ᔨᕆᒤᐊᐅᑉ ᐊᒡᓚᖏᑦ 20:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐅᖃᓪᓚᒋᐊᕋᒪ ᑍᒪᓐᖓᑦ ᕾᒐᓛᕐᐳᖓ ᑲᑉᐱᐊᓇᕐᑐᓂᒃ ᐊᓯᕈᕐᑕᐅᓂᕐᒥᒡᓗ, ᐅᖃᐅᓯᕆᖁᔭᑎᑦ ᐱᐅᒋᔭᐅᖏᑦᔪᑎᒋᕙᒃᑲ ᐅᖃᕐᓂᕐᓗᒡᕕᐅᑦᔪᑎᒋᓪᓗᒋᓪᓗ ᐅᓪᓗᓕᒪᖅ.

ᔨᕆᒤᐊᐅᑉ ᐊᒡᓚᖏᑦ 20:8 Iomraidhean Croise

ᐊᑕᓃᑦ ᐂᑉᐸᖏᑦ 2:23

ᑕᕝᕙᓐᖓᑦ ᐱᓪᓗᓂ ᐃᓔᓴ ᐱᑎᓕᒧᐊᕐᐳᖅ ᐊᖅᑯᑎᒃᑯᑦ ᐃᓄᑑᓪᓗᓂ ᐱᓱᒃᑎᓪᓗᒍ, ᓄᓇᓕᖕᓂ ᐃᓅᓱᒃᑐᓄᑦ ᐅᐸᒃᑕᐅᓪᓗᓂ ᒥᑕᐅᑎᒋᔭᐅᓕᕐᐳᖅ ᐅᖃᐅᑦᔪᕈᓘᔭᕐᑕᐅᓪᓗᓂᓗ, ᐅᖃᕐᓗᑎᒃ, “ᒥᖅᑯᐃᕐᓯᓂᓖᒃ ᐊᕗᓐᖓᓕᕆᑦ, ᐊᕗᓐᖓᓚᐅᕆᑦ ᒥᖅᑯᐃᕐᓯᓐᓂᓖᒃ!”

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 57:4

ᑭᓇᒥᒃ ᒥᑕᐅᑎᖃᕐᐱᓰ? ᑭᓇᒧᓪᓗ ᐱᔮᕐᓱᕐᓗᓯ ᖃᓂᓯ ᐂᑦᑕᕐᑎᑉᐱᓯᐅᒃ ᐅᖃᓯ ᓄᐃᑦᑕᕐᑎᓪᓗᒋᑦ? ᐊᔪᕐᑐᓕᔪᓄᑦ ᕿᑐᕐᖓᐅᓐᖏᓚᓰ, ᐅᐃᕕᕐᕆᒃᓯᔩᑦ ᑭᖑᕚᖏᑦ,

ᔨᕆᒤᐊᐅᑉ ᐊᒡᓚᖏᑦ 15:10

ᑲᑉᐱᐊᓐᓇᒦᒃ, ᐊᓈᓇᒪ ᕿᑐᕐᖓᕐᑖᕆᓚᐅᕐᓂᕐᒪᖓ, ᐃᓅᓕᕋᒪ ᐊᒃᓱᕈᕐᓇᓗᐊᕐᑐᒥᒃ, ᑮᓇᐅᔭᓂᒃ ᐊᑐᕐᑐᐊᓚᐅᕐᓯᒪᓇᖓ ᐊᑐᕐᕕᖃᓚᐅᕐᓯᒪᓇᖓᓗ, ᐅᕙᓐᓂᒡᓕ ᐅᖃᕐᓂᕐᓘᑎᖃᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 15:15

“ᐊᑕᓃᖅ ᖃᐅᔨᒪᑦᓯᐊᕋᕕᑦ, ᐃᖅᑲᐅᒪᓗᖓ ᐅᐸᓚᐅᓐᖓ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓚᐅᒃᑭᑦ, ᕿᓄᐃᓵᕈᓐᓇᕐᓂᓐᓄᑦ ᐊᐅᓪᓚᕈᑦᔭᐅᑎᑦᑍᓕᓐᖓ; ᐅᖁᒤᒃᓴᕐᑎᑕᐅᓂᕋ ᐃᓕᖕᓂᒃ ᐱᑦᔪᑎᖃᕐᓂᖓ ᖃᐅᔨᒪᕙᑦ.

ᔨᕆᒤᐊᐅᑉ ᐊᒡᓚᖏᑦ 17:27

ᓈᓚᖏᒃᑯᑦᓯᓐᖓᓕ ᓴᐸᑎᓗ ᐃᑦᔪᕐᓁᑎᖏᒃᑯᑦᓯᐅᒃ, ᐊᒡᔭᕐᓯᑦᑍᓕᖏᒃᑯᑦᓯᓗ ᓴᐸᑎᐅᑎᓪᓗᒍ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ, ᑕᕝᕙ ᐃᑎᕐᑕᕐᕕᖏᑦ ᐃᑯᐊᓪᓚᒍᒫᕐᐸᒃᑲ, ᔨᕉᓴᓕᒻ ᐊᖓᔪᖅᑳᒃᑯᕕᖓ ᓄᖑᑕᐅᔪᒫᕐᐳᖅ ᖃᒥᑕᐅᔪᓐᓇᕈᒫᓐᖏᓚᕐᓗ.’”

ᔨᕆᒤᐊᐅᑉ ᐊᒡᓚᖏᑦ 20:7

ᐊᑕᓃᖅ ᐅᐃᕕᕐᕆᒐᕕᖓ ᐅᐃᕕᕐᕆᔭᐅᓯᒪᕗᖓ; ᐱᔪᓐᓇᕐᓂᕐᓴᐅᒐᕕᑦ ᓵᓚᒋᕙᕐᒪ, ᐅᓪᓗᓕᒫᖅ ᐱᓐᖑᐊᕆᔭᐅᕗᖓ, ᒥᑕᐅᑎᒋᔭᐅᓪᓗᖓᓗ.

ᔨᕆᒤᐊᐅᑉ ᐊᒡᓚᖏᑦ 28:8

ᓯᕗᓂᑦᑎᓐᓂ ᐅᕙᑦᑎᓐᓂᑦ ᒎᑎᒧᑦ ᐅᖃᕐᑎᒋᔭᐅᕙᓚᐅᕐᑐᑦ ᐅᖃᐅᓯᖃᕐᐸᓚᐅᕐᒪᑕ ᐅᓇᑕᕐᓂᕐᑕᖃᓛᕐᑐᒥᒃ, ᖁᐊᕐᓵᖓᓇᕐᑐᖃᓛᕐᑐᓂᒃ, ᐋᓐᓂᐊᓇᕐᑐᖃᓛᕐᑐᓂᒡᓗ ᓄᓇᓕᖕᓄᑦ ᐊᖓᔪᖅᑳᐅᕕᒡᔪᐊᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 5:1

ᔨᕉᓴᓕᒥᐅᑕᐅᔪᓯ ᐊᖅᑯᑎᓯ ᐱᓱᑲᑕᒡᓗᒋᑦ ᕿᓂᓚᐅᕆᑦᓯ, ᑲᑎᕕᐅᕙᒃᑐᓪᓗ ᐃᓄᖕᓄᑦ, ᑕᑯᔪᓐᓇᕐᒪᖔᑦᓯ ᐊᑕᐅᓯᕐᒥᒃ ᐊᑲᐅᔪᒥᒃ ᐃᓅᓇᓱᐊᕐᑐᒥᒃ ᓱᓕᔪᒥᒡᓗ ᐃᓕᖅᑯᓯᖃᕋᓱᐊᕐᑐᒥᒃ ᐃᓄᒃᑕᖃᕐᒪᖔᑦ, ᑕᕝᕙ ᔨᕉᓴᓕᒻ ᐃᓱᒪᒋᔪᓐᓁᕐᕕᒋᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 5:6

ᑕᒪᓐᓇ ᐱᓪᓗᒍ ᓛᔭᒧᑦ ᓇᐹᕐᑐᐃᑦ ᐊᑯᓐᓂᖓᓂ ᑐᖁᑕᐅᓂᐊᕐᐳᑦ. ᐊᒪᕈᕐᓄᓪᓗ ᓱᓇᖃᔪᐃᑦᑐᒥᑦ ᐱᔪᓄᑦ ᐹᔭᐅᓂᐊᕐᐳᑦ. ᐃᕐᓯᓇᕐᑐᒧᓪᓗ ᓕᐅᐸᕐᑦᒧᑦ ᐅᑕᖅᑭᔭᐅᓂᐊᕐᐳᑦ ᓄᓇᓕᖏᑕ ᖃᓂᒋᔭᖏᓐᓂ, ᓄᓇᓖᓪᓗ ᓯᓚᑖᓄᐊᕐᑐᑦ ᐅᒋᐊᕐᑕᓂᐊᕐᐳᑦ, ᑕᒻᒪᕐᓯᒪᓂᖓᑦ ᐊᖏᓗᐊᓕᕐᒪᑦ, ᑲᑕᒍᑎᒋᓯᒪᔭᖏᓪᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 6:10

ᑭᓇᒃᑯᑦ ᐃᓂᕐᑎᕆᑦᔪᑎᓐᓂᒃ ᑐᓴᕈᓐᓇᕐᓂᐊᕐᐹᑦ? ᑭᓇᒃᑯᓐᓄᓪᓗ ᓈᓚᒃᑕᐅᔪᓐᓇᕐᓂᐊᕐᐳᖔ? ᑐᓵᔪᒪᔪᖃᕈᓐᓃᕐᒪᑦ, ᑕᑯᒋᑦ ᓈᓚᒃᑐᖃᕈᓐᓇᕈᓐᓃᕐᐳᖅ. ᐊᑕᓂᐅᑉ ᐅᖃᐅᓯᖏᑦ ᑐᓴᕐᑕᐅᔭᕆᐊᒃᓴᖅ ᐱᐅᒋᔭᐅᔪᓐᓂᕐᒪᑕ, ᖁᕕᐊᒋᔭᐅᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᕼᐊᐸᑲᐅᑉ ᐊᒡᓚᖏᑦ 1:3

ᓱᖕᒪᑦ ᐊᔪᕐᑐᓕᔪᓂᒃ ᑕᑯᓐᓇᕐᑎᑉᐱᖔ ᐃᓱᐊᖏᑦᑐᕐᓯᐅᕐᑐᐊᓗᖕᓂᒃᓗ ᑕᑯᑎᓪᓗᖔ? ᑎᒡᓕᒐᕐᓂᖅ ᑲᑉᐱᐊᓈᕿᔪᓪᓗ ᐊᕙᑎᓃᑉᐳᑦ, ᐅᓇᑕᖃᑦᑕᐅᑎᔪᓪᓗ ᐂᕙᔪᓪᓗ ᓴᖅᑭᔮᕐᐳᑦ.

ᓘᑲᓯᐅᑉ ᐊᒡᓚᖏᑦ 11:45

ᐱᖁᔭᓂᒃ ᐃᓕᓮᔩᑦ ᐃᓚᖓᑦᑕ ᐅᖃᐅᑎᕚ, “ᑍᒫᒃ ᐅᖃᕐᑎᓪᓗᑎᑦ, ᐅᕙᑦᑎᓐᓂᒃ ᓇᕐᕈᓇᕐᑎᑦᓯᒋᕗᑎᑦ!”

ᐄᑉᕈᐃᓄᑦ 11:26

ᐃᓱᒪᖃᓚᐅᕋᒥ ᐱᑦᓯᐊᕐᑕᐅᖏᓐᓂᖅ ᒥᑕᐅᑕᐅᓂᕐᓗ ᙭ᔅᑑᓯ ᐱᑦᔪᑎᒋᓪᓗᒍ ᐊᖏᓂᕐᓴᒥᒃ ᐊᔪᕐᓴᖏᑦᔪᑎᒃᓴᐅᓇᓱᒋᓪᓗᒍ ᐄᑦᔨᑉᑎᒥᐅᑦ ᐱᖁᑎᕐᔪᐊᖏᓐᓂᑦ, ᓯᕗᓂᒃᓴᒥ ᐊᑭᓕᐅᑕᐅᔪᒫᕐᓂᖅ ᐃᓱᒪᒋᓪᓗᓂᐅᒃ.

ᐄᑉᕈᐃᓄᑦ 13:13

ᑍᒤᒻᒪᑦ ᐅᐸᓚᐅᕐᓚᕗᑦ ᓄᓇᓖᑦ ᓯᓚᑖᓄᑦ, ᒥᑕᐅᑕᐅᓂᖓᓂᒃ ᐱᖃᑎᒋᓗᒍ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.