ᔨᕆᒤᐊᐅᑉ ᐊᒡᓚᖏᑦ 23:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᒎᑎᒥᒃ ᓇᕐᕈᒋᔭᓖᑦ ᐅᖃᐅᑎᖃᑦᑕᕐᒪᒋᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᖃᓄᐃᑕᐅᓇᕐᑐᒧᑦ ᑎᑭᑕᐅᑦᔮᓐᖏᓚᓯ’; ᐆᒻᒪᑎᒥ ᓯᑎᔫᓂᖏᓐᓂᒃ ᒪᓕᒃᑐᑦ ᐅᖃᕐᕕᒋᕙᒃᐰᑦ, ‘ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᓐᖏᓚᓯ.’”

ᔨᕆᒤᐊᐅᑉ ᐊᒡᓚᖏᑦ 23:17 Iomraidhean Croise

ᓴᒧᐃᓕ ᐂᑉᐸᖏᑦ 12:10

ᒫᓐᓇᓕ ᑍᒤᒻᒪᑦ ᑭᖑᕚᕐᓂᑦ ᑐᖁᔪᖃᖃᑦᑕᓛᓕᕐᐳᖅ ᖁᕕᐊᓇᖏᑦᑐᒃᑯᑦ ᑐᖁᔪᓂᒃ, ᓈᓚᓚᐅᖏᓐᓇᕕᓐᖓ, ᔪᕅᐊᐅᓪᓗ ᕼᐃᑍᑎᒥᐅᑕᐅᑉ ᓄᓕᐊᖓ ᓄᓕᐊᕐᑖᕆᓚᐅᕋᕕᐅᒃ.

ᐂᓮᐊᓯᐅᑉ ᐊᒡᓚᖏᑦ 30:10

ᓇᓚᐅᑦᑍᔪᓄᑦ ᐅᖃᖃᑦᑕᕐᐳᑦ, “ᓱᓕᔪᓂᒃ ᓇᓚᐅᑦᑍᓂᐊᕋᓯ ᐅᕙᑦᑎᓐᓄᑦ, ᐅᖃᐅᑦᔪᐃᖃᑦᑕᓚᐅᕆᑦᓯ ᑐᓴᕈᒪᔭᑦᑎᓐᓂᒃ ᐊᑐᓪᓚᕆᒍᒫᖏᑦᑐᓂᒃ ᐅᕙᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 57:21

ᓮᓕᑦᓯᐊᕐᓇᕐᑐᒥᒃ ᐱᑕᖃᓐᖏᓚᖅ, ᐱᐅᖏᑦᑐᒥᒃ ᐃᓕᖅᑯᓯᖃᕐᑐᓄᑦ, ᒎᑎᒐ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 13:10

ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.

ᔨᕆᒤᐊᐅᑉ ᐊᒡᓚᖏᑦ 18:12

ᑖᒃᑯᐊᓕ ᑭᐅᒃᐸᑕ, ‘ᐋᒃᑲ, ᑍᒤᑦᓱᒪᓐᖏᓚᒍᑦ, ᐱᓇᓱᐊᕈᒪᔭᑦᑎᓐᓂᒃ ᐱᓇᓱᐊᕈᒪᒐᑦᑕ, ᑕᒪᑦᑕ ᒪᓕᒍᒪᒐᑦᑕ ᐆᒻᒪᑎᑦᑕ ᐱᐅᖏᑦᑐᓕᔪᒪᓂᖏᓐᓂᑦ ᓴᖑᔪᒪᓐᖏᓚᒍᑦ.’”

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 3:17

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒻ ᐊᑕᓂᕐᒧᑦ ᐃᒃᓯᕙᐅᑕᕐᔪᐊᖃᕐᕕᐅᓂᕋᕐᑕᐅᓕᕈᒫᕐᐳᖅ, ᐃᓅᖃᑎᒌᒡᔪᐊᓪᓗ ᔨᕉᓴᓕᒧᑦ ᑲᑎᖃᑦᑕᕈᒫᕐᐳᑦ ᐊᑕᓂᐅᑉ ᐊᑎᖓᓂᒃ ᐅᐱᒍᓱᖕᓂᕐᒥᖕᓂᒃ ᓇᓗᓁᕐᓯᔭᕐᑐᕐᓗᑎᒃ. ᐆᒻᒪᑎᒥᒃᑕ ᓯᑎᔫᓂᖏᓐᓂᒃ ᐱᐅᖏᑦᑐᓕᔪᒪᓂᖏᓐᓂᒡᓗ ᒪᓕᒍᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 4:10

ᐅᖃᕐᐳᖓᓕ, “ᐊᑕᓃᖅ ᒎᑏ, ᔨᕉᓴᓕᒥᐅᑦ ᐃᓄᖏᑦ ᓴᒡᓗᕿᑉᐸᑎᑦ ᖃᓄᐃᓐᓇᖏᑦᑐᒥᒃ ᐃᓅᓯᖃᕐᓂᐊᕐᓂᕋᕐᓗᒋᑦ, ᓱᓇᐅᕝᕙᓕ ᑐᖁᑕᐅᓂᐊᕐᑎᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 5:12

ᐊᑕᓂᖅ ᓴᒡᓗᑎᒋᓪᓗᒍ ᐅᖃᓚᐅᕐᒪᑕ ᐅᖃᕐᓗᑎᒃ, “ᖃᓄᐃᓕᐅᑦᔮᖏᓐᓚᖅ ᐅᕙᑦᑎᓐᓂᒃ, ᐊᓯᕈᕐᓇᕐᑐᒧᑦ ᑎᑭᑕᐅᑦᔮᓐᖏᓚᒍᑦ, ᐅᓇᑕᕐᑐᓂᒃ ᑳᖕᓇᕐᑐᒥᒡᓘᓐᓃᑦ ᑕᑯᓚᐅᕐᓯᒪᑦᔮᓐᖏᓚᒍᑦ.”

ᔨᕆᒤᐊᐅᑉ ᐊᒡᓚᖏᑦ 6:14

ᐃᓄᖁᑎᒪ ᑭᓪᓕᖏᓐᓂᒃ ᒪᑦᑐᓯᕐᓯᑐᐃᓐᓇᕐᐳᑦ. ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᖃᓄᐃᓐᓇᕐᑐᒦᒃᑲᓗᐊᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 7:24

ᑭᓯᐊᓂᓕ ᑐᓴᓚᐅᓐᖏᓚᑦ, ᓈᓚᓚᐅᓐᖏᓚᓪᓘᓐᓃᑦ, ᒪᓕᖔᑐᐃᓐᓇᓕᓚᐅᕐᐳᑦ ᓈᒻᒪᖏᑦᑐᓂᒃ ᐆᒻᒪᑎᖏᑦ ᓯᑎᔫᒐᒥᒃ, ᐃᓱᒪᒥᖕᓂᒃ ᐃᓅᑐᐃᓐᓇᐅᓚᐅᕐᐳᑦ ᑭᖑᒧᑦ ᑕᑯᓐᓇᕋᒥᒃ ᓯᕗᒨᖏᑦᑐᖅ.

ᔨᕆᒤᐊᐅᑉ ᐊᒡᓚᖏᑦ 8:11

ᐃᓄᖁᑎᒪ ᑭᓪᓕᖏᓐᓂᒃ ᕿᑦᑐᑳᒃᓯᒪᔪᑐᐃᓐᓇᕐᑎᑐᑦ ᒪᑦᑐᓯᕐᓯᕙᖕᒪᑕ. ᐅᖃᕐᐸᒃᐳᑦ, ᖃᓄᐃᖏᑦᓯᐊᕐᐳᒍᑦ ᖃᓄᐃᖏᑦᓯᐊᕐᐳᒍ, ᓮᒪᓇᕐᑐᖃᕈᓐᓃᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 9:14

ᒪᓕᖔᕈᒪᓚᐅᕐᒪᑕᓕ ᓯᑎᔫᓂᕐᒥᖕᓄᑦ ᐃᓱᒪᒋᔭᒥᖕᓂᒃ, ᒪᓕᒐᖃᖔᕈᒪᓪᓗᑎᒃ ᐰᓕᒥᒃ, ᓯᕗᓕᖏᑕ ᑍᒪᓐᓇ ᐊᔪᕆᕐᑐᓚᐅᕐᒪᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:14

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᑕᑯᑎᑕᐅᓂᖏᑦ ᓱᓕᓐᓂᖏᒻᒪᑕ ᐊᑑᑎᖃᕋᑎᒡᓗ, ᐊᔪᕐᑐᓕᓯᒪᓂᑦᓯᓐᓂᒃ ᑕᑯᑎᑦᓯᓚᐅᖏᒻᒪᑕ ᑎᒍᔭᐅᖁᓇᓯ, ᐊᔪᕆᕐᑐᐃᑦᔪᑎᒋᔭᖏᑦ ᓱᓕᖏᒻᒪᑕ ᑕᒻᒪᕐᑎᑦᓯᓪᓗᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 13:10

“ᐃᓛᒃ ᑖᒃᑯᐊ, ᐃᓄᖁᑎᓐᓂᒃ ᑕᒻᒪᕐᑎᑦᓯᓚᐅᕐᐳᑦ, ᐅᖃᕐᓗᑎᒃ, ‘ᖃᓄᐃᓐᓇᕐᑐᖃᓐᖏᓚᖅ,’ ᐅᕝᕙ ᖃᓄᐃᓐᓇᕐᑐᑦ ᐊᑐᓕᕐᑎᓪᓗᒋᑦ; ᐃᓄᖁᑎᒃᑲ ᐊᕙᓗᕐᔪᐊᓕᐅᕐᑎᓪᓗᒋᑦ, ᑖᒃᑯᐊ ᓇᓚᐅᑦᑍᔨᐅᓂᕋᕐᑐᑦ ᖄᖓᒍᑦ ᖃᑯᕐᑕᒥᒃ ᒥᖑᐊᕆᔨᑐᐃᓐᓇᐅᕗᑦ;

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 13:22

“ᓴᐱᓕᕐᑎᑦᓯᖃᑦᑕᕋᑦᓯ ᐃᓄᖕᓂᒃ ᐃᓱᐊᕐᑐᓕᔪᓂᒃ ᓱᓕᖏᑦᑐᓄᑦ, ᓴᐱᓕᕐᑎᓯᒪᓐᖏᑕᓐᓂᒃ, ᐱᐅᖏᑦᑐᓕᔪᓪᓗ ᐱᐅᖏᑦᑐᓕᓂᕐᒧᑦ ᑲᔪᖏᕐᓴᖃᑦᑕᕋᑦᓯᒋᒃ, ᕿᒤᖁᔨᖃᑦᑕᖏᓐᓇᑦᓯ ᐱᐅᖏᑦᑐᓕᓂᕐᒥᖕᓂᒃ ᐃᓅᓯᕐᒥᖕᓂᒃ ᐱᐅᓕᓯᖁᓇᒋᑦ;

ᐂᒨᓯᐅᑉ ᐊᒡᓚᖏᑦ 9:10

ᐃᓄᖁᑎᓐᓂ ᐊᔪᕐᑐᓕᔪᓕᒫᑦ ᑐᖁᔪᒫᕐᐳᑦ ᓴᕕᒡᔪᐊᒧᑦ, ᐃᒫᒃ ᐅᖃᕐᑐᑦ, ‘ᐱᐅᖏᑦᑐᒧᑦ ᐊᖑᔭᐅᓂᐊᓐᖏᓚᒍᑦ ᑎᑭᑕᐅᓂᐊᓐᖏᓚᒍᓪᓘᓐᓃᑦ.’”

ᒤᑲᐅᑉ ᐊᒡᓚᖏᑦ 2:11

ᐃᓄᒃ ᓴᒡᓗᑐᔪᖅ ᓴᒡᓗᓗᓂ ᐅᖃᕐᐸᑦ ᐃᒫᒃ, “ᓇᓚᐅᑦᑍᓂᐊᕐᐳᖓ ᐃᓕᑦᓯᓐᓄᑦ ᕔᓂᖃᑦᓯᐊᕐᓂᐊᕐᐳᓯ ᐃᒥᐊᓗᖃᕐᓗᓯᓗ ᓴᓐᖏᔪᒥᒃ,” ᑍᒤᑦᑐᒥᒃ ᐊᔪᕆᕐᑐᐃᔨᖃᕈᒪᕗᓯ ᐃᓄᖕᓄᑦ.

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᒤᑲᐅᑉ ᐊᒡᓚᖏᑦ 3:5

“ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐃᓄᖁᑎᒃᑲ ᑕᒻᒪᕐᑎᑕᐅᕗᑦ ᓇᓚᐅᑦᑍᓂᕐᓗᒃᑐᓄᑦ, ᓮᓕᑦᓯᐊᕐᓂᕐᒥᒃ ᐊᖏᕈᑎᖃᕐᐸᒃᐳᑦ ᓂᕆᑎᑦᓯᔨᒥᖕᓂᒡᓗ, ᓂᕿᒃᓴᖃᕐᑎᑦᓯᖏᑦᑐᓄᓪᓗ ᓯᕘᕋᓵᕆᕙᒃᑐᑦ ᐅᓇᑕᕆᐊᕐᑐᕐᓂᐊᕐᓂᕋᕐᓗᒋᑦ.

ᔨᐸᓁᐊᐅᑉ ᐊᒡᓚᖏᑦ 1:12

“ᑕᒪᓐᓇ ᐊᑐᓕᕐᐸᑦ ᔨᕉᓴᓕᒻ ᕿᓂᕐᕕᒋᔪᒫᕐᐸᕋ ᓇᓂᕈᐊᓄᑦ, ᓱᒋᐊᕈᒫᕐᐸᒃᑲᓗ ᐃᒻᒥᖕᓂᒃ ᓈᒻᒪᒐᓱᒋᔪᑦ ᐱᔪᓐᓇᕋᓱᒋᔪᓪᓗ, ᐆᒻᒪᑎᒥᒍᓪᓗ ᐃᓱᒪᔪᑦ, ‘ᐊᑕᓂᖅ ᐱᐅᔪᓂᒃ ᐱᐅᖏᑦᑐᓂᒡᓘᓐᓃᑦ ᐱᓇᓱᐊᕐᓂᐊᓐᖏᓚᖅ.’

ᓴᑲᕅᐊᐅᑉ ᐊᒡᓚᖏᑦ 10:2

ᒎᑎᓐᖑᐊᑦ ᓂᓪᓕᐊᖕᒪᑕ ᐅᐃᕕᕆᒃᓯᓂᕐᒥᒃ, ᓯᓚᕐᔪᐊᕐᒥᓗ ᓇᓚᐅᑦᑍᔩᑦ ᑕᑯᕙᖕᒪᑕ ᓱᓕᖏᑦᑐᓂᒃ, ᓂᕆᐅᒋᔭᒃᓴᓂᒡᓗ ᓱᓕᖏᑦᑐᓂᒃ ᐅᖃᐅᓯᖃᕐᐸᒃᓗᑎᒃ; ᓮᒻᒪᕐᓮᓪᓚᕆᒃᐸᖏᒻᒪᑕ, ᑍᒤᒻᒪᑦ ᐃᓄᐃᑦ ᓇᒧᑐᐃᓐᓇᖅ ᐱᓱᒃᐳᑦ ᐃᓱᒪᔮᕐᓗᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ.

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᒨᓯᓯ ᓯᑕᒪᖏᑦ 11:20

ᑕᖅᑭᓕᒫᒥᒡᓕ, ᓱᕐᓗᑦᓯᓐᓂᑦ ᓂᕿ ᐊᓂᐊᓕᕐᐸᑦ ᑭᓯᐊᓂ, ᐃᓕᑦᓯᓗ ᐊᕆᐅᒍᑦᓯᐅᒃ, ᐊᑕᓂᖅ ᐊᑯᓐᓇᑦᓯᓐᓃᑦᑐᖅ ᓇᕐᕈᒋᓚᐅᕋᑦᓯᐅᒃ, ᓵᖓᓂᓗ ᕿᐊᓪᓗᓯ ᐅᖃᕐᓗᓯᓗ, ‘ᓱᖕᒪᑦ ᐄᑦᔨᑉᑎᒥᑦ ᐊᐅᓪᓚᓚᐅᕐᐱᑕ?’”

ᓘᑲᓯᐅᑉ ᐊᒡᓚᖏᑦ 10:16

“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”

ᒨᓯᓯ ᑕᓪᓕᒪᖏᑦ 29:18

ᐅᓗᕆᐊᓱᒋᑦᓯ ᐃᓕᑦᓯᓐᓃᑦᑐᖃᖁᓇᒍ ᐊᖑᒻᒥᒃ, ᐊᕐᓇᒥᒡᓘᓐᓃᑦ, ᕿᑐᕐᖓᕇᓂᒡᓘᓐᓃᑦ, ᑭᖑᕚᕇᓂᒡᓘᓐᓃᑦ, ᐅᓪᓗᒥ ᐆᒻᒪᑎᒥᒍᑦ ᐊᑕᓂᕐᒥᑦ ᒎᑎᑦᑎᓐᓂᑦ ᓴᖑᓯᒪᔪᒥᒃ ᐃᓅᖃᑎᒌᒡᔪᐊᓪᓗ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᕈᒪᓕᕐᑐᓂᒃ; ᑕᒪᓐᓇ ᑍᒤᑦᑐᖅ ᐱᕈᕐᓯᐊᒃᓴᐅᑉ ᓄᓇᒧᑦ ᒪᖒᒪᓂᖓᑐᑦ ᑍᒤᑉᐳᖅ ᐱᕈᕐᑐᖃᕈᒫᕐᓗᓂ ᖃᓯᓕᓇᕐᑐᒥᒃ ᑐᖁᓐᓇᕐᑐᒥᒡᓗ.

ᒨᓯᓯ ᑕᓪᓕᒪᖏᑦ 29:19

ᐅᓪᓗᒥ ᐅᕙᓃᑦᑐᒥᒃ ᐱᖁᔨᑦᔪᑎᐅᓪᓚᕆᒃᑐᓂᒃ ᑐᓵᔪᒥᒃ ᐃᓱᒪᔪᖃᕐᑍᓕᓕ ᑍᒤᑦᑐᓅᓕᕋᓗᐊᕈᓂ ᖃᓄᐃᓐᓂᐊᕋᓱᒋᖏᑦᑐᒥᒃ, ᓈᓚᒍᒪᖏᓪᓗᓂ ᐊᓯᒥᓂᒃ ᐃᓱᒪᒋᔭᑐᐃᓐᓇᕐᒥᓂᒃ ᐃᓅᔪᓐᓇᕋᓱᒋᔪᒥᒃ. ᑕᒪᓐᓇ ᑍᒤᓕᖓᓂᖅ ᑕᒪᑦᓯᓐᓂᒃ ᓄᖑᑎᑦᓯᔪᒫᕐᐳᖅ, ᐱᐅᔪᓂᒃ ᐱᐅᖏᑦᑐᓂᒡᓗ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8

ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.