌᒡᔪᐊᑦ ᐱᓕᕆᔪᐊᓘᕗᑦ, ᐊᑕᓂᐅᕖᓪᓗ ᐊᐅᓚᑎᑕᐅᓚᐅᕐᐳᑦ; ᑖᓐᓇᓕ ᓂᓪᓕᕐᒪᑦ ᓄᓇᕐᔪᐊᖅ ᐊᐅᒃᐳᖅ.

ᐃᓐᖏᕈᑎᑦ 58:5

ᑐᓵᓐᖏᓚᑦ ᓱᐴᒐᕐᑑᑉ ᓂᓪᓕᐊᑎᑕᖓᓂᒃ ᒪᓕᒋᐊᖃᕐᑕᒥᓂᒃ, ᓱᐴᒐᕐᑐᖅ ᐊᔪᖏᑦᓯᐊᕋᓗᐊᕐᑎᓪᓗᒍ.

ᐃᓐᖏᕈᑎᑦ 78:65

ᐊᑕᓂᕐᓕ ᓯᓂᖕᓂᕐᒥᑦ ᑐᐸᒃᑐᑎᑐᑦ ᑍᒤᓕᓚᐅᕐᐳᖅ, ᐊᖑᑎᑐᓪᓗ ᓴᓐᖏᔪᑐᑦ ᕔᓂᑐᕐᓯᒪᔪᑐᑦ ᓂᓪᓕᐊᓕᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 16:9

ᔧᔨᕆᒥᐅᑦ ᖁᕝᕕᐅᕐᑎᓪᓗᒋᑦ ᖁᕝᕕᐅᖃᑎᒋᔪᒪᕙᒃᑲ ᓯᑉᒪᐅᑉ ᕔᓂᒃᓴᓂᒃ ᐱᕈᕐᓰᕕᖏᑦ ᐱᓪᓗᒋᑦ; ᖁᕝᕕᓐᓄᑦ ᖃᐅᓯᓕᕐᑎᑦᓱᒪᕙᑦᓯ ᕼᐃᓴᐸᓂᒥᐅᑦ ᐃᓕᐊᓚᒥᐅᓪᓗ; ᑲᑎᕐᓱᐃᑎᓪᓗᓯ ᖁᕕᐊᓱᖕᓂᕐᒧᑦ ᓂᓪᓕᐊᓂᕆᕙᓚᐅᕐᑕᓯ ᓂᐸᖏᕐᒪᑦ.

ᐂᓮᐊᓯᐅᑉ ᐊᒡᓚᖏᑦ 33:3

ᐃᒃᑐᓚᐅᕐᓂᖅ ᑐᓴᕐᓴᕈᑐᐊᕐᒪᑦ ᐃᓄᐃᑦ ᕿᒫᕙᒃᐳᑦ; ᒪᑭᓕᑐᐊᕋᕕᓪᓗ, ᐃᓅᖃᑎᒌᒡᔪᐊᑦ ᐊᕙᒻᒧᑦ ᓯᐊᒻᒪᒃᐸᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 42:13

ᐊᑕᓂᖅ ᐅᐸᒍᑎᓂᐊᕐᒪᑦ ᐊᖑᑎᑐᑦ ᐱᔪᓐᓇᕐᑐᕐᔪᐊᑐᑦ; ᐅᓇᑕᕐᑎᐅᑉ ᐅᓇᑕᕆᐊᕈᒪᓂᖓᑐᑦ ᑲᔪᖏᕐᓂᖃᕐᓗᓂ, ᓂᐱᖅᑯᕐᑐᓪᓗᓂ ᓂᓪᓕᐊᕗᖅ, ᓂᐱᕐᔪᐊᒧᑦ ᕾᒐᓛᕐᓗᓂ; ᐊᑭᕋᓂᓗ ᓵᓚᒋᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 17:12

ᐃᒃᓯᕙᐅᑕᕐᔪᐊᖅ ᐱᓐᓇᕐᓇᕐᑐᕐᔪᐊᖅ ᐳᕐᑐᔪᓃᑉᐳᖅ, ᐱᒋᐊᕐᓂᖓᓂᑦ ᐃᑦᔪᕐᓁᑦᑐᕕᖁᑎᑦᑕ ᐃᓂᒋᔭᖓ.

ᔨᕆᒤᐊᐅᑉ ᐊᒡᓚᖏᑦ 25:38

ᓔᔭᑎᑐᑦ ᐃᓂᓪᓚᖓᕕᖕᒥᓂᒃ ᕿᒤᔪᑎᑐᑦ; ᓄᓇᖓᑦ ᓱᓇᖃᕈᓐᓃᕈᒫᕐᐳᖅ. ᐅᓇᑕᕐᕕᐅᓯᒪᓂᕐᒥᓄᑦ, ᐅᓇᑕᕆᐊᕐᓯᒪᔪᓄᑦ, ᐊᑕᓂᐅᓪᓗ ᓂᓐᖓᕕᒡᔪᐊᕐᓯᒪᓂᖓᓄᑦ.”

ᔨᕆᒤᐊᐅᑉ ᐊᒡᓚᖏᑦ 48:33

ᖁᕕᐊᓲᑎᒃᓴᖃᕈᓐᓃᕐᐳᓯ ᓯᕆᑦᔪᑎᒃᓴᖃᕈᓐᓃᕐᓗᓯᓗ, ᒧᐊᐱᒥᐅᑦ ᐱᕈᕐᑎᑦᓯᕕᖏᓐᓂᑦ ᐱᕈᕐᓰᕕᖁᑎᖏᓐᓂᓪᓗ, ᕔᓃᑦ ᐃᑦᑏᔭᕐᕕᖏᓐᓂᑦ ᐱᔪᑦ ᓄᖅᑲᕐᑎᓐᓇᒃᑭᑦ, ᖁᕕᐊᓱᖕᓂᕐᒧᑦ ᓂᐱᐊᓘᓪᓗᑎᒃ ᑐᓪᓕᕐᐸᓚᐅᕐᑐᑦ ᐱᑕᖃᕈᓐᓃᕐᒪᑕ ᓲᕐᓗ ᓂᐱᐊᓗᐃᑦ ᑐᓴᕐᓴᐅᒐᓗᐊᕐᐳᑦ, ᖁᕕᐊᓱᖕᓂᕐᒧᓪᓕ ᓂᓪᓕᐊᓂᐅᓐᖏᓚᑦ.

ᕼᐆᓯᐊᑉ ᐊᒡᓚᖏᑦ 11:10

ᐱᓱᖕᓂᐊᕐᐳᑦ ᐊᑕᓂᕐᒥᒃ ᒪᓕᒡᓗᑎᒃ, ᖃᓕᖑᐊᕐᑐᑐᑦ ᓛᔭᑐᑦ ᓂᓪᓕᐊᓕᕈᒪ; ᐃᓛᒃ ᖃᓕᖑᐊᕐᓂᐊᕐᐳᖅ, ᕿᑐᕐᖓᖏᓪᓗ ᕾᔪᒫᕐᐳᑦ ᓯᕿᓂᐅᑉ ᓂᐱᕕᐊᓂᑦ ᓴᔪᒡᓗᑎᒃ.

ᕼᐆᓯᐊᑉ ᐊᒡᓚᖏᑦ 5:14

ᐃᕗᕅᒥᐅᑉ ᐃᓄᖏᑦ ᐅᓇᑕᕐᓂᐊᕐᐸᒃᑲ ᓛᔭᑎᑐᑦ, ᔫᑕᐅᓪᓗ ᑭᖑᕚᖏᑦ ᓛᔭᑎᑐᑦ ᐅᕕᒃᑲᑎᑐᑦ. ᐅᕙᖓ ᓇᖕᒥᓂᖅ ᐊᓕᒃᑐᕈᒫᕐᐸᒃᑲ ᕿᒪᒡᓗᒋᓪᓗ. ᐅᓂᐊᕐᓗᒋᑦ ᐊᐅᓪᓚᐅᑎᔪᒫᕐᐸᒃᑲ, ᑭᓇᒧᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓚᑦ.

ᔪᐃᓕᐅᑉ ᐊᒡᓚᖏᑦ 3:16

ᐊᑕᓂᖅ ᐃᕐᓯᓵᕆᔪᑎᑐᑦ ᓂᓪᓕᐊᔪᒫᕐᐳᖅ ᓮᐅᓂᒥ, ᓂᐱᖓᓗ ᑐᓴᕐᓴᐅᔪᒫᕐᐳᖅ ᔨᕉᓴᓕᒥᑦ; ᕿᓚᒡᓗ ᓄᓇᓗ ᓴᔪᒍᒫᕐᐴᒃ; ᐊᑕᓂᕐᓕ ᕿᒫᕕᒃᓴᐅᔪᒫᕐᐳᖅ ᐃᓄᖁᑎᒥᓄᑦ, ᐃᓴᕆᐊᓕᒥᐅᓄᓪᓗ ᑭᖑᕚᖑᖃᑎᒌᓄᑦ ᓴᓐᖏᑦᔪᑕᐅᔪᒫᕐᐳᖅ.

ᐂᒨᓯᐅᑉ ᐊᒡᓚᖏᑦ 1:2

ᐅᖃᕐᐳᕐᓗ, “ᐊᑕᓂᖅ ᓂᐱᖅᑯᕐᑐᓪᓗᓂ ᓂᓪᓕᐊᕗᖅ ᓮᐅᓂᒥᑦ, ᓂᐱᕐᔪᐊᖓᓗ ᑐᓴᕐᓴᐅᕗᑦ ᔨᕉᓴᓕᒥᑦ; ᓰᐱᓕᕆᔩᑦ ᐊᒡᓛᑦ ᓂᕿᒃᓴᖁᑎᖏᑦ ᑐᖁᓕᑎᑕᐅᕗᑦ, ᖃᖅᑲᐅᓪᓗ ᑳᕐᒥᐅᑉ ᖄᖓ ᑐᖁᓕᓕᕐᓗᓂ.”

ᐂᒨᓯᐅᑉ ᐊᒡᓚᖏᑦ 3:8

“ᓛᔭ ᓂᓪᓕᐊᓗᓂ ᐃᕐᓯᓵᕐᐸᑦ! ᑭᓈ ᓯᕘᕋᒐᔭᓐᖏᓛᖅ? “ᐊᑕᓂᖅ ᒎᑎ ᐅᖃᓚᒃᐸᑦ; ᑭᓇ ᐅᖃᐅᓯᖃᕐᑍᓕᔪᓐᓇᕐᐹ?”

ᓴᑲᕅᐊᐅᑉ ᐊᒡᓚᖏᑦ 2:13

ᐃᓄᓕᒫᖑᔪᓯ ᓂᐸᖏᓕᕆᑦᓯ, ᐊᑕᓂᐅᑉ ᓇᔪᒐᖓᓂ, ᑖᓐᓇ ᐊᓂᓕᕐᒪᓐ ᐃᓂᒋᔭᒥᓂᑦ ᐃᑦᔪᕐᓁᑐᒥᑦ.”

ᒨᓯᓯ ᑕᓪᓕᒪᖏᑦ 26:15

ᕿᓚᖕᒥᑦ ᐃᓂᒋᔭᕐᓂᑦ ᐃᑦᔪᕐᓁᑦᑐᒥᑦ ᑕᑯᓴᓚᐅᕆᑦ, ᐃᓄᖁᑎᑎᓪᓗ ᐃᓴᕆᐊᓕᒥᐅᑦ ᓮᒻᒪᕐᑎᓪᓗᒋᑦ ᓄᓇᓗ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔧᑦ, ᐊᔪᕐᓴᕐᓇᖏᑦᑐᖅ ᓂᕿᒃᓴᖃᑦᓯᐊᕐᑐᕐᓗ ᓮᒻᒪᕐᑎᓚᐅᕈᒃ ᐅᕙᑦᑎᓐᓄᑦ ᑐᓂᓚᐅᕐᑍᑦ.’”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.