ᔨᕆᒤᐊᐅᑉ ᐊᒡᓚᖏᑦ 24:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᖓᔪᖅᑳᕐᔪᐊᖅ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᓄᑦ ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᖏᓪᓗ ᕿᔪᓕᕆᔨᖏᑦ ᓴᕕᕋᔭᓕᕆᔩᓪᓗ ᐊᐅᓪᓚᕈᑦᔭᐅᓯᒪᔪᐃᓐᓇᐅᓕᕐᑎᓪᓗᒋᑦ ᔨᕉᓴᓕᒥᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᐊᑕᓂᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐃᕕᐅᔮᒃ ᒪᕐᕉᒃ ᐱᒋᓕᖕᓂᒃ ᐃᓗᓕᓖᒃ ᑐᒃᓯᐊᕐᕕᒡᔪᐊᑉ ᓯᕗᕌᓃᑦᑑᒃ.

ᔨᕆᒤᐊᐅᑉ ᐊᒡᓚᖏᑦ 24:1 Iomraidhean Croise

ᐊᑕᓃᑦ ᐂᑉᐸᖏᑦ 24:10

ᔨᕼᐅᐃᐊᑭᓐ ᐊᖓᔪᖅᑳᕐᔪᐊᖑᑎᓪᓗᒍ ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓂᐱᑯᓁᓴᐅᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖏᓐᓄᑦ ᐊᐅᓚᑕᐅᓪᓗᑎᒃ ᐅᓇᑕᕆᐊᕐᐳᑦ ᔨᕉᓴᓕᒥᒃ, ᓱᕖᕈᑦᔨᓯᒪᓪᓗᑎᒃ ᐃᓗᒪᒃᓯᓕᓚᐅᕐᐳᑦ.

ᑯᕉᓂᑲ ᐂᑉᐸᖏᑦ 36:10

ᐊᕐᕌᒎᑉ ᐱᒋᐊᕐᓂᖓᓂ ᐊᖓᔪᖅᑳᕐᔪᐊᖅ ᓂᐱᑯᓁᓴ ᑎᓕᓯᓪᓗᓂ ᑎᒍᔭᐅᑎᑉᐹ ᐹᐱᓘᓂᒧᐊᕈᑦᔭᐅᑎᓪᓗᒍᓗ, ᐱᒃᑯᒥᓇᕐᑐᑦ ᐱᖁᑏᑦ ᐊᑕᓂᐅᑉ ᐃᒡᓗᖓᓂᑦ ᓇᒃᓴᕐᑕᐅᑎᓪᓗᒋᑦ, ᔨᑎᑬᐊᓗ, ᔨᕼᐅᐃᐊᑭᐅᑉ ᖃᑕᓐᖑᑎᖓ ᐊᖓᔪᖅᑳᕐᔪᐊᓐᖑᕐᑎᑉᐹ ᔫᑕᒧᑦ ᔨᕉᓴᓕᒧᓪᓗ.

ᐂᓮᐊᓯᐅᑉ ᐊᒡᓚᖏᑦ 13:1

ᐅᑯᐊ ᐅᖃᐅᓰᑦ ᐹᐱᓘᓂᒧᑦ ᑐᕌᖓᔪᑦ, ᐂᓮᐊᓯᐅᑉ ᐂᒨᓯᐅᑉ ᐃᕐᓂᖓᑕ ᑕᑯᓚᐅᕐᑕᖏᑦ.

ᔨᕆᒤᐊᐅᑉ ᐊᒡᓚᖏᑦ 13:19

ᐃᒡᓗᒐᓴᒡᔪᐊᑦ ᓂᒋᑉᒦᑦᑐᑦ ᓇᒧᓐᖓᕐᕕᒃᓴᖃᕈᓐᓃᕐᒪᑕ, ᒪᑐᐃᕐᑕᐅᔪᓐᓇᕈᓐᓃᕐᓗᑎᒡᓗ; ᔫᑕᒥᐅᓕᒫᑦ ᐊᐅᓪᓚᕈᑦᔭᐅᕗᑦ ᐅᖓᓯᒃᑐᒧᑦ ᓄᓇᒋᓐᖏᑕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 27:20

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕈᑎᓚᐅᓐᖏᑕᖏᑦ ᐊᐅᓪᓚᕈᑦᔨᓕᕐᓗᓂ ᔨᕼᐅᐃᐊᑭᒥᒃ ᔨᕉᓴᓕᒥᑦ ᐱᔭᐅᑎᓪᓗᒋᑦ, ᐅᑯᐊ ᔨᕼᐅᐃᐊᑭᐅᑉ ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᐃᕐᓂᖓ ᔨᑯᓁᐊ ᐊᖓᔪᖅᑳᖁᑎᓕᒫᖏᓪᓗ ᐃᓚᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 28:4

ᐅᑎᕐᑎᓐᓂᐊᕆᕙᕋᓗ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ, ᐊᐅᓪᓚᕈᑦᔭᐅᓯᒪᖃᑕᐅᔪᓕᒫᓪᓗ ᐹᐱᓘᓂᒧᑦ ᐅᑎᕐᑎᒻᒥᓗᒋᑦ ᔫᑕᒧᑦ, ᐊᑕᓂᖅ ᐅᖃᕐᐳᖅ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦᑕ ᐊᓄᓯᒪᐅᑎᖓ ᕿᔪᒃ ᓯᖁᒥᓐᓂᐊᕋᒃᑯ.”

ᔨᕆᒤᐊᐅᑉ ᐊᒡᓚᖏᑦ 29:1

ᐅᑯᐊ ᑕᕝᕙ ᔨᕆᒤᐊᐅᑉ ᒎᑎᐅᑉ ᐅᖃᕐᑎᖓᑕ ᑎᑎᕋᖏᑦ ᔨᕉᓴᓕᒥᑦ ᐊᐅᓪᓚᕐᑎᑕᐅᓯᒪᔪᑦ ᐊᖓᔪᖅᑳᖏᑕ ᐊᒥᐊᒃᑯᖏᓐᓄᑦ, ᑐᓂᕐᕈᓯᕐᑎᑦᓯᔨᓄᓪᓗ, ᒎᑎᒧᓪᓗ ᐅᖃᕐᑎᒋᔭᐅᔪᓄᑦ, ᐃᓄᖕᓄᓪᓗ ᓂᐱᑯᓁᓴᒧᑦ ᐊᐅᓪᓚᕈᑦᔭᐅᓯᒪᔪᓄᑦ ᔨᕉᓴᓕᒥᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 29:2

ᑖᒃᑯᐊ ᑎᑎᕋᓚᐅᕐᐰᑦ ᐊᖓᔪᖅᑳᕐᔪᐊᖅ ᔨᑯᓁᐊ ᓄᓕᐊᖓᑕᓗ ᐊᓈᓇᖓ ᐊᖓᔪᖅᑳᖁᑎᖏᓪᓗ ᔫᑕᒥ ᔨᕉᓴᓕᒥᓗ ᓯᕗᓕᕐᑎᐅᔪᑦ, ᕿᔪᓕᕆᔩᑦ, ᓴᕕᕋᔭᓕᕆᔩᓪᓗ ᔨᕉᓴᓕᒥᑦ ᐊᐅᓪᓚᕈᑦᔭᐅᓯᒪᓕᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 37:1

ᔨᑎᑬᐊ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᑎᑕᐅᓚᐅᕐᐳᖅ ᔫᑕᒥᐅᓄᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᐅᓪᓚᕐᑎᑕᐅᓚᐅᕐᐳᕐᓗ ᐃᓇᖐᓪᓗᓂ ᑯᓂᐊ ᔨᕼᐅᐃᐊᑭᐅᑉ ᐃᕐᓂᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 17:4

ᐱᕈᓕᕋᑖᕐᑐᒥᒃ ᓇᑲᑦᓯᕗᖅ ᐊᐅᓪᓚᕈᑎᓪᓗᒍᓗ ᓄᓇᒧᑦ ᑕᐅᕐᓰᕕᐅᕙᒃᑐᒧᑦ, ᐃᒡᓗᒐᓴᒡᔪᐊᓄᓪᓗ ᓂᐅᕕᕐᑎᓕᖕᓄᐊᕈᑎᕚ.

ᐃᓯᑭᐊᓕᐅᑉ ᐊᒡᓚᖏᑦ 19:9

ᐆᒪᔪᓂᒡᓗ ᑎᒍᓯᑦᔪᑎᒥᖕᓄᑦ ᐊᕙᓗᓕᖕᒧᑦ ᐴᕐᓗᒍ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐂᑦᑑᑎᒋᕙᑦ; ᑎᒍᔭᐅᓯᒪᕕᖕᒧᐊᓚᐅᕐᐹᑦ ᖃᓕᖑᐊᕐᓂᖓ ᑐᓴᕐᑕᐅᒃᑲᓐᓂᖁᓇᒍ ᐃᓴᕆᐊᓕᐅᑉ ᖃᖅᑲᖏᓐᓂ.

ᐂᒨᓯᐅᑉ ᐊᒡᓚᖏᑦ 3:7

“ᓱᓕᓪᓚᕆᒃᐳᖅ ᐊᑕᓂᖅ ᐱᓂᐊᓲᖑᖏᒻᒪᑦ ᓇᓗᓇᕐᑐᒥᒃ, ᓇᓗᓁᕐᓯᓚᐅᖅᑳᕋᓂ ᐱᔨᓄᑦ ᐅᖃᕐᑎᖁᑎᒥᓄᑦ?

ᐂᒨᓯᐅᑉ ᐊᒡᓚᖏᑦ 7:1

ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ; ᑕᑯᒋᑦ, ᐱᒡᓕᕐᑕᐅᔮᕐᑐᓂᒃ ᓴᖅᑭᑎᑦᓯᓚᐅᕐᐳᖅ ᐅᓄᕐᑐᕐᔪᐊᓂᒃ ᑲᑎᕐᓱᐃᕕᒃ ᓇᓪᓕᐅᑎᕋᑖᕐᑎᓪᓗᒍ ᐱᕈᕐᑐᑦ ᑭᖑᓪᓕᕐᐹᑦ ᐱᕈᕐᐸᓪᓕᐊᓕᕐᑎᓪᓗᒋᑦ, ᐊᖓᔪᖅᑳᕐᔪᐊᖅ ᑲᑎᕐᓱᐃᕋᑖᕐᑎᓪᓗᒍ ᐃᕕᖕᓂᒃ ᐆᒪᔪᐃᑦ ᓂᕿᒃᓴᖏᓐᓂᒃ.

ᐂᒨᓯᐅᑉ ᐊᒡᓚᖏᑦ 7:4

ᐃᒫᒃ ᐊᑕᓂᐅᑉ ᒎᑎᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᒎᑎ ᐱᖁᔨᓚᐅᕐᐳᖅ ᐃᖅᑲᕐᑐᐃᓂᕐᒥᒃ ᐃᑯᒪᒧᑦ, ᑕᕆᐅᖅ ᐃᑎᔪᕐᔪᐊᖅ ᐃᑯᐊᓪᓚᓚᐅᕐᐹ ᓄᓇᓗ ᐃᑯᐊᓪᓚᖃᓯᐅᑎᓕᕐᓗᓂ.

ᐂᒨᓯᐅᑉ ᐊᒡᓚᖏᑦ 7:7

ᐃᒫᒃ ᑕᑯᑎᓚᐅᕐᐹᖓ: ᑕᑯᒋᑦ, ᐊᑕᓂᖅ ᓇᖏᓚᐅᕐᐳᖅ ᐊᕙᓗᕐᔪᐊᑉ ᓴᓂᐊᓂ ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒧᑦ ᓴᓇᔭᐅᓯᒪᔪᒥ, ᑎᒍᒥᐊᕐᓗᓂᓗ ᓇᐸᑦᓯᐊᕐᒪᖔᑦ ᖃᐅᔨᓴᐅᑎᒥᒃ.

ᓴᑲᕅᐊᐅᑉ ᐊᒡᓚᖏᑦ 1:20

ᐊᒻᒪ ᓱᓕ ᐊᑕᓂᐅᑉ ᑕᑯᑎᒃᑭᕚᖓ ᓯᑕᒪᓂᒃ ᐃᒡᓗᓕᐅᕐᑎᓂᒃ.

ᓴᑲᕅᐊᐅᑉ ᐊᒡᓚᖏᑦ 3:1

ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᐊᑕᓂᐅᑉ ᑕᑯᑎᒃᑭᕚᖓ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓂᒃ ᔮᓱᐊᒥᒃ ᓇᖏᕐᑐᒥᒃ ᐊᑕᓂᐅᑉ ᐂᖏᓕᖓᑕ ᓵᖓᓂ. ᔮᓱᐊᓪᓗ ᑕᓕᕐᐱᐊᓂ ᓵᑖᓇᓯ ᓇᖏᕆᕗᖅ, ᑖᑦᓱᒥᖓ ᐸᓯᒃᓯᕈᒪᓪᓗᓂ