ᔨᕆᒤᐊᐅᑉ ᐊᒡᓚᖏᑦ 21:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ “ᔨᑎᑬᐊ ᐃᒫᒃ ᐅᖃᐅᑎᓯᐅᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓᑦ, ᑕᑯᒋᑦ, ᐅᓇᑕᐅᑎᒃᓴᓯ ᐊᑐᕐᓗᒋᑦ ᐃᓕᑦᓯᓐᓂᒃ ᓵᑦᓯᖔᕐᓂᐊᕐᐳᖓ ᐅᓇᑕᐅᑎᒃᓴᓕᐊᕆᓯᒪᔭᓯᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑲᐅᓪᑎᐊᒥᐅᑦ ᐅᓇᑕᕐᑎᖏᓐᓄᑦ ᒫᓐᓇ ᐃᒡᓗᒐᓴᒡᔪᐊᖃᕐᕕᑦᓯᓐᓂᒃ ᐃᓗᒪᓯᓗᑎᒃ ᐱᕖᕈᑦᔨᓯᒪᔪᓄᑦ ᐃᓕᑦᓯᓐᓂᒃ; ᐃᒡᓗᒐᓴᒡᔪᐊᖃᕐᕕᑦᓯ ᐃᓗᐊᓄᐊᕈᓐᓇᕐᓯᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 21:4 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 10:4

ᐊᒥᐊᒃᑯᑕᖃᕈᒫᓐᖏᓚᖅ ᐅᑯᔪᐃᓐᓇᐅᔪᒫᕐᒪᑕ ᑎᒍᔭᐅᓯᒪᔪᑦ ᐊᑯᕐᖓᓐᓂ, ᐅᕐᕈᔪᒫᕐᐳᓪᓗ ᑐᖁᑕᐅᓯᒪᔪᑦ ᐊᑯᕐᖓᓐᓄᑦ. ᑕᒪᑐᒧᖓ ᐊᑕᓂᐅᑉ ᓂᓐᖓᐅᓯᖓ ᓄᖅᑲᕐᑎᑕᐅᓐᖏᓚᖅ, ᐊᒡᒐᖏᓪᓕ ᓱᓕ ᐅᕐᓕᕐᑐᕐᐳᑦ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 13:4

“ᐃᓄᒐᓴᒡᔪᐊᑦ ᖃᖅᑲᓃᑦᑐᑦ ᓂᐱᕐᔪᐊᖏᑦ ᑐᓴᕐᓴᐅᕗᑦ, ᓲᕐᓗ ᐃᓄᒋᐊᒃᑐᕐᔪᐊᓂᑦ ᐱᔪᑎᑐᑦ! ᓂᐱᕐᔪᐊᖃᕐᐳᖅ ᐊᖓᔪᖅᑳᕐᔪᐊᖃᕐᕕᖕᓂᑦ ᐱᔪᓂᒃ, ᐃᓅᖃᑎᒌᒡᔪᐊᑦ ᐊᖓᔪᖅᑲᐅᕕᖏᑦ ᑲᑎᒪᓕᕐᒪᑕ! ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᑲᔪᖏᕐᓮᓕᕐᒪᑦ ᐃᓄᒋᐊᒃᑐᕐᔪᐊᓂᒃ ᐅᓇᑕᕐᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 5:5

“ᒫᓐᓇᓕ ᐅᖃᐅᑎᓂᐊᓕᕐᐸᒋᑦ ᐱᕈᕐᓰᕕᖁᑎᓐᓄᑦ ᐱᓇᓱᐊᕐᓂᐊᕐᓂᓐᓂᒃ, ᐊᕙᓗᓕᐅᕐᓯᒪᔪᖅ ᐱᕈᕐᑐᓂᒃ ᐲᕈᒪᕙᕋ, ᑕᕝᕙ ᓄᖑᑕᐅᓂᐊᕐᐳᖅ; ᐊᕙᓗᖏᓪᓗ ᓯᖁᒥᓪᓗᒋᑦ ᑐᓪᓕᕋᕐᑕᐅᓗᓂ.

ᔨᕆᒤᐊᐅᑉ ᐊᒡᓚᖏᑦ 20:4

ᐃᒫᒃ ᐊᑕᓂᖅ ᐅᖃᕐᐳᖅ; ᑕᑯᒋᑦ, ᑲᑉᐱᐊᓇᕐᑐᒥᒃ ᓇᖕᒥᓂᕐᓄᑦ ᑎᑭᑎᑦᓯᕕᒋᓂᐊᕐᐳᑎᑦ ᐃᓚᓐᓇᕆᔭᕐᓄᓪᓗ. ᓇᖕᒥᓂᖅ ᑕᑯᓐᓇᕈᒫᕋᕕᒋᑦ ᐅᓇᑕᕐᑐᓂ ᑐᖁᕋᕐᑕᐅᓕᕐᑎᓪᓗᒋᑦ ᐊᑭᕋᑦᓯᓐᓄᑦ, ᔫᑕᒥᐅᓕᒫᑦ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᑎᑦᓱᒫᕐᐸᒃᑲ; ᑖᑦᓱᒪᓗ ᐊᐅᓪᓚᕈᑎᔪᒫᕐᐰᑦ ᐹᐱᓘᓂᒧᑦ, ᑐᖁᓪᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 21:3

ᔨᕆᒤᐊᐅᓪᓕ ᐅᖃᐅᑎᕔᑦ ᐅᖃᕐᓗᓂ,

ᔨᕆᒤᐊᐅᑉ ᐊᒡᓚᖏᑦ 32:24

“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 32:3

ᔨᑎᑬᐊᐅᑉ ᔨᕆᒤᐊ ᑎᒍᔭᐅᓯᒪᑎᓕᓚᐅᕐᒪᒍ ᐅᖃᐅᑎᓪᓗᓂᐅᒃ, “ᓱᖕᒪᑦ ᓇᓚᐅᑦᑍᓇᓱᐊᖃᑦᑕᕐᐲᑦ? ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᐅᖃᕐᐳᖅ, ᐃᒡᓗᒐᓴᒡᔪᐊᖁᑎᓯ ᐱᔭᐅᑎᓐᓂᐊᕐᐸᒃᑲ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑎᒍᔪᒫᕐᐹᓪᓗ.

ᔨᕆᒤᐊᐅᑉ ᐊᒡᓚᖏᑦ 32:5

ᔨᑎᑬᐊᓗ ᐹᐱᓘᓂᒧᓐᖓᐅᑎᔪᒫᕐᐹ, ᑍᑲᓃᑦᓱᒫᕐᐳᕐᓗ ᐊᑕᓂᕐᒧᑦ ᐱᓇᓱᐊᕐᕕᐅᓚᐅᖏᓐᓂᕐᒥᓂ, ᐊᑕᓂᖅ ᐅᖃᕐᐳᖅ, ᑲᐅᓪᑎᐊᒥᐅᓂᒃ ᐅᓇᑕᕋᓱᒃᑲᓗᐊᕈᕕᑦ ᓵᓚᖃᕐᓂᐊᓐᖏᓚᑎᑦ.’”

ᔨᕆᒤᐊᐅᑉ ᐊᒡᓚᖏᑦ 33:5

ᐃᓚᖏᓪᓕ ᐊᑭᒪᓇᓱᐊᕈᒫᕐᐳᑦ ᑲᐅᓪᑎᐊᒥᐅᓂᒃ, ᐃᒡᓗᖁᑎᖏᓪᓗ ᑕᑕᑦᓱᒫᕐᐳᑦ ᑐᖁᖓᔪᕕᓂᕐᓂᒃ ᓂᓐᖓᕕᒃᔪᐊᕐᓂᓐᓄᑦ ᐊᑭᓂᐊᕐᕕᒋᓕᕈᒃᑭᑦ, ᑖᒃᑯᐊ ᐃᒡᓗᒐᓴᒡᔪᐊᑦ ᐊᓚᕐᐸᒃᑲ ᑮᓇᓐᓄᑦ ᐃᓄᖏᑕ ᐱᐅᖏᑦᑐᓕᓂᕐᒥᒃ ᐱᓇᓱᐊᑐᐃᓐᓇᓕᕐᓂᖏᑦ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 35:17

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔫᑕᒥᐅᓄᑦ ᔨᕉᓴᓕᒥᐅᓕᒫᓄᓪᓗ ᑎᑭᑕᐅᑎᑦᓯᔪᒫᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓐᓂᒃ, ᐅᖃᐅᑎᕙᓚᐅᕋᓗᐊᕋᒃᑭᑦ ᓈᓚᒍᒪᓚᐅᖏᒻᒪᑕ, ᑎᓕᓯᑦᔪᑎᓐᓂᒡᓗ ᓈᓚᒍᒪᓚᐅᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 39:3

ᔨᕉᓴᓕᐅᑉ ᐱᔭᐅᑦᔪᑖᓂ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᖓᔪᖅᑳᖁᑎᖏᑦ ᐃᓂᑖᕐᑐᓚᐅᕐᐳᑦ ᐃᑎᕐᑕᕐᕕᐅᑉ ᕿᑎᖓᓃᑦᑐᒥᒃ ᑍᔭᐅᔪᒥ ᐅᑯᐊ; ᓂᕐᒐᐅᓪ-ᓴᕆᔨᕆ, ᓴᒪᒐᕆ-ᓂᐳ, ᓴᕐᓯᑭᒻ ᕌᑉᓴᕆᔅ, ᓂᕐᒐᐅᓪᓴᕆᔨᕆ ᕌᑉᒪᒡ, ᑖᒃᑯᐊᓗ ᐊᓯᖏᑦ ᐊᖓᔪᖅᑳᖁᑎᒋᔭᐅᖕᒥᔪᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 52:18

ᒪᑯᐊᑦᑕᐅᖅ ᓇᒃᓴᕐᑕᐅᓚᕐᐳᑦ, ᐅᒃᑯᓰᑦ, ᐳᐊᕐᕆᑏᓪᓗ, ᑕᖅᑯᑏᓪᓗ, ᒪᒃᑲᐅᔧᑦ ᓯᕐᐸᕐᓮᑦᔪᑏᑦ, ᖃᔪᓕᕆᑦᔪᑏᑦ, ᓱᓇᑐᐃᓐᓁᓪᓗ ᑲᓐᓄᔭᒥᑦ ᓴᓇᓯᒪᔪᑦ ᑐᒃᓯᐊᕐᕕᒡᔪᐊᕐᒥ ᐊᑐᕐᑕᐅᖃᑦᑕᕐᑐᓕᒫᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:3

ᓂᓐᖓᖕᓂᕐᒥᓄᑦ ᐃᓴᕆᐊᓕᒥᐅᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ, ᐊᑭᕋᖏᑦ ᑎᑭᐅᑎᖕᒪᑕ ᐱᔪᓐᓇᕐᓂᕐᒥᓄᑦ ᐃᑲᔪᕐᓯᕆᐊᓐᖏᓔᑦ ᐃᑯᐊᓪᓔᕙᓪᓕᐊᔪᑎᑐᑦ ᔧᑯᒃᑯᑦ ᑎᑭᓪᓗᒋᑦ ᓄᖑᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:5

ᐊᑕᓂᖅ ᐊᑭᕋᕐᑎᑐᑦ ᑍᒤᓕᕐᐳᖅ ᐃᓴᕆᐊᓕᒥᐅᓂᒃ ᓄᖑᕅᓪᓗᓂ, ᐃᒡᓗᒐᓴᒡᔪᐊᖁᑎᖏᑦ ᓄᖑᑎᒻᒪᒋᑦ ᐱᔭᐅᒌᒃᑯᑎᖏᓪᓗ ᓯᖁᑦᑎᕐᓱᒋᑦ ᔫᑕᐅᑉ ᐸᓂᖏᓐᓄᑦ ᓇᓂᑐᐃᓐᓇᖅ ᕿᒃᓵᖕᓇᕐᑐᖃᕐᑎᑦᓯᕗᖅ ᐅᒡᒍᐊᕐᓇᕐᑐᖃᕐᑎᑦᓯᓪᓗᓂᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 39:3

ᐱᑎᒃᓯ ᓴᐅᒥᖕᓄᑦ ᑎᒍᒥᐊᕐᑍᑦ ᑎᒍᔪᒫᕐᐸᕋ, ᖃᕐᔪᕐᓗ ᑕᓕᕐᐱᖕᓄᑦ ᑎᒍᒥᐊᕐᑍᑦ ᐊᒡᒐᖕᓂᑦ ᑲᑕᒃᑎᓪᓗᒍ.

ᕼᐆᓯᐊᑉ ᐊᒡᓚᖏᑦ 9:12

ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”

ᓴᑲᕅᐊᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᑲᑎᑎᑦᓱᒫᕐᐸᒃᑲ ᐅᓇᑕᕆᐊᕐᑐᖁᓗᒋᑦ ᔨᕉᓴᓕᒥᒃ; ᓄᓇᓖᑦ ᓵᓚᒋᔭᐅᔪᒫᕐᐳᑦ, ᐃᒡᓗᐃᑦ ᐱᖁᑎᖏᑦ ᓱᕋᑦᑎᔭᐅᓗᑎᒃ ᑎᒡᓕᒐᕐᕕᐅᓗᑎᒡᓗ, ᐊᕐᓁᓪᓗ ᖁᓄᔪᕐᓂᐊᕐᑕᐅᓗᑎᒃ. ᓄᓇᓖᑦ ᐊᕝᕙᓪᓗᐊᖏᑦ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᐃᓚᖏᓪᓕ ᐊᒥᐊᒃᑯᑦ ᐃᒡᓗᒐᓴᒡᔪᐊᕐᓃᖏᓐᓇᕈᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 22:7

ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᒃᑐᐊᓘᕗᖅ; ᐅᓇᑕᕐᑐᒃᓴᖁᑎᓂ ᑎᓕᕔᑦ ᑍᒃᑯᐊ ᐃᓄᐊᕐᑐᑦ ᑐᖁᑕᐅᖁᓪᓗᒋᑦ ᐃᒡᓗᒐᓴᖏᓪᓗ ᐃᑯᐊᓪᓚᒃᑕᐅᓗᑎᒃ.