ᔨᕆᒤᐊᐅᑉ ᐊᒡᓚᖏᑦ 23:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕉᓴᓕᒦᑦᑐᑦ ᐱᓪᓗᒋᑦ: “ᑕᑯᒋᑦ, ᓂᕆᑎᑦᓱᒫᕐᐸᒃᑲ ᓂᕿᒥᒃ ᖃᒃᑭᓐᓇᕐᑐᒥᒃ, ᐃᒥᕐᑎᓪᓗᒋᓪᓗ ᐃᒪᕐᒥᒃ ᑐᖁᓐᓇᕐᑐᒥᒃ, ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ ᔨᕉᓴᓕᒥ ᐱᒋᐊᕐᕕᐅᓪᓗᑎᒃ ᐅᒃᐱᖏᓐᓂᖅ ᓯᐊᒻᒪᕐᐸᓪᓕᐊᓕᕐᒪᑦ ᓄᓇᓕᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 23:15 Iomraidhean Croise

ᐃᓐᖏᕈᑎᑦ 69:21

ᑳᓕᕐᑎᓪᓗᖓ ᓂᕆᓂᐊᕐᑕᒃᑲ ᓱᖓᕐᒥᒃ ᐃᓚᕔᑦ, ᐃᒥᕈᓕᕋᒪᓗ ᕕᓂᒐᒥᒃ ᐃᒥᕐᑎᑉᐹᖓ.

ᔨᕆᒤᐊᐅᑉ ᐊᒡᓚᖏᑦ 14:15

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᑖᒃᑯᓄᖓ ᐱᔪᒫᕐᑐᒃᓴᓂᒃ ᐅᖃᕐᑎᑕᐅᓂᕋᖃᑦᑕᕐᑐᓄᑦ ᐊᑎᕋ ᐊᑐᕐᓗᒍ ᑎᓕᓚᐅᖏᒃᑲᓗᐊᕐᑕᒃᑲ, ᐅᖃᕐᐸᒃᑐᑦ, ‘ᐅᓇᑕᕐᑐᖃᕐᓂᐊᓐᖏᓚᖅ ᑳᖕᓇᕐᑐᖃᕐᓂᐊᕋᓂᓗ ᑕᒫᓂ ᓄᓇᒥ’; ᑖᒃᑯᐊ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᐅᕙᓐᓄᑦ ᓇᖕᒥᓂᖅ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᒧᓪᓗ ᓄᖑᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 8:14

“ᖃᓄᐃᒻᒪᑦ ᑲᑎᒪᓪᓗᑕ ᐃᒃᓯᕚᑐᐃᓐᓇᕐᐱᑖ? ᕿᒫᓚᐅᕐᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ ᑐᖁᔭᕐᑐᕐᓗᑕ. ᐊᑕᓂᐅᑉ ᒎᑎᑦᑕ ᑐᖁᔪᒃᓴᐅᖁᓕᕐᒪᑎᒍᑦ, ᑐᖁᓐᓇᕐᑐᒥᒡᓗ ᐃᒥᖁᑎᖃᓕᕐᑎᒻᒪᑎᒍᑦ, ᐊᔪᕐᑐᓕᕕᒋᓚᐅᕋᑦᑎᒍ.

ᔨᕆᒤᐊᐅᑉ ᐊᒡᓚᖏᑦ 9:14

ᒪᓕᖔᕈᒪᓚᐅᕐᒪᑕᓕ ᓯᑎᔫᓂᕐᒥᖕᓄᑦ ᐃᓱᒪᒋᔭᒥᖕᓂᒃ, ᒪᓕᒐᖃᖔᕈᒪᓪᓗᑎᒃ ᐰᓕᒥᒃ, ᓯᕗᓕᖏᑕ ᑍᒪᓐᓇ ᐊᔪᕆᕐᑐᓚᐅᕐᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 9:15

ᑍᒤᒻᒪᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑕᑯᒋᑦ, ᐃᓄᐃᑦ ᑖᒃᑯᐊ ᓂᕆᑎᓐᓂᐊᕐᐸᒃᑲ ᒪᒤᑦᑐᓂᒃ, ᑐᖁᓐᓇᕐᑐᒥᒡᓗ ᐃᒥᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:15

ᐋᓐᓂᐊᕈᑎᒃᓮᓐᓇᕐᓂᒃ ᒪᒪᖏᑦᑐᓂᒃ ᐃᒥᒐᒃᓴᖃᕐᑎᑉᐹᖓ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:19

ᐅᑯᒤᒃᓴᕐᓂᕋ ᐃᓱᒪᒋᓕᕌᖓᒃᑯ, ᓇᒧᓐᖓᕐᕕᒃᓴᖃᖏᓐᓂᕋᓗ, ᓱᖓᕐᑎᑐᑦ ᖃᒃᑭᓐᓇᕐᑐᑎᑐᑦ ᑍᒤᑉᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:5

ᐊᔪᓕᕐᑎᑉᐹᖓ ᑎᒍᔭᐅᓯᒪᔪᑎᑐᑦ ᖁᕕᐊᓇᖏᑦᑐᒧᑦ ᐅᖁᒤᒃᓴᕐᓇᕐᑐᒧᓪᓗ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᒫᑎᐅᓯᐅᑉ ᐊᒡᓚᖏᑦ 27:34

ᑕᕝᕙᓂ ᔩᓱᓯ ᐅᐂᓂᒥᒃ ᖃᓯᓕᓇᕐᑐᒥᒃ ᐃᓚᓕᖕᒥᒃ ᐃᒥᕐᑎᓐᓇᓱᐊᕐᐹᑦ; ᔩᓱᓯᐅᑉ ᐆᒃᑐᕋᒥᐅᒃ, ᐃᒥᕈᒪᓐᖏᓛ.

ᒨᓯᓯ ᑕᓪᓕᒪᖏᑦ 29:18

ᐅᓗᕆᐊᓱᒋᑦᓯ ᐃᓕᑦᓯᓐᓃᑦᑐᖃᖁᓇᒍ ᐊᖑᒻᒥᒃ, ᐊᕐᓇᒥᒡᓘᓐᓃᑦ, ᕿᑐᕐᖓᕇᓂᒡᓘᓐᓃᑦ, ᑭᖑᕚᕇᓂᒡᓘᓐᓃᑦ, ᐅᓪᓗᒥ ᐆᒻᒪᑎᒥᒍᑦ ᐊᑕᓂᕐᒥᑦ ᒎᑎᑦᑎᓐᓂᑦ ᓴᖑᓯᒪᔪᒥᒃ ᐃᓅᖃᑎᒌᒡᔪᐊᓪᓗ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᕈᒪᓕᕐᑐᓂᒃ; ᑕᒪᓐᓇ ᑍᒤᑦᑐᖅ ᐱᕈᕐᓯᐊᒃᓴᐅᑉ ᓄᓇᒧᑦ ᒪᖒᒪᓂᖓᑐᑦ ᑍᒤᑉᐳᖅ ᐱᕈᕐᑐᖃᕈᒫᕐᓗᓂ ᖃᓯᓕᓇᕐᑐᒥᒃ ᑐᖁᓐᓇᕐᑐᒥᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 8:11

ᑖᓐᓇ ᐅᓪᓗᕆᐊᖅ ᐊᑎᖃᕐᐳᖅ ᖃᒃᑭᓐᓇᕐᑐᒥᒃ. ᐃᒪᐅᓪᓗ ᐊᕝᕙᖓᑕ ᐅᖓᑖᓃᑦᑐᖅ ᖃᒃᑭᓐᓇᕐᓯᕗᖅ, ᐃᓄᐃᓪᓗ ᐃᒥᕐᑐᑦ ᐊᒥᓱᑦ ᑐᖁᕗᑦ, ᐃᒪᐅᑉ ᑕᒪᑐᒪ ᖃᒃᑭᓐᓇᕐᓯᓯᒪᓂᖓᓄᑦ.