ᔨᕆᒤᐊᐅᑉ ᐊᒡᓚᖏᑦ 23:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᓇᓚᐅᑦᑍᓂᕐᓗᒃᑐᑦ ᐅᖃᐅᓯᕆᔭᖏᑦ ᓈᓚᒃᑍᓕᓯᒋᒃ; ᓱᓕᖏᑦᑐᓂᒃ ᓂᕆᐅᒋᔭᒃᓴᕐᑖᕐᑎᖃᑦᑕᕐᒪᓯ ᐃᓱᒪᒋᔭᑐᐃᓐᓇᕐᒥᖕᓂᒡᓗ ᑕᑯᑎᑕᐅᓂᕋᕐᐸᒃᓗᑎᒃ ᐊᑕᓂᕐᒥᑦ ᐱᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 23:16 Iomraidhean Croise

ᐊᑕᓃᑦ ᓯᕗᓪᓖᑦ 22:11

ᔨᑎᑬᐊᓕ ᓯᓈᓇᐅᑉ ᐃᕐᓂᖓ ᓴᕕᕋᔭᖕᓂᒃ ᓇᒡᔪᓐᖑᐊᖕᓂᒃ ᓇᖕᒥᓂᖅ ᓴᓇᕗᖅ, ᐅᖃᕐᓗᓂᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑖᒃᑯᖕᓄᖓ ᓯᕆᐊᒥᐅᑦ ᐊᔭᐅᕈᒫᕐᐸᑎᑦ ᓵᓚᒋᒻᒪᕆᒡᓗᒋᑦ.’”

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᑯᕉᓂᑲ ᐂᑉᐸᖏᑦ 18:5

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᑲᑎᑎᑉᐰᑦ, ᐊᖑᑏᑦ 400, ᐅᖃᐅᑎᓪᓗᒋᓪᓗ, “ᐅᓇᑕᕆᐊᕐᑐᒃᓴᐅᕕᑖ ᕌᒪᑦ-ᒋᓖᑎᒧᑦ, ᐅᕝᕙᓗ ᐅᓇᑕᕆᐊᕐᑐᒃᓴᐅᓐᖏᓚᒎᑦ?” ᑖᒃᑯᐊ ᐅᖃᐅᑎᕚᑦ, “ᑕᑉᐸᐅᖓ ᐂᓕᕆᑦ, ᒎᑎᐅᑉ ᐊᖓᔪᖅᑳᕐᔪᐊᑉ ᐊᒡᒐᖏᓐᓄᑦ ᑐᓂᓂᐊᕐᐰᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:27

ᐃᕐᓃᒃ, ᓄᖅᑲᕆᑦ, ᐊᔪᕆᕐᑐᕐᑕᐅᑦᔪᑎᒋᔭᕐᓂᒃ ᓈᓚᒃᓗᑎᑦ ᖃᐅᔨᑎᑕᐅᓂᕐᒥᒃ ᐊᓐᓁᖁᓇᑎᑦ.

ᔨᕆᒤᐊᐅᑉ ᐊᒡᓚᖏᑦ 14:14

ᐊᑕᓂᐅᓪᓗ ᐅᖃᐅᑎᕚᖓ, “ᓇᓚᐅᑦᑍᔩᓂᒃᑯᐊ ᐅᖃᕐᑎᑕᐅᓂᕋᖃᑦᑕᕐᑐᑦ ᐊᑎᓐᓂ ᓴᒡᓗᓪᓗᑎᒃ; ᐅᖃᖁᓗᒋᑦ ᑎᓕᓚᐅᓐᖏᓚᒃᑲ, ᐅᖃᕐᕕᒋᓚᐅᕐᓇᒋᓪᓗ. ᐅᖃᐅᓯᖏᑦ ᓱᓕᓐᖏᓚᑦ ᑕᑯᑎᑕᐅᓂᕋᕐᓂᖏᑦ, ᓯᕗᓂᒃᓴᒥᒃ ᐱᔪᒫᕐᓂᕅᓂᖏᑦ ᐊᑑᑎᖃᓐᖏᓚᑦ, ᐃᓱᒪᒋᔭᑐᐃᓐᓇᕐᒥᖕᓂᒃ ᓯᓔᕐᕆᒃᓯᕐᓗᑎᒃ ᐅᖃᐅᓯᖃᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᐳᖅ: “ᓱᓇᒥᒃ ᓯᕗᓕᓯ ᐸᑦᓯᑎᒃᓴᖃᓚᐅᕐᐹᑦ ᐅᕙᓐᓄᑦ? ᓱᓇᒧᑦ ᐅᕙᓐᓂᒃ ᑐᓄᐃᑎᑕᐅᕚᑦ? ᑐᒃᓯᐊᕐᕕᖃᓕᕐᓗᑎᒡᓗ ᐊᑑᑎᒃᓴᖃᖏᑦᑐᓂᒃ ᒎᑎᓐᖑᐊᓂᒃ, ᓇᖕᒥᓂᖅ ᓱᓇᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 23:21

“ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᑖᒃᑯᐊ ᑎᓕᓯᒪᓐᖏᓚᒃᑲ, ᐱᔪᒪᓂᕐᒥᓄᓪᓕ ᐅᖃᖃᑦᑕᕐᐳᑦ; ᐅᖃᕐᕕᒋᓚᐅᓐᖏᓚᒃᑲ, ᓱᓕᓕ ᐅᖃᓪᓚᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 23:26

ᖃᓄᖅ ᓯᕕᑐᑎᒋᔪᒥᒃ ᓴᒡᓗᖃᑦᑕᕐᓂᐊᕐᐹᑦ? ᐅᕙᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᒋᔭᐅᓐᖑᐊᕐᓗᑎᒃ ᐅᖃᓪᓚᒃᐸᒃᑐᑦ, ᐆᒻᒪᑎᒥᒃᑎᒍᑦ ᓯᓔᕐᕆᔭᐅᓪᓗᑎᒃ ᐅᖃᓪᓚᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 29:23

ᐃᓴᕆᐊᓕᒥ ᓈᒻᒪᖏᑦᑐᓂᒃ ᐱᓇᓱᐊᕐᓯᒪᖕᒪᑎᒃ, ᓯᓚᖅᑲᑎᒥ ᓄᓕᐊᖏᓐᓂᒃ ᐊᓯᓐᓂᐊᖃᑦᑕᕐᓯᒪᖕᒪᑎᒃ, ᐊᑎᕋᓗ ᐊᑐᕐᓗᒍ ᓴᒡᓗᓪᓗᑎᒃ ᐅᖃᖃᑦᑕᕐᓯᒪᓪᓗᑎᒃ, ᐅᖃᖁᓗᒋᑦ ᐅᖃᓚᐅᕐᓯᒪᑎᓐᓇᖓ. ᐅᕙᖓ ᖃᐅᔨᒪᒐᒪ, ᖃᐅᔨᓯᒪᔫᓂᐊᕐᐳᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 29:8

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᒎᑎᒧᑦ ᐅᖃᕐᑎᒋᔭᐅᔪᓄᑦ ᓯᓔᕐᕆᔭᐅᑦᑍᓕᒋᑦᓯ, ᐅᕝᕙᓘᓐᓃᑦ ᓯᕗᓂᒃᓴᒥᒃ ᖃᐅᔨᒪᓇᓱᐊᕐᑎᓄᑦ, ᓯᓐᓇᒃᑐᖏᓪᓗ ᐅᒃᐱᕆᑦᑍᓕᓯᒋᒃ.

ᔨᕆᒤᐊᐅᑉ ᐊᒡᓚᖏᑦ 9:12

ᐃᓄᒃᑕᖃᕐᐹ ᑕᒪᑐᒥᖓ ᑐᑭᓯᔪᓐᓇᕐᑐᒥᒃ ᓯᓚᑐᓂᕐᒥᓄᑦ? ᑭᓇ ᐊᑕᓂᕐᒧᑦ ᐊᔪᕆᕐᑐᕐᑕᐅᓯᒪᓂᕐᒥᓄᑦ ᑕᒪᑐᒥᖓ ᑐᑭᓯᓇᕐᓯᑎᑦᓯᔪᓐᓇᕐᐹ? ᖃᓄᐃᒻᒪᑦ ᓄᓇ ᐊᓯᕈᕐᓯᒪᕚ ᐊᑐᕐᑐᒃᓴᐅᔪᓐᓃᕐᓗᓂᓗ ᓲᕐᓗ ᐃᓄᖃᔪᐃᑦᑐᑎᑐᑦ ᐊᑐᕐᑕᐅᔪᓐᓁᓪᓕᓪᓗᓂ?

ᔨᕆᒤᐊᐅᑉ ᐊᒡᓚᖏᑦ 9:20

“ᐊᕐᓇᐅᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᒋᒃ, ᑐᑭᓯᓇᓱᐊᓕᕐᓯᐅᒃ ᐊᑕᓂᐅᑉ ᐅᖃᕐᑕᖏᑦ, ᐸᓂᓯ ᕿᐊᓂᕐᒥᒃ ᐃᓕᓴᓕᕐᓯᐅᒃ, ᐅᒡᒍᐊᕐᓂᕐᒥᒃ ᐃᓕᓴᖃᑦᑕᐅᑎᓕᕆᑦᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9

ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 13:16

ᑍᒃᑯᐊᓗ ᐱᔪᒫᕐᑐᓂᒃ ᐅᖃᕐᑎᐅᓂᕋᕐᓗᑎᒃ ᐃᓴᕆᐊᓕᒥ ᐅᖃᕐᐸᓚᐅᕐᑐᑦ ᔨᕉᓴᓕᒥᐅᓂᒃ ᖃᓄᐃᓛᖏᓐᓂᕅᓪᓗᑎᒃ, ᖃᓄᐃᓐᓇᕐᑐᑦ ᐊᑐᓕᕋᓗᐊᕐᑎᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 13:23

ᑍᒤᒻᒪᑦ ᑕᑯᑎᑕᐅᓐᖑᐊᕐᓂᕆᖃᑦᑕᕐᑕᓯ ᓄᖅᑲᕐᓂᐊᓕᕐᐳᖅ ᐱᔪᒫᕐᑐᒃᓴᓂᒡᓗ ᐅᖃᐅᓯᖃᕋᓱᖃᑦᑕᕐᓂᓯ ᐃᓱᓕᑉᐳᖅ; ᐃᓄᖁᑎᒃᑲ ᓴᐳᑎᓂᐊᓕᕐᐸᒃᑲ ᐱᔪᓐᓇᐅᑎᑦᓯᓐᓂᑦ. ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 13:3

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᑲᑉᐱᐊᓐᓇᒦᒃ ᓯᓔᑦᑐᑦ ᐱᔪᒫᕐᑐᒃᓴᓂᒃ ᐅᖃᓪᓚᒐᓱᖃᑦᑕᕐᑐᑦ ᐃᓱᒪᑐᐃᓐᓇᕐᒥᖕᓂᑦ ᐱᔪᓂᒃ, ᑕᑯᑎᑕᐅᓚᐅᕋᑎᒃ!

ᐃᓯᑭᐊᓕᐅᑉ ᐊᒡᓚᖏᑦ 13:6

ᓱᓕᖏᑦᑐᒥᒃ ᐅᖃᖃᑦᑕᕐᒪᑕ ᓴᒡᓗᓪᓚᕆᒃᓗᑎᒃ; ᐅᖃᖃᑦᑕᕐᐳᑦ, ‘ᐊᑕᓂᖅ ᐅᖃᕐᐳᖅ,’ ᐊᑕᓂᕐᒧᑦ ᑎᓕᔭᐅᓯᒪᓇᑎᒃ, ᐅᖃᐅᓯᕆᔭᒥᖕᓂᒃ ᓂᕆᐅᒋᔭᖃᕋᓱᖃᑦᑕᕐᐳᑦ ᓇᓚᐅᑦᓯᑎᑕᐅᓂᐊᕋᓱᒋᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 22:28

ᐱᔪᒫᕐᑐᒃᓴᓂᒡᓗ ᐅᖃᕐᑎᖏᑕ ᐊᔪᕐᑐᓕᓃᑦ ᓴᖅᑭᑎᖃᑦᑕᓐᖏᓔᑦ ᐊᑭᓐᓇᕐᒥᒃ ᒥᖑᐊᕐᓯᔪᑎᑐᑦ ᖃᑯᕐᑕᒧᑦ ᑕᓕᑎᑦᓯᔪᑎᑐᑦ, ᓱᓕᖏᑦᑐᓂᒡᓗ ᑕᑯᑎᑕᐅᓂᕋᕐᐸᒃᓗᑎᒃ, ᐱᔪᒫᕐᑐᒃᓴᓂᒡᓗ ᓴᒡᓗᓪᓗᑎᒃ ᐅᖃᐅᓯᖃᕐᐸᒃᐳᑦ, ᐅᖃᕐᓗᑎᒃ, ‘ᑍᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ,’ ᐊᑕᓂᕐᒧᑦ ᐅᖃᐅᑦᔭᐅᓚᐅᕋᑎᒃ.

ᒤᑲᐅᑉ ᐊᒡᓚᖏᑦ 2:11

ᐃᓄᒃ ᓴᒡᓗᑐᔪᖅ ᓴᒡᓗᓗᓂ ᐅᖃᕐᐸᑦ ᐃᒫᒃ, “ᓇᓚᐅᑦᑍᓂᐊᕐᐳᖓ ᐃᓕᑦᓯᓐᓄᑦ ᕔᓂᖃᑦᓯᐊᕐᓂᐊᕐᐳᓯ ᐃᒥᐊᓗᖃᕐᓗᓯᓗ ᓴᓐᖏᔪᒥᒃ,” ᑍᒤᑦᑐᒥᒃ ᐊᔪᕆᕐᑐᐃᔨᖃᕈᒪᕗᓯ ᐃᓄᖕᓄᑦ.

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᕉᒪᒥᐅᓄᑦ 1:21

ᒎᑎᒥᒃ ᖃᐅᔨᒪᒐᓗᐊᕐᐳᑦ ᓂᕐᑐᕐᓇᒍᓕ ᒎᑎᖃᕐᑐᑎᑐᑦ ᖁᔭᒋᓇᒍᓘᓐᓃᑦ, ᐃᓱᒪᒋᔭᖏᑦ ᐊᑑᑎᖃᕈᓐᓃᕐᐳᑦ ᐃᓱᒪᖏᓪᓗ ᐃᒃᐱᒍᓱᖏᑦᑐᑦ ᑖᕐᓯᑎᑕᐅᕗᑦ.

ᔪᐊᓇᓯ ᓯᕗᓪᓖᑦ 4:1

ᓇᒡᓕᒋᔭᒃᑲ, ᐊᓂᕐᓃᑦ ᑕᒪᕐᒥᒃ ᐅᒃᐱᕆᓂᐊᕋᓯᒋᒃ, ᐊᓂᕐᓃᓪᓕ ᐆᒃᑐᕐᓯᒋᒃ ᒎᑎᒥᑦ ᐱᖕᒪᖔᑕ; ᐊᒥᓱᑦ ᓇᓚᐅᑍᔫᓐᖑᐊᕐᑐᑦ ᓇᒧᑐᐃᓐᓇᖅ ᐂᓯᒪᖕᒪᑕ ᓯᓚᕐᔪᐊᕐᒧᑦ.