ᔨᕆᒤᐊᐅᑉ ᐊᒡᓚᖏᑦ 24:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᓇᑕᒐᐅᑎᑦᓱᒫᕐᐸᒃᑲ, ᑳᖕᓇᕐᑐᒦᑎᓪᓗᒋᓪᓗ, ᐋᓐᓂᐊᓇᕐᑐᖃᕐᑎᑉᐸᒡᓗᒋᓪᓗ, ᓄᖑᖏᓐᓂᓕᒫᖏᓐᓂ ᓄᓇᑖᕆᔭᐅᑎᓚᐅᕐᑕᓐᓂᒃ ᑖᒃᑯᓄᖓ ᓯᕗᓕᕕᓂᖏᓐᓄᓪᓗ.”

ᔨᕆᒤᐊᐅᑉ ᐊᒡᓚᖏᑦ 24:10 Iomraidhean Croise

ᐊᑕᓃᑦ ᓯᕗᓪᓖᑦ 14:15

ᐊᑕᓂᐅᑉ ᓱᒋᐊᕈᒫᕐᒪᒋᑦ ᐃᓴᕆᐊᓕᒥᐅᑦ, ᐃᕕᒃᑎᑐᑦ ᐃᒫᓂ ᐊᐅᓚᑎᑕᐅᔪᑎᑐᑦ, ᐃᓴᕆᐊᓕᒥᐅᑦ ᐊᒫᖏᑎᒍᑦ ᐊᒧᔪᒫᕐᐰᑦ ᓄᓇᒥᑦ ᐱᐅᔪᒥᑦ ᑐᓂᓚᐅᕐᑕᒥᓂᑦ ᓯᕗᓕᖏᓐᓄᑦ, ᓯᐊᒻᒪᕐᑎᑦᓱᒫᕐᐰᓪᓗ ᑰᑉ ᐃᕗᕅᑎᐅᑉ ᐅᖓᑖᓄᑦ, ᐃᓄᓐᖑᐊᓕᐅᕐᓗᑎᒃ ᒎᑎᓐᖑᐊᓕᐅᓚᐅᕐᒪᑕ ᐊᓯᕆᒻᒥᒃ, ᑕᒪᑐᒧᖓ ᐊᑕᓂᕐᒥᒃ ᓂᓐᖓᒃᓮᓚᐅᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 51:19

ᑖᒃᑯᐊ ᒪᕐᕈᐃᑦ ᐃᓕᖕᓄᑦ ᑎᑭᐅᑎᓯᒪᕘᒃ; ᑭᐊᓕ ᕿᒃᓵᖃᑎᒋᓂᐊᕐᐹᑎᑦ? ᓄᖑᕈᑦᔭᐅᓯᒪᒐᕕᑦ ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᓪᓗᑎᒃ, ᑳᖕᓇᕐᑐᕐᔪᐊᖃᓕᕐᐳᑦ, ᐅᓇᑕᕐᓃᓪᓗ; ᑭᓇᒧᓕ ᓮᒻᒪᕐᓴᕐᑕᐅᓂᐊᓕᕐᐲ?

ᔨᕆᒤᐊᐅᑉ ᐊᒡᓚᖏᑦ 14:12

ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᔨᕆᒤᐊᐅᑉ ᐊᒡᓚᖏᑦ 15:2

ᐊᐱᕆᔭᐅᒍᕕᑦ, ‘ᓇᒧᓐᖓᕐᓂᐊᕋᑦᑕᓖ?’ ᐅᖃᐅᑎᓂᐊᕐᐸᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ: “ᑍᒃᑯᐊ ᐋᓐᓂᐊᔪᑦ ᑐᖁᓂᐊᕐᐳᑦ, ᐅᓇᑕᕐᑐᓂᓗ ᑐᖁᔪᒃᓴᒃᓮᑦ ᑐᖁᓂᐊᕐᐳᑦ; ᐱᕐᓕᕐᓗᑎᒡᓗ ᑐᖁᔪᒃᓮᑦ ᐱᕐᓕᕐᓗᑎᒃ ᑐᖁᓂᐊᕐᐳᑦ, ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒃᓮᑦ ᐊᐅᓪᓚᕈᑦᔭᐅᓂᐊᕐᐳᑦ.”’

ᔨᕆᒤᐊᐅᑉ ᐊᒡᓚᖏᑦ 16:4

ᑐᖁᕋᕈᒫᕐᐳᑦ ᖃᓂᒪᓇᕐᑐᓄᑦ, ᕿᒃᓵᒍᑕᐅᔪᒫᓐᖏᓚᑦ ᐃᓗᕕᕐᑕᐅᖏᓪᓗᑎᒡᓘᓐᓃᑦ; ᓄᓇᒥᓕ ᐊᓇᕐᑎᑐᑦ ᑕᒫᓃᕐᕆᑐᐃᓐᓇᕈᒫᕐᐳᑦ ᑎᒥᕕᓂᖏᑦ. ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒧᓪᓗ, ᑎᒥᕕᓃᓪᓗ ᓂᖃᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 19:7

ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓯᕗᓂᒃᓴᓕᐊᕆᓯᒪᔭᒃᑲ ᐊᑐᕈᓐᓃᕐᑎᓐᓂᐊᕐᐸᒃᑲ, ᑐᖁᕋᕐᑕᐅᑎᓪᓗᒋᓪᓗ ᐅᓇᑕᕐᑐᓂ ᐊᑭᕋᖏᓐᓄᑦ, ᑖᒃᑯᓂᖓ ᑐᖁᕅᔪᒪᔪᓂᒃ, ᑎᒥᕕᓂᖏᓪᓗ ᓂᕆᔭᒃᓴᐅᖁᓪᓗᒋᑦ ᑎᖕᒥᐊᓄᑦ ᐆᒪᔪᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 21:9

ᐃᒡᓗᒐᓴᒡᔪᐊᓃᑦᑐᑦ ᑐᖁᓂᐊᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒃᑯᑦ ᐋᓐᓂᐊᓇᕐᑐᒃᑯᓪᓗ; ᓇᓪᓕᐊᓪᓕ ᑲᐅᓪᑎᐊᒥᐅᓄᑦ ᑐᓂᑦᔪᑎᒋᔭᕐᑐᕈᓂ ᐃᓗᒪᓗᓂᓯ ᐊᔪᓕᕐᑎᑦᓯᓯᒪᔪᓄᑦ, ᐃᓅᔪᓐᓇᕐᓂᐊᕐᐳᖅ, ᑐᓂᑦᔪᑎᒋᓂᓂ ᐊᓐᓇᒍᑎᒋᓂᐊᕐᒪᒍ ᐅᓇᑕᕐᓂᕐᒥᑦ.

ᔨᕆᒤᐊᐅᑉ ᐊᒡᓚᖏᑦ 27:8

“ᐃᓅᖃᑎᒌᒡᔪᐊᖑᔪᓪᓕ ᐊᐅᓚᑕᐅᓕᕈᒪᓂᐊᖏᑉᐸᑕ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᒃᑯᐊ ᓱᒋᐊᕐᑕᐅᑎᑦᓱᒫᕐᐸᒃᑲ ᐅᓇᑕᕐᓂᕐᒧᑦ, ᑳᖕᓇᕐᑐᕐᔪᐊᒧᑦ ᐋᓐᓂᐊᓇᕐᑐᓄᓪᓗ ᐊᓯᕈᕐᑕᐅᖏᓐᓂᓕᒫᖏᓐᓂ ᓂᐱᑯᓁᓴᐅᑉ ᐱᔪᓐᓇᕐᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 29:17

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑕᑯᒋᑦ, ᐅᓇᑕᕐᕕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᒦᑎᓪᓗᒋᓪᓗ, ᐋᓐᓂᐊᓇᕐᑐᖃᕐᑎᑦᓯᕕᒋᓗᒋᓪᓗ ᐱᒋᓕᒃᓴᑎᑐᑦ ᓂᕆᔭᒃᓴᐅᔪᓐᓃᕐᑐᑎᑐᑦ ᑍᒤᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 29:18

ᐅᓇᑕᕐᑕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᖃᕐᑎᑦᓯᓗᖓᓗ ᐋᓐᓂᐊᓇᕐᑐᖃᕐᑎᑦᓯᓂᐊᕐᐳᖓ ᐃᓅᖃᑎᒌᒡᔪᐊᓄᓪᓗ ᑲᑉᐱᐊᓲᑕᐅᓂᐊᕐᐳᑦ ᑕᒪᒃᑯᐊ ᑕᑯᔭᐅᓕᕈᑎᒃ ᑍᒃᑯᓄᖓ ᑎᑭᑎᒃᑯᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 32:24

“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 32:25

ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᕋᓗᐊᕐᑎᓪᓗᒋᑦ, ᐃᒡᕕᓪᓕ ᐊᑕᓃᖅ ᒎᑎᐅᔪᑎᑦ, ᐅᕙᓐᓄᑦ ᐅᖃᕐᐳᑎᑦ, ᐱᕈᕐᓰᕕᒃ ᓂᐅᕕᐊᕆᒍᒃ ᓂᐅᕕᕈᑏᓪᓗ ᐊᑎᓕᐅᕐᑕᐅᑎᓕᒃᑭᑦ ᑕᑯᓐᓇᕐᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 34:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᓈᓚᓚᐅᓐᖏᓚᓯ ᐄᑉᕉᒥᐅᑕᐅᖃᑎᑦᓯᓐᓂᒃ ᐃᓱᒪᕐᓱᓕᕐᑎᑦᓯᔪᒪᖏᓐᓇᑦᓯ, ᒫᓐᓇ ᐅᖃᐅᑎᓕᕐᐸᑦᓯ ᐃᓱᒪᕐᓱᕐᑎᓐᓂᐊᓕᕐᐸᑦᓯ ᐊᑕᓂᖅ ᐅᖃᕐᐳᖅ, ᐅᓇᑕᕐᑐᓂ ᑐᖁᑕᐅᖁᓪᓗᓯ ᐋᓐᓂᐊᓇᕐᑐᓄᓪᓗ, ᑳᖕᓇᕐᑐᕐᔪᐊᒧᓪᓗ, ᐃᓅᖃᑎᒌᒡᔪᐊᓄᓪᓗ ᑕᑯᑦᔪᑎᒃᓴᓐᖑᕐᓂᐊᕐᐳᓯ ᓯᕘᕋᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 42:17

ᐃᓄᓕᒫᑦ ᐄᑦᔨᑉᑎᒥᐅᑕᐅᔪᒪᔪᑦ ᑐᖁᕋᕈᒫᕐᐳᑦ ᐅᓇᑕᕐᓂᒃᑯᑦ, ᐱᕐᓕᕋᕐᓗᑎᒃ, ᐋᓐᓂᐊᓇᕐᑐᓄᓪᓘᓐᓃᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒍᓐᓇᕐᑐᖃᕈᒫᓐᖏᓚᖅ ᑲᑉᐱᐊᓇᕐᑐᓄᑦ ᑎᑭᑎᒐᔭᕐᑕᓐᓄᑦ.’

ᔨᕆᒤᐊᐅᑉ ᐊᒡᓚᖏᑦ 42:22

ᑍᒤᒻᒪᑦ ᖃᐅᔨᓕᕆᑦᓯ ᓄᓇᒋᔪᒪᔭᑦᓯᓐᓂᒃ ᓄᓇᑖᕋᓗᐊᕈᑦᓯ ᑐᖁᔪᒫᕐᐳᓯ, ᐅᓇᑕᕐᓂᒃᑯᑦ, ᑳᖕᓇᕐᑐᕐᔪᐊᒃᑯᑦ, ᐋᓐᓂᐊᓇᕐᑐᒃᑯᓪᓗ.”

ᔨᕆᒤᐊᐅᑉ ᐊᒡᓚᖏᑦ 5:12

ᐊᑕᓂᖅ ᓴᒡᓗᑎᒋᓪᓗᒍ ᐅᖃᓚᐅᕐᒪᑕ ᐅᖃᕐᓗᑎᒃ, “ᖃᓄᐃᓕᐅᑦᔮᖏᓐᓚᖅ ᐅᕙᑦᑎᓐᓂᒃ, ᐊᓯᕈᕐᓇᕐᑐᒧᑦ ᑎᑭᑕᐅᑦᔮᓐᖏᓚᒍᑦ, ᐅᓇᑕᕐᑐᓂᒃ ᑳᖕᓇᕐᑐᒥᒡᓘᓐᓃᑦ ᑕᑯᓚᐅᕐᓯᒪᑦᔮᓐᖏᓚᒍᑦ.”

ᔨᕆᒤᐊᐅᑉ ᐊᒡᓚᖏᑦ 9:15

ᑍᒤᒻᒪᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑕᑯᒋᑦ, ᐃᓄᐃᑦ ᑖᒃᑯᐊ ᓂᕆᑎᓐᓂᐊᕐᐸᒃᑲ ᒪᒤᑦᑐᓂᒃ, ᑐᖁᓐᓇᕐᑐᒥᒡᓗ ᐃᒥᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 9:16

ᓇᒧᑐᐃᓐᓇᖅ ᐃᓅᖃᑎᒌᒡᔪᐊᓄᑦ ᑲᑎᒪᖏᓪᓗᑎᒃ ᓄᓇᑖᕐᑐᕐᑎᑦᓱᒫᕐᐸᒃᑲ ᐃᓅᖃᑎᑖᕐᑎᓪᓗᒋᓪᓗ ᐃᓅᖃᑎᒋᓚᐅᓐᖏᑕᒥᖕᓂᒃ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓄᑦ, ᑐᖁᑕᐅᓐᓇᕐᑐᒧᐊᕐᑎᓐᓂᐊᕐᐸᒃᑲ ᓄᖑᖅᑳᖏᓐᓂᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 33:27

ᒪᑯᓂᖓ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓅᒐᒪ, ᖁᓚᕐᓇᓐᖏᓚᖅ ᐅᑯᐊ ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ; ᓄᓇᑐᐃᓐᓇᒥᓗ ᓄᓇᖃᕐᑐᑦ ᐆᒪᔪᓄᑦ ᐃᕐᓯᓇᕐᑐᓄᑦ ᓂᕆᔭᐅᑎᑦᓱᒫᕐᐸᒃᑲ; ᓴᐴᓗᑕᓕᖕᓃᑦᑐᓪᓗ ᕾᕈᓱᖕᓂᓗ ᖃᓂᒪᓇᕐᑐᓄᑦ ᑐᖁᕋᕈᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 6:11

ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ, “ᐸᑦᑕᒋᑦᓯ, ᐃᑎᒐᓯᓗ ᑐᒃᑲᕐᓗᒋᑦ, ᐅᖃᕐᓗᓯᓗ, ᐊᓱᐃᓛᒃ! ᐱᐅᖏᑦᑐᓄᑦ ᒎᑎᒧᓪᓗ ᓇᕐᕈᓇᕐᑐᓄᑦ ᐃᓴᕆᐊᓕᐅᑉ ᑭᖑᕚᖏᓐᓃᑦᑐᓄᑦ; ᑍᒤᓕᐅᕐᑐᑦ ᓴᕕᒡᔪᐊᕐᒧᑦ ᑐᖁᔪᒃᓴᐅᖕᒪᑕ, ᑳᖕᓇᕐᑐᕐᔪᐊᒧᓪᓗ, ᐋᓐᓂᐊᓇᕐᑐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 7:15

“ᓴᕕᒡᔪᐊᓕᔭᕐᑐᑦ ᓯᓚᑖᓃᑉᐳᑦ, ᖃᓂᒪᓇᕐᑐᖅ ᑳᖕᓇᕐᑐᕐᓗ ᐃᓗᐊᓃᑎᓪᓗᒋᑦ; ᐱᕈᕐᓰᕕᖕᒦᑦᑐᑦ ᓴᕕᒡᔪᐊᓄᑦ ᑐᖁᑕᐅᕗᑦ; ᐃᒡᓗᒐᓴᒡᔪᐊᓃᑦᑐᓪᓗ ᑐᑯᕋᕐᐳᑦ ᐱᕐᓕᕋᕐᓂᕐᒧᑦ ᐋᓐᓂᐊᓇᕐᑐᓄᓪᓗ.

ᒨᓯᓯ ᑕᓪᓕᒪᖏᑦ 28:21

ᖃᓂᒪᓇᕐᑐᓄᑦ ᐊᑦᔨᒌᖏᑦᑐᓄᑦ ᑎᑭᑕᐅᖃᑦᑕᕈᒫᕐᐳᓯ ᐊᑕᖏᕐᓗᓯ ᓄᖑᓚᐅᖏᓐᓂᓕᒫᑦᓯᓐᓂ ᑕᒫᓂ ᓄᓇᑖᕆᔪᒫᓕᕐᑕᑦᓯᓐᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:8

ᑕᑯᕗᖓᓗ, ᑕᑯᒋᑦ, ᕿᒻᒥᕐᔪᐊᒥᒃ ᑐᖁᖓᔪᑎᑐᑦ ᖃᑯᐊᖓᔪᒥᒃ, ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᑐᖁᒥᒃ, ᑐᖁᖓᔪᓪᓗ ᐃᓂᖏᑕ ᑭᖑᓂᑦᓯᐊᖓᓂ ᒫᓕᒃᐹ; ᑖᒃᑯᐊᓗ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒥᐅᑦ ᐃᓄᖏᑕ ᐊᕝᕙᖏᑕ ᓇᑉᐸᖏᓐᓂᒃ ᑐᖁᑎᑦᓯᖁᓪᓗᒋᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᓄᑦ ᐋᓐᓂᐊᓇᕐᑐᓄᑦ ᐆᒪᔪᓄᓪᓗ ᐃᕐᓯᓇᕐᑐᑎᒍᑦ.