ᔨᕆᒤᐊᐅᑉ ᐊᒡᓚᖏᑦ 21:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᔨᕆᒤᐊ ᐊᑕᓂᕐᒧᑦ ᐅᖃᕐᕕᐅᓚᐅᕐᐳᖅ ᐅᑯᓂᖓ, ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᑎᓕᔭᖏᓐᓄᑦ ᑎᑭᑕᐅᒐᒥ ᐸᓱᕼᐅᕆᒧᑦ ᒪᓪᑬᔭᐅᑉ ᐃᕐᓂᖓᓄᑦ ᑐᓂᕐᕈᓯᕐᑎᑦᓯᔨᒧᓪᓗ ᔨᐸᓁᐊᒧᑦ ᒫᓯᐊᐅᑉ ᐃᕐᓂᖓᓄᑦ, ᐅᖃᕐᓗᑎᒡᓗ:

ᔨᕆᒤᐊᐅᑉ ᐊᒡᓚᖏᑦ 21:1 Iomraidhean Croise

ᐊᑕᓃᑦ ᐂᑉᐸᖏᑦ 22:13

“ᐊᑕᓂᕐᒥᒃ ᖃᐅᔨᒋᐊᕈᑦᔭᐅᔪᒪᓕᕐᐳᖓ ᐃᓄᖏᓪᓗ ᐱᓪᓗᒋᑦ, ᔫᑕᒥᐅᓪᓗ ᐱᑦᔪᑎᒋᓪᓗᒋᑦ, ᐊᒡᓔᑦ ᑖᒃᑯᐊ ᓇᓂᔭᐅᔪᕕᓃᑦ ᐊᔪᕆᕐᑐᐃᑦᔪᑎᒋᔭᖏᓐᓂᒃ; ᐊᑕᓂᐅᑉ ᐊᖏᔪᒥᒃ ᓂᓐᖓᒡᕕᒋᓯᒪᕚᑎᒍᑦ ᓯᕗᓕᑦᑕ ᑖᒃᑯᐊ ᐊᒡᓔᑦ ᐊᔪᕆᕐᑐᐃᑦᔪᑎᒋᔭᖏᑦ ᒪᓕᓚᐅᖏᒻᒪᑦᔪᒃ, ᐱᓂᐊᕐᓂᖃᓚᐅᕋᑎᒡᓗ ᑎᑎᕋᕐᓯᒪᔪᑦ ᒪᓕᒡᓗᒋᑦ.”

ᑯᕉᓂᑲ ᓯᕗᓪᓖᑦ 3:15

ᔫᓮᐊᐅᑉ ᐃᕐᓂᖏᑦ ᐅᑯᐊᖑᕗᑦ ᔪᕼᐋᓇᓐ ᐊᖓᔪᒃᓯᕐᐹᖅ, ᑐᖓᓕᖓ ᔨᕼᐅᐃᐊᑭᒻ, ᐱᖓᔪᐊᑦ ᔨᑎᑬᐊ, ᓯᑕᒪᖓᑦ ᓴᓗᒻ.

ᑯᕉᓂᑲ ᓯᕗᓪᓖᑦ 9:12

ᐊᑍᐊᓗ ᔨᕈᕼᐋᒻ ᐃᕐᓂᖓ, ᑖᓐᓇ ᐸᓱᕼᐅᕆᐅᑉ ᐃᕐᓂᖓ, ᑖᓐᓇ ᒪᓪᑬᔭᐅᑉ ᐃᕐᓂᖓ; ᒫᓮᓗ ᐊᑎ-ᐃᐅᑉ ᐃᕐᓂᖓ, ᑖᓐᓇ ᔭᓯᕋᐅᑉ ᐃᕐᓂᖓ, ᑖᓐᓇ ᒥᓱᓚᒥᐅᑉ ᐃᕐᓂᖓ, ᑖᓐᓇ ᒥᓯᓕᒥᑎᐅᑉ ᐃᕐᓂᖓ, ᑖᓐᓇ ᐃᒥᕆᐅᑉ ᐃᕐᓂᖓ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᓂᕼᐃᒤᐊᐅᑉ ᐊᒡᓚᖏᑦ 11:12

ᖃᑕᓐᖑᑎᖏᓪᓗ ᑕᕝᕙᓂ ᐱᓇᓱᐊᕐᑎᐅᖃᑕᐅᓚᐅᕐᑐᑦ, 822ᖑᓚᐅᕐᐳᑦ. ᐊᑍᐊ ᑖᓐᓇ ᔨᕈᕼᐋᒥᐅᑉ ᐃᕐᓂᖓ, ᑖᓐᓇ ᐱᓚᓔᐊᐅᑉ ᐃᕐᓂᖓ, ᑖᓐᓇ ᐊᒻᔨᐅᑉ ᐃᕐᓂᖓ, ᑖᓐᓇ ᓴᑲᕅᐊᐅᑉ ᐃᕐᓂᖓ, ᑖᓐᓇ ᐸᓱᕼᐅᕆᐅᑉ ᐃᕐᓂᖓ, ᑖᓐᓇ ᒪᓪᑬᔭᐅᑉ ᐃᕐᓂᖓ,

ᔨᕆᒤᐊᐅᑉ ᐊᒡᓚᖏᑦ 29:25

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓ ᐃᒫᒃ ᐅᖃᕐᐳᖅ, “ᐃᓕᖕᓂᓐᖔᕐᑐᓂᒃ ᓇᖕᒥᓂᖅ ᔨᕉᓴᓕᒥᐅᓄᑦ ᑎᑎᕋᓚᐅᕐᐳᑎᑦ, ᔨᐸᓁᐊ ᒫᓯᐊᐅᑉ ᐃᕐᓂᖓ ᐊᖅᑯᑎᒋᓪᓗᒍ ᑐᓂᕐᕈᓯᕐᑎᑦᓯᔨᐅᔪᖅ, ᑐᓂᕐᕈᓯᕐᑎᑦᓯᔨᐅᖃᑎᖏᓐᓄᓪᓗ ᔨᐸᓁᐊ ᐅᖃᐅᑎᓚᐅᕋᕕᐅᒃ:

ᔨᕆᒤᐊᐅᑉ ᐊᒡᓚᖏᑦ 29:29

ᔨᐸᓁᐊᐅᓪᓕ ᑐᓂᕐᕈᓯᕐᑎᑦᓯᔨᐅᑉ ᑎᑎᖅᑲᑦ ᐅᖃᓕᒫᕐᐰᑦ ᔨᕆᒤᐊ ᒎᑎᐅᑉ ᐅᖃᕐᑎᖓ ᑐᓵᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 35:4

ᐊᑕᓂᐅᑉ ᐃᒡᓗᖓᓄᐊᕐᑎᓚᐅᕐᐸᒃᑲ, ᑲᑎᖃᑎᒋᓪᓗᒋᓪᓗ ᒎᑎᐅᑉ ᐅᖃᕐᑎᖓᑕ ᕼᐊᓇᓐᓂᐅᑉ ᐃᓕᓐᓂᐊᕐᑎᖏᑕ ᐃᒡᑕᓔᐊᐅᑉ ᐃᕐᓂᖓᑕ ᐃᒡᓗᕈᓯᕆᖃᑦᑕᓚᐅᕐᑕᖓᓂ ᐊᖓᔪᖅᑳᕐᔪᐊᑦ ᐃᒡᓗᕈᓯᕆᖃᑦᑕᕐᑕᖏᑕ ᓴᓂᐊᓃᑦᑐᒥ, ᒫ-ᐊᓯᐊᑉ ᓴᓗᒻᒥᐅᑉ ᐃᕐᓂᖓᑕ ᐃᑎᕐᑕᕐᕕᓕᕆᔨᐅᑉ ᐃᒡᓗᕈᓯᖓᑕ ᖁᓕᓪᑎᐊᖓᓂ.

ᔨᕆᒤᐊᐅᑉ ᐊᒡᓚᖏᑦ 37:1

ᔨᑎᑬᐊ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᑎᑕᐅᓚᐅᕐᐳᖅ ᔫᑕᒥᐅᓄᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᐅᓪᓚᕐᑎᑕᐅᓚᐅᕐᐳᕐᓗ ᐃᓇᖐᓪᓗᓂ ᑯᓂᐊ ᔨᕼᐅᐃᐊᑭᐅᑉ ᐃᕐᓂᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 37:17

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᐃᒡᓗᒥᓄᑦ ᕾᑎᑕᐅᖁᕚ, ᑕᕝᕙᓃᓕᕐᑎᓪᓗᒍᓗ ᖃᐅᔨᔭᐅᑦᑍᓕᓪᓗᓂ ᐊᐱᕐᓱᕐᐹ, ᐊᑕᓂᕐᒥᑦ ᑐᓴᒐᒃᓴᕐᑕᖃᕐᒪᖔᑦ. ᔨᕆᒤᐊᐅᓪᓗ ᐅᖃᐅᑎᕚ, “ᑐᓴᒐᒃᓴᖃᕐᐳᖅ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᓂᐊᕐᐳᑎᑦ.”

ᔨᕆᒤᐊᐅᑉ ᐊᒡᓚᖏᑦ 37:3

ᐊᖓᔪᖅᑳᕐᔪᐊᕐᓗ ᔨᑎᑬᐊ ᑎᓕᓯᓚᐅᕐᐳᖅ ᔨᕼᐅᑲᐅᓕᒥᒃ ᓯᓕᒤᐊᐅᑉ ᐃᕐᓂᖓᓂᒃ, ᑐᓂᕐᕈᓯᕐᑎᑦᓯᔨᒥᒡᓗ ᔨᐸᓁᐊᒥᒃ ᒫᓯᐊᐅᑉ ᐃᕐᓂᖓᓂᒃ ᔨᕆᒤᐊᒧᑦ ᒎᑎᐅᑉ ᐅᖃᕐᑎᖓᓄᑦ ᐃᒫᒃ ᐅᖃᐅᑎᔭᐅᖁᓪᓗᒍ, “ᐊᑕᓂᕐᒧᑦ ᒎᑎᑦᑎᓐᓄᑦ ᑐᒃᓯᐅᑎᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 37:7

“ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐅᕙᓐᓄᑦ ᑐᒃᓯᐊᕐᕕᖃᖁᔨᓚᐅᕐᑐᖅ ᐅᖃᐅᑎᒍᒃ, ‘ᑕᑯᒋᑦ, ᐰᕉᑉ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᑎᒃ ᐄᑦᔨᑉᑎᒥᑦ ᐊᐅᓪᓚᕐᑑᒐᓗᐊᑦ, ᓄᓇᒥᖕᓄᑦ ᐄᑦᔨᑉᑎᒧᑦ ᐅᑎᕐᓂᐊᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 38:1

ᓯᕚᑍᐊ ᒫᑖᓂᐅᑉ ᐃᕐᓂᖓ, ᒋᑕᓔᐊᓗ ᐸᓱᕼᐅᕆᐅᑉ ᐃᕐᓂᖓ, ᔪᑲᐅᓪ ᓯᓕᒤᐊᐅᑉ ᐃᕐᓂᖓ, ᐸᓱᕼᐅᕆᓗ ᒪᓪᑬᔭᐅᑉ ᐃᕐᖑᑕᖓ, ᑐᓴᕋᒥ ᔨᕆᒤᐊᐅᑉ ᐅᖃᐅᓯᕆᔭᖏᓐᓂᒃ ᐃᓄᖕᓄᑦ,

ᔨᕆᒤᐊᐅᑉ ᐊᒡᓚᖏᑦ 38:14

ᐊᖓᔪᖅᑳᕐᔪᐊᑉ ᔨᑎᑬᐊᐅᑉ ᔨᕆᒤᐊ ᐂᔭᐅᑎᑉᐹ, ᐅᖃᐅᑎᓪᓗᒍᓗ, “ᐊᐱᕆᔪᒪᒐᒃᑭᑦ ᓱᓕᔪᒥᒃ ᐅᖃᐅᑎᓂᐊᕐᐸᕐᒪ ᐃᔨᕐᓯᒪᑎᑦᓯᑦᑍᓕᒋᑦ.”

ᔨᕆᒤᐊᐅᑉ ᐊᒡᓚᖏᑦ 52:24

ᐅᓇᑕᕐᑐᒃᓮᑦ ᐊᖓᔪᖅᑳᒻᒪᕆᖓᑦ ᐊᐅᓪᓚᕈᑦᔨᓚᐅᕆᕗᖅ ᑎᒍᔭᒥᓂᒃ ᑐᓂᕐᕈᓯᕐᑎᑦᓯᔨᒥᒃ ᓯᕅᐊᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒥᒃ, ᔨᐸᓁᐊᒥᒡᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦᑕ ᑐᖓᓕᖓᓂᒃ, ᐱᖓᓱᓪᓗ ᐃᑎᕐᑕᕐᕕᖕᒥ ᑲᒪᔨᐅᔪᑦ.