ᔨᕆᒤᐊᐅᑉ ᐊᒡᓚᖏᑦ 20:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᒫᒃ ᐊᑕᓂᖅ ᐅᖃᕐᐳᖅ; ᑕᑯᒋᑦ, ᑲᑉᐱᐊᓇᕐᑐᒥᒃ ᓇᖕᒥᓂᕐᓄᑦ ᑎᑭᑎᑦᓯᕕᒋᓂᐊᕐᐳᑎᑦ ᐃᓚᓐᓇᕆᔭᕐᓄᓪᓗ. ᓇᖕᒥᓂᖅ ᑕᑯᓐᓇᕈᒫᕋᕕᒋᑦ ᐅᓇᑕᕐᑐᓂ ᑐᖁᕋᕐᑕᐅᓕᕐᑎᓪᓗᒋᑦ ᐊᑭᕋᑦᓯᓐᓄᑦ, ᔫᑕᒥᐅᓕᒫᑦ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᑎᑦᓱᒫᕐᐸᒃᑲ; ᑖᑦᓱᒪᓗ ᐊᐅᓪᓚᕈᑎᔪᒫᕐᐰᑦ ᐹᐱᓘᓂᒧᑦ, ᑐᖁᓪᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 20:4 Iomraidhean Croise

ᐊᑕᓃᑦ ᐂᑉᐸᖏᑦ 25:7

ᔨᑎᑬᐊ ᑕᑯᓐᓇᕐᑎᓪᓗᒍ ᐃᕐᓂᖏᑦ ᑐᖁᕋᕐᑕᐅᕗᑦ, ᓂᐱᑯᓁᓴᐅᓪᓗ ᔨᑎᑬᐊᐅᑉ ᐃᔨᖏᒃ ᖄᕐᑕᐅᑎᑉᐰᒃ, ᐊᕐᓵᕐᑑᔭᓄᓪᓗ ᐊᑦᑐᖏᕐᓱᕐᓗᒍ, ᐹᐱᓘᓂᒧᑦ ᐊᐅᓪᓚᕈᑎᕚ.

ᐃᓐᖏᕈᑎᑦ 73:19

ᑕᕝᕔᓐᓇᖅ ᐊᑯᓂᐅᖏᑦᑐᖅ ᐊᓯᕈᕐᑕᐅᕗᑦ, ᐊᑕᖏᕐᓱᑎᒃ ᓄᖑᑕᐅᕗᑦ ᑲᑉᐱᐊᓇᕐᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 13:10

ᐃᓄᐃᑦ ᐅᑯᐊ ᐱᐅᖏᑦᑐᓕᔪᑦ, ᐅᖃᐅᓯᓐᓂᒃ ᓈᓚᒍᒪᓐᖏᓚᑦ, ᐆᒻᒪᑎᒥᓗ ᓯᑎᓂᖏᓐᓄᑦ ᒎᑎᓐᖑᐊᓂᒃ ᒪᓕᒍᒪᕗᑦ ᑐᒃᓯᐊᕐᕕᖃᖃᑦᑕᕈᒪᓪᓗᑎᒃ, ᑍᒤᑦᓱᒫᕆᕗᑦ ᑖᑦᓱᑐᓇᖅ ᕿᑎᕈᑎᑐᑦ ᐊᑑᑎᒃᓴᖃᕈᓐᓃᕐᑐᑐᑦ.

ᔨᕆᒤᐊᐅᑉ ᐊᒡᓚᖏᑦ 13:19

ᐃᒡᓗᒐᓴᒡᔪᐊᑦ ᓂᒋᑉᒦᑦᑐᑦ ᓇᒧᓐᖓᕐᕕᒃᓴᖃᕈᓐᓃᕐᒪᑕ, ᒪᑐᐃᕐᑕᐅᔪᓐᓇᕈᓐᓃᕐᓗᑎᒡᓗ; ᔫᑕᒥᐅᓕᒫᑦ ᐊᐅᓪᓚᕈᑦᔭᐅᕗᑦ ᐅᖓᓯᒃᑐᒧᑦ ᓄᓇᒋᓐᖏᑕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 20:6

ᐃᕝᕕᓪᓕ ᐸᓱᕼᐅᕆ ᐃᒡᓗᒥᐅᖃᑎᓕᒫᑎᓪᓗ, ᐊᐅᓪᓚᕈᑦᔭᐅᔪᐃᓐᓇᐅᔪᒫᕐᐳᓯ ᐹᐱᓘᓂᒧᑦ; ᑍᑲᓂᓗ ᑐᖁᔪᒫᕐᐳᑎᑦ ᐃᓗᕕᕐᑕᐅᓗᑎᓪᓗ, ᐃᓚᓐᓇᕆᔭᓕᒫᑎᓪᓗ ᐃᓚᒋᓗᒋᑦ, ᓱᓕᖏᑦᑐᓂᒃ ᐅᖃᕐᕕᒋᕙᓚᐅᕐᑕᑎᑦ.”

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 29:21

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐂᕼᐊᑉ ᐱᓪᓗᒍ ᑯᓔᐊᐅᑉ ᐃᕐᓂᖓ, ᔨᑎᑬᐊᓗ ᐱᓪᓗᒍ ᒫᓯᐊᐅᑉ ᐃᕐᓂᖓ, ᑖᒃᑯᐊᒃ ᓱᓕᖏᑦᑐᓂᒃ ᐊᑎᓐᓂ ᐅᖃᐅᑦᔪᐃᑲᑦᑕᕐᒪᑎᒃ ᐃᓕᑦᓯᓐᓂᒃ, ᑖᒃᑯᐊᒃ ᑎᒍᔭᐅᑎᓐᓂᐊᕐᐹᒃᑲᒃ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᑦᓱᒪᓗ ᑐᖁᑕᐅᑎᑦᓱᒫᕐᐹᒃ ᑕᑯᓐᓇᕐᑎᓪᓗᓯ.

ᔨᕆᒤᐊᐅᑉ ᐊᒡᓚᖏᑦ 46:5

ᓱᓇᒥᒃ ᑕᑯᕗᖔ? ᑲᑉᐱᐊᓱᓕᕐᑐᓂᒃ ᐅᑎᕆᐊᓕᕐᓗᑎᒡᓗ, ᐅᓇᑕᕐᑎᖁᑎᖏᑦ ᓵᓚᐅᕗᑦ, ᑐᐊᕕᕐᓗᑎᒃ ᕿᒫᕗᑦ, ᑲᑉᐱᐊᓱᓕᕐᐳᑦ ᓇᑭᑐᐃᓐᓇᖅ ᐊᕙᑕᖏᕐᑕᐅᓕᕋᒥᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 52:24

ᐅᓇᑕᕐᑐᒃᓮᑦ ᐊᖓᔪᖅᑳᒻᒪᕆᖓᑦ ᐊᐅᓪᓚᕈᑦᔨᓚᐅᕆᕗᖅ ᑎᒍᔭᒥᓂᒃ ᑐᓂᕐᕈᓯᕐᑎᑦᓯᔨᒥᒃ ᓯᕅᐊᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒥᒃ, ᔨᐸᓁᐊᒥᒡᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦᑕ ᑐᖓᓕᖓᓂᒃ, ᐱᖓᓱᓪᓗ ᐃᑎᕐᑕᕐᕕᖕᒥ ᑲᒪᔨᐅᔪᑦ.

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 6:25

ᐃᒡᓗᒐᓴᒡᔪᐊᑦ ᓯᓚᑖᓅᕐᑍᓕᓕᕆᑦᓯ, ᐊᖅᑯᑎᒃᑯᓪᓗ ᐱᓱᒃᑍᓕᓗᓯ ᐊᑭᕋᓯ ᓴᕕᒡᔪᐊᓕᔭᕐᒪᑕ, ᓇᓂᑐᐃᓐᓇᖅ ᑲᑉᐱᐊᓇᕐᓯᕗᖅ.

ᓴᒧᐃᓕ ᓯᕗᓪᓖᑦ 2:33

ᐃᓄᖁᑎᕕᓪᓕ ᐃᓚᖏᑦ ᑐᖁᓐᖏᑕᒃᑲ ᑐᓂᕐᕈᓯᕐᕕᖁᑎᓐᓂ ᐃᔨᕕᑦ ᑕᑯᔪᒫᕐᐰᑦ ᐆᒻᒪᑎᕕᓪᓗ ᕿᒃᓴᐅᑎᒋᔪᒫᕐᐰᑦ; ᐃᓚᓕᒫᕕᓪᓗ ᑭᖑᕚᖏᑦ ᐃᓐᓇᕈᕐᑐᖃᖏᓪᓗᑎᒃ ᑐᖁᔪᒫᕐᐳᑦ.