ᔨᕆᒤᐊᐅᑉ ᐊᒡᓚᖏᑦ 23:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᔨᕉᓴᓕᒥᐅᓂᓗ ᒎᑎᒧᑦ ᐱᔪᖃᓛᕐᑐᒥᒃ ᐅᖃᕐᑎᐅᔪᓂᒃ ᐱᐅᖏᓐᓂᕐᓴᓂᒃ ᑕᑯᓯᒪᕗᖓ, ᐊᓯᓐᓂᐊᖃᑦᑕᕐᒪᑕ ᐃᓅᓯᖃᓕᕐᓗᑎᒡᓗ ᓱᓕᖏᑦᑐᒥᒃ; ᐱᐅᖏᑦᑐᓕᔪᓂᒃ ᐃᑲᔪᕐᑐᐃᑐᐃᓐᓇᖃᑦᑕᓕᕐᐳᑦ, ᐱᐅᖏᑦᑐᓕᓂᕐᒥᖕᓂᑦ ᓵᒋᐊᕐᑐᖃᕈᓐᓇᕈᓐᓃᕐᐳᖅ; ᓱᑑᒪᒥᐅᓄᑦ ᐊᑦᔨᒋᔭᐅᑎᓕᕐᐸᒃᑲ, ᐃᓄᖏᓪᓗ ᒍᒨᕋᒥᐅᑎᑐᑦ ᑍᒤᓕᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 23:14 Iomraidhean Croise

ᒨᓯᓯ ᓯᕗᓪᓖᑦ 13:13

ᓱᑑᒪᐅᓪᓗ ᐃᓄᖏᑦ ᐱᐅᖏᑦᑐᓕᔨᐊᓘᓚᐅᕐᐳᑦ, ᐊᔪᕐᑐᓕᔪᕐᔪᐊᖑᓪᓗᑎᒡᓗ ᐊᑕᓂᕐᒧᑦ.

ᒨᓯᓯ ᓯᕗᓪᓖᑦ 18:20

ᑕᕝᕙ ᐊᑕᓂᖅ ᐅᖃᕐᐳᖅ, “ᓂᐱᖃᕈᑕᐅᒻᒪᕆᓕᕐᒪᑎᒃ ᓱᑑᒪ ᒍᒨᕋᓗ, ᐊᔪᕐᑐᓕᓂᕋᕐᑕᐅᓪᓗᑎᒃ ᐱᐅᖏᑦᑐᕐᔪᐊᓂᒃ.

ᒨᓯᓯ ᓯᕗᓪᓖᑦ 19:24

ᑕᕝᕙᓕ ᐊᑕᓂᖅ ᑲᑕᒐᕐᑎᑦᓯᓕᕐᐳᖅ ᐃᒃᑭᕆᒃᑐᓂᒃ ᐃᑯᒪᒥᒡᓗ ᐃᒡᓗᒐᓴᖕᓄᑦ ᓱᑑᒪᒧᑦ ᒍᒨᕋᒧᓪᓗ ᐊᑕᓂᕐᒥᑦ ᕿᓚᖕᒥᑦ ᐱᔪᓂᒃ.

ᒨᓯᓯ ᓯᕗᓪᓖᑦ 19:25

ᑖᒃᑯᐊᓗ ᐃᒡᓗᒐᓮᑦ ᐊᓯᕈᕐᐰᑦ, ᓇᕐᓴᓕᒫᕐᓗ, ᐃᓄᖏᓪᓗ ᑕᒪᕐᒥᒃ ᐃᒡᓗᒐᓴᖕᓃᑦᑐᑦ, ᐱᕈᕐᑐᓕᒫᓪᓗ ᓄᓇᒥ.

ᐂᓮᐊᓯᐅᑉ ᐊᒡᓚᖏᑦ 9:15

ᐃᓄᑐᖃᐅᔪᑦ ᐅᐱᒋᔭᐅᔪᓪᓗ ᑕᕝᕙ ᓂᐊᖂᕗᑦ, ᓱᓕᖏᑦᑐᒥᒃ ᓇᓚᐅᑦᑍᕙᒃᑐᑦ ᐃᓕᓮᕙᒃᑐᓪᓗ ᑕᕝᕙ ᐸᒥᐅᖑᕗᑦ;

ᔨᕆᒤᐊᐅᑉ ᐊᒡᓚᖏᑦ 14:14

ᐊᑕᓂᐅᓪᓗ ᐅᖃᐅᑎᕚᖓ, “ᓇᓚᐅᑦᑍᔩᓂᒃᑯᐊ ᐅᖃᕐᑎᑕᐅᓂᕋᖃᑦᑕᕐᑐᑦ ᐊᑎᓐᓂ ᓴᒡᓗᓪᓗᑎᒃ; ᐅᖃᖁᓗᒋᑦ ᑎᓕᓚᐅᓐᖏᓚᒃᑲ, ᐅᖃᕐᕕᒋᓚᐅᕐᓇᒋᓪᓗ. ᐅᖃᐅᓯᖏᑦ ᓱᓕᓐᖏᓚᑦ ᑕᑯᑎᑕᐅᓂᕋᕐᓂᖏᑦ, ᓯᕗᓂᒃᓴᒥᒃ ᐱᔪᒫᕐᓂᕅᓂᖏᑦ ᐊᑑᑎᖃᓐᖏᓚᑦ, ᐃᓱᒪᒋᔭᑐᐃᓐᓇᕐᒥᖕᓂᒃ ᓯᓔᕐᕆᒃᓯᕐᓗᑎᒃ ᐅᖃᐅᓯᖃᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 18:13

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: “ᐃᓅᖃᑎᒌᒡᔪᐊᓄᑦ ᖃᐅᔨᓇᓱᐊᓕᕆᑦ ᑍᒫᒃ ᐅᖃᕐᑐᖃᓚᐅᕐᓯᒪᖕᒪᖔᑕᓕ ᑍᒤᓚᐅᕐᓯᒪᖏᑦᓯᐊᕐᓗᑎᒃ ᐃᓴᕆᐊᓕᒥᐅᑦ ᐱᔭᒃᓴᐅᖏᑦᑐᐊᓗᖕᒥᒃ ᐊᑐᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 20:16

ᑍᓐᓇ ᐊᖑᑦ ᐃᒡᓗᒐᓴᒃᑎᑐᑦ ᐊᑕᓂᕐᒧᑦ ᓇᒡᓕᖕᓂᖃᕐᕕᐅᓇᑎᒃ ᐃᒋᑕᐅᓂᐊᕐᑐᑎᑐᑦ ᑍᒤᑕᐅᖁᕙᕋ, ᑍᒪᑐᖅ ᕿᐊᔪᓂᒃ ᑐᓴᒐᒃᓴᑐᐊᖃᕈᒫᕐᐳᖅ ᐅᓪᓛᑕᒫᑦ, ᐅᓇᑕᕆᐊᕐᑐᓂᒡᓗ ᑐᓴᒐᒃᓴᑐᐊᖃᕐᐸᒡᓗᓂ ᐅᓪᓘᑉ ᕿᑎᖓᓂ.

ᔨᕆᒤᐊᐅᑉ ᐊᒡᓚᖏᑦ 23:17

ᒎᑎᒥᒃ ᓇᕐᕈᒋᔭᓖᑦ ᐅᖃᐅᑎᖃᑦᑕᕐᒪᒋᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᖃᓄᐃᑕᐅᓇᕐᑐᒧᑦ ᑎᑭᑕᐅᑦᔮᓐᖏᓚᓯ’; ᐆᒻᒪᑎᒥ ᓯᑎᔫᓂᖏᓐᓂᒃ ᒪᓕᒃᑐᑦ ᐅᖃᕐᕕᒋᕙᒃᐰᑦ, ‘ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᓐᖏᓚᓯ.’”

ᔨᕆᒤᐊᐅᑉ ᐊᒡᓚᖏᑦ 23:22

ᐅᕙᓐᓂᒃ ᖃᐅᔨᒋᐊᕐᕕᖃᓚᐅᕈᑎᒃ, ᐅᖃᐅᓯᕆᖁᔭᓐᓂᒃ ᐅᖃᕈᓐᓇᕋᔭᓚᐅᕐᐳᑦ ᐃᓄᖁᑎᓐᓄᑦ, ᐱᐅᖏᑦᑐᓕᓂᖏᓐᓂᓪᓗ ᓴᖑᑎᑦᓯᒐᔭᓚᐅᕐᐳᑦ, ᐃᓕᖅᑯᓯᕐᒥᖕᓂᓪᓗ ᐱᐅᖏᑦᑐᓂᑦ.

ᔨᕆᒤᐊᐅᑉ ᐊᒡᓚᖏᑦ 23:32

ᑕᑯᒋᑦ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᓱᓕᖏᑦᑐᓂᒡᓗ ᓯᓐᓇᒃᑐᕐᓂᕋᖃᑦᑕᕐᑐᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᕐᒥᖕᓄᑦ ᐃᓄᖁᑎᒃᑲ ᑕᒻᒪᕐᑎᑉᐰᑦ ᓱᓕᖏᑦᑐᓂᒃ ᐅᖃᐅᓯᖃᕐᓂᕐᒥᖕᓄᑦ ᐱᐅᔪᕆᑦᔪᑎᒋᓪᓗᒋᓪᓗ, ᑎᓕᓯᒪᓐᖏᓚᒃᑲ ᐅᖃᖁᓗᒋᑦ; ᑍᒤᒻᒪᑦ ᐅᖃᓪᓚᖃᑦᑕᕐᓂᖏᑦ ᐃᓄᖁᑎᓐᓄᑦ ᐱᕚᓪᓕᕈᑕᐅᖏᑦᓯᐊᕐᐳᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 29:21

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐂᕼᐊᑉ ᐱᓪᓗᒍ ᑯᓔᐊᐅᑉ ᐃᕐᓂᖓ, ᔨᑎᑬᐊᓗ ᐱᓪᓗᒍ ᒫᓯᐊᐅᑉ ᐃᕐᓂᖓ, ᑖᒃᑯᐊᒃ ᓱᓕᖏᑦᑐᓂᒃ ᐊᑎᓐᓂ ᐅᖃᐅᑦᔪᐃᑲᑦᑕᕐᒪᑎᒃ ᐃᓕᑦᓯᓐᓂᒃ, ᑖᒃᑯᐊᒃ ᑎᒍᔭᐅᑎᓐᓂᐊᕐᐹᒃᑲᒃ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᑦᓱᒪᓗ ᑐᖁᑕᐅᑎᑦᓱᒫᕐᐹᒃ ᑕᑯᓐᓇᕐᑎᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 29:23

ᐃᓴᕆᐊᓕᒥ ᓈᒻᒪᖏᑦᑐᓂᒃ ᐱᓇᓱᐊᕐᓯᒪᖕᒪᑎᒃ, ᓯᓚᖅᑲᑎᒥ ᓄᓕᐊᖏᓐᓂᒃ ᐊᓯᓐᓂᐊᖃᑦᑕᕐᓯᒪᖕᒪᑎᒃ, ᐊᑎᕋᓗ ᐊᑐᕐᓗᒍ ᓴᒡᓗᓪᓗᑎᒃ ᐅᖃᖃᑦᑕᕐᓯᒪᓪᓗᑎᒃ, ᐅᖃᖁᓗᒋᑦ ᐅᖃᓚᐅᕐᓯᒪᑎᓐᓇᖓ. ᐅᕙᖓ ᖃᐅᔨᒪᒐᒪ, ᖃᐅᔨᓯᒪᔫᓂᐊᕐᐳᖓ ᑖᒃᑯᓂᖓ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 36:2

“ᑎᑎᕋᕐᕕᒃᓴᒥᒃ ᐃᒧᓯᒪᔪᒥᒃ ᐱᓗᑎᑦ ᑎᑎᕋᓕᕆᑦ ᐅᖃᐅᓯᕆᖃᑦᑕᓚᐅᕐᑕᓕᒫᓐᓂᒃ ᐃᓴᕆᐊᓕᒥᐅᑦ ᐱᑦᔪᑎᒋᓪᓗᒋᑦ, ᔫᑕᒥᐅᓪᓗ ᐊᓯᖏᓪᓗ ᐃᓅᖃᑎᒌᒡᔪᐊᑦ, ᔫᓮᐊ ᐊᖓᔪᖅᑳᕐᔪᐊᖑᑎᓪᓗᒍ ᐅᖃᖃᑦᑕᓚᐅᕐᑕᒃᑲ ᐱᒋᐊᕐᕕᒋᓗᒋᑦ ᐅᓪᓗᒥᒧᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 49:18

ᓲᕐᓗᑦᑕᐅᖅ ᓱᑑᒪᒥᐅᑦ ᒍᒨᕋᒥᐅᓪᓗ ᐊᓯᕈᕐᑕᐅᓂᕆᓚᐅᕐᑕᖓᑎᑐᑦ, ᓄᓇᓕᐅᖃᑎᒌᑦᑕᐅᖅ ᐊᓯᕈᕐᑕᐅᖃᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᑕᕝᕙᓂ ᓄᓇᖃᕐᑐᖃᕈᓐᓃᕈᒫᕐᒪᑦ ᐃᓄᖕᓄᑦ ᓄᓇᒋᔭᐅᔪᒪᔪᓐᓃᕈᒫᕐᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:6

ᐃᓄᖁᑎᒪ ᓱᒋᐊᕐᑕᐅᓂᖓᑦ ᐊᖏᓂᕐᓴᐅᓯᒪᕗᖅ ᓱᑑᒪᒥᐅᑦ ᓱᒋᐊᕐᑕᐅᓂᖓᓂᑦ, ᐊᓯᕈᕐᑕᐅᓇᕐᑐᒧᑦ ᑕᕝᕔᓐᓇᖅ ᑎᑭᑕᐅᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 13:16

ᑍᒃᑯᐊᓗ ᐱᔪᒫᕐᑐᓂᒃ ᐅᖃᕐᑎᐅᓂᕋᕐᓗᑎᒃ ᐃᓴᕆᐊᓕᒥ ᐅᖃᕐᐸᓚᐅᕐᑐᑦ ᔨᕉᓴᓕᒥᐅᓂᒃ ᖃᓄᐃᓛᖏᓐᓂᕅᓪᓗᑎᒃ, ᖃᓄᐃᓐᓇᕐᑐᑦ ᐊᑐᓕᕋᓗᐊᕐᑎᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 13:19

ᓇᕐᕈᓇᕐᑎᑉᐸᑦᓯᓐᖓ ᐃᓄᖁᑎᒪ ᐊᑯᕐᖓᓐᓂ ᓂᐊᖂᔭᒃᓴᓄᑦ ᑎᒍᒥᐊᓪᓗᐊᕐᑕᑦᓯᓐᓄᑦ ᓂᐊᖂᔭᓄᓪᓗ ᐊᒡᒍᕐᓂᑯᓄᑦ, ᑐᖁᒐᔭᖏᑦᑐᓂᒃ ᑐᖁᑎᑦᓯᖃᑦᑕᕐᐳᓯ ᐃᓅᔭᕆᐊᖃᖏᑦᑐᓂᒡᓗ ᐃᓅᑎᑦᓯᕙᒃᓗᓯ, ᓱᓕᖏᑦᑐᓂᒃ ᐃᓄᖁᑎᒃᑲ ᐅᖃᐅᑎᖃᑦᑕᕋᑦᓯᐅᒃ, ᓈᓚᒃᐸᒃᓗᑎᒡᓗ ᓴᒡᓗᓂᑦᓯᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 22:25

ᓯᕗᓕᕐᑎᖏᑦ ᓛᔭᑎᑐᑦ ᑐᖁᕋᑖᕐᑕᒥᖕᓂᒃ ᐊᓕᒃᑐᐃᔪᑎᑐᑦ ᖃᓕᖑᐊᕐᐳᑦ; ᐃᓅᖃᑎᒥᖕᓂᒃ ᑐᑯᕅᕗᑦ; ᐃᓄᐊᕐᑕᒥ ᑮᓇᐅᔭᖏᓐᓂᒃ ᐱᓐᓇᕆᔭᖏᓐᓂᒡᓗ ᐱᑖᕐᐸᒃᐳᑦ; ᐅᓄᕐᑐᓂᒃ ᐅᐃᒡᒐᕐᓂᓐᖑᕐᑎᑦᓯᕗᑦ ᓄᓇᒥᖕᓂᒃ.

ᕼᐆᓯᐊᑉ ᐊᒡᓚᖏᑦ 6:10

ᑕᑯᓯᒪᕗᖓ ᐱᐅᖏᑦᑐᐊᓗᖕᓂᒃ ᐃᓴᕆᐊᓕᐅᑉ ᑭᖑᕚᖏᓐᓂ; ᐃᓄᖁᑎᒃᑲ ᐃᕗᕅᒥᐅᑦ ᑕᕝᕙᓂ ᐊᓯᓐᓂᐊᖃᑦᑕᕐᐳᑦ ᐊᑐᒐᕐᓂᒃ ᐱᖃᑎᑲᕐᑐᑎᑐᑦ, ᐃᓴᕆᐊᓕᒥᐅᑦ ᓇᕐᕈᓇᕐᑎᑕᐅᕗᑦ.

ᐂᒨᓯᐅᑉ ᐊᒡᓚᖏᑦ 4:11

“ᐃᓚᓯ ᐃᓚᖏᑦ ᐊᓯᕈᓚᐅᕐᐸᒃᑲ, ᒎᑎᐅᑉ ᓱᑑᒪᒥᒃ ᒍᒨᕋᒥᒡᓗ ᐊᓯᕈᐃᓂᕆᓚᐅᕐᑕᖓᑎᑐᑦ, ᕿᔪᒃᑐᑦ ᐃᑯᒪᔪᑎᑐᑦ ᑍᒤᓚᐅᕐᐳᓯ ᐃᑯᒪᒥᑦ ᐊᒧᔭᐅᔪᑎᑐᑦ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 1:5

ᑕᒪᓐᓇ ᑍᒤᓐᓂᐊᕐᐳᖅ ᐃᓴᕆᐊᓕᐅᑉ ᐊᔪᕐᑐᓕᓂᖓ ᐱᓪᓗᒍ, ᔧᑰᑉ ᑭᖑᕚᖏᓐᓄᑦ. ᑭᓈ ᐸᓯᔭᒃᓴᐅᕚ ᐃᓴᕆᐊᓕᐅᑉ ᐊᔪᕐᑐᓕᓂᖏᑦ ᐱᓪᓗᒌᑦ? ᓴᒥᐊᕆᐊᒥᐅᑦ ᐸᓯᔭᒃᓴᐅᕗᑦ! ᓴᒥᐊᕆᐊ ᑭᓈ ᐸᓯᔭᒃᓴᐅᕚ ᔫᑕᐅᑉ ᒎᑎᓐᖑᐊᖃᕐᓂᖏᓐᓅᑦ? ᔨᕉᓴᓕᒻ ᐸᓯᔭᒃᓴᐅᕗᖅ!

ᒤᑲᐅᑉ ᐊᒡᓚᖏᑦ 3:11

ᓯᕗᓕᕐᑎᐅᔪᑦ ᐃᖅᑲᕐᑐᐃᖕᒪᑕ ᐊᑭᓕᕐᑕᐅᔪᒪᓂᒃᑯᑦ ᑭᓯᐊᓂ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐃᓕᓮᕙᖕᒪᑕ ᐊᑭᓕᕐᑕᐅᓪᓗᑎᒃ ᑭᓯᐊᓂ, ᓇᓚᐅᑦᑍᔩᓪᓗ ᓇᓚᐅᑦᑍᖕᒪᑕ ᑮᓇᐅᔭᒧᑦ ᑭᓯᐊᓂ, ᐃᓘᓐᓇᑎᒃ ᐊᑕᓂᕐᒧᑦ ᐃᓚᒋᔭᐅᓂᕋᕐᒪᑕ ᐅᖃᕐᐸᖕᒪᑕᓗ, ‘ᐊᑕᓂᐅᑉ ᐃᓚᒋᕚᑎᒍᑦ, ᑲᑉᐱᐊᓇᕐᑐᒧᑦ ᑎᑭᑕᐅᓂᐊᓐᖏᓚᒍᑦ.’

ᔨᐸᓁᐊᐅᑉ ᐊᒡᓚᖏᑦ 3:4

ᓇᓚᐅᑦᑍᔨᖁᑎᖏᑦ ᐅᖃᐅᓯᕐᓘᑎᓖᑦ, ᑕᑎᒋᔭᒃᓴᐅᖏᑦᑐᑦ. ᑐᓂᕐᕈᓯᕐᑎᑦᓯᔨᖏᑦ ᓇᕐᕈᓇᕐᓯᑎᑦᓯᕗᑦ ᐃᑦᔪᕐᓁᑦᑐᒃᑯᕕᖕᒥᒃ. ᒎᑎᐅᑉ ᐱᖁᔭᖏᓐᓂᒃ ᐊᑐᕐᓂᕐᓗᒃᐳᑦ.

ᓴᑲᕅᐊᐅᑉ ᐊᒡᓚᖏᑦ 13:2

ᐅᓪᓗᖅ ᓇᓪᓕᐅᑎᒃᐸᑦ ᐱᔪᖃᕈᒫᕐᐳᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, ᒎᑎᓐᖑᐊᑦ ᐊᑎᖏᑦ ᓄᖑᑎᑦᓱᒫᕐᐸᒃᑲ ᑕᒫᖓᑦ ᓄᓇᒥᑦ, ᐃᖅᑲᕐᑕᐅᖃᑦᑕᕈᓐᓁᕈᒫᕐᐳᓪᓗ, ᓇᓚᐅᑦᑍᔪᑦ ᓄᓇᒥᑦ ᓄᖅᑲᕐᑎᑦᓱᒫᕐᐸᒃᑲ ᐊᓂᕐᓃᓪᓗ ᐱᐅᖏᑦᑐᑦ ᓄᓇᒥᑦ ᐊᐅᓪᓚᕐᑎᑦᓱᒫᕐᐸᒃᑲ.

ᒪᓚᑬᑉ ᐊᒡᓚᖏᑦ 1:1

ᐊᑕᓂᐅᑉ ᐅᖃᐅᓯᖏᑦ ᐃᓴᕆᐊᓕᒥᐅᓄᑦ ᒪᓚᑬᒃᑯᑦ.

ᒫᑎᐅᓯᐅᑉ ᐊᒡᓚᖏᑦ 11:24

ᓱᓕᑦᓯᐊᕐᐳᖓ, ᐃᖅᑲᕐᑐᕐᑕᐅᕕᐅᑉ ᐅᓪᓗᖓᓂ ᒎᑎᐅᑉ ᓄᓇᓖᑦ ᓱᑑᒪᒥᐅᑦ ᓂᑲᒋᓂᕐᓴᕆᔪᒫᕐᐰᑦ ᐃᓕᑦᓯᓐᓂᑦ!”

ᒨᓯᓯ ᑕᓪᓕᒪᖏᑦ 32:32

ᐊᑭᕋᕐᑐᕐᑎᖏᑦ, ᐱᐅᖏᑦᑐᐊᓘᕗᑦ ᓱᑑᒪᒥᐅᑎᑐᑦ ᒍᒨᕋᒥᐅᓪᓗ ᐱᕈᕐᓰᕕᖏᑎᑐᑦ; ᐸᐅᕐᖓᖏᑦ ᕔᓂᒃᓮᑦ ᑐᖁᓐᓇᕐᐳᑦ, ᐸᐅᕐᖎᓪᓗ ᕔᓂᒃᓮᑦ ᑲᑎᓐᖓᔪᑦ ᖃᓯᓕᓇᕐᐳᑦ,

ᑎᒧᑎᒧᑦ ᓯᕗᓪᓖᑦ 4:2

ᑍᒤᑦᑐᑦ ᐊᔪᕆᕐᑐᐃᓃᑦ ᓯᐊᒻᒪᒃᑎᑕᐅᓯᒪᕗᑦ ᓱᓕᓐᖏᑦᑐᑎᒍᑦ ᐅᐃᕕᕆᒃᓯᓪᓗᑎᒃ ᐃᓱᒪᖏᑦ ᐃᒃᐱᖕᓂᐊᓂᖃᕈᓐᓃᕐᐳᑦ ᓴᕕᕋᔭᖕᒧᑦ ᐆᓇᕐᓯᑎᑕᐅᓯᒪᔪᒧᑦ ᐆᑕᕐᑕᐅᓯᒪᔪᑎᑐᑦ.

ᐲᑦᑐᕉᓯ ᐂᑉᐸᖏᑦ 2:6

ᒎᑎᐅᓪᓗ ᐃᒡᓗᒐᓴᒡᔪᐊᑦ ᓱᑑᒪ ᒍᒨᕋᓗ ᐃᑯᒪᒧᑦ ᓱᒋᐊᕐᓗᒋᑦ ᓄᖑᑕᐅᑎᓚᐅᕐᐰᑦ, ᖃᐅᔨᒪᑦᔪᑕᐅᖁᓪᓗᒋᑦ ᒎᑎᖃᖏᑦᑐᑦ ᑍᒤᑕᐅᔪᒫᕐᓂᖏᓐᓂᒃ;

ᔫᑎᐅᑉ ᐊᒡᓚᖏᑦ 1:7

ᐃᖅᑲᐅᒪᓯᐅᒃᑕᐅᖅ ᓱᑑᒪ ᒍᒨᕋᓗ ᖃᓂᒋᔭᖓᓃᑦᑐᓪᓗ ᓄᓇᓖᑦ, ᑖᒃᑯᐊ ᑖᒃᑯᑎᑐᓇᕐᑕᐅᖅ ᐃᒃᖠᒎᕐᓂᖃᓚᐅᕐᑐᑦ ᐊᖑᑏᑦ ᐊᕐᓁᓪᓗ ᐱᐅᓯᐅᕙᖏᑦᑐᓄᑦ ᓄᓕᐊᖃᑦᑕᓚᐅᕐᑐᑦ, ᓱᒋᐊᕐᑕᐅᓚᐅᕐᐳᑦ ᐃᑯᒪᒧᑦ ᖃᒥᓱᐃᑦᑐᒧᑦ ᐅᓗᕆᐊᒋᔭᒃᓴᐅᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:8

ᑎᒥᖏᒡᓗ ᐃᒡᓗᒐᓮᑦ ᐊᖏᔪᕐᔪᐊᑦ ᐊᖅᑯᑎᖏᓐᓂ ᑍᒤᓕᖓᑐᐃᓐᓇᕈᒫᕐᐴᒃ ᐊᑕᓂᖓᒃᑕ ᓴᓐᓂᖓᔪᓕᖕᒧᑦ ᑭᑭᐊᒃᑐᕐᑕᐅᕕᒋᓚᐅᕐᑕᖓᓂ, ᐃᒡᓗᒐᓴᒡᔪᐊᒡᓗ ᒪᕐᕉᒃ ᓇᓗᓁᒃᑯᑕᖃᕐᑎᑕᐅᕘᒃ ᓱᑑᒪᒥᒃ ᐄᑦᔨᑉᑎᒥᒡᓗ ᑍᔭᐅᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.