ᔨᕆᒤᐊᐅᑉ ᐊᒡᓚᖏᑦ 23:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐊᑕᓂᐅᑉ ᓂᓐᖓᐅᒪᓂᖓ ᓴᖑᓂᐊᕈᓐᓃᕐᐳᖅ ᐱᔪᒪᔭᖓ ᐊᑑᑎᓚᐅᖏᓐᓂᖓᓂ, ᐅᓪᓗᐃᑦ ᑭᖑᓪᓕᖏᓐᓂ ᑐᑭᓯᑦᓯᐊᕈᒫᕐᐸᓯ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 23:20 Iomraidhean Croise

ᒨᓯᓯ ᓯᕗᓪᓖᑦ 49:1

ᑕᕝᕙ ᔧᑰᑉ ᐃᕐᓂᓂ ᐃᒻᒥᓄᑦ ᕾᖁᕔᑦ, ᐅᖃᐅᑎᓪᓗᒋᓪᓗ, “ᐃᓕᑦᓯᓐᓄᑦ ᑲᑎᓚᐅᕆᑦᓯ, ᓯᕗᓂᒃᓴᑦᓯᓐᓂ ᐃᓕᑦᓯᓐᓄᑦ ᐊᑑᑎᔪᒫᕐᑐᓂᒃ ᐅᖃᐅᑎᓂᐊᕋᑦᓯ.

ᐊᑕᓃᑦ ᓯᕗᓪᓖᑦ 8:47

ᐃᓱᒪᑦᓯᐊᓕᕐᐸᑕ ᓄᓇᒥ ᑎᒍᔭᐅᓯᒪᕕᖕᒥᖕᓂ ᓱᖕᒪᑦ ᑕᒫᓃᒻᒪᖔᕐᒥᒃ, ᖃᕿᐊᓕᕐᓗᑎᒡᓗ ᐃᓕᖕᓄᑦ ᕿᓄᒃᐸᑕ ᓄᓇᒥ ᑎᒍᔭᐅᓯᒪᕝᕕᒋᔭᒥᖕᓂᑦ ᐅᖃᕐᓗᑎᒃ, ‘ᐊᔪᕐᑐᓕᓚᐅᕐᐳᒍᑦ, ᐱᐅᖏᑦᑐᐊᓗᖕᒥᒃ ᐱᓇᓱᐊᓚᐅᕐᐳᒍᑦ’;

ᐊᑕᓃᑦ ᐂᑉᐸᖏᑦ 23:26

ᑭᓯᐊᓂ ᐊᑕᓂᐅᑉ ᓂᓐᖓᒡᕕᖃᕐᓯᒪᓂᖓ ᔫᑕᒧᑦ ᑲᔪᓯᒪᓚᐅᕐᐳᖅ, ᐊᖓᔪᖅᑳᕐᔪᐊᑉ ᒫᓇᓯᐅᑉ ᐱᓂᐊᕐᓂᕐᒥᓄᑦ ᓂᓐᖓᒃᓮᓂᕆᓚᐅᕐᑕᖓᓄᑦ ᓂᓐᖓᒍᑎᖃᕐᓯᒪᓂᖓ.

ᐊᑕᓃᑦ ᐂᑉᐸᖏᑦ 23:27

ᐊᑕᓂᖅ ᐅᖃᓚᐅᕐᒪᑦ, “ᔫᑕ ᑕᑯᓐᓇᕐᑕᓐᓂᑦ ᓅᑎᑦᓱᒫᕐᐸᕋ, ᐃᓴᕆᐊᓕᒥᐅᑎᑐᑦ ᓅᑦᓯᓂᕆᓚᐅᕐᑕᑦᑐᖅ, ᔨᕉᓴᓕᒻᓗ ᓂᕈᐊᕐᓗᒍ ᐃᒡᓗᒐᓴᒡᔪᐊᓐᖑᕐᑎᓚᐅᕐᑕᕋ ᓇᕐᕈᒋᓕᕈᒫᕐᐸᕋ, ᑖᓐᓇ ᐅᖃᐅᓯᖃᕐᕕᒋᓚᐅᕐᑕᕋ, ‘ᐊᑎᕋ ᑕᕝᕙᓂ ᐅᐱᒋᔭᐅᖏᓐᓇᖁᓪᓗᒍ.’”

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 14:24

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕕᒡᓗᓂ ᐊᖏᕐᓯᒪᖕᒪᑦ: “ᐃᓱᒪᓕᐅᕇᕐᓯᒪᒐᒪ, ᑍᒤᑦᓱᒫᕐᓗᓂᓗ, ᐋᖅᑭᒃᓱᕇᕐᓯᒪᒐᒃᑯ ᓴᖑᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 55:11

ᑍᒫᒃᑕᐅᖅ ᐅᖃᐅᓯᒃᑲ ᖃᓂᓐᓂᑦ ᐊᓂᔪᑦ: ᐅᕙᓐᓄᑦ ᐊᑐᖏᓪᓗᑎᒃ ᐅᑎᑐᐃᓐᓇᕐᓂᐊᓐᖏᓚᑦ, ᐱᔪᒪᔭᓐᓂᒡᓕ ᐱᔭᕇᕐᓯᓂᐊᕐᐳᑦ, ᐊᔪᕈᓐᓃᕐᑎᑦᓯᓪᓗᑎᒡᓗ ᐅᖃᕐᕕᒋᔭᓐᓂᒃ ᑎᓕᓯᕕᒋᔭᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 30:24

ᐊᑕᓂᐅᑉ ᓂᓐᖓᕕᒡᔪᐊᕐᓂᖓ ᓴᖑᑦᔮᖏᒻᒪᑦ ᐱᓂᐊᕈᒪᔭᒥᓂᒃ ᐱᔭᕇᓚᐅᖏᓐᓂᓕᒫᒥᓂ, ᐅᓪᓗᐃᑦ ᑭᖑᓪᓕᖏᓐᓂ ᑕᒪᓐᓇ ᑐᑭᓯᔪᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 4:28

ᓄᓇᕐᔪᐊᖅ ᕿᒃᓵᖕᓂᐊᕐᐳᖅ, ᕿᓚᒡᓗ ᑖᕐᓯᓗᓂ, ᐊᑕᓂᐅᔪᖓ ᐅᖃᕋᒪ ᐅᒡᒍᐊᕈᑎᒋᑦᔮᓐᖏᓚᕋᓗ, ᐃᓱᒪᒋᔭᕋ ᓴᖑᑎᓐᓂᐊᕐᓇᒍ.”

ᔨᕆᒤᐊᐅᑉ ᐊᒡᓚᖏᑦ 51:12

ᐹᐱᓘᓂᒥᐅᑦ ᐊᑭᕋᕐᑐᕐᕕᒋᓕᕐᓯᒋᒃ ᓇᓗᓁᒃᑯᓯᔭᕐᓗᓯᓗ, ᖃᐅᔨᓴᕐᑎᐅᔪᑦ ᐱᔪᓐᓇᕐᓯᑎᒋᐊᒃᑲᓐᓂᕐᓯᐅᒃ, ᐅᓐᓄᐊᕐᓯᐅᕐᑏᓪᓗ ᐅᐸᓗᐃᓗᒋᑦ ᐱᒋᐊᕐᓂᕆᓂᐊᕐᑕᑦᓯᓐᓂᒃ ᐋᖅᑭᒃᓱᐃᓕᕆᑦᓯ ᐊᑕᓂᐅᑉ ᐋᖅᑭᒃᓯᒪᔭᓂ ᑲᔪᓯᑎᓐᓂᐊᕐᒪᒍ ᐹᐱᓘᓂᒥᐅᓄᑦ ᐅᖃᕐᓯᒪᔭᓂ.

ᐃᓯᑭᐊᓕᐅᑉ ᐊᒡᓚᖏᑦ 21:10

ᐃᐱᒃᓴᕐᓯᒪᕗᖅ ᑐᖁᕅᑦᔪᑎᒃᓴᐅᓪᓗᓂ, ᕿᓪᓚᕆᒃᓴᕐᓯᒪᕗᖅ ᕿᓪᓛᒡᒋᕐᑕᖁᓪᓗᒍ ᖃᐅᒻᒪᓪᓚᒃᑎᑐᑦ! ᖁᕕᐊᓇᕐᑐᖃᓛᕈᓐᓁᕐᐳᖅ, ᐃᕐᓃᒃ ᓱᐊᒃᓯᓂᒃᑲ ᑐᓴᓚᐅᖏᓐᓇᕕᒋᑦ, ᐋᖅᑭᒋᐊᕐᓯᑦᔪᑎᒃᑲᓗ.

ᐃᓯᑭᐊᓕᐅᑉ ᐊᒡᓚᖏᑦ 21:5

ᐃᓄᓕᒫᑦ ᖃᐅᔨᔪᐃᓐᓇᐅᖁᓪᓗᒋᑦ ᐅᕙᖓ ᐊᑕᓂᖅ ᓴᕕᒡᔪᐊᕋ ᐊᒧᒐᒃᑯ; ᐴᖓᓄᑦ ᐴᑲᓐᓂᑦᔮᔪᓐᓁᕐᓗᒍ.

ᓴᑲᕅᐊᐅᑉ ᐊᒡᓚᖏᑦ 1:6

ᐱᔨᒋᔭᒃᑯᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᑦ, ᐅᖃᐅᑎᕙᓚᐅᕐᐸᒃᑲ, ᒪᓕᒐᒃᓴᓂᒃ ᐃᓂᕐᑎᕆᑦᔪᑎᓂᒡᓗ, ᑭᓯᐊᓂᓕ ᓈᓚᒍᒪᓚᐅᓐᖏᓚᑦ ᑍᒤᒻᒪᑦ ᐊᒃᓱᕈᕐᓇᕐᑐᒧᑦ ᑎᑭᖃᑦᑕᓚᐅᕐᐳᑦ, ᑭᖑᓂᖓᒍᓪᓕ ᖃᕿᐊᓕᓚᐅᕐᐳᑦ ᐅᖃᓕᕐᓗᑎᒡᓗ ᐃᒫᒃ: ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᓱᒋᐊᓚᐅᕐᐹᑎᒍᑦ ᓱᒋᐊᕐᑕᐅᔭᕆᐊᖃᕐᓂᕗᑦ ᒪᓕᒡᓗᒋᑦ, ᑍᒫᒃ ᐱᓂᐊᕐᓂᕋᕐᓗᓂ ᐅᖃᕐᓯᒪᒐᒥ.”

ᒨᓯᓯ ᑕᓪᓕᒪᖏᑦ 4:30

ᐊᑲᐅᖏᑦᔪᑎᒃᓴᖃᕐᓂᕐᒧᓪᓕ ᑎᑭᐅᑎᒍᑦᓯ ᑕᒪᒃᑯᐊᓗ ᐃᓕᑦᓯᓐᓄᑦ ᑎᑭᐅᑎᒃᐸᑕ, ᑕᕝᕙ ᐊᑕᓂᕐᒧᑦ ᒎᑎᑦᓯᓐᓄᑦ ᓵᓕᑍᓐᓇᕈᒫᕐᐳᓯ ᓈᓚᓕᕐᓗᒍᓗ.