ᔨᕆᒤᐊᐅᑉ ᐊᒡᓚᖏᑦ 20:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᖃᐅᑎᓪᓗᒍ ᐸᓱᕼᐅᕆᐅᑉ ᑎᒍᔭᐅᓯᒪᕕᖕᒥᑦ ᐊᓂᑎᑉᐹ, ᔨᕆᒤᐊᐅᑉ ᐅᖃᐅᑎᕚ, “ᐊᑕᓂᐅᑉ ᑍᔭᐅᖁᔪᓐᓃᕐᐹᑎᑦ ᐸᓱᕼᐅᕆᒥᒃ, ᐊᑎᖃᖁᓕᕐᐹᑎᓪᓕ ᑲᑉᐱᐊᓇᕐᑐᖃᕐᑎᑦᓯᔪᒥᒃ ᓇᓂᑐᐃᓐᓇᖅ.

ᔨᕆᒤᐊᐅᑉ ᐊᒡᓚᖏᑦ 20:3 Iomraidhean Croise

ᒨᓯᓯ ᓯᕗᓪᓖᑦ 17:15

ᒎᑎᓗ ᐂᑉᕋᕼᐋᒧᑦ ᐅᖃᕐᐳᖅ, ᓄᓕᐊᑦ ᓴᕅ ᐊᑎᖃᕐᓂᐊᕈᓐᓃᕐᐳᖅ ᓴᕅᒥᒃ, ᐊᑎᖃᕐᓂᐊᓕᕐᐳᕐᓕ ᓵᕋᒥᒃ.

ᒨᓯᓯ ᓯᕗᓪᓖᑦ 17:5

ᐂᑉᕋᒻᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐂᑉᕋᕼᐋᒻᒥᒡᓕ; ᐅᓄᕐᑐᓄᑦ ᐃᓅᖃᑎᒌᒡᔪᐊᓄᑦ ᓯᕗᓕᕆᔭᐅᑎᓐᓂᐊᓕᕋᒃᑭᑦ.

ᒨᓯᓯ ᓯᕗᓪᓖᑦ 32:28

ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”

ᐃᓐᖏᕈᑎᑦ 31:13

ᐅᓄᕐᑐᑦ ᐅᖃᕐᓂᕐᓘᑎᖃᕐᑐᑦ ᑐᓵᕙᒃᑲ; ᑲᑉᐱᐊᓇᕐᑐᑦ ᐊᕙᑎᓐᓃᑉᐳᑦ; ᑲᑎᒪᖃᑎᒌᒃᑎᓪᓗᒋᑦ ᐱᑦᔪᑎᒋᓪᓗᖓ, ᐃᓱᒪᓕᐅᖃᑎᒌᒃᐳᓪᓗ ᐃᓅᓯᕋ ᐃᓱᓕᑎᑦᓱᒪᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 8:3

ᑭᖑᓂᖓᒍᓪᓕ ᐊᕐᓇᒧᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᐊᕐᐳᖓ ᓄᑕᕋᒃᓴᕐᑖᕐᐳᕐᓗ, ᐃᕐᓂᕐᒥᒡᓗ ᐃᕐᓂᕗᖅ, ᐊᑕᓂᐅᑉ ᐅᖃᐅᑎᕚᖓ, “ᐊᑎᖃᕐᑎᑦᔪᒃ ‘ᑮᓇᐅᔭᕐᑖᑲᐅᕐᑐᕐᓂᖅ, ᐊᓯᐅᔨᑲᐅᕐᑐᕐᓂᕐᓗ,’ ‘ᒥᕼᐊ-ᓴᕼᐊᓚ-ᕼᐊᔅ-ᐸᔾ’;

ᔨᕆᒤᐊᐅᑉ ᐊᒡᓚᖏᑦ 19:2

ᐱᓐ ᕼᐃᓇᐅᑉ ᓇᕐᓴᖓᓄᐊᕐᓂᐊᕐᐳᑎᑦ ᐃᑎᕐᑕᕐᕕᒃᑯᑦ ᐹᑦᓴᑎᒥᒃ ᐊᑎᖃᕐᑐᒃᑯᑦ ᐊᓂᓗᓯ, ᑍᑲᓂᓗ ᐅᖃᐅᓯᕆᖁᔭᒃᑲ ᐅᖃᐅᓯᕆᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 19:6

ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᑎᑭᓕᕐᐳᑦ, ᐊᑕᓂᖅ ᐅᖃᕐᐳᖅ, ᑕᒪᓐᓇ ᓄᓇ ᐊᑎᖃᕐᑎᑕᐅᔪᓐᓃᕐᕕᒃᓴᖓ ᑐᐱᑎᒥᒃ, ᐅᕝᕙᓘᓐᓃᑦ ᐱᓐ ᕼᐃᓇᒥᐅᑦ ᓇᕐᓴᖓᓂᒃ, ᑍᔭᐅᓕᕈᒫᕐᐳᕐᓕ ᓇᕐᓴᒥᒃ ᑐᖁᕅᕕᖕᒥᒃ.

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᔨᕆᒤᐊᐅᑉ ᐊᒡᓚᖏᑦ 29:29

ᔨᐸᓁᐊᐅᓪᓕ ᑐᓂᕐᕈᓯᕐᑎᑦᓯᔨᐅᑉ ᑎᑎᖅᑲᑦ ᐅᖃᓕᒫᕐᐰᑦ ᔨᕆᒤᐊ ᒎᑎᐅᑉ ᐅᖃᕐᑎᖓ ᑐᓵᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 46:5

ᓱᓇᒥᒃ ᑕᑯᕗᖔ? ᑲᑉᐱᐊᓱᓕᕐᑐᓂᒃ ᐅᑎᕆᐊᓕᕐᓗᑎᒡᓗ, ᐅᓇᑕᕐᑎᖁᑎᖏᑦ ᓵᓚᐅᕗᑦ, ᑐᐊᕕᕐᓗᑎᒃ ᕿᒫᕗᑦ, ᑲᑉᐱᐊᓱᓕᕐᐳᑦ ᓇᑭᑐᐃᓐᓇᖅ ᐊᕙᑕᖏᕐᑕᐅᓕᕋᒥᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 6:25

ᐃᒡᓗᒐᓴᒡᔪᐊᑦ ᓯᓚᑖᓅᕐᑍᓕᓕᕆᑦᓯ, ᐊᖅᑯᑎᒃᑯᓪᓗ ᐱᓱᒃᑍᓕᓗᓯ ᐊᑭᕋᓯ ᓴᕕᒡᔪᐊᓕᔭᕐᒪᑕ, ᓇᓂᑐᐃᓐᓇᖅ ᑲᑉᐱᐊᓇᕐᓯᕗᖅ.

ᔨᕆᒤᐊᐅᑉ ᐊᒡᓚᖏᑦ 7:32

ᑍᒤᒻᒪᑦ ᑕᑯᒋᑦ, ᐅᓪᓗᐃᑦ ᕾᓕᕐᐳᑦ, ᐊᑕᓂᖅ ᐅᖃᕐᐳᖅ, ᐃᓄᖕᓄᑦ ᑖᓐᓇ ᓄᓇ ᑍᔭᐅᔪᓐᓃᕈᒫᕐᐳᖅ ᑐᐱᑎᒥᒃ ᐅᕝᕙᓗ ᐱᐊᓐ ᕼᐃᓇᒻ ᓇᕐᓴᖓᓂᒃ, ᑐᖁᕅᕕᖕᒥᒃ ᑍᔭᐅᖔᓕᕈᒫᕐᒪᑦ ᑐᖁᖓᔪᓂᒃ ᐃᓗᕕᕐᓯᕕᒃᓮᕈᑎᔪᒫᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:22

ᓇᓪᓕᐅᓐᓂᕐᓯᐅᕐᑐᖃᕐᑎᓪᓗᒍ ᓂᕆᕕᒃᔪᐊᕆᐊᕐᑐᖁᔨᔪᖃᕐᐸᖕᒪᑦ ᑲᑉᐱᐊᓇᕐᑐᒥᒃ ᐅᖓᓗᔭᐅᑎᓚᐅᕐᐸᕐᒪ, ᐅᓪᓗᕐᒥ ᐊᑕᓂᐅᑉ ᓂᓐᖓᕕᒃᔪᐊᕐᕕᐊᓂ ᕿᒫᔪᖃᕈᓐᓇᕐᓂᐊᓐᖏᓚᖅ ᐃᓅᔪᖃᕈᓐᓇᕐᓂᐊᕋᓂᓗ, ᕿᑐᕐᖓᒃᑲ ᐱᕈᕐᑎᓚᐅᕐᑕᒃᑲ ᓇᒡᓕᒋᓪᓗᒋᑦ ᑐᖁᑕᐅᑎᑉᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 13:9

ᓱᒋᐊᕐᓯᓂᐊᕐᐳᖓ ᐱᔪᒫᕐᑐᓂᒃ ᓱᓕᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓂᒃ ᓱᓕᖏᑦᑐᓂᒡᓗ ᓇᓚᐅᑦᑍᓂᕋᖃᑦᑕᕐᑐᓂᒃ; ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ ᐃᓄᖁᑎᒪ ᑲᑎᒪᖃᑦᑕᕐᓂᖏᓐᓄᑦ, ᐃᓴᕆᐊᓕᐅᑉ ᑭᖑᕚᖏᑕ ᐊᑎᖃᕐᕕᖏᓐᓄᑦ ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ, ᐃᓴᕆᐊᓕᐅᓪᓗ ᓄᓇᖓᓄᑦ ᐃᑎᕐᓂᐊᕈᓐᓃᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.

ᐋᐴᓯᑕᓖᑦ ᐱᓂᐊᕐᓂᖏᑦ 16:30

ᐊᓂᑎᓪᓗᒋᒃ ᑕᕝᕙᓐᖓᑦ ᐅᖃᕐᐳᖅ, “ᖃᓄᖅ ᐱᔭᕆᐊᖃᓕᕐᐳᖔ ᐱᐅᓕᔭᐅᖁᓪᓗᖓ?”