ᔨᕆᒤᐊᐅᑉ ᐊᒡᓚᖏᑦ 25:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᕙᓐᓄᑦ ᐅᖃᕐᐳᖅ, “ᖃᓪᓗᑎ ᐊᒡᒐᖕᓃᑦᑐᖅ ᓂᓐᖓᕕᒡᔪᐊᕐᓯᒪᓂᓐᓂᒃ ᐃᒪᖃᕐᑐᖅ ᑎᒍᓗᒍ ᑎᓕᓯᕕᒋᔭᓕᒫᓐᓄᑦ ᐃᓅᖃᑎᒌᒡᔪᐊᓄᑦ ᐃᒥᕐᑕᐅᑎᑦᔪᒃ.

ᔨᕆᒤᐊᐅᑉ ᐊᒡᓚᖏᑦ 25:15 Iomraidhean Croise

ᔫᐱᐅᑉ ᐊᒡᓚᖏᑦ 21:20

ᓇᖕᒥᓂᖅ ᑕᑯᔪᒃᓴᐅᕗᑦ ᓱᒋᐊᕐᑕᐅᑦᔪᑎᒥᖕᓂᒃ, ᐃᒥᕐᑐᒃᓴᐅᕗᓪᓗ ᐊᔪᒐᖃᖏᑦᑑᑉ ᓂᓐᖓᐅᓯᖓᓂᒃ.

ᐃᓐᖏᕈᑎᑦ 11:6

ᓯᓚᓗᒃᑐᑎᑐᑦ ᑲᑕᒐᕐᑎᑦᓯᔪᒫᕐᐳᖅ ᐊᐅᒫᓗᖕᓂᒃ; ᐃᑯᒪᓗ ᐅᕐᓱᕈᑎᖃᕐᑐᖅ ᐊᓄᕆᓗ ᐃᑯᐊᓚᔪᖅ ᐃᕐᖑᓯᖏᑕ ᐃᒪᒃᓴᕆᕔᑦ.

ᐃᓐᖏᕈᑎᑦ 60:3

ᐃᓄᖁᑎᑎᑦ ᐅᖁᒤᑦᑐᐊᓗᖕᓂᒃ ᑎᑭᑕᐅᑎᒃᑲᕕᒋᑦ, ᐃᒥᕐᑎᓚᐅᕋᑦᑎᒍᑦ ᕔᓂᒥᒃ ᓇᓗᓕᕐᓇᕐᑐᒥᒃ.

ᐃᓐᖏᕈᑎᑦ 75:8

ᐊᑕᓂᖅ ᐃᒥᐅᑎᒥᒃ ᑎᒍᒥᐊᕐᐳᖅ, ᕔᓂᒥᒃ ᐃᓚᓯᒪᓪᓗᓂ ᐃᖑᓚᕐᓯᒪᑦᓯᐊᕐᓗᓂ; ᑯᕕᔪᒫᕐᐹ ᐃᒤᕐᓗᒍ, ᑕᕝᕙ ᐱᐅᖏᑦᑐᓕᔪᓕᒫᑦ ᓄᓇᒥ ᐃᒥᕈᒫᕐᐳᑦ; ᐃᒥᕐᓗᒍ ᐃᒤᑦᓯᐊᕈᒫᕐᐹᑦ.

ᐃᓐᖏᕈᑎᑦ 75:9

ᐅᕙᖓᓕ ᓇᓗᓁᕐᓯᔪᒫᕐᐳᖓ ᐃᓱᖃᖏᑦᑐᒧᑦ, ᔧᑰᓪᓗ ᒎᑎᖓ ᐃᓐᖏᕐᕕᒋᔪᒪᕙᕋ ᓂᕐᑐᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 14:26

ᐋᖅᑭᒃᓯᒪᔭᕋ ᐃᒤᑉᐳᖅ ᓄᓇᕐᔪᐊᓕᒫᖅ ᐱᓪᓗᒍ; ᑕᓕᕋ ᑕᕝᕙ ᐃᓴᒃᓯᒪᔪᖅ ᐃᓅᖃᑎᒌᒡᔪᐊᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 34:2

ᐊᑕᓂᐅᑉ ᓂᓐᖓᒡᕕᒋᖕᒪᒋᑦ ᐃᓅᖃᑎᒌᒡᔪᐊᑦ, ᐅᓇᑕᕐᑐᒃᓴᖁᑎᖏᓪᓗ ᑕᒪᕐᒥᒃ ᓂᓐᖓᐅᑎᓯᒪᕔᑦ; ᐊᓯᕈᕐᑕᐅᔪᒃᓴᕈᕐᑎᑉᐰᑦ, ᑐᖁᕋᕐᑕᐅᔪᒃᓴᓐᖑᕐᑎᓪᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 51:17

ᑐᐸᓕᕆᑦ, ᑐᐸᓕᕆᑦ! ᒪᑭᓪᓗᑎᓪᓗ ᔨᕉᓴᓕᒻ. ᐃᓕᑦᓯ ᐃᒥᓚᐅᕐᑐᓯ ᐊᑕᓂᐅᑉ ᐊᑭᓂᐊᕐᓂᖓᑕ ᐃᒥᐅᑎᖓᓂᑦ ᓂᓐᖓᐅᒪᓂᖓᓂᒃ ᐃᒪᓕᖕᒥᒃ. ᐃᒤᕐᓗᒍ ᓄᖑᓚᐅᕐᐸᓯ ᐃᓗᓕᖁᑎᐅᑉ ᐃᒪᖓ ᐋᖓᔮᕈᑎᒋᓕᕐᓗᒍᓗ.

ᐂᓮᐊᓯᐅᑉ ᐊᒡᓚᖏᑦ 51:22

ᐊᑕᓂᓯ ᐃᒫᒃ ᐅᖃᕐᐳᖅ, ᑖᓐᓇ ᐊᑕᓂᖅ ᒎᑎᓯ, ᓯᕐᓈᕐᑐᖅ ᐃᓄᖁᑎᒥᓂᒃ: “ᑕᑯᒋᑦᓯ ᐃᒥᐅᑦ ᐅᕐᕈᔮᕈᑎᒋᓚᐅᕐᑕᓯ ᐲᕐᐸᕋ ᐊᒡᒐᑦᓯᓐᓂᑦ, ᐃᒥᐅᑦ ᐃᒪᖃᓚᐅᕐᑐᖅ ᓂᓐᖓᐅᒪᓂᓐᓂᒃ, ᑕᕝᕙᓐᖓᑦ ᐃᒥᒃᑲᓐᓂᕐᓂᐊᕈᓐᓃᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 51:23

ᐃᓕᑦᓯᓐᓂᒡᓗ ᐋᓐᓂᐊᑎᑦᓯᔪᓄᑦ ᐃᓕᖔᕐᓂᐊᓕᕐᐸᕋ, ᑍᒃᑯᐊ ᐃᓕᑦᓯᓐᓄᑦ ᐅᖃᕐᒪᑕ, ‘ᐅᕐᕈᖓᓚᐅᕆᑦᓯ ᖄᑦᓯᒍᑦ ᐱᓱᖕᓂᐊᕋᑦᑕ.’ ᑐᓄᓯᓗ ᓄᓇᑐᑦ ᑍᒤᑎᓚᐅᕐᐸᓯ, ᐊᖅᑯᑎᑎᑐᑦ ᐱᓱᒃᕕᐅᖃᑦᑕᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 1:5

“ᓄᑕᕋᒃᓴᓐᖑᓚᐅᕐᑎᓐᓇᒃ ᓱᓕ ᓂᕈᐊᓚᐅᕐᐸᒋᑦ; ᐃᓅᓕᖅᑳᕐᑎᓐᓇᒡᓗ ᐃᑦᔪᕐᓁᑎᓚᐅᕐᐸᒋᑦ; ᑎᓕᓚᐅᕐᐸᒋᑦ ᐱᔪᖃᓛᕐᑐᒥᒃ ᐅᖃᕐᑎᒋᔪᒪᓪᓗᑎᑦ ᐃᓅᖃᑎᒌᒡᔪᐊᓄᑦ.”

ᔨᕆᒤᐊᐅᑉ ᐊᒡᓚᖏᑦ 36:2

“ᑎᑎᕋᕐᕕᒃᓴᒥᒃ ᐃᒧᓯᒪᔪᒥᒃ ᐱᓗᑎᑦ ᑎᑎᕋᓕᕆᑦ ᐅᖃᐅᓯᕆᖃᑦᑕᓚᐅᕐᑕᓕᒫᓐᓂᒃ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᔫᑕᒥᐅᓪᓗ ᐊᓯᖏᓪᓗ ᐃᓅᖃᑎᒌᒡᔪᐊᑦ, ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ ᐅᖃᖃᑦᑕᓚᐅᕐᑕᒃᑲ ᐱᒋᐊᕐᕕᒋᓗᒋᑦ ᐅᓪᓗᒥᒧᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 43:11

ᓂᐱᑯᓁᓴ ᑎᑭᓐᓂᐊᕐᒪᑦ ᐄᑦᔨᑉᑎᒥᐅᓂᒃ ᓵᓚᖃᕆᐊᕐᑐᕐᓗᓂ, ᑍᒃᑯᐊ ᐋᓐᓂᐊᓇᕐᑐᓄᑦ ᑐᖁᔪᒃᓮᑦ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᑦ, ᑍᒃᑯᐊᓗ ᐊᐅᓪᓚᕈᑦᔭᐅᔪᒃᓮᑦ ᐊᐅᓪᓚᕈᑦᔭᐅᔪᒫᕐᐳᑦ ᑎᒍᔭᐅᓗᑎᒃ, ᑍᒃᑯᐊᓗ ᐅᓇᑕᕐᑐᓄᑦ ᑐᖁᑕᐅᔪᒃᓮᑦ ᐅᓇᑕᕐᑐᓂ ᑐᖁᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 45:5

ᐱᔪᓐᓇᕐᑐᕐᔪᐊᖑᓕᕈᑎᒃᓴᓂᒃ ᕿᓂᕈᕕᑦ, ᕿᓂᕈᓐᓃᕆᑦ ᐊᓯᕈᕐᑕᐅᓇᕐᑐᒥᒃ ᐃᓄᓕᒫᓄᑦ ᑎᑭᑎᑦᓯᓂᐊᕋᒪ, ᐊᑕᓂᖅ ᐅᖃᕐᐳᖅ, ᐃᕝᕕᓪᓕ ᐃᓅᓯᕐᒥᒃ ᑐᓂᓂᐊᕐᐸᒋᑦ ᓇᒧᑐᐃᓐᓇᖅ ᐂᓂᐊᕈᕕᑦ ᐃᓅᑎᑦᓱᒫᕐᐸᒋᑦ.”

ᔨᕆᒤᐊᐅᑉ ᐊᒡᓚᖏᑦ 46:1

ᔨᕆᒤᐊ ᒎᑎᐅᑉ ᐅᖃᕐᑎᖓ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ ᐃᓅᖃᑎᒌᒡᔪᐊᑦ ᐱᓪᓗᒋᑦ,

ᔨᕆᒤᐊᐅᑉ ᐊᒡᓚᖏᑦ 48:26

“ᐋᖓᔮᓕᕐᑎᑕᐅᓕᑦ, ᐊᑕᓂᕐᒥᑦ ᐱᔪᓐᓇᕐᓂᕐᓴᐅᓇᓱᒋᓕᓚᐅᕐᒪᑕ, ᒧᐊᐱᒥᐅᑦ ᒥᕆᐊᒥᓂᒃ ᓇᓪᓚᖓᕕᖃᓕᕐᓕᑦ, ᒥᑕᐅᑎᒋᔭᒃᓴᐅᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 49:12

“ᐃᒫᒃ ᐊᑕᓂᖅ ᐅᖃᕐᐳᖅ, ᐃᒥᕐᒐᒃᓴᖁᑎᓐᓂᒃ ᐃᒥᕆᐊᖃᖏᑦᑑᒐᓗᐊᑦ ᐃᒥᕐᓂᐊᕐᐳᑦ, ᓱᒋᐊᕐᑕᐅᓚᐅᕐᓯᒪᖏᓪᓗᑎᑦ ᐃᓅᔪᒃᓴᐅᕖᑦ? ᓱᒋᐊᕐᑕᐅᖏᑦᑑᓂᐊᓐᖏᓚᑎᑦ, ᐃᒥᖃᑕᐅᔪᒃᓴᐅᕗᑎᓪᓕ ᐃᒥᕐᑕᐅᔪᒃᓴᒥᒃ.

ᔨᕆᒤᐊᐅᑉ ᐊᒡᓚᖏᑦ 51:7

ᐹᐱᓘᓂᒥᐅᑦ ᑏᑐᑎᑎᑐᑦ ᒎᓗᑎᑐᑦ ᑍᒤᓚᐅᕐᐳᑦ ᐊᑕᓂᐅᑉ ᐊᒡᒐᖏᓐᓂ ᓄᓇᕐᔪᐊᕐᒥᐅᓂᒡᓗ ᐋᖓᔮᓕᕐᑎᑦᓯᓚᐅᕐᐳᑦ, ᐃᓅᖃᑎᒌᒡᔪᐊᑦ ᐃᒥᕐᑎᓚᐅᕐᒪᑦᔪᒃ ᕔᓂᖁᑎᒥᖕᓂᑦ ᑐᑭᖃᕈᓐᓃᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 23:32

ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ: ᐊᖓᔪᕕᑦ ᐃᒥᐅᑎᖓᓂᑦ ᐃᒥᕈᒫᕐᐳᑎᑦ ᐃᓗᑐᓪᓗᓂ ᐊᖏᔫᖕᒪᑦ; ᐃᓄᖕᓄᑦ ᒥᑕᐅᑎᒋᔭᐅᓗᑎᑦ ᐃᔪᕿᑕᐅᑕᐅᔪᒫᕐᐳᑎᑦ, ᐃᒥᐅᑦ ᐃᒪᖅᑯᕐᑐᖕᒪᑦ;

ᐃᓯᑭᐊᓕᐅᑉ ᐊᒡᓚᖏᑦ 23:33

ᐃᒥᕈᕕᑦ ᐋᖓᔮᓕᕈᒫᕐᐳᑎᑦ ᕿᒃᓵᓕᕐᓗᑎᓪᓗ. ᐃᒥᐅᑦ ᐃᓗᓕᖃᕐᒪᑦ ᑲᑉᐱᐊᓇᕐᑐᒥᒃ ᐊᓯᕈᕐᑕᐅᓂᕐᒥᒡᓗ, ᐊᖓᔪᕕᑦ ᓴᒥᐊᕆᐊᑉ ᐃᒥᐅᑎᒋᖕᒪᒍ;

ᐃᓯᑭᐊᓕᐅᑉ ᐊᒡᓚᖏᑦ 29:12

ᐄᑦᔨᑉᑎᐅᑉ ᓄᓇᖓ ᓱᓇᖃᖏᓐᓂᕐᐹᓐᖑᕐᑎᑦᓱᒫᕐᐸᕋ ᓄᓇᓕᖕᓂᑦ ᓱᓇᖃᖏᑦᑐᓕᒫᓂᑦ; ᐊᕐᕌᒍᓂᒃ 40ᓂᒃ ᐃᒡᓗᒐᓴᒡᔪᐊᖏᑦ ᓱᓇᖃᖏᑦᑑᑎᑦᓱᒫᕐᐸᒃᑲ ᐃᒡᓗᒐᓴᒡᔪᐊᑦ ᓱᓇᖃᖏᑦᑐᑦ ᐊᑯᕐᖓᓐᓂ. ᐄᑦᔨᑉᑎᒥᐅᑦ ᐃᓅᖃᑎᒌᒡᔪᐊᓄᑦ ᓯᐊᒻᒪᕐᑎᑦᓱᒫᕐᐸᒃᑲ, ᕿᒫᔪᒫᕐᐳᑦ ᓄᓇᓕᖕᓄᑦ ᓇᒧᑐᐃᓐᓇᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:5

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓯᖕᓇᕕᒡᔪᐊᕐᓂᕐᒧᑦ ᓂᓐᖓᐅᒪᓪᓗᖓ ᐃᓅᖃᑎᒌᒡᔪᐊᑦ, ᐄᑐᒥᐅᓕᒫᓪᓗ ᓵᓐᖓᓕᕐᐸᒃᑲ, ᖁᕕᐊᓲᑎᒋᓪᓗᒋᑦ ᒥᑕᐅᑎᒋᓪᓗᒋᓪᓗ ᑎᒍᓯᓚᐅᕐᒪᑕ ᓄᓇᖁᑎᓐᓂᒃ, ᓄᓇᑖᕆᔪᒪᓪᓗᒍ ᐱᓇᓱᐊᕐᕕᒋᔪᒪᓪᓗᒍᓗ.

ᐅᐸᑍᐊᑉ ᐊᒡᓚᖏᑦ 1:16

ᐃᒥᓚᐅᕋᕕᑦ ᖃᖅᑲᖁᑎᓐᓂᑦ ᐃᑦᔪᕐᓁᑦᑐᒥᑦ, ᑍᒫᒃ ᐃᓅᖃᑎᒌᒡᔪᐊᓕᒫᑦ ᐊᕙᑎᑦᓯᓐᓃᑦᑐᑦ ᐃᒥᕈᒫᕆᕗᑦ; ᐃᓛᒃ ᐃᒥᕈᒫᕐᐳᑦ ᑐᐊᕕᕐᓗᑎᒃ ᐄᓗᒍᓗ, ᑍᒤᓚᐅᕐᓯᒪᖏᑦᑐᑎᑐᓪᓗ ᐃᓕᖓᔪᒫᕐᐳᑦ.”

ᕼᐊᐸᑲᐅᑉ ᐊᒡᓚᖏᑦ 2:16

ᐃᕝᕕᖔᕐᓕ ᑲᓐᖑᓱᒃᑎᑕᐅᓂᕐᒥᒃ ᐃᓗᔭᐅᓂᐊᕐᐳᑎᑦ ᐅᐱᒋᔭᐅᓂᕐᒥᒃ ᐱᖏᓪᓗᑎᑦ! ᐃᒥᕐᑎᑕᐅᖔᕐᓂᐊᕐᐳᑎᑦ ᐋᖓᔮᕐᑎᑕᐅᓗᑎᑦ, ᐊᑕᓂᐅᑉ ᓇᖕᒥᓂᖅ ᐃᒥᐅᑎᒥᓂᑦ ᐃᒥᕐᑎᓐᓂᐊᕐᒪᑎᑦ ᓱᒋᐊᕐᑕᐅᑦᔪᑎᖕᓂᒃ, ᐅᐱᒋᔭᐅᓂᕆᔧᓪᓗ ᒧᒥᖕᓂᐊᕐᐳᖅ ᑲᓐᖑᓱᒃᑎᑕᐅᓂᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:10

ᑖᓐᓇᑦᑕᐅᖅ ᐃᒥᕐᑐᒃᓴᐅᕗᖅ ᐅᐂᓂᒥᒃ ᒎᑎᐅᑉ ᓂᓐᖓᐅᓯᖓᓂᒃ ᐃᒪᓕᖕᒥᒃ, ᑯᕕᔭᐅᓯᒪᔪᒥᒃ ᓴᓐᖐᓕᒋᐊᕐᓯᒪᖏᑦᑐᒥᒃ ᒎᑎᐅᑉ ᓂᓐᖓᐅᓯᖓᑕ ᖃᓪᓗᑎᖓᓄᑦ, ᐋᓐᓂᐊᑎᑕᐅᔪᒫᕐᐳᖅ ᐃᑯᒪᒧᑦ ᐳᔪᕐᒧᓪᓗ ᐃᑯᐊᓪᓚᕆᒃᑐᒧᑦ ᖃᒃᑭᓐᓇᕐᑐᒧᑦ ᐂᖏᓖᑦ ᐃᑦᔪᕐᓁᑦᑐᑦ ᓄᕐᕋᐅᔭᐅᓪᓗ ᓵᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:19

ᐂᖏᓕᐅᓪᓗ ᓇᑲᑎᕆᑦᔪᑎᒥᓄᑦ ᓄᓇᕐᔪᐊᖅ ᑎᓔᕐᒪᒍ ᐸᐅᕐᒊᑦ ᐱᕈᕐᕕᖏᓐᓂᑦ ᑲᑎᕐᓱᕐᐰᑦ, ᐃᒋᓪᓗᒋᓪᓗ ᐸᐅᕐᖓᓄᑦ ᐃᑦᑏᔭᕐᑕᐅᕕᖕᒧᑦ ᐊᖏᔪᒧᑦ ᑕᕝᕗᖓ ᒎᑎᐅᑉ ᓂᓐᖓᐅᓯᕐᔪᐊᖓᓄᑦ;