ᔨᕆᒤᐊᐅᑉ ᐊᒡᓚᖏᑦ 22:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐰᕐᓯᔨᖁᑎᓯ ᐊᓄᕆᒧᑦ ᑎᒃᑕᐅᕋᕐᓂᐊᕐᐳᑦ, ᑕᐱᕆᕙᒃᑕᓯᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᖁᕕᐊᓇᖏᑦᑐᒥᒃ ᑲᓐᖑᓇᕐᑐᒥᒡᓗ ᑕᕝᕙ ᐊᑐᕐᓂᐊᕐᐳᑎᑦ, ᐱᐅᖏᑦᑐᓕᓂᓯ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 22:22 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 65:13

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᑯᓕᕆᑦᓯ, ᐱᔨᒃᑲ ᓂᕆᔪᒫᕐᐳᑦ, ᐃᓕᑦᓯ ᑳᒃᑎᓪᓗᓯ; ᑕᑯᒋᓪᓗ, ᐱᔨᒃᑲ ᐃᒥᕈᒫᕐᐳᑦ, ᐃᓕᑦᓯᓕ ᐃᒥᕈᒍᒫᕐᐳᓯ; ᑕᑯᒋᓪᓗ, ᐱᔨᒃᑲ ᖁᕕᐊᓱᒍᒫᕐᐳᑦ, ᐃᓕᑦᓯᓕ ᑲᓐᖑᓱᒃᑎᑕᐅᔪᒫᕐᐳᓯ;

ᔨᕆᒤᐊᐅᑉ ᐊᒡᓚᖏᑦ 10:21

ᐰᕐᓯᔨᐅᒐᓗᐊᑦ ᓯᓔᑦᑑᕗᑦ, ᐊᑕᓂᕐᒥᒃ ᐊᐱᕐᓱᖃᑦᑕᖏᒻᒪᑕ; ᑍᒤᒻᒪᑦ ᐱᕙᓪᓕᐊᔪᓐᓃᕐᐳᑦ, ᓰᐱᖁᑎᖏᓪᓗ ᓯᐊᒻᒪᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 12:10

ᐰᕐᓯᔨᓄᑦ ᐅᓄᕐᑐᓄᑦ ᐸᐅᕐᖓᖃᕐᕕᒃᓴᖁᑎᒃᑲ ᑐᓪᓕᕋᕐᑕᐅᓪᓗᑎᒃ ᓯᖁᑦᑎᕐᑕᐅᕗᑦ, ᐱᕈᕐᓰᕕᖁᑎᑦᓯᐊᕆᓚᐅᕐᑕᒃᑲᓗ ᐊᑐᕐᑐᒃᓴᐅᔪᓐᓃᕐᓗᑎᒃ ᓱᓇᖃᕈᓐᓁᕐᓗᑎᒃ ᐱᕈᕐᑐᖃᕈᓐᓃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 2:36

ᓱᖕᒪᑦ ᐱᐅᓯᑦᓯᓐᓂᒃ ᐊᓯᑦᔩᓴᕅᑉᐱᓰ? ᐄᑦᔨᑉᑎᒥᐅᓄᑦ ᑲᓐᖑᓱᒃᑎᑕᐅᔪᒫᕐᐳᓯ ᓲᕐᓗᑦᑕᐅᖅ ᐊᓯᕆᐊᒥᐅᓄᑦ ᑍᒤᑎᑕᐅᓚᐅᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 2:37

ᑍᓐᓇᑦᑕᐅᖅ ᓄᓇ ᕿᒪᖕᓂᐊᕐᐸᓯ ᑲᓐᖑᓱᒃᑎᑕᐅᓂᒃᑯᑦ, ᑕᑎᒋᓚᐅᕐᑕᓯ ᐊᑕᓂᐅᑉ ᓇᕐᕈᒋᖕᒪᒋᑦ, ᑖᒃᑯᐊᓗ ᐃᑲᔪᕐᑎᒋᔪᓐᓇᕐᓂᐊᓐᖏᓚᓯ.”

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 20:11

ᐊᑕᓂᕐᓕ ᐅᕙᓐᓃᑉᐳᖅ ᐅᓇᑕᕐᑎᑎᑐᑦ ᓵᓚᐅᔪᓐᓇᖏᑦᑐᑎᑐᑦ, ᑍᒤᒻᒪᑦ ᐅᕙᓐᓂᒃ ᐊᑭᕋᕐᑐᕋᓱᒃᑑᒐᓗᐊᑦ ᐹᓪᓚᖕᓂᐊᕐᐳᑦ, ᓵᓚᖃᕐᓂᐊᕋᑎᒡᓗ. ᑲᓐᖑᓇᕐᑐᕐᔪᐊᕐᒦᑦᓱᒫᕐᐳᑦ ᑲᔪᓯᓂᐊᖏᓐᓇᒥᒃ. ᐅᐱᓐᓇᖏᓐᓂᖏᓪᓗ ᐃᓱᖃᖏᑦᑐᒧᑦ ᐳᐃᒍᕐᑕᐅᓂᐊᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 30:14

ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 4:30

ᓱᓇᒥᒃ ᐱᓇᓱᐊᓕᕐᐲᑦ? ᐃᓕᑦᓯ ᐃᓅᕕᒃᓴᖃᕈᓐᓃᕐᑐᓯ! ᓱᖕᒪᑦ ᐊᐅᐸᕐᑐᓂᒃ ᐱᐅᔪᓂᒃ ᐊᓐᓄᕌᕐᑐᕐᐱᓰ? ᐱᐅᓴᐅᑎᓂᒡᓗ ᐊᑎᓯᓪᓗᓰ? ᐃᔨᓯᓗ ᕿᕐᓂᕐᓯᓕᕐᓗᓯᐅᒃ? ᐱᐅᔫᔪᒪᒐᓗᐊᕐᐳᓯ, ᐅᖓᒋᓚᐅᕐᑕᑦᓯᓕ ᐱᐅᒋᔪᓐᓃᕐᐹᓯ ᑐᖁᑦᓱᒪᓕᕐᐹᓯᓕ ᐊᒡᓛᑦ.

ᔨᕆᒤᐊᐅᑉ ᐊᒡᓚᖏᑦ 5:13

ᒎᑎᐅᑉ ᐅᖃᕐᑎᖏᑦ ᐊᓄᕆᑐᐃᓐᓇᐅᕗᑦ, ᐊᑕᓂᐅᓪᓗ ᐅᖃᐅᓯᖓᓂᒃ ᐅᖃᕐᐸᓐᖏᓚᑦ. ᐅᖃᐅᓯᕆᖃᑦᑕᕐᑕᖏᑦ ᑲᑉᐱᐊᓇᕐᑐᑦ ᑖᒃᑯᓄᖓᑐᐊᖅ ᑐᕌᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 7:19

ᐅᕙᓐᓂᒃ ᓂᓐᖓᒃᓮᒐᓗᐊᕐᐹᑦ? ᐊᑕᓂᖅ ᐅᖃᕐᐳᖅ, ᑍᒤᓕᐅᕐᓂᕐᒥᖕᓄᑦ ᐃᒻᒥᖕᓂᖔᖅ ᐊᓯᕈᕈᑎᒃᓴᓕᐅᓕᓐᖏᓛᑦ ᑲᓐᖑᓇᕐᑐᒦᑎᓪᓗᑎᒡᓗ?

ᕼᐆᓯᐊᑉ ᐊᒡᓚᖏᑦ 12:1

“ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.”

ᕼᐆᓯᐊᑉ ᐊᒡᓚᖏᑦ 13:15

ᐱᕈᕐᑐᑦ ᐊᑯᕐᖓᓐᓂ ᐱᕈᕐᑐᖃᑦᓯᐊᕋᓗᐊᕐᐳᖅ, ᐊᓄᕆᓗ ᓯᕿᓂᐅᑉ ᓄᐃᕕᐊᓂᑦ ᑎᑭᓐᓂᐊᕐᐳᖅ ᐊᑕᓂᐅᑉ ᐊᓄᕆᖁᑎᖓ, ᐃᓄᖃᔪᐃᑦᑐᒥᑦ ᐱᔪᖅ; ᐃᒥᕐᑕᕐᕕᖏᓪᓗ ᐳᐊᓚᕖᑦ ᐸᓂᕐᓂᐊᕐᐳᑦ, ᑰᒐᓛᖏᓪᓗ ᐸᓂᕐᓂᐊᕐᐳᑦ; ᓯᕐᓗᐊᖏᓐᓃᑦᑐᓪᓗ ᐱᔪᒥᓇᕐᑐᖁᑎᓕᒫᖏᑦ ᐊᓯᕈᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 4:19

ᐊᐅᓪᓚᐅᑦᔭᐅᕗᑦ ᐊᓄᕆᒧᑦ ᐅᓕᒃᑕᐅᓪᓗᑎᒃ, ᑲᓐᖑᓲᑎᖃᓕᕈᒫᕐᐳᑦ ᑐᓂᕐᕈᓯᖃᑦᑕᓚᐅᕐᓂᕐᒥᖕᓂᒃ ᒎᑎᓐᖑᐊᓄᑦ.”

ᓴᑲᕅᐊᐅᑉ ᐊᒡᓚᖏᑦ 11:17

ᑲᑉᐱᐊᓐᓇᒦᒡᓕ ᑖᓐᓇ ᓰᐱᓕᕆᔨ, ᓰᐱᓂᒃ ᕿᒤᔪᖅ! ᑕᓕᖓ ᓴᕕᒡᔪᐊᒧᑦ ᐊᓇᐅᔭᐅᓕ, ᐃᔨᖓᓗ ᑕᓕᕐᐱᐊ ᑲᐱᔭᐅᓕ ᓴᕕᒡᔪᐊᕐᒧᑦ! ᑕᓕᖓ ᐸᓂᕐᓕ ᓄᑭᖃᕈᓐᓁᕐᓗᓂ, ᐃᔨᖓᓗ ᑕᐅᑐᒍᓐᓁᕐᓕ!”

ᓴᑲᕅᐊᐅᑉ ᐊᒡᓚᖏᑦ 11:8

ᑕᖅᑭᒥ ᐊᑕᐅᓯᕐᒥ ᓰᐱᓕᕆᔩᑦ ᐱᖓᓱᑦ ᓄᖅᑲᕐᑎᓚᐅᕐᐸᒃᑲ; ᑖᒃᑯᓇᓐᖓᑦ ᐊᑲᐅᒋᔭᐅᓚᐅᖏᓐᓇᒪ ᐅᕙᖓᓗ ᑕᖃᑦᔪᑎᓚᐅᕋᒃᑭᑦ.