ᔨᕆᒤᐊᐅᑉ ᐊᒡᓚᖏᑦ 24:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐆᒻᒪᑎᑖᕐᑎᑦᓱᒫᕐᐸᒃᑲ ᐅᕙᓐᓂᒃ ᖃᐅᔨᖁᓪᓗᒋᑦ ᐊᑕᓂᐅᓂᓐᓂᒃ; ᐃᓄᖁᑎᒋᔪᒫᕐᐸᒃᑲ ᒎᑎᒋᔭᐅᓗᖓᓗ ᑖᒃᑯᓄᖓ, ᐅᕙᓐᓄᑦ ᐅᑎᕈᒫᕐᒪᑕ ᐃᓘᓐᓈᒍᑦ ᐆᒻᒪᑎᒥᒍᑦ ᑐᓂᓯᒪᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 24:7 Iomraidhean Croise

ᑯᕉᓂᑲ ᐂᑉᐸᖏᑦ 6:38

ᖃᕿᐊᓕᕐᐸᑕ ᐃᓕᖕᓄᑦ ᐆᒻᒪᑎᒥᖕᓄᑦ ᑕᒤᓐᓄᑦ ᑕᕐᓂᕐᒥᖕᓄᓪᓗ ᑕᒤᓐᓄᑦ ᓄᓇᒥ ᑎᒍᔭᐅᓯᒪᕕᖕᒥᖕᓂ, ᐊᐅᓪᓚᕈᑦᔭᐅᓯᒪᒋᔭᒥᖕᓂ, ᑐᒃᓯᐊᓕᕐᐸᑕ ᓄᓇᖏᑦᑕ ᓇᓛᓄᑦ, ᑐᓂᓚᐅᕐᑕᕐᓄᑦ ᓯᕗᓕᕆᓚᐅᕐᑕᖏᓐᓄᑦ, ᐃᒡᓗᒐᓴᖕᓄᑦ ᓂᕈᐊᕐᓯᒪᔭᕐᓄᑦ, ᐃᒡᓗᒧᓪᓗ ᓴᓇᓚᐅᕐᑕᓐᓄᑦ ᐊᑎᕐᓄᑦ,

ᐃᓐᖏᕈᑎᑦ 119:2

ᑐᓱᓐᓇᕐᐳᑦ ᑖᑦᓱᒪ ᐅᓐᓂᕐᑑᑎᒋᔭᖏᓐᓂᒃ ᒪᓕᒃᑐᑦ, ᑖᑦᓱᒥᖓ ᕿᓂᕐᑐᑦ ᐆᒻᒪᒻᒧᑦ ᐊᑕᖏᕐᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 51:16

ᐅᖃᐅᓯᒃᑲ ᐃᓕᕙᒃᑲ ᖃᓂᕐᓄᑦ; ᐃᔨᕐᓯᒪᓪᓗᓯᓗ ᐊᒡᒐᖕᒪ ᑕᕐᕋᖓᓄᑦ, ᕿᓚᖕᓂᒃ ᐃᓯᕕᑦᓯᖁᓪᓗᖓ, ᓄᓇᕐᔪᐊᕐᒥᒡᓗ ᐃᓂᒋᓂᐊᕐᑕᖓᓄᑦ ᐃᓕᓯᖁᓪᓗᖓ, ᓮᐅᓂᒧᓪᓗ ᐅᖃᕐᓗᖓ, ‘ᐃᓄᖁᑎᒋᕙᑦᓯ.’”

ᔨᕆᒤᐊᐅᑉ ᐊᒡᓚᖏᑦ 11:4

ᓯᕗᓕᓯᓐᓂᒃ ᐱᖁᔨᓚᐅᕋᒪ ᐊᐅᓪᓚᕐᑎᓪᓗᒋᑦ ᐄᑦᔨᑉᑎᒥᑦ, ᓴᕕᕋᔭᒃᓴᒥᒃ ᐊᐅᒃᑎᑦᓯᕕᒃᑎᑐᑦ ᑍᒤᑦᑐᒦᕝᕕᒋᔭᖓᓂᑦ, ᐅᖃᕐᓗᖓᓗ, ᓂᐱᒐ ᓈᓚᒃᑕᒃᓴᕆᕙᓯ, ᐱᖁᔨᑦᔪᑎᒋᔭᓕᒫᒃᑲᓗ ᒪᓕᒡᓗᒋᑦ. ᑕᕝᕙ ᐃᓄᖁᑎᒋᓂᐊᕐᐸᑦᓯ, ᐅᕙᖓᓗ ᒎᑎᒋᓂᐊᕐᐸᑦᓯᓐᖓ.

ᔨᕆᒤᐊᐅᑉ ᐊᒡᓚᖏᑦ 29:10

ᐃᒫᒡᓕ ᐊᑕᓂᖅ ᐅᖃᕐᐳᖅ, ‘ᐊᕐᕌᒍᐃᑦ 70 ᐹᐱᓘᓂᒦᓐᓂᓯ ᓈᒻᒪᒃᓯᒃᐸᑕ ᑕᕝᕙ ᐅᐸᒍᒫᕐᐸᑦᓯ ᐊᖏᕐᓂᕆᓚᐅᕐᑕᕋᓗ ᐃᓕᑦᓯᓐᓄᑦ ᐊᑑᑎᑎᑦᓱᒫᕐᐸᕋ ᐅᑎᕐᑎᓪᓗᓯᓗ ᑕᒪᐅᖓ.

ᔨᕆᒤᐊᐅᑉ ᐊᒡᓚᖏᑦ 3:10

ᑍᒤᓕᐅᕋᓗᐊᕋᒥᒃ ᐊᓯᓐᓂᐊᕐᑎᐅᖃᑎᖓᑕ ᔫᑕᐅᑉ ᐅᑎᕐᕕᒋᓚᐅᓐᖏᓛᖓ ᓱᓕᑦᓯᐊᕐᓗᓂ, ᑭᓯᐊᓂᓕ ᐅᑎᓐᖑᐊᑐᐃᓐᓇᓚᐅᕐᐳᖅ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 30:22

ᑖᒃᑯᐊ ᐃᓄᖁᑎᒋᔪᒫᕐᐸᒃᑲ, ᑖᒃᑯᓇᓐᖓᓪᓗ ᒎᑎᒋᔭᐅᓗᖓ. ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 7:23

ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᐃᓯᑭᐊᓕᐅᑉ ᐊᒡᓚᖏᑦ 11:17

“ᑍᒤᒻᒪᑦ ᐅᖃᕆᑦ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓄᖕᓂᑦ ᐊᐅᓪᓚᕈᑦᔭᐅᕕᒋᓯᒪᔭᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᑲᑎᓪᓗᓯ ᐊᑕᐅᓯᕐᒧᑦ ᓄᓇᓂᑦ ᓯᐊᒻᒪᕐᑎᑕᐅᕕᒋᓯᒪᔭᑦᓯᓐᓂᑦ, ᐃᓴᕆᐊᓕᐅᓪᓗ ᓄᓇᖓᓂᒃ ᑐᓂᓯᕕᒋᔪᒫᕐᐸᑦᓯ.’

ᐃᓯᑭᐊᓕᐅᑉ ᐊᒡᓚᖏᑦ 14:11

ᑍᒤᓕᐅᕆᖃᑦᑕᕐᓂᐊᕐᐳᖓ ᐃᓴᕆᐊᓕᐅᑉ ᑭᖑᕚᖏᓐᓄᑦ ᐅᕙᓐᓂᒃ ᕿᒤᖁᓇᒋᑦ, ᐊᔪᕐᑐᓕᓂᕐᒥᖕᓄᓪᓗ ᓇᕐᕈᓇᕐᓯᑎᑕᐅᖃᑦᑕᖁᓇᒋᑦ, ᐅᕙᓐᓄᑦ ᐃᓄᖁᑎᒋᔭᐅᖁᓪᓗᒋᑦ ᒎᑎᒋᔭᐅᓗᖓᓗ ᑖᒃᑯᓄᖓ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 16:62

ᐊᖏᖃᑎᒌᒍᑎᒋᓯᒪᔭᕋ ᐊᑐᓕᕐᑎᑦᓱᒫᕐᐸᕋ ᐃᓕᑦᓯᓐᓄᑦ, ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 37:23

ᒎᑎᓐᖑᐊᖃᕐᓂᕐᒧᑦ ᓇᕐᕈᓇᕐᓯᑎᖃᑦᑕᕈᓐᓁᕈᒫᕐᐳᑦ ᐃᑦᔪᕐᓇᕐᑐᓕᓂᕐᓄᓪᓗ ᖃᓄᐃᑦᑐᑐᐃᓐᓇᕐᓄᑦ, ᐱᐅᖏᑦᑐᓕᓂᕐᓄᓪᓗ ᐊᓯᖏᓐᓄᑦ; ᐱᐅᓕᔪᒫᕐᐸᒃᑲᓕ ᐊᔪᕐᑐᓕᓂᕐᒧᑦ ᑲᑕᒍᑎᒋᖃᑦᑕᓚᐅᕐᑕᖏᓐᓂᑦ, ᓴᓗᒻᒪᕈᒫᕐᐸᒃᑲ; ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ, ᒎᑎᒋᔪᒫᕐᐹᖓᓗ.

ᐃᓯᑭᐊᓕᐅᑉ ᐊᒡᓚᖏᑦ 37:27

ᑖᒃᑯᓇᓂ ᐃᓂᖃᕈᒫᕐᐳᖓ; ᑖᒃᑯᓄᖓᓗ ᒎᑎᒋᔭᐅᓗᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 39:22

ᐃᓴᕆᐊᓕᐅᑉ ᑭᖑᕚᖏᑦ ᖃᐅᔨᔪᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᓂ ᑭᖑᓂᖓᓂᓗ.

ᕼᐆᓯᐊᑉ ᐊᒡᓚᖏᑦ 2:22

“ᓄᓇᕐᔪᐊᕐᓗ ᑭᐅᔪᒫᕐᐳᖅ ᐱᕈᕐᑐᒃᓴᓄᑦ ᓂᐊᖂᔭᒃᓴᓄᑦ, ᕔᓂᒃᓴᓄᑦ, ᐱᕈᕐᑐᓄᓪᓗ ᐅᕐᓱᒃᓴᓄᑦ, ᑖᒃᑯᐊᓗ ᑭᐅᔪᒫᕐᐳᑦ ᔨᔭᕆᐅᓪᒧᑦ.

ᓴᑲᕅᐊᐅᑉ ᐊᒡᓚᖏᑦ 13:9

ᑖᒃᑯᐊ ᐱᖓᔪᖏᑦ ᐃᑯᒪᒃᑰᕐᑎᓱᒪᕙᒃᑲ, ᓯᐅᓪᕕᕆᑎᑐᓪᓗ ᐊᐅᒃᑎᓪᓗᒋᑦ ᓴᓗᒻᒪᕐᓴᕈᒪᕙᒃᑲ, ᐆᒃᑐᕐᓗᒋᓪᓗ ᒎᓗᐃᑦ ᐆᒃᑐᕐᑕᐅᑦᔪᓯᖏᑎᑐᑦ: ᐊᑎᓐᓄᓪᓗ ᓂᓪᓕᐊᔪᒫᕐᐳᑦ ᑭᐅᔪᒫᕐᐸᒃᑲᓗ, ᐅᖃᓕᕐᓗᖓᓗ, ‘ᐅᑯᐊ ᑕᕝᕙ ᐃᓄᖁᑎᒃᑲ,’ ᑖᒃᑯᐊᓗ ᐅᖃᓕᕐᓗᑎᒃ, ‘ᐊᑕᓂᖅ ᒎᑎᒋᕙᕗᑦ.’”

ᓴᑲᕅᐊᐅᑉ ᐊᒡᓚᖏᑦ 8:8

ᐅᑎᕐᑎᑦᓱᒫᕐᐸᒃᑲ ᔨᕉᓴᓕᒥ ᐃᓂᖃᓕᖁᓪᓗᒋᑦ ᓯᕿᓂᐅᑉ ᓄᐃᓕᕐᕕᐊᓂᑦ ᓂᐱᕕᐊᓄᑦ; ᐃᓄᖁᑎᒋᔪᒫᕐᐸᒃᑲ, ᐅᕙᖓᓗ ᓱᖁᓯᔪᐃᑑᓗᖓ ᐃᖅᑲᕐᑐᐃᑦᓯᐊᕐᓗᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᕉᒪᒥᐅᓄᑦ 6:17

ᒎᑎ ᖁᔭᒋᔭᐅᓕ, ᐊᔪᕐᓂᕐᒧᑦ ᑭᒡᒐᐅᓚᐅᕐᑐᓯ ᓈᓚᑦᓯᐊᓕᕐᓯᒪᒐᑦᓯ ᐊᔪᐃᓐᓇᕐᓗᓯ ᐊᔪᕆᕐᑐᐃᑦᔪᑕᐅᓚᐅᕐᑐᓂᒃ ᐃᓕᑦᓯᓐᓄᑦ.

ᐄᑉᕈᐃᓄᑦ 11:16

ᓄᓇᒥᒡᓕ ᐱᐅᓂᕐᓴᒥᒃ ᐅᐸᒍᒪᔭᖃᓚᐅᕋᒥᒃ, ᑕᕝᕙ ᕿᓚᖕᒦᑦᑐᒥᒃ. ᑍᒤᒻᒪᑦ ᒎᑎᐅᑉ ᑲᓐᖑᓲᑎᒋᓚᐅᓐᖏᓛ, ᐋᖅᑭᒃᓱᐃᓯᒪᒐᒥ ᐃᒡᓗᒐᓴᒡᔪᐊᒃᓴᖏᓐᓂᒃ.

ᐄᑉᕈᐃᓄᑦ 8:10

ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”