ᔨᕆᒤᐊᐅᑉ ᐊᒡᓚᖏᑦ 23:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᑯᒋᑦ, ᐊᑕᓂᐅᑉ ᓂᓐᖓᐅᒻᒪᓯᖓ ᐊᓄᕆᕐᔪᐊᑐᑦ ᑎᑭᑦᓱᒫᓕᕐᐳᖅ, ᐊᓄᕆᑎᑐᑦ ᕾᕙᒡᓗᓂ ᓄᓇᒧᑦ ᑎᑭᑦᑐᑎᑐᑦ; ᐱᐅᖏᑦᑐᓕᔪᑦ ᓂᐊᖁᖏᓐᓄᑦ ᑎᑭᑦᓱᒫᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:19 Iomraidhean Croise

ᐃᓐᖏᕈᑎᑦ 58:9

ᐅᒃᑯᓯᒃ ᐆᓇᕐᓯᖅᑳᕐᑎᓐᓇᒍ ᐅᕐᐱᒊᑦ ᑲᑭᓪᓚᕐᓇᕐᑐᑦ ᐃᑯᐊᓚᓂᖏᓐᓄᑦ, ᐆᒻᒪᐅᒐᓗᐊᕐᐸᑕ ᐸᓪᓕᐅᒃᐸᑕᓘᓐᓃᑦ, ᐱᐅᖏᑦᑐᓕᔪᑦ ᑎᒃᑕᐅᑎᑦᓱᒫᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:27

ᐅᐃᒪᔮᕐᓇᕐᑐᒧᑦ ᑎᑭᑕᐅᒍᕕᑦ ᓯᓚᕐᓂᕐᓗᖕᒧᑦ ᑎᑭᑕᐅᔪᑎᑐᑦ, ᐅᖁᒤᒃᓴᕐᓂᕐᓗ ᐅᓚᔪᔭᕐᑎᑐᑦ ᑎᑭᐅᑎᒃᐸᑦ, ᐱᕖᓱᐊᓂᖅ ᐃᓱᒪᔮᕐᓂᕐᓗ ᐃᓕᖕᓄᑦ ᑎᑭᑉᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:25

ᐊᓄᕆᕐᔪᐊᖅ ᐊᖅᑯᓵᕐᒪᑦ ᐱᐅᖏᑦᑐᑦ ᑎᒃᑕᐅᕗᑦ ᐃᓱᐊᕐᑐᓪᓕ ᑐᓐᖓᕕᒋᔭᒥᖕᓂᑦ ᐊᐅᓚᔭᒃᑕᐅᔪᓐᓇᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 21:1

ᐅᖃᐅᓰᑦ ᐃᓄᖃᔪᐃᑦᑐᖅ ᐃᒪᕕᐅᑉ ᓴᓂᐊᓃᑦᑐᖅ ᐱᓪᓗᒍ, ᐊᓄᕆᕐᔪᐊᑎᑐᑦ ᑬᕙᑦᑐᑎᑐᑦ ᓂᒋᑉᒥᓐᖔᕐᑐᑎᑐᑦ ᓯᐅᕋᕐᔪᐊᑉ ᓄᓇᖓᒍᑦ ᐊᓯᕈᕐᑕᐅᓇᕐᑐᖅ ᑎᑭᐅᑎᔪᒫᕐᐳᖅ ᓄᓇᓂᑦ ᑲᑉᐱᐊᓇᕐᑐᓂᑦ,

ᐂᓮᐊᓯᐅᑉ ᐊᒡᓚᖏᑦ 40:24

ᐱᕈᕐᓯᐊᖑᓕᕋᑖᕐᑎᓪᓗᒋᑦ, ᐱᕈᕐᓯᐊᒃᓴᑐᑦ ᐃᓕᔭᐅᕋᑖᕐᑐᑎᑐᑦ ᓄᓇᒧᑦ, ᒪᖑᒃᓯᒪᓂᖏᑦ ᐱᕈᓕᕐᑎᓪᓗᒋᑦ ᓱᐱᖕᒪᒋᑦ ᑐᖁᓕᕗᑦ, ᐊᖅᑯᓇᕐᒧᑦ ᑎᑭᑕᐅᑲᓪᓚᒃᑲᒥᒃ ᑎᒃᑕᐅᕋᕐᐳᑦ ᑭᓪᓗᕐᑕᐅᓂᕕᓂᕐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 25:31

ᓂᐱᕐᔪᐊᕐᓗ ᑐᓴᕐᑕᐅᔪᒪᕐᐳᖅ ᓄᓇᐅᑉ ᑭᒡᓕᖓᓃᑦᑐᑦ ᑎᑭᓪᓗᒋᑦ ᐊᑕᓂᐅᑉ ᓈᒻᒪᒃᓴᖏᓐᓂᕐᒥᓂᒃ ᐃᓅᖃᑎᒌᒡᔪᐊᓕᒫᓄᑦ ᓴᖅᑭᑎᓐᓂᐊᕐᐹ ᐃᖅᑲᕐᑐᐃᓂᖓᓗ ᐃᓅᖃᑎᒌᓄᑦ ᓄᓇᕐᔪᐊᒥ ᑎᑭᐅᒪᓂᐊᕐᒪᑦ, ᐱᐅᖏᑦᑐᓕᔪᓪᓗ ᑐᖁᑕᐅᑎᓐᓂᐊᕐᒪᒋᑦ, ᐊᑕᓂᖅ ᐅᖃᕐᐳᖅ.’”

ᔨᕆᒤᐊᐅᑉ ᐊᒡᓚᖏᑦ 25:32

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑕᑯᒋᑦ ᐊᓯᕈᕐᑕᐅᓂᖅ ᓯᐊᒻᒪᕐᐸᓪᓕᐊᓕᕐᐳᖅ, ᐃᓅᖃᑎᒌᒡᔪᐊᓂᑦ ᐃᓅᖃᑎᒌᒡᔪᐊᓄᑦ, ᐊᓄᕆᕐᔪᐊᖅ ᓴᖅᑭᓕᕐᐳᖅ ᓯᓚᕐᔪᐊᑉ ᑭᒡᓕᖓᓂᑦ.

ᔨᕆᒤᐊᐅᑉ ᐊᒡᓚᖏᑦ 30:23

ᑕᑯᓕᕐᓯᐅᒃ ᐊᑕᓂᐅᑉ ᐊᓄᕆᕐᔪᐊᖁᑎᖓ ᓂᓐᖓᖕᓂᖓᓂᒃ ᑎᑭᐅᑦᔨᔪᖅ, ᐅᓚᔪᔨᕋᕐᑎᑐᑦ ᐊᖅᑲᕐᑐᖅ ᐱᐅᖏᑦᑐᓕᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 30:24

ᐊᑕᓂᐅᑉ ᓂᓐᖓᕕᒡᔪᐊᕐᓂᖓ ᓴᖑᑦᔮᖏᒻᒪᑦ ᐱᓂᐊᕈᒪᔭᒥᓂᒃ ᐱᔭᕇᓚᐅᖏᓐᓂᓕᒫᒥᓂ, ᐅᓪᓗᐃᑦ ᑭᖑᓪᓕᖏᓐᓂ ᑕᒪᓐᓇ ᑐᑭᓯᔪᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 4:11

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥᐅᑦ ᐃᓄᖏᑦ ᐅᖃᐅᑎᔭᐅᔪᒫᕐᐳᑦ, ᐊᓄᕆᒥᒃ ᐆᓇᕐᑐᒥᑦ ᕾᔪᖃᕐᓂᕋᕐᑕᐅᓗᓂ ᐃᓄᖃᖏᑦᑐᒥᑦ ᓯᐅᕅᓐᓇᕐᒥᑦ ᐱᔪᒥᒃ, ᓴᓃᔧᔭᕐᑐᑐᐃᓐᓇᖏᑦᑐᒥᒃ ᓴᓗᒻᒪᕐᓮᔭᕐᑐᑐᐃᓐᓇᖏᑦᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 51:1

ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐊᓯᕈᐃᔨᐅᑉ ᐱᔪᓐᓇᕐᓂᖓ ᐊᐅᓚᑦᔭᒃᑎᓐᓂᐊᕐᐸᕋ ᐹᐱᓘᓂᒥᐅᓄᑦ ᓕᐸ ᑲᒤᒥᐅᓪᓗ ᐃᓄᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 1:4

ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᕐᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᕐᑐᖃᕐᐳᖅ ᓴᕕᕋᔭᒃᑐᑦ ᕿᓪᓕᕐᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 13:13

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓂᓐᖓᐅᒪᓂᓐᓄᑦ ᐊᓄᕆᕐᔪᐊᖃᕐᑎᑦᓯᔪᒫᕋᒪ; ᓯᓚᓗᒡᔪᐊᕐᓗᓂᓗ ᓇᑕᖅᑯᕐᓇᕐᓗᓂᓗ ᓂᓐᖓᐅᒪᓂᓐᓄᑦ ᓯᖁᑦᑎᕈᒫᕐᐳᖅ.

ᐂᒨᓯᐅᑉ ᐊᒡᓚᖏᑦ 1:14

ᕌᐸᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᓐᓂᐊᕐᐸᕋ, ᑕᒪᑐᒧᖓᓗ ᕿᒫᕕᖏᑦ ᐊᓯᕈᕐᑕᐅᓂᐊᕐᐳᑦ, ᐃᓄᖏᓪᓗ ᕾᒐᓛᕐᓂᐊᕐᐳᑦ ᓂᐱᕐᔪᐊᖃᕐᓗᑎᒃ ᐅᓇᑕᕆᐊᕐᑐᑎᑐᑦ, ᓱᓗᒃᓱᕐᔪᐊᕐᑐᑎᑐᓪᓗ ᐊᓄᕌᕐᑎᓪᓗᒍ ᐅᓚᔪᔨᕋᕐᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 7:14

ᐅᓚᔪᔭᕐᒧᑦ ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ ᐊᑦᔨᒌᖏᑦᑐᓄᑦ, ᑕᑯᓕᒪᓇᖏᑦᑑᓪᓗᑎᒃ ᓄᓇᒋᓐᖏᑕᒥᖕᓂ ᓄᓇᖃᖃᑕᐅᓕᓚᐅᕐᐳᑦ. ᓄᓇ ᕿᒪᒃᑕᖓᑦ ᑐᓐᖓᓇᕈᓐᓁᓚᐅᕐᒪᑦ, ᑕᒪᓐᓇ ᓄᓇᑦᓯᐊᕙᒃ ᓄᓇᒋᔭᐅᔪᓐᓁᓚᐅᕐᐳᖅ ᐃᓄᖃᕈᓐᓁᕐᓗᓂ.”

ᓴᑲᕅᐊᐅᑉ ᐊᒡᓚᖏᑦ 9:14

ᐊᑕᓂᖅ ᑖᒃᑯᐊ ᖁᓛᓂ ᓴᖅᑭᕈᒫᕐᐳᖅ, ᖃᕐᔪᖓᓗ ᐃᖏᕐᕋᔪᒫᕐᐳᖅ ᖃᐅᒻᒪᓪᓚᒃᑎᑐᑦ ᑕᕝᕙᓐᖓᑦ, ᐊᑕᓂᐅᑉ ᒎᑎᐅᑉ ᑎᑦᑐᓚᐅᑦ ᓂᓪᓕᕐᑎᑦᓱᒫᕐᐹ, ᐊᓄᕆ ᓯᓚᕈᔪᒃ ᓯᕿᓂᐅᑉ ᓇᓛᓂᑦ ᐱᔪᖅ ᐊᑐᕐᓗᒍ ᐃᖏᕐᕋᔪᒫᕐᐳᖅ.