ᔨᕆᒤᐊᐅᑉ ᐊᒡᓚᖏᑦ 25:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑕᑯᓕᕆᑦᓯ, ᐃᒡᓗᒐᓴᒡᔪᐊᖁᑎᒪ ᐊᓯᕈᕐᑕᐅᑦᔪᑎᒃᓴᖓᓂᒃ ᑎᑭᑎᑦᓯᕙᓪᓕᐊᓕᕐᐳᖓ, ᓱᒋᐊᕐᑕᐅᓂᐊᕋᓱᒋᖏᑉᐱᓰ? ᓱᒋᐊᕐᑕᐅᖏᑦᑑᓂᐊᓐᖏᓚᓯ, ᑐᖁᕋᕐᑕᐅᑦᔪᑎᒃᓴᓯᓐᓂᒃ ᑎᑭᑎᑦᓯᓂᐊᕋᒪ ᐃᓅᔪᓕᒫᓄᑦ ᓄᓇᒥ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 25:29 Iomraidhean Croise

ᐊᑕᓃᑦ ᓯᕗᓪᓖᑦ 8:43

ᑐᒃᓯᐊᓂᖏᑦ ᑐᓴᒃᑭᑦ, ᕿᓚᖕᒥᑦ ᐃᓂᒋᔭᕐᓂᑦ, ᐱᓇᓱᐊᕐᓗᑎᓪᓗ ᓄᓇᓕᑐᖃᐅᖏᑦᑐᑦ ᓂᓪᓕᐊᑦᔪᑎᒋᔭᓕᒫᖏᓐᓂᒃ; ᓄᓇᕐᔪᐊᕐᒥᐅᓕᒫᑦ ᐃᓄᐃᑦ ᐊᑎᕐᓂᒃ ᖃᐅᔨᓕᖁᓗᒋᑦ ᐃᓕᖕᓂᒡᓗ ᐃᓕᕋᒋᔭᖃᓕᕐᓗᑎᒃ ᐃᓴᕆᐊᓕᒥᐅᑎᑐᑦ, ᖃᐅᔨᒪᖁᓪᓗᒋᑦ ᐅᓇ ᐃᒡᓗᓕᐊᕋ ᐊᑎᕐᓂᒃ ᑐᓐᖓᕕᖃᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:21

ᖃᐅᔨᒪᓕᕆᑦ, ᐱᐅᖏᑦᑐᑦ ᓱᒋᐊᕐᑕᐅᓐᖏᓮᓐᓇᕐᓂᐊᓐᖏᓚᑦ, ᐃᓱᐊᕐᑐᓪᓕ ᐱᓂᐊᕐᓯᒪᔭᒥᖕᓄᑦ ᐊᓐᓇᒃᑎᑕᐅᓂᐊᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:31

ᐃᓱᐊᕐᑐᑦ ᐱᓂᐊᕐᓂᖏᑦ ᐊᑭᓕᕐᑕᐅᔪᓐᓇᕐᐸᑕ ᓄᓇᒥ, ᑕᕝᕙᓕᑭᐊᖅ ᒎᑎᖃᖏᑦᑐᑦ ᐊᔪᕐᑐᓕᔪᓪᓗ ᐱᓂᐊᕐᕕᐅᓂᕐᓴᐅᓂᐊᕐᐳᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:5

ᐊᒃᓗᔪᓂᒃ ᒥᑕᐅᑎᖃᕐᑐᖅ ᐱᓐᖑᕐᑎᑦᓯᔨᒥᓂᒃ ᓇᕐᕈᓇᕐᑎᑦᓯᕗᖅ, ᐱᓂᕐᓗᖕᓂᐅᔪᓂᒃ ᖁᕕᐊᓲᑎᖃᕐᑐᖅ ᓱᒋᐊᕐᑕᐅᖏᑦᑑᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 10:12

ᑍᒤᒻᒪᑦ ᑕᕝᕙ ᐃᒤᑦᓱᒫᕐᐳᖅ, ᐊᑕᓂᐅᑉ ᐱᓇᓱᐊᕈᒪᔭᓕᒫᓂ ᐱᔭᕇᕈᓂᒋᑦ ᓮᐅᓂᐅᑉ ᖃᖅᑲᖓᓂ ᔨᕉᓴᓕᒥᓗ, ᑕᕝᕙ ᐅᖃᕈᒫᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑕ ᐱᐅᔪᕆᓪᓗᓂ ᐅᖃᓪᓚᖃᑦᑕᕐᓂᖓ ᓱᒋᐊᕈᒪᕙᕋ, ᓂᕐᑐᕐᓇᕐᑑᔪᕆᓂᖓᓗ ᐃᒻᒥᓂᒡᓗ ᖁᕝᕙᕐᑎᖃᑦᑕᕐᓂᖓ.”

ᔨᕆᒤᐊᐅᑉ ᐊᒡᓚᖏᑦ 13:13

ᑍᒤᓕᒃᐸᑕ ᑕᕝᕙ ᐅᖃᐅᑎᓂᐊᕐᐸᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐋᖓᔮᕐᑎᑦᓯᓂᐊᕐᐳᖓ ᓇᓂᑐᐃᓐᓇᖅ ᓄᓇᓕᖕᓂᒃ ᑕᒫᓂ: ᐊᖓᔪᖅᑳᕐᔪᐊᓂᒃ ᑍᕕᑎᐅᑉ ᐊᖓᔪᖅᑲᐅᕕᖓᓂᑦ ᐱᓯᒪᔪᓂᒃ, ᑐᓂᕐᕈᓯᕐᑎᑦᓯᔨᓂᒃ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᔨᕉᓴᓕᒥᐅᓕᒫᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 19:3

ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒧᑦ ᐊᖓᔪᖅᑳᕐᔪᐊᖑᔪᓯ ᔨᕉᓴᓕᒥᐅᑕᐅᔪᓯᓗ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᑯᒋᑦ, ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᓂᐊᕐᐳᖓ ᑕᒪᐅᖓ, ᑐᓴᕐᑐᓪᓗ ᖁᐊᕐᓵᖓᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 30:11

ᐱᖃᑎᒋᒐᒃᑭᑦ ᐱᐅᓕᓂᐊᕐᐸᒋᑦ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓯᕈᕐᑕᐅᑎᒃᑲᓗᐊᕈᒃᑭᑦ ᐊᐅᓪᓚᕐᑎᑕᐅᓯᒪᕕᒋᓚᐅᕐᑕᓯ ᓯᐊᒻᒪᕐᑎᑕᐅᕕᒋᓯᒪᓪᓗᒋᑦ, ᐃᓕᑦᓯᓐᓂᒃ ᓄᖑᑕᐅᓪᓚᕆᒃᑎᑦᓯᓂᐊᓐᖏᓚᖓ, ᐋᖅᑭᒋᐊᖃᑦᑕᕐᓂᐊᕐᐸᑦᓯ ᐊᑲᐅᔪᖅ ᑭᓯᐊᓂ ᐱᑦᔪᑎᒋᓗᒍ, ᓱᒋᐊᕐᑕᐅᑎᖏᑦᑑᑎᓐᓂᐊᓐᖏᓚᑦᓯ.”

ᔨᕆᒤᐊᐅᑉ ᐊᒡᓚᖏᑦ 46:28

ᓯᕘᕋᓂᐊᕋᓯ ᔧᑯᒃᑯᑦ ᐃᓄᖁᑎᒃᑲ, ᐃᓚᒋᒐᑦᓯ, ᐊᑕᓂᖅ ᐅᖃᕐᐳᖅ, ᐃᓅᖃᑎᒌᒡᔪᐊᓂᒃ ᐊᓯᕈᕐᑕᐅᑎᑦᓯᓯᒪᒐᓗᐊᕐᐳᖓ, ᓯᐊᒻᒪᕐᑎᓪᓗᓯᓗ ᓇᒧᑐᐃᓐᓇᖅ, ᓄᖑᑕᐅᑎᒻᒪᕆᖕᓂᐊᓐᖏᓚᑦᓯᓕ ᐋᖅᑭᒋᐊᕐᓂᐊᕐᐸᑦᓯ ᐊᑲᐅᔪᒦᖁᔨᓂᓐᓄᑦ ᑭᓯᐊᓂ; ᐋᖅᑭᒋᐊᓚᐅᖏᓪᓗᑎᑦ ᓴᒃᑯᓐᓂᐊᓐᖏᓚᒋᑦ, ᐅᕙᖓ, ᐊᑕᓂᐅᔪᖓ ᑕᒪᑐᒥᖓ ᐅᖃᕐᐳᖓ.”

ᔨᕆᒤᐊᐅᑉ ᐊᒡᓚᖏᑦ 49:12

“ᐃᒫᒃ ᐊᑕᓂᖅ ᐅᖃᕐᐳᖅ, ᐃᒥᕐᒐᒃᓴᖁᑎᓐᓂᒃ ᐃᒥᕆᐊᖃᖏᑦᑑᒐᓗᐊᑦ ᐃᒥᕐᓂᐊᕐᐳᑦ, ᓱᒋᐊᕐᑕᐅᓚᐅᕐᓯᒪᖏᓪᓗᑎᑦ ᐃᓅᔪᒃᓴᐅᕖᑦ? ᓱᒋᐊᕐᑕᐅᖏᑦᑑᓂᐊᓐᖏᓚᑎᑦ, ᐃᒥᖃᑕᐅᔪᒃᓴᐅᕗᑎᓪᓕ ᐃᒥᕐᑕᐅᔪᒃᓴᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 14:17

“ᐅᕝᕙᓗ ᓄᓇᖓᑦ ᓴᕕᒡᔪᐊᕐᒧᑦ ᑎᑭᑕᐅᑎᒃᑯᒃᑯ, ᐅᖃᕐᓗᖓᓗ, ‘ᓴᕕᒡᔪᐊᖅ ᓄᓇᒃᑯᑦ ᐊᖅᑯᓴᐅᑦᔭᐅᓕ;’ ᑕᕝᕙ ᐃᓄᐃᑦ ᐆᒪᔪᓪᓗ ᑕᒫᓃᑦᑐᑦ ᓄᖑᒃᑲᔭᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 38:21

ᒑᒡᒥᐅᓪᓗ ᑲᑉᐱᐊᓱᒃᑎᑦᓱᒫᕐᐸᒃᑲ ᑲᑉᐱᐊᓇᕐᑐᓄᑦ ᐊᑦᔨᒌᖏᑦᑐᓄᑦ, ᐊᑕᓂᖅ ᒎᑎ ᐅᖃᕐᐳᖅ; ᐅᓇᑕᕐᑎᖁᑎᓕᒫᖏᑦ ᐃᒻᒥᖕᓄᑦ ᑐᖁᕋᖃᑦᑕᐅᑎᓕᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 9:6

ᐊᒥᐊᒃᑯᖏᑦᓯᐊᕐᓗᒋᑦ ᑐᖁᕅᒋᑦᓯ ᐃᑦᑐᓂᒃ, ᐃᓅᓱᒃᑐᓂᒃ ᐊᖑᑎᓂᒃ ᐊᕐᓇᓂᒡᓗ, ᓄᑕᖅᑲᓂᒃ ᐊᕐᓇᓂᒡᓗ, ᓇᓗᓁᒃᑯᓯᕐᓯᒪᔪᓂᒡᓕ ᑐᖁᑦᓯᑦᑍᓕᓗᓯ. ᐱᒋᐊᕐᓗᓯ ᐃᑦᔪᕐᓁᑦᑐᕕᖁᑎᓐᓂᑦ.” ᑖᒃᑯᐊᓗ ᐱᒋᐊᕐᐳᑦ ᐊᖓᔪᖅᑳᑦ ᑐᒃᓯᐊᕐᕕᒡᔪᐊᕐᒦᑦᑐᑦ ᐱᒋᐊᕐᕕᒋᓪᓗᒋᑦ.

ᐅᐸᑍᐊᑉ ᐊᒡᓚᖏᑦ 1:16

ᐃᒥᓚᐅᕋᕕᑦ ᖃᖅᑲᖁᑎᓐᓂᑦ ᐃᑦᔪᕐᓁᑦᑐᒥᑦ, ᑍᒫᒃ ᐃᓅᖃᑎᒌᒡᔪᐊᓕᒫᑦ ᐊᕙᑎᑦᓯᓐᓃᑦᑐᑦ ᐃᒥᕈᒫᕆᕗᑦ; ᐃᓛᒃ ᐃᒥᕈᒫᕐᐳᑦ ᑐᐊᕕᕐᓗᑎᒃ ᐄᓗᒍᓗ, ᑍᒤᓚᐅᕐᓯᒪᖏᑦᑐᑎᑐᓪᓗ ᐃᓕᖓᔪᒫᕐᐳᑦ.”

ᓴᑲᕅᐊᐅᑉ ᐊᒡᓚᖏᑦ 13:7

“ᑐᐸᓕᕆᑦ, ᓴᕕᒡᔪᐊᖅ, ᐱᒋᐊᕐᓗᒍᓗ ᓰᐱᓕᕆᔨᖁᑎᒐ, ᐊᖑᑦ ᐱᓇᓱᐊᖃᑎᒐ!” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ: “ᓰᐱᓕᕆᔨ ᑲᐱᓕᕈᒃ, ᓰᐲᑦ ᑕᕝᕙ ᓯᐊᒻᒪᖕᓂᐊᕐᐳᑦ, ᓰᐱᑯᓗᐃᓪᓗ ᓱᒋᐊᕈᒪᕙᒃᑲ.

ᓘᑲᓯᐅᑉ ᐊᒡᓚᖏᑦ 23:31

ᑕᒪᒃᑯᐊ ᐊᑐᕐᑕᐅᔪᓐᓇᕐᐸᑕ ᐱᕈᕐᑐᑦ ᑐᖑᔪᕐᑎᓪᓗᒋᑦ, ᐸᓂᕐᓯᒪᓕᕐᑎᓪᓗᒋᓪᓕ ᖃᓄᐃᑦᑐᖃᕈᒫᕐᐹ?”

ᐲᑦᑐᕉᓯ ᓯᕗᓪᓖᑦ 4:17

ᒫᓐᓇ ᐃᖅᑲᕐᑐᕐᑕᐅᓂᖅ ᐱᒋᐊᕐᒪᑦ ᒎᑎᐅᑉ ᐃᓄᖁᑎᖏᓐᓂᑦ; ᐅᕙᑦᑎᓐᓂᓪᓗ ᐱᒋᐊᕐᓂᖃᕐᐸᑦ, ᖃᓄᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕈᒥᓇᕐᑐᖁᑎᖏᓐᓂᑦ ᓈᓚᒍᒪᖏᑦᑐᑦ ᐃᓱᓕᑉᕕᖃᓛᕐᐸᑦ?