ᔨᕆᒤᐊᐅᑉ ᐊᒡᓚᖏᑦ 23:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐰᕐᓯᔨᖃᕐᑎᓐᓂᐊᕐᐸᒃᑲᓗ ᑲᒪᔨᒃᓴᖏᓐᓂᒃ, ᓯᕘᕋᔪᓐᓃᖁᓪᓗᒋᑦ ᑲᑉᐱᐊᓇᕐᑐᒦᖁᓇᒋᓪᓗ ᐊᓯᐅᓯᒪᔪᖃᕈᓐᓃᕈᒫᕐᐳᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:4 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 11:11

ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᐅᑉ ᐊᒡᒐᓂ ᐃᓴᒍᒫᕐᐰᑦ ᐃᓄᖁᑎᓂ ᐊᒥᐊᒃᑰᔪᑦ ᐅᑎᕐᑎᑦᓱᒪᓗᒋᑦ, ᐊᓯᕆᐊᒥᑦ ᐄᑦᔨᑉᑎᒥᓪᓗ, ᐹᑐᕉᓯᒥᑦ ᐃᑎᐅᐱᐊᒥᓪᓗ, ᐃᓛᒻᒥᑦ ᓯᓇᕆᒥᓪᓗ, ᕼᐊᒫᑎᒥᑦ ᕿᑭᕐᑕᓂᓪᓗ ᐃᒪᕕᖕᒦᑦᑐᓂᑦ.

ᔨᕆᒤᐊᐅᑉ ᐊᒡᓚᖏᑦ 30:10

“ᔧᑯᒃᑯᑦ ᐃᓄᖁᑎᒃᑲ, ᓯᕘᕋᓂᐊᕋᓯ ᓴᐱᓕᕐᑍᓕᓗᓯᓗ ᐃᓴᕆᐊᓕᒥᐅᑕᐅᔪᓯ; ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐱᐅᓕᓂᐊᕐᐸᑦᓯ ᓄᓇᒥᑦ ᐅᖓᓯᒃᑐᒥᑦ, ᑭᖑᕚᓯᓗ ᐊᐅᓪᓚᕐᑎᑕᐅᓯᒪᕕᒋᔭᖏᓐᓂᑦ, ᔧᑯᒃᑯᑦ ᐃᓕᒪᓱᖏᓪᓗᑎᒃ ᖃᓄᐃᖏᑦᓯᐊᕐᓗᑎᒡᓗ ᐃᓅᔪᓐᓇᕐᓯᔪᒫᖁᓪᓗᒋᑦ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᖏᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 31:10

ᐊᑕᓂᖅ ᐅᖃᕐᐳᖅ, “ᐃᓅᖃᑎᒌᒡᔪᐊᖑᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᒋᒃ ᑐᓴᕐᑕᐅᑎᓯᐅᒃ ᐃᒪᐅᑉ ᑭᒡᓕᖓᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐃᓴᕆᐊᓕᒥᐅᓂᒃ ᓇᒧᑐᐃᓐᓈᕐᑎᑦᓯᓚᐅᕐᑑᑉ ᑲᑎᕐᓱᕈᒫᕆᕔᑦ ᐃᓄᖁᑎᓂᓗ ᐰᕆᓂᐊᕐᐰᑦ ᓰᐱᓂᒃ ᐰᕐᓯᔨᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 33:26

ᑍᒫᒃᑕᐅᖅ ᔧᑰᑉ ᑭᖑᕚᖏᑦ ᖁᔭᓈᕋᔭᓚᐅᕐᐸᒃᑲ, ᑍᕕᑎᐅᓪᓗ ᐱᔨᒋᔭᒪ ᐃᕐᓂᖏᓐᓂᑦ ᐱᓯᒪᔪᒥᒃ ᐂᑉᕋᕼᐋᒻᑯᑦ, ᐂᓴᑭᒃᑯᑦ, ᔧᑯᒃᑯᓪᓗ ᐊᐅᓚᑦᓯᔨᒃᓴᖃᕋᔭᓚᐅᓐᖏᓚᑦ, ᑖᒃᑯᐊ ᒪᑭᑎᑦᓱᒫᕋᒃᑭᑦ ᓂᑲᒋᓪᓗᒋᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 36:11

ᐃᓄᐃᓪᓗ ᐆᒪᔪᖁᑎᖏᓪᓗ ᐅᓄᕐᓯᕙᓪᓕᐊᑎᑦᓱᒫᕐᐸᒃᑲ ᐃᓕᖕᓂ; ᑖᒃᑯᐊᓗ ᐅᓄᕐᓯᕙᓪᓕᐊᔪᒫᕐᐳᑦ ᕿᑐᕐᖓᕐᑖᖃᑦᑕᕐᓗᑎᒃ; ᐃᓄᖃᓕᕐᑎᑦᓱᒫᕆᕙᑦᓯ ᓯᕗᓂᖓᓂ ᐃᓄᖃᕐᐸᓚᐅᕐᓂᑦᓯᑐᑦ, ᐱᕙᓪᓕᐊᓂᕐᓴᐅᓕᕈᒫᕐᐳᓯᓗ ᑍᒪᓐᖓᓂᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᒨᓯᓯ ᐱᖓᔪᖏᑦ 26:9

ᓮᒻᒪᕐᑎᑦᓱᒪᕙᑦᓯ, ᑭᖑᕚᒃᓴᓕᐅᕐᓂᐊᕐᐳᓯᓗ ᐅᓄᕐᑐᓂᒃ, ᐅᓄᕐᓯᕙᓪᓕᐊᓂᐊᕐᐳᓯᓗ, ᐊᖏᕈᑎᒋᓯᒪᔭᒃᑲᓗ ᐃᓕᑦᓯᓐᓄᑦ ᑲᔪᓯᑎᓐᓂᐊᕐᐸᒃᑲ.

ᒤᑲᐅᑉ ᐊᒡᓚᖏᑦ 4:4

ᑭᓇᒃᑯᓕᒫᑦ ᐃᓱᒫᓗᒃᑐᖃᖏᓪᓗᑎᒃ ᓇᖕᒥᓂᖅ ᕔᓂᖁᑎᒥ ᓇᐹᕐᑐᐃᓪᓗ ᐱᒋᓖᑦ ᐊᑖᓂ ᐃᒃᓯᕙᔪᒫᕐᐳᑦ ᑲᑉᐱᐊᓵᕐᑕᐅᔪᓐᓃᕐᓗᑎᒡᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒤᑲᐅᑉ ᐊᒡᓚᖏᑦ 7:14

ᐃᓄᖁᑎᑎᑦ ᐰᕆᒃᑭᑦ ᐊᔭᐅᑉᐱᐊᕐᓄᑦ, ᓰᐱᖁᑎᑎᑦ ᓇᖕᒥᓂᕆᒋᒐᕕᒋᑦ ᑭᖑᕚᒃᓴᓯ, ᓄᓇᖃᕐᑐᑦ ᑭᓯᒥᐅᓗᑎᒃ ᓇᐹᕐᑐᓕᖕᓂ, ᐱᕈᕐᑐᖃᑦᓯᐊᕐᑐᒥᓗ. ᓂᕆᓕᕐᓕᑦ ᐹᓴᓂᒥ ᒋᓕᐊᑎᒥᓗ ᑍᑦᓱᒪᓂ ᐱᐅᓯᐅᕙᓚᐅᕐᑐᑎᑐᑦ.

ᔨᐸᓁᐊᐅᑉ ᐊᒡᓚᖏᑦ 3:13

ᐃᓴᕆᐊᓕᒥᐅᑦ ᐊᒥᐊᒃᑯᖏᑦ ᐃᓱᐃᑦᑐᓕᓂᐊᕈᓐᓁᕐᐳᑦ ᓴᒡᓗᓂᐊᕈᓐᓁᕐᐳᓪᓗ, ᐅᖃᖏᑕᓗ ᐅᖃᕐᓂᕐᓘᑎᖏᑦ ᖃᓂᖏᓐᓂ ᓇᓂᔭᐅᓂᐊᕈᓐᓁᕐᐳᑦ. ᐆᒪᔪᖁᑎᒥᖕᓂᒃ ᓂᕆᑎᑦᓯᔪᒫᕐᐳᑦ ᐱᕙᓪᓕᐊᑦᓯᐊᕐᓗᑎᒡᓗ, ᑭᓇᒧᓪᓘᓐᓃᑦ ᑲᑉᐱᐊᓱᒃᑎᑕᐅᓂᐊᕈᓐᓁᕐᐳᑦ.”

ᒨᓯᓯ ᓯᑕᒪᖏᑦ 31:49

ᐅᖃᕐᓗᑎᒃ, “ᐱᔨᑎᑦ ᓈᓮᓚᐅᕐᐳᑦ ᐅᓇᑕᕐᑐᒃᓴᖁᑎᒥᖕᓂᒃ, ᑭᓇᒥᒡᓘᓐᓃᑦ ᐊᓯᐅᔪᖃᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 17:12

ᑖᒃᑯᓇᓂ ᓇᔫᑎᓂᓐᓂ, ᓴᐳᑎᓯᒪᓚᐅᕐᐸᒃᑲ ᐱᔪᓐᓇᕐᓂᕐᓄᑦ, ᑖᒃᑯᐊ ᑐᓂᓚᐅᕐᑕᑎᑦ ᐅᕙᓐᓄᑦ; ᓴᐳᑎᓯᒪᓚᐅᕐᐸᒃᑲ, ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᓐᖏᓚᖅ ᑖᓐᓇ ᑭᓯᒥ ᐊᓯᐅᔪᒃᓴᐅᓯᒪᔪᖅ ᐊᓯᐅᔪᑑᕗᖅ, ᐊᒡᓔᑦ ᓇᓚᐅᑦᓯᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 18:9

ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ, “ᐅᕙᓐᓄᑦ ᑐᓂᓚᐅᕐᑕᕐᓂᒃ ᐊᑕᐅᓯᕐᒥᒡᓘᓐᓃᑦ ᐊᓯᐅᔪᖃᓐᖏᓚᖅ.”

ᐲᑦᑐᕉᓯ ᓯᕗᓪᓖᑦ 1:5

ᒎᑎᐅᑉ ᐱᔪᓐᓇᕐᓂᖓᒍᑦ ᐱᓯᒪᔭᐅᕗᑦ ᐅᒃᐱᕐᓂᑯᑦ ᐱᐅᓕᔭᐅᕕᒃᓴᖅ ᓇᓪᓕᐅᑎᒃᐸᑦ ᓴᖅᑭᑦᑐᒃᓴᐅᖁᓪᓗᒋᑦ ᐅᓪᓗᐃᑦ ᑭᖑᓪᓕᖏᓐᓂ.