ᔨᕆᒤᐊᐅᑉ ᐊᒡᓚᖏᑦ 23:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᒻᒪᑦ ᐊᖅᑯᑦ ᐊᑐᕐᑕᖓᑦ ᖁᐂᑦᑖᕐᓇᕐᓯᔪᒫᕐᐳᖅ ᑖᕐᑐᒥ, ᐹᓪᓚᒍᒫᕐᐳᑦ ᑕᕝᕙᓂᓗ ᐃᔪᒃᑲᕐᓗᑎᒃ; ᐊᓯᕈᕐᑕᐅᓇᕐᑐᒧᑦ ᑎᑭᑕᐅᑎᑦᓱᒫᕐᐸᒃᑲ ᓱᒋᐊᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 23:12 Iomraidhean Croise

ᔫᐱᐅᑉ ᐊᒡᓚᖏᑦ 18:18

ᖃᐅᒪᔪᒥᑦ ᑖᕐᑐᒧᐊᕐᑎᑕᐅᕗᖅ, ᓄᓇᕐᔪᐊᕐᒥᓗ ᐃᓅᔪᓂᑦ ᐊᓂᑎᑕᐅᕗᖅ.

ᐃᓐᖏᕈᑎᑦ 35:6

ᐊᖅᑯᑎᖏᓪᓗ ᑖᕐᑑᓕᕐᓕᑦ ᓯᐊᕐᕆᑖᕐᓗᑎᒡᓗ, ᐊᑕᓂᐅᓪᓗ ᐂᖏᓕᖓᑕ ᒪᓕᒡᓕᒋᑦ.

ᐃᓐᖏᕈᑎᑦ 73:18

ᐃᓛᒃ ᓱᓕᔪᒥᒃ ᐃᓕᕙᑎᑦ ᖁᐂᑦᑖᕐᓇᕐᑐᓄᑦ; ᐃᒋᓪᓗᒋᓪᓗ ᑲᑕᖁᓪᓗᒋᑦ ᐊᓯᕈᕐᑕᐅᕕᖕᒧᑦ.

ᐃᓐᖏᕈᑎᑦ 82:5

ᖃᐅᔨᒪᓐᖏᓚᑦ ᑐᑭᓯᓇᑎᒡᓗ, ᑖᕐᑐᒥ ᐃᓅᕗᑦ; ᑍᒤᒻᒪᑦ ᓄᓇᕐᔪᐊᑉ ᑐᓐᖓᕕᓕᒫᖏᑦ ᓴᔪᒃᐳᑦ.

ᒨᓯᓯ ᐂᑉᐸᖏᑦ 32:34

ᒫᓐᓇᓕ ᐅᑎᓕᕆᑦ, ᐃᓄᐃᓪᓗ ᑕᓯᐅᕆᐊᕐᑐᓕᒃᑭᑦ ᑕᕝᕗᖓ ᐃᓕᖕᓄᑦ ᐅᖃᐅᑎᒋᓯᒪᔭᓐᓄᑦ. ᑕᑯᒋᓪᓗ ᐂᖏᓕᖁᑎᒐ ᓯᕗᓂᑦᓯᓐᓄᑦ ᑎᓕᓂᐊᕐᐸᕋ, ᑭᓯᐊᓂᓕ ᖃᖓᑐᐃᓐᓇᖅ ᓱᒋᐊᕐᓯᕕᒃᓴᕋ ᓇᓪᓕᐅᑎᒃᐸᑦ ᐃᓄᐃᑦ ᑖᒃᑯᐊ ᓱᒋᐊᕈᒫᕐᐸᒃᑲ ᐊᔪᕐᑐᓕᓯᒪᓂᖏᑦ ᒪᓕᒡᓗᒋᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:19

ᐱᐅᖏᑦᑐᓕᔪᓪᓕ ᐊᑐᕐᑕᖓᑦ ᐃᑎᔪᐊᓗᖕᒥᒃ ᑖᕐᑐᐊᓗᒃᑎᑐᑦ ᑍᒤᑉᐳᖅ, ᖃᐅᔨᒪᔪᓐᓇᓐᖏᓚᓪᓗ ᓱᓇᒧᑦ ᐹᓪᓚᖃᑦᑕᕐᒪᖔᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 8:22

ᑭᖑᓂᖓᒍᑦ ᐊᒻᒧᑦ ᑕᑯᓴᕈᒫᕐᐳᑦ ᓄᓇᒧᑦ, ᑕᑯᓗᑎᒡᓗ ᐅᖁᒤᑦᑐᕐᔪᐊᓂᒃ ᑖᕐᑐᕐᔪᐊᒥᒡᓗ, ᐃᓱᒪᔮᕐᓇᕐᑐᒧᑦ ᑖᕐᑐᒧᑦ, ᐂᑎᑕᐅᓗᑎᒃ ᑖᕐᑐᕐᔪᐊᒧᑦ.

ᔨᕆᒤᐊᐅᑉ ᐊᒡᓚᖏᑦ 11:23

ᐊᒥᐊᒃᑯᖃᕐᓂᐊᓐᖏᓚᓪᓗ, ᐊᓇᑑᑎᒥᐅᑦ ᐃᓄᖏᑦ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᕐᐳᑦ, ᐊᕐᕌᒍᒥ ᓱᒋᐊᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ.”

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 48:44

ᕿᒫᓇᓱᐊᕐᑑᒐᓗᐊᑦ ᑲᑉᐱᐊᓇᕐᑐᒧᑦ ᐃᑎᕐᓴᒧᑦ ᑲᑕᖕᓂᐊᕐᐳᑦ, ᐃᑎᕐᓴᒥᓪᓗ ᒪᔪᕐᑑᒐᓗᐊᑦ ᓂᒐᕐᑎᑕᐅᓂᐊᕐᐳᑦ, ᒧᐊᐱᒥᐅᑦ ᐊᕐᕌᒍᖓ ᓇᓪᓕᐅᑎᓯᒪᖕᒪᑦ ᓱᒋᐊᕐᑕᐅᕕᒃᓴᖓᓄᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 50:27

ᐊᖑᓴᓪᓗᓐᖑᕋᑖᕐᑐᖁᑎᖏᑦ ᑐᖁᕋᕐᑕᐅᓕᑦ, ᑐᖁᓮᕕᖕᒧᐊᕐᑕᐅᓗᑎᒃ ᑲᑉᐱᐊᓐᓇᒦᒃ ᑖᒃᑯᓄᖓ ᐅᓪᓗᖅ ᓇᓪᓕᐅᓯᒪᖕᒪᑦ ᓱᒋᐊᕐᑕᐅᕕᒃᓴᖓᑦ!

ᔨᕆᒤᐊᐅᑉ ᐊᒡᓚᖏᑦ 8:12

ᑲᓐᖑᓲᑎᖃᕐᐹᑦ ᓈᒻᒪᖏᑦᑐᓂᒃ ᐃᓕᖅᑯᓯᖃᕐᓂᕐᒥᖕᓃᒃ? ᐋᒃᑲ. ᑲᓐᖑᓱᖏᑦᓯᐊᕐᐳᑦ, ᐊᐅᐸᓪᓕᕆᐊᒃᓵᕐᓘᓐᓃᑦ ᓇᓗᓕᕐᐳᑦ, ᑲᑕᒃᓯᒪᔪᓄᑦ ᑲᑕᖃᑕᐅᓂᐊᕐᐳᑦ, ᓱᒋᐊᓕᕈᒃᑭᑦ ᓱᓇᐅᔪᓐᓃᕈᒫᕐᐳᑦ ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:20

ᐊᑕᓃᖅ! ᖃᓄᐃᒻᒪᑦ ᑍᒫᕌᓗᒃ ᓱᒋᐊᕐᐱᑎᒎᑦ? ᐊᕐᓁᑦ ᕿᑐᕐᖓᒥ ᓇᒡᓕᒋᓚᐅᕐᑕᒥ ᑎᒥᕕᓂᖏᓐᓂᒃ ᓂᕿᖃᕐᑐᒃᓴᐅᕚᑦ! ᑐᓂᕐᕈᓯᕐᑎᑦᓯᔩᑦ ᒎᑎᐅᓪᓗ ᐅᖃᕐᑎᖏᑦ ᑐᖁᕋᕐᑕᐅᕙᓕᕐᐳᑦ ᑐᒃᓯᐊᕐᕕᒃᔪᐊᕐᒥ.

ᒤᑲᐅᑉ ᐊᒡᓚᖏᑦ 7:4

ᐱᐅᓂᕐᐹᕆᔭᕋᓗᐊᖏᑦ ᑲᑭᓪᓚᐅᑎᓕᒃᑎᑑᕐᐳᑦ; ᐅᒃᐱᕐᓇᕐᓂᕐᐹᖏᓪᓗ ᐅᕐᐱᖕᓂᑦ ᑲᑭᓪᓚᐅᑎᓕᖕᓂᑦ ᐱᐅᖏᓐᓂᕐᓴᐅᕗᑦ. ᐅᓪᓗᖅ ᓇᓪᓕᐅᑎᕗᖅ ᖃᐅᔨᓴᕐᑎᑦᓯ ᐅᖃᐅᓯᕆᓯᒪᔭᖏᑦ ᓱᒋᐊᕐᑕᐅᕕᒃᓴᓯᓗ ᐅᓪᓗᖅ ᑎᑭᓪᓗᓂ. ᒫᓐᓇ ᓇᓗᓕᐅᒪᓂᐊᓕᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 12:35

ᔩᓱᓯᐅᑉ ᐅᖃᐅᑎᕔᑦ, “ᖃᐅᒪᔫᑉ ᓱᓕ ᓯᕕᑭᑦᑐᒥᒃ ᓇᔪᕐᓂᐊᕐᐹᓯ. ᑲᔪᓯᑦᓯᐊᕆᑦᓯ ᐱᓇᓱᐊᕐᑕᑦᓯᓐᓂᒃ ᓇᔪᕐᑎᖃᕐᓂᑦᓯᓐᓂ ᖃᐅᒪᔪᒥᒃ, ᑖᕐᑐᕐᔪᐊᕐᒧᑦ ᑎᑭᑕᐅᖁᓇᓯ; ᑖᕐᑐᒥ ᐱᓇᓱᐊᕐᑐᖅ ᖃᐅᔨᒪᖏᒻᒪᑦ ᓇᒧᓐᖓᐅᖕᒪᖔᕐᒥ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᔪᐊᓇᓯ ᓯᕗᓪᓖᑦ 2:11

ᐃᓅᖃᑎᒥᓂᒡᓕ ᐆᒥᓱᒃᑐᖅ ᑖᓐᓇ ᑖᕐᑐᒦᑉᐳᖅ ᑖᕐᑐᒥᓗ ᐃᓅᓪᓗᓂ, ᓇᒧᖓᐅᖕᒪᖔᕐᒥᓗ ᖃᐅᔨᒪᓇᓂ, ᑖᕐᑐᒧᑦ ᐃᔨᖏᒃ ᑕᑯᓐᓇᕐᑎᑕᐅᖏᒻᒪᑎᒃ.

ᔫᑎᐅᑉ ᐊᒡᓚᖏᑦ 1:13

ᐃᖏᐅᓕᐊᓗᒃᑎᑐᑦ ᐃᒪᕕᖕᒥ ᑍᒤᑉᐳᑦ, ᖃᐳᐊᓕᕐᑎᑦᓯᓂᕐᒥᒃ ᓴᖅᑭᑎᑦᓯᔪᑎᑐᑦ ᐱᓂᐊᕐᓂᕐᒥᒃᑎᒍᑦ ᑲᓐᖑᓇᕐᑐᒦᑎᑉᐳᑦ; ᐅᓪᓗᕆᐊᑎᑐᑦ ᐃᖏᕐᕋᑐᐃᓐᓈᕐᑐᑎᑐᑦ ᑍᒤᑉᐳᑦ ᐃᓂᓕᐅᕐᑕᐅᔭᕆᕐᓯᒪᕗᑦ ᐃᓱᖃᖏᑦᑐᒧᑦ ᑕᕝᕙᓃᖏᓐᓇᕐᓂᐊᓕᕐᓗᑎᒃ ᑖᕐᑐᕐᔪᐊᕐᒥ.