ᔨᕆᒤᐊᐅᑉ ᐊᒡᓚᖏᑦ 25:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᑕᓂᐅᑉ ᐅᖃᕐᕕᒋᕚ ᔨᕆᒤᐊ ᔫᑕᒥᐅᓕᒫᑦ ᐱᑦᔪᑎᒋᓪᓗᒋᑦ, ᐊᕐᕌᒍᐃᑦ ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᕆᔭᐅᓂᖓᑕ ᔫᑕᒥ ᓯᑕᒪᒋᓕᕐᑕᖓᓂ, ᓂᐱᑯᓁᓴ ᐊᕐᕌᒍᓕᒫᒥᒃ ᐊᖓᔪᖅᑳᕐᔪᐊᕆᔭᐅᓕᕐᑎᓪᓗᒍ ᐹᐱᓘᓂᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 25:1 Iomraidhean Croise

ᑯᕉᓂᑲ ᐂᑉᐸᖏᑦ 36:4

ᐄᑦᔨᑉᑎᒥᐅᓪᓗ ᐊᖓᔪᖅᑳᕐᔪᐊᖓᑕ ᐃᓔᐊᑭᒻ ᔪᐅᕼᐊᔅ ᖃᑕᓐᖑᑖ ᐊᖓᔪᖅᑳᕐᔪᐊᓐᖑᕐᑎᑉᐹ ᔫᑕᒧᑦ ᔨᕉᓴᓕᒧᓪᓗ, ᐊᑎᖓᓗ ᐊᓯᑦᔨᕐᐹ ᔨᕼᐅᐃᐊᑭᒻᒥᒃ; ᓂᑰᓪᓗ ᔪᐊᕼᐊᔾ ᑖᑦᓱᒪ ᖃᑕᓐᖑᑎᖓ ᐊᐅᓪᓚᕈᑎᕚ ᐄᑦᔨᑉᑎᒧᑦ.

ᑯᕉᓂᑲ ᐂᑉᐸᖏᑦ 36:6

ᑕᕝᕙ ᓂᐱᑯᓁᓴ ᐹᐱᓘᓂᐅᑉ ᐊᖓᔪᖅᑳᕐᔪᐊᖓ ᑎᑭᑉᐳᖅ ᐅᓇᑕᕆᐊᕐᓗᓂ ᑖᑦᓱᒥᖓ, ᐊᑦᓱᖏᕐᓱᕐᐹᓗ ᐊᕐᓵᕐᑑᔭᓄᑦ ᐊᑦᓱᖏᐅᑎᓄᑦ ᐊᐅᓪᓚᕈᑎᓪᓗᒍᓗ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 1:3

ᐊᑕᓂᕐᓗ ᐅᖃᓚᐅᕆᕗᖅ ᔫᓮᐊᐅᑉ ᐃᕐᓂᖓ ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᓕᕐᑎᓪᓗᒍ, ᐊᒻᒪᓗ ᑭᖑᓂᖓᒍᑦ ᐊᑕᓂᖅ ᐅᖃᖃᑦᑕᓚᐅᕆᕗᖅ ᔨᑎᑬᐊ ᔫᓮᐊᐅᑉ ᐃᕐᓂᖓᑕ ᐊᖓᔪᖅᑲᐅᓂᖓᑕ 11ᖓᓐᓄᑦ ᑎᑭᓪᓗᒍ. ᑖᑦᓱᒪᓗ ᐊᕐᕌᒎᑉ ᑕᖅᑭᖏᑕ ᑕᓪᓕᒪᖓᓐᓂ ᔨᕉᓴᓕᒥᐅᑦ ᐃᓄᖏᑦ ᐊᐅᓪᓚᕈᑦᔭᐅᓂᖏᑕ ᓄᓇᒋᓐᖏᑕᒥᖕᓄᑦ ᑎᑭᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 32:1

ᐃᒫᒃ ᔨᕆᒤᐊ ᐊᑕᓂᕐᒧᑦ ᐅᖃᐅᑦᔭᐅᕗᖅ ᔨᑎᑬᐊᐅᑉ ᐊᖓᔪᖅᑳᕐᔪᐊᕆᔭᐅᓂᖓᑕ ᔫᑕᒥ ᐊᕐᕋᒍᐃᑦ ᖁᓕᖓᓐᓂ, ᓂᐱᑯᓁᓴᐅᑉ ᐊᖓᔪᖅᑳᕐᔪᐊᖑᓂᖏᑕ ᐊᕌᒍᐃᑦ 18ᖓᓐᓂ.

ᔨᕆᒤᐊᐅᑉ ᐊᒡᓚᖏᑦ 35:1

ᔨᕆᒤᐊ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᑎᓪᓗᒍ ᔫᓮᐊᐅᑉ ᐃᕐᓂᖓ ᔫᑕᒥᐅᑦ ᐊᖓᔪᖅᑳᕐᔪᐊᖓ:

ᔨᕆᒤᐊᐅᑉ ᐊᒡᓚᖏᑦ 36:1

ᔨᕼᐅᐃᐊᑭᒻ ᐊᖓᔪᖅᑳᕐᔪᐊᖑᓂᖓᑕ ᔫᑕᒥᐅᓄᑦ ᓯᑕᒪᒋᓕᕐᑕᖓᓐᓂ ᔫᓮᐊᐅᑉ ᐃᕐᓂᖓᑕ, ᔨᕆᒤᐊ ᐃᒫᒃ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ:

ᔨᕆᒤᐊᐅᑉ ᐊᒡᓚᖏᑦ 45:1

ᐃᒫᒃ ᔨᕆᒤᐊᐅᑉ ᒎᑎᐅᑉ ᐅᖃᕐᑎᖓᑕ ᐸᕉᒃ ᓂᕅᐊᐅᑉ ᐃᕐᓂᖓ ᐅᖃᐅᑎᓚᐅᕐᐹ, ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓯᒪᓕᕐᑎᓪᓗᒍ ᐊᕐᕌᒍᓂᒃ ᓯᑕᒪᓂᒃ, ᐸᕉᒃ ᑎᑎᕋᓚᐅᕐᓯᒪᓕᕐᑎᓪᓗᒍ ᔨᕆᒤᐊᐅᑉ ᐅᖃᕐᐸᓪᓕᐊᔭᖏᓐᓂᒃ ᐊᒡᓚᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 46:2

ᐄᑦᔨᑉᑎᒥᐅᑦ ᐱᓪᓗᒋᑦ ᐅᖃᕐᐳᖅ, ᐅᖃᐅᓯᒃᓴᖃᕐᐳᖓ ᓂᑯ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐱᓪᓗᒍ, ᓵᓚᒋᔭᐅᓚᐅᕐᑑᑉ ᑳᕐᓯᒥᔅᒥ ᑰᖕᒥ ᐃᕗᕅᑎᒥ ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕼᐅᐃᐊᑭᐅᑉ ᔫᓮᐊᐅᑉ ᐃᕐᓂᖓᑕ ᐊᐅᓚᑦᓯᓂᖏᑕ ᓯᑕᒪᒋᓕᕐᑕᖓᓂ:

ᔨᕆᒤᐊᐅᑉ ᐊᒡᓚᖏᑦ 7:1

ᔨᕆᒤᐊ ᐅᖃᐅᓯᒃᓴᕐᑖᕐᑎᑕᐅᓚᐅᕐᐳᖅ ᐊᑕᓂᕐᒥᑦ.

ᑖᓂᐊᓕᐅᑉ ᐊᒡᓚᖏᑦ 1:1

ᐊᖓᔪᖅᑳᕐᔪᐊᑉ ᔨᕼᐅᐃᐊᑭᒻ ᐊᕐᕌᒍᓂᒃ ᐱᖓᓱᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᔫᑕᒥ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐅᓇᑕᕆᐊᓚᐅᕐᐳᖅ ᔨᕉᓴᓕᒻᒧᑦ, ᐅᓇᑕᕐᑐᒃᓴᖁᑎᒥᓂᒡᓗ ᐊᕙᓗᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 1:2

ᐊᑕᓂᐅᓪᓗ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᔨᕼᐅᐃᐊᑭᒻ ᑐᓂᕚ ᑖᑦᓱᒧᖓ, ᒎᑎᐅᓪᓗ ᐃᒡᓗᖓᑕ ᐃᓗᓕᖏᑕ ᐃᓚᖏᓐᓂᒃ ᐊᑭᑐᔪᓂᒃ ᐱᖃᓯᐅᑦᔨᓪᓗᓂ: ᓂᐱᑯᓁᓴᐅᑉ ᐊᐅᓪᓚᕈᑎᕔᑦ ᓄᓇᒧᑦ ᓯᓇᕆᒧᑦ ᒎᑎᓐᖑᐊᒥ ᐃᒡᓗᖓᓄᑦ; ᐃᓕᕔᓪᓗ ᒎᑎᓐᖑᐊᖃᕐᕕᖕᒥ ᐊᑭᑐᔪᓂᒃ ᐱᖁᑎᒃᑯᕕᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 2:1

ᓂᐱᑯᓁᓴ ᐊᖓᔪᖅᑳᕐᔪᐊᖑᓂᕐᒥ ᐊᕐᕌᒍᖓᑕ ᐂᑉᐸᖓᓂ, ᓯᓐᓇᒃᑑᒪᓚᐅᕐᐳᖅ; ᐃᓱᒪᔮᓕᕐᓗᓂ ᓯᓂᔪᐃᑦᑑᓕᕐᓗᓂᓗ.