ᔨᕆᒤᐊᐅᑉ ᐊᒡᓚᖏᑦ 22:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᒃᑭᑦ, ᔫᑕᐅᑉ ᐊᖓᔪᖅᑳᕐᔪᐊᖓ ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓂ ᐊᖓᔪᖅᑳᖑᔪᑎᑦ, ᐊᖓᔪᖅᑳᖁᑎᑎᓪᓗ ᐃᓄᑯᑎᑎᓪᓗ ᑐᓴᖃᑎᒋᓗᒋᑦ ᐃᑎᖃᑦᑕᕐᑐᑦ ᐃᑎᕐᑕᕐᕕᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 22:2 Iomraidhean Croise

ᐊᑕᓃᑦ ᓯᕗᓪᓖᑦ 22:19

ᒤᑬᐊ ᐅᖃᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᑦ ᑐᓴᕆᑦᓯ: ᐊᑕᓂᖅ ᑕᑯᕙᕋ ᐃᒃᓯᕙᐅᑕᕐᔪᐊᕐᒥᓂ ᐃᒃᓯᕙᔪᖅ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᐳᑦ ᑖᑦᓱᒪ ᐊᕙᑖᓂ, ᑕᓕᕐᐱᐊᓂ, ᓴᐅᒥᐊᓂᓗ;

ᐂᓮᐊᓯᐅᑉ ᐊᒡᓚᖏᑦ 1:10

ᑐᓴᓚᐅᕆᑦᓯ ᐊᑕᓂᐅᑉ ᐅᖃᐅᓯᖓᓂᒃ ᐃᓕᑦᓯᓐᓄᑦ, ᐃᓕᑦᓯ ᓱᑑᒪᒥ ᐊᖓᔪᖅᑳᖑᔪᓯ! ᐃᓱᒪᒋᑦᓯᐊᓚᐅᕐᓯᐅᒃ ᒎᑎᑦᑕ ᐃᓕᑦᓯᓐᓂᒃ ᐊᔪᕆᕐᑐᐃᓂᖓ ᒍᒨᕋᒥᐅᖑᔪᓯ!

ᐂᓮᐊᓯᐅᑉ ᐊᒡᓚᖏᑦ 28:14

ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᒃ ᑐᓴᓚᐅᕆᑦᓯ, ᐃᓕᑦᓯ ᒥᑕᐅᑎᖃᖃᑦᑕᕐᑐᓯ, ᐃᓄᖕᓂᒃ ᔨᕉᓴᓕᒦᑦᑐᓂᒃ ᐊᐅᓚᑦᓯᔨᐅᔪᓯ,

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 13:18

ᐊᖓᔪᖅᑳᕐᔪᐊᖅ ᐊᓈᓇᖓᓗ ᐅᖃᐅᑎᒃᑭᒃ, ᐊᖓᔪᖅᑲᐅᕕᑦᓯᓐᓂᒃ ᐲᓕᕆᑦᓯᒃ, ᐊᖓᔪᖅᑳᕐᔪᐊᕐᓯᐅᑎᓯᒃ ᓂᐊᖂᑏᒃ ᑕᑯᒥᓇᕐᑐᑦ ᓂᐊᖁᑦᓯᖕᓂᑦ ᐲᕐᑕᐅᓯᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 19:3

ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒧᑦ ᐊᖓᔪᖅᑳᕐᔪᐊᖑᔪᓯ ᔨᕉᓴᓕᒥᐅᑕᐅᔪᓯᓗ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᑯᒋᑦ, ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᓂᐊᕐᐳᖓ ᑕᒪᐅᖓ, ᑐᓴᕐᑐᓪᓗ ᖁᐊᕐᓵᖓᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 22:1

ᐃᒫᒃ ᐊᑕᓂᖅ ᐅᖃᕐᐳᖅ, “ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᐃᒡᓗᖓᓄᐊᕐᓗᑎᑦ ᐅᑯᓂᖓ ᐅᖃᓪᓚᒡᕕᒋᒃᑭᑦ,

ᔨᕆᒤᐊᐅᑉ ᐊᒡᓚᖏᑦ 22:4

ᐱᖁᔭᒃᑲ ᑖᒃᑯᐊ ᒪᓕᑦᓯᐊᕈᑦᓯᐅᒃ, ᑕᕝᕙ ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓂ ᐃᒃᓯᕙᐅᑕᕐᔪᐊᖃᕐᑐᑦ, ᐊᖓᔪᖅᑳᖁᑎᖏᓪᓗ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ ᐊᕙᒻᒧᒐᕈᒫᕐᐳᑦ ᕿᒧᒃᓯᐅᑎᒃᑯᑦ ᐊᒃᓴᓗᐊᓕᒃᑯᑦ ᕿᒻᒥᕐᔪᐊᒃᑯᓪᓗ, ᓯᐊᓛᖏᑦ ᐃᓄᖁᑎᖏᓪᓗ ᐃᓚᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 29:20

ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᐅᒃ ᐃᓕᑦᓯ ᐊᐅᓪᓚᕈᑦᔭᐅᓯᒪᔪᓯ ᔨᕉᓴᓕᒥᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 34:2

“ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔨᑎᑬᐊᒧᐊᕐᓗᑎᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐅᖃᐅᑎᒍᒃ, ‘ᐃᒫᒃ ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᖁᑎᓯ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᓂᓂᐊᓕᕐᐸᒃᑲ, ᑖᑦᓱᒪᓗ ᐃᑯᐊᓪᓚᒍᒫᕐᐹ.

ᔨᕆᒤᐊᐅᑉ ᐊᒡᓚᖏᑦ 36:30

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᐅᓯᒃᓴᖃᕐᐳᖅ ᔨᕼᐅᐃᐊᑭᒧᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ: ᑍᕕᑎᐅᑉ ᐊᖓᔪᖅᑲᐅᕕᖓᓂ ᐊᖓᔪᖅᑳᖑᔪᒃᓴᖁᑎᖃᕐᓂᐊᓐᖏᓚᑎᑦ, ᑎᒦᑦ ᐃᒋᑕᐅᔪᒫᕐᐳᖅ ᒪᓂᖅᑲᒧᑦ ᐅᓪᓗᒃᑯᑦ ᓯᕿᓂᕐᒧᑦ ᐆᑕᐅᖁᓪᓗᑎᑦ, ᐅᓐᓄᐊᒃᑯᓪᓗ ᖁᐊᕐᓇᕐᑐᒧᑦ ᐱᔭᐅᖁᓪᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 7:2

ᐊᑕᓂᐅᑉ ᐃᒡᓗᖓᑕ ᐃᑎᕐᑕᕐᕕᖓᓃᓪᓗᑎᑦ ᐅᖃᐅᓯᕆᔭᐅᖁᔭᒃᑲ ᐅᖃᒃᑭᑦ: “ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒥᐅᑕᐅᔪᓯ ᑐᒃᓯᐊᕐᕕᒡᔪᐊᕐᒧᑦ ᑐᒃᓯᐊᕆᐊᕐᑐᕐᐸᒃᑐᓯ ᐅᕘᓇ ᐃᑎᕐᑕᕐᕕᒃᑯᑦ.

ᐃᓯᑭᐊᓕᐅᑉ ᐊᒡᓚᖏᑦ 34:7

ᑍᒤᒻᒪᑦ, ᐰᕐᓯᔨᐅᔪᓯ, ᑐᓴᕆᑦᓯ ᐊᑕᓂᐅᑉ ᐅᖃᐅᓯᖓᓂᒃ:

ᐂᒨᓯᐅᑉ ᐊᒡᓚᖏᑦ 7:16

ᑍᒤᒻᒪᑦ ᒫᓐᓇ ᐊᑕᓂᐅᑉ ᐅᖃᐅᓯᖏᓐᓂᒃ ᑐᓴᓕᕆᑦ; ᐃᕝᕕᓪᓕ ᐅᖃᕐᐳᑎᑦ, ‘ᐅᖃᓪᓚᖕᓂᐊᕐᓇᒃ ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᓂᒃ, ᐊᔪᕆᕐᑐᐃᑦᑍᓕᓗᑎᓪᓗ ᐂᓴᑭᐅᑉ ᑭᖑᕚᖏᓐᓄᑦ.’

ᓘᑲᓯᐅᑉ ᐊᒡᓚᖏᑦ 1:32

ᑖᓐᓇ ᐊᖏᓂᕐᐹᖑᔪᒫᕐᐳᖅ, ᑍᔭᐅᔪᒫᕐᓗᓂᓗ ᖁᓪᓕᕐᐸᐅᔫᑉ ᐃᕐᓂᖓᓂᒃ; ᐊᑕᓂᐅᑉ ᒎᑎᐅᑉ ᐊᖓᔪᖅᑳᕐᔪᐊᓐᖑᕐᑎᑦᓱᒫᕐᐹ ᓯᕗᓕᕕᓂᖓᑐᑦ ᑍᕕᑎᑐᑦ.