27 ᐅᑎᕈᓐᓇᕈᒫᓐᖏᓚᓯ ᓄᓇᒧᑦ ᐅᑎᕐᓯᕐᕕᒌᓐᓇᕐᑕᑦᓯᓐᓄᑦ.
ᐱᔨᕕᑦ ᑕᕐᓂᖓ ᖁᕕᐊᓱᓕᕐᑎᓚᐅᕈᒃ, ᐊᑕᓃᖅ, ᑕᕐᓂᓐᓂᒃ ᐂᑦᑐᐃᕕᒋᒐᒃᑭᑦ.
ᕿᐊᑦᔪᑎᒋᑦᑍᓕᓯᐅᒃ ᑐᖁᖓᔪᖅ, ᕿᒃᓴᐅᑎᒋᓇᒍᓗ, ᕿᐊᑦᔪᑎᖃᖔᕐᑐᒃᓴᐅᕗᓯᓕ ᐊᐅᓪᓚᕈᑦᔭᐅᓯᒪᔪᓂᒃ, ᐅᑎᕐᓂᐊᕈᓐᓁᕐᒪᑕ ᓄᓇᑐᖃᕐᒥᖕᓂᒃ ᑕᑯᓂᐊᕈᓐᓁᕐᒪᑕ.
ᐊᑕᓂᖅ ᐃᒫᒃ ᐅᖃᕐᐳᖅ ᓴᓗᒻᒧᑦ ᔫᓮᐊᐅᑉ ᐃᕐᓂᖓᓄᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ, “ᑖᓐᓇ ᐊᖓᔪᖅᑳᕐᔪᐊᓐᖑᕈᒫᕐᒪᑦ ᐊᑖᑕᖓᑕ ᐃᓂᖓᓂ, ᐃᓂᒃᓴᒥᓃᑦᓱᒫᓐᖏᓚᕐᓕ ᐊᐅᓪᕈᑦᔭᐅᔪᒫᕐᒪᑦ ᐅᑎᕈᒫᕋᓂᓗ.
ᑐᖁᔪᒫᕐᒪᑦ ᑎᒍᔭᐅᓯᒪᕕᒋᔭᒥᓃᓪᓗᓂ, ᓄᓇᒥᒡᓗ ᑕᒪᑐᒥᖓ ᑕᑯᒃᑲᓐᓂᕈᓐᓇᕐᓯᔪᒫᓐᖏᓚᖅ.”
ᐊᓈᓁᓪᓗ ᐊᐅᓪᓚᕈᑦᔭᐅᑎᑦᓱᒫᕐᐸᑦᓯᒃ ᓄᓇᑦᓯ ᐊᓯᐊᓄᑦ, ᐃᓅᕕᒋᓚᐅᓐᖏᑕᕐᓄᑦ ᑕᒪᑦᓯᒡᓗ ᑖᕙᓂ ᑐᖁᔪᒫᕐᐳᓯᒃ.
“ᑯᓂᐊ ᑖᓐᓇᐅᕚ ᓇᕐᕈᒋᔭᐅᔪᖅ, ᒪᕐᕋᐅᔭᖅ ᓯᖁᒥᓯᒪᔪᖅ, ᐃᒃᐱᒋᔭᐅᖏᑦᑐᖅ? ᓱᖕᒪᑦ ᕿᑐᕐᖓᓂ ᐃᓚᒋᓪᓗᒋᑦ ᐃᒋᑕᐅᔪᒃᓴᐅᕚᑦ ᓄᓇᒧᑦ ᖃᐅᔨᒪᓐᖏᑕᖓᓐᓄᑦ?
ᐅᑎᕐᑎᓐᓂᐊᕆᕙᕋᓗ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ, ᐊᐅᓪᓚᕈᑦᔭᐅᓯᒪᖃᑕᐅᔪᓕᒫᓪᓗ ᐹᐱᓘᓂᒧᑦ ᐅᑎᕐᑎᒻᒥᓗᒋᑦ ᔫᑕᒧᑦ, ᐊᑕᓂᖅ ᐅᖃᕐᐳᖅ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦᑕ ᐊᓄᓯᒪᐅᑎᖓ ᕿᔪᒃ ᓯᖁᒥᓐᓂᐊᕋᒃᑯ.”
“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑍᒫᒃᑕᐅᖅ ᔨᕉᓴᓕᒥᐅᓄᑦ ᓂᓐᖓᕕᒡᔪᐊᕐᓂᕋ ᓴᖅᑭᑎᓚᐅᕋᒃᑯ, ᐃᓕᑦᓯᓐᓄᑦᑕᐅᖅ ᓴᖅᑭᑎᑦᓱᓐᓇᕆᕙᕋ ᐄᑦᔨᑉᑎᒧᐊᕐᓂᐊᕈᑦᓯ. ᑕᑯᔪᒥᓇᕐᑑᔪᒫᓐᖏᓚᓯ ᐃᓄᖕᓄᓪᓗ ᒥᑕᐅᑎᒋᔭᒃᓴᐅᔪᒫᕐᐳᓯ ᐅᖃᕐᓂᕐᓘᑎᒃᓴᐅᓗᓯᓗ, ᓄᓇᓯᓗ ᑕᒪᓐᓇ ᑕᑯᒃᑲᓐᓂᕈᓐᓇᕈᒫᓐᖏᓚᓯᐅᒃ.”
ᔫᑕᒥᐅᑦ ᐊᒥᐊᒃᑯᖏᑦ ᐄᑦᔨᑉᑎᒧᐊᓚᐅᕐᑐᑦ ᐃᓅᔪᕐᑕᖃᕐᓂᐊᓐᖏᓚᑦ, ᔫᑕᒧᑦ ᐅᑎᕈᒫᕐᑐᒃᓴᓂᒃ ᐅᑎᕐᓯᕐᕕᒋᕙᓚᐅᕐᑕᒥᖕᓄᑦ; ᐅᑎᕐᑐᒃᓴᖃᕈᒫᖏᒻᒪᑕ ᕿᒪᒃᓯᓂᑯᕕᓂᕐᓂᒃ ᐅᓄᖏᑦᑐᓂᒃ ᐅᑎᕈᓐᓇᕐᑐᖃᕈᒫᕐᑑᒐᓗᐊᖅ.”
