ᔨᕆᒤᐊᐅᑉ ᐊᒡᓚᖏᑦ 23:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᓪᓗᒋᑦ: ᐆᒻᒪᑎᒐ ᐃᓗᓐᓂ ᓯᖁᒥᓯᒪᕗᖅ, ᓴᐅᓂᒃᑲᓗ ᓴᔪᒡᐳᑦ; ᐋᖓᔮᕐᑐᑎᑐᑦ ᑍᒤᓕᕐᐳᖓ, ᕔᓂᒥᒃ ᐃᒥᓗᐊᕐᑐᕕᓂᕐᑎᑐᑦ, ᐊᑕᓂᖅ ᐱᑦᔪᑎᒋᓪᓗᒍ ᐅᖃᐅᓯᖏᓪᓗ ᐃᑦᔪᕐᓁᑦᑐᑦ ᐱᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 23:9 Iomraidhean Croise

ᐃᓐᖏᕈᑎᑦ 60:3

ᐃᓄᖁᑎᑎᑦ ᐅᖁᒤᑦᑐᐊᓗᖕᓂᒃ ᑎᑭᑕᐅᑎᒃᑲᕕᒋᑦ, ᐃᒥᕐᑎᓚᐅᕋᑦᑎᒍᑦ ᕔᓂᒥᒃ ᓇᓗᓕᕐᓇᕐᑐᒥᒃ.

ᐃᓐᖏᕈᑎᑦ 69:20

ᒥᑕᐅᑕᐅᓂᐅᑉ ᐆᒻᒪᑎᒐ ᓯᖁᒥᓯᒪᖕᒪᒍ, ᐅᖁᒤᑦᑐᐊᓗᖕᒦᓕᕐᐳᖓ. ᓇᒡᓕᒋᔨᒃᓴᓐᓂᒃ ᕿᓂᕋᓗᐊᕋᒪ, ᐱᑕᖃᓚᐅᓐᖏᓚᖅ; ᒪᓂᒍᕐᑎᒃᓴᓐᓂᒡᓗ, ᓇᓂᓯᓚᐅᖏᓐᓂᕗᖓ.

ᐂᓮᐊᓯᐅᑉ ᐊᒡᓚᖏᑦ 28:1

ᑲᑉᐱᐊᓐᓇᒦᒃ ᐃᕗᕅᑎᒥᐅᑦ ᐋᖓᔮᕐᑐᑦ, ᐊᖓᔪᖅᑳᕐᔪᐊᕐᓯᐅᑦ ᓂᐊᖂᑎᖓ ᐅᐱᓐᓇᓚᐅᕐᑐᖅ ᑕᑯᒥᓇᕐᓂᖓ ᓄᖑᓕᕐᐳᖅ ᓄᓇᕋᕐᑎᑐᑦ ᑐᖁᓕᓕᕐᑐᑐᑦ, ᐊᖓᔪᖅᑳᕆᔭᖏᑕ ᐃᒥᕐᓯᒪᓗᐊᖃᑦᑕᕐᓂᖏᓐᓄᑦ, ᐱᔪᓐᓇᕋᓱᒋᓂᕐᒧᑦ ᓂᐊᖁᖏᑦ ᑎᐱᑎᑦᓯᐊᕐᓯᒪᒐᓗᐊᕐᐳᑦ ᓇᓚᑐᐃᓐᓇᓕᕐᐳᓪᓕ ᐋᖓᔮᓗᐊᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 29:9

ᑕᑕᒥᓕᕆᑦᓯ ᑲᒪᓂᐊᕐᓗᓯᓗ, ᐃᓕᑦᓯᓐᓂᒃ ᑕᐅᑐᒍᓐᓃᕐᑎᓕᕆᑦᓯ ᑕᑯᔪᓐᓁᓪᓕᓗᓯᓗ! ᐋᖓᔮᕆᑦᓯ ᕔᓂᒨᖏᑦᑐᖅ ᐅᕐᕈᔮᕆᑦᓯ, ᕔᓂᒥᒃ ᐃᒥᕐᓂᕐᒨᖏᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 51:21

ᑍᒤᒻᒪᑦ ᑐᓴᓕᕆᑦᓯ ᐆᒥᖓ, ᐅᖁᒤᒃᓴᕐᓇᕐᑐᒦᑦᑐᓯ, ᐋᖓᔮᑐᓯᓗ ᕔᓂᒨᖏᑦᑐᖅ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᔨᕆᒤᐊᐅᑉ ᐊᒡᓚᖏᑦ 20:9

ᐅᖃᕋᓗᐊᕋᒪ, “ᐊᑕᓂᖅ ᐅᖃᐅᑎᒋᓂᐊᕈᓐᓃᕐᐸᕋ ᐅᕝᕙᓘᓐᓃᑦ ᐅᖃᕐᑕᐅᖁᔭᖏᓐᓂᒃ ᐅᖃᕐᐸᖕᓂᐊᕈᓐᓃᕐᐳᖓ,” ᑕᕝᕙ ᐃᓗᓐᓂ ᐃᑯᐊᓚᔪᑎᑐᑦ ᑍᒤᑦᑐᖃᓕᕐᐳᖅ, ᓄᖅᑲᖓᑎᑕᒃᓴᐅᖏᑦᑐᓂᒃ, ᓄᖅᑲᖓᔭᕆᐊᒃᓴᕐᓗ ᐊᔪᓕᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 36:16

ᐅᖃᓕᒫᕐᑕᖏᓐᓂᒃ ᑐᓴᕇᕋᒥᒃ ᐃᒥᖕᓄᑦ ᑕᑯᓴᖃᑦᑕᐅᑎᕗᑦ ᖁᐊᕐᓵᖓᓪᓗᑎᒃ, ᐸᕉᒃᓗ ᐅᖃᐅᑎᕚᑦ, “ᐊᖓᔪᖅᑳᕐᔪᐊᖅ ᑕᒪᒃᑯᓂᖓ ᑐᓴᕐᑎᑕᒃᓴᕆᕙᕗᑦ.”

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐊᒡᓚᖏᑦ 8:18

ᕿᒃᓵᓕᕋᒪ ᒪᓂᒍᒐᒃᓴᐅᖏᑦᑐᒥᒃ; ᐆᒻᒪᑎᒐ ᓄᑮᕈᑎᕗᖅ ᐃᓗᓐᓂ.

ᔨᕆᒤᐊᐅᑉ ᐊᒡᓚᖏᑦ 9:1

ᓂᐊᖁᕋ ᐃᒪᕐᒥᒃ ᑯᕕᔪᓐᓇᕐᐸᑦ, ᐃᔩᒃᑲᒡᓗ ᖁᕝᕕᐅᕐᓂᓐᓂᒃ ᐃᒪᖃᐅᑎᐅᒃᐸᑎᒃ, ᐅᓪᓗᓕᒫᖅ ᐅᓐᓄᐊᓕᒫᕐᓗ ᕿᐊᒐᔭᕐᐳᖓ, ᐃᓄᖁᑎᒪ ᑐᖁᑕᐅᓂᖏᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:15

ᐋᓐᓂᐊᕈᑎᒃᓮᓐᓇᕐᓂᒃ ᒪᒪᖏᑦᑐᓂᒃ ᐃᒥᒐᒃᓴᖃᕐᑎᑉᐹᖓ.

ᐃᓯᑭᐊᓕᐅᑉ ᐊᒡᓚᖏᑦ 13:3

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑲᑉᐱᐊᓐᓇᒦᒃ ᓯᓔᑦᑐᑦ ᐱᔪᒫᕐᑐᒃᓴᓂᒃ ᐅᖃᓪᓚᒐᓱᖃᑦᑕᕐᑐᑦ ᐃᓱᒪᑐᐃᓐᓇᕐᒥᖕᓂᑦ ᐱᔪᓂᒃ, ᑕᑯᑎᑕᐅᓚᐅᕋᑎᒃ!

ᐃᓯᑭᐊᓕᐅᑉ ᐊᒡᓚᖏᑦ 9:4

ᐊᑕᓂᐅᓪᓗ ᐅᖃᐅᑎᕚ, “ᔨᕉᓴᓕᐅᑉ ᐃᒡᓗᒐᓴᖏᑎᒍᑦ ᐃᖏᕐᕋᒋᑦ, ᖃᐅᖏᑎᒍᑦ ᓇᓗᓁᒃᑯᓯᕐᓱᐃᓗᑎᑦ ᐊᓂᕐᓴᐅᒥᑦᔪᑎᓕᖕᓂᒃ ᐅᒡᒍᐊᕈᑎᓕᖕᓂᒡᓗ ᓇᕐᕈᓇᕐᑐᓂᒃ ᐱᓂᐊᕐᓂᐅᕙᒃᑐᓂᒃ.”

ᐃᓯᑭᐊᓕᐅᑉ ᐊᒡᓚᖏᑦ 9:6

ᐊᒥᐊᒃᑯᖏᑦᓯᐊᕐᓗᒋᑦ ᑐᖁᕅᒋᑦᓯ ᐃᑦᑐᓂᒃ, ᐃᓅᓱᒃᑐᓂᒃ ᐊᖑᑎᓂᒃ ᐊᕐᓇᓂᒡᓗ, ᓄᑕᖅᑲᓂᒃ ᐊᕐᓇᓂᒡᓗ, ᓇᓗᓁᒃᑯᓯᕐᓯᒪᔪᓂᒡᓕ ᑐᖁᑦᓯᑦᑍᓕᓗᓯ. ᐱᒋᐊᕐᓗᓯ ᐃᑦᔪᕐᓁᑦᑐᕕᖁᑎᓐᓂᑦ.” ᑖᒃᑯᐊᓗ ᐱᒋᐊᕐᐳᑦ ᐊᖓᔪᖅᑳᑦ ᑐᒃᓯᐊᕐᕕᒡᔪᐊᕐᒦᑦᑐᑦ ᐱᒋᐊᕐᕕᒋᓪᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 8:27

ᐅᕙᖓ, ᑖᓂᐊᓕ, ᑕᖃᓚᐅᕐᐳᖓ ᐅᓪᓗᓂᒡᓗ ᐅᓄᕐᑐᓂᒃ ᖃᓂᒪᓪᓗᖓ, ᑭᖑᓂᖓᒍᑦ ᒪᑭᓐᓇᒪ ᐊᖓᔪᖅᑳᕐᔪᐊᑉ ᐱᔭᒃᓴᐅᑎᑕᖏᓐᓂᒃ ᐱᓇᓱᐊᓕᓚᐅᕆᕗᖓ. ᑕᑕᒥᓐᓂᐊᓚᐅᕐᐳᖓᓕ ᑕᑯᑎᑦᔪᑎᓂᒃ ᑐᑭᓯᔭᐅᔪᓐᓇᕐᑑᑉ ᐅᖓᑖᓃᓚᐅᕐᒪᑕ.

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᕉᒪᒥᐅᓄᑦ 7:9

ᐱᖁᔭᖃᕐᓇᖓ ᐃᓅᓯᕐᒪ ᐃᓚᖓᓂ ᐃᓅᓚᐅᕋᒪ; ᐱᖁᔧᓪᓕ ᓴᖅᑭᒻᒪᑕ ᐊᔪᕐᓂᖅ ᐆᒻᒪᕐᐳᖅ ᑐᖁᓪᓗᖓᓗ.