ᔨᕆᒤᐊᐅᑉ ᐊᒡᓚᖏᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:8 Iomraidhean Croise

ᐊᑕᓃᑦ ᓯᕗᓪᓖᑦ 18:22

ᑕᕝᕙ ᐃᓔᑦᔭᐅᑉ ᐃᓄᐃᑦ ᐅᖃᐅᑎᕔᑦ, “ᐅᕙᖓ, ᐅᕙᖓᑑᓪᓗᖓ ᐊᑕᓂᐅᑉ ᐅᖃᕐᑎᖏᓐᓂ ᐊᒥᐊᒃᑯᑑᕗᖓ; ᐰᓕᐅᓪᓕ ᐅᖃᕐᑎᖏᑦ 450ᐅᕗᑦ.

ᐊᑕᓃᑦ ᓯᕗᓪᓖᑦ 18:29

ᐅᓪᓘᑉ ᕿᑎᕋᓕᕐᓂᖓ ᐊᓂᒍᕐᒪᑦ, ᓇᓚᐅᑦᑍᓇᓱᓚᐊᕐᐳᓪᓗ ᐅᓐᓄᖕᒧᑦ ᑐᓂᕐᕈᓯᕐᕕᒃᓴᒧᑦ ᑎᑭᓪᓗᑎᒃ, ᑭᓯᐊᓂᓕ ᓂᓪᓕᕐᑐᖃᓚᐅᓐᖏᓚᖅ; ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᕋᓂ, ᓂᐱᒥᒡᓘᓐᓃᑦ ᑐᓴᕐᓴᕈᕐᑐᖃᓚᐅᓐᖏᓚᖅ.

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᔫᐱᐅᑉ ᐊᒡᓚᖏᑦ 35:10

ᓇᓪᓕᐊᓐᓂᒡᓕ ᐅᖃᕐᑐᖃᓐᖏᓚᖅ, ‘ᓇᐅᒡᓕ ᒎᑎ ᐱᓐᖑᕐᑎᑎᒋᓚᐅᕐᑕᕋ, ᑖᕐᓯᐅᓕᕐᑎᓪᓗᑕ ᐃᓐᖏᕈᓯᕐᑖᕐᑎᑦᓯᕙᒃᑐᖅ.

ᐂᓮᐊᓯᐅᑉ ᐊᒡᓚᖏᑦ 28:7

ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᐋᖓᔮᓗᐊᕐᓂᕐᒧᑦ ᐅᕐᕈᔮᓕᕐᐳᑦ, ᐃᒥᓗᐊᕐᓂᕐᒧᓪᓗ ᕔᓂᒥᒃ ᓴᓐᖏᔪᒥᒡᓗ ᐅᕐᕈᖃᑦᑕᑐᐃᓐᓇᓕᕐᐳᑦ; ᕔᓂᑐᕐᓂᕐᒧᑦ ᓇᓗᓕᕐᓯᒪᓕᕐᐳᑦ, ᐅᕐᕈᔮᕐᐳᑦ ᐃᒥᓗᐊᒧᑦ ᓴᓐᖏᔪᒧᑦ; ᑕᑯᓐᓇᕐᑕᖏᑦ ᐱᐅᔪᓐᓃᕐᓗᑎᒃ, ᑕᒻᒪᖃᑦᑕᓕᕐᐳᑦ ᐃᖅᑲᕐᑐᐃᓇᓱᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 29:10

ᐊᑕᓂᐅᑉ ᐊᓂᕐᓂᕐᒥᒃ ᑯᕕᓯᕕᒋᖕᒪᓯ ᐃᑎᔪᒥᒃ ᓯᓂᒃᑎᑦᓯᔪᒥᒃ, ᐃᔨᓯᓗ ᐅᐃᑕᔪᓐᓁᓪᓕᑎᓪᓗᒋᑦ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᑕ ᓂᐊᖁᓯ ᐅᓕᒃᐰᑦ, ᓯᕗᓂᒃᓴᒥᒃ ᓇᓚᐅᑦᑍᔩᑦ.

ᐂᓮᐊᓯᐅᑉ ᐊᒡᓚᖏᑦ 30:5

ᐃᓘᓐᓇᑎᒃ ᑲᓐᖑᓇᕐᑐᒧᑦ ᑎᑭᑉᐳᑦ ᐃᓄᐃᑦ ᐃᑲᔪᕈᓐᓇᖏᑦᑐᑦ ᐊᖅᑯᑎᒋᓪᓗᒋᑦ, ᐃᑲᔪᕈᓐᓇᖏᒻᒪᑕ ᐱᕙᓪᓕᕐᑎᑦᓯᔪᓐᓇᕋᑎᒡᓗ, ᑲᓐᖑᓇᕐᓯᑎᑦᓯᑐᐃᓐᓇᕐᐳᑦ ᓇᕐᕈᓇᕐᓯᑎᑦᓯᓪᓗᑎᒡᓗ.”

ᔨᕆᒤᐊᐅᑉ ᐊᒡᓚᖏᑦ 10:21

ᐰᕐᓯᔨᐅᒐᓗᐊᑦ ᓯᓔᑦᑑᕗᑦ, ᐊᑕᓂᕐᒥᒃ ᐊᐱᕐᓱᖃᑦᑕᖏᒻᒪᑕ; ᑍᒤᒻᒪᑦ ᐱᕙᓪᓕᐊᔪᓐᓃᕐᐳᑦ, ᓰᐱᖁᑎᖏᓪᓗ ᓯᐊᒻᒪᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 12:10

ᐰᕐᓯᔨᓄᑦ ᐅᓄᕐᑐᓄᑦ ᐸᐅᕐᖓᖃᕐᕕᒃᓴᖁᑎᒃᑲ ᑐᓪᓕᕋᕐᑕᐅᓪᓗᑎᒃ ᓯᖁᑦᑎᕐᑕᐅᕗᑦ, ᐱᕈᕐᓰᕕᖁᑎᑦᓯᐊᕆᓚᐅᕐᑕᒃᑲᓗ ᐊᑐᕐᑐᒃᓴᐅᔪᓐᓃᕐᓗᑎᒃ ᓱᓇᖃᕈᓐᓁᕐᓗᑎᒃ ᐱᕈᕐᑐᖃᕈᓐᓃᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 2:11

ᐃᓅᖃᑎᒌᒡᔪᐊᑦ ᒎᑎᒥᖕᓂᒃ ᐊᓯᑦᔩᓲᖑᕚᑦ? ᒎᑎᐅᖏᒃᑲᓗᐊᕐᑎᓪᓗᒋᑦ ᒎᑎᒋᔭᖏᑦ, ᐃᓄᖁᑎᒪᓕ ᐃᓅᖃᓐᓂᕐᓯᑎᑕᐅᓯᒪᓂᕆᔭᑎᒃ ᐃᓇᖏᕐᑕᐅᑎᑉᐹᑦ ᒎᑎᓐᖑᐊᓄᑦ ᐊᑑᑎᒃᓴᖃᖏᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 4:22

“ᐃᓄᖁᑎᒃᑲ ᓯᓔᑦᑑᕗᑦ, ᐅᕙᓐᓂᒃ ᖃᐅᔨᒪᔭᖃᖏᒻᒪᑕ. ᓄᑕᖅᑲᑎᑐᑦ ᐃᓱᒪᖃᖏᑦᑐᑎᑐᑦ ᑍᒤᒻᒪᑕ, ᐃᓕᓯᒪᓂᖃᖏᑦᓯᐊᕐᑐᑦ, ᓯᓚᑐᔪᒥᒃ ᐱᐅᖏᑦᑐᓕᐅᕐᓂᖃᕈᓐᓇᕐᐳᑦ, ᐱᐅᔪᒥᒡᓕ ᐱᓇᓱᐊᕆᐊᒃᓴᖅ ᓇᓗᕗᑦ.”

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐊᒡᓚᖏᑦ 7:8

ᑕᑯᒋᑦ! ᓱᓕᖏᑦᑐᓂᒃ ᐅᖃᐅᓯᕐᓂᒃ ᐅᒃᐱᕆᔭᖃᓗᐊᓕᕋᑦᓯ ᐃᑲᔫᑎᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 9:14

ᒪᓕᖔᕈᒪᓚᐅᕐᒪᑕᓕ ᓯᑎᔫᓂᕐᒥᖕᓄᑦ ᐃᓱᒪᒋᔭᒥᖕᓂᒃ, ᒪᓕᒐᖃᖔᕈᒪᓪᓗᑎᒃ ᐰᓕᒥᒃ, ᓯᕗᓕᖏᑕ ᑍᒪᓐᓇ ᐊᔪᕆᕐᑐᓚᐅᕐᒪᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 22:26

ᑐᓂᕐᕈᓯᕐᑎᑦᓯᔩᑦ ᐱᖁᔭᓐᓂᒃ ᓯᖁᒥᑦᓯᓪᓗᑎᒃ ᐃᑦᔪᕐᓁᑎᑕᓐᓂᒡᓗ ᓇᕐᕈᓇᕐᓯᑎᑦᓯᖃᑦᑕᕐᐳᑦ; ᐃᑦᔪᕐᓁᑦᑐᓂᒃ ᖃᐅᑕᒫᕐᓯᐅᑎᓂᒡᓗ ᐊᑦᔨᒌᖏᑦᑑᑎᑦᓯᔪᓐᓃᕐᐳᑦ, ᐊᔪᕆᕐᑐᐃᖃᑦᑕᕋᑎᒡᓗ ᓇᕐᕈᓇᕐᑐᑦ ᓇᕐᕈᓇᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ, ᓴᐸᑎᖁᑎᒃᑲᓗ ᑲᒪᒋᔪᓐᓁᕐᓗᒋᑦ, ᑍᒤᒻᒪᑦ ᓇᕐᕈᓇᕐᑎᑕᐅᓕᕐᐳᖓ ᑖᒃᑯᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 34:2

“ᐃᓅᑉ ᐃᕐᓂᖓ, ᐃᓴᕆᐊᓕᒥᐅᑦ ᐰᕐᓯᔨᖏᑦ ᓵᓪᓗᒋᑦ ᐱᔪᒫᕐᑐᓂᒃ ᓇᓗᓁᕐᓯᕕᒋᓗᒋᑦ, ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓴᕆᐊᓕᒥᐅᓄᑦ ᐰᕐᓯᔨᐅᔪᓯ ᐃᓕᑦᓯᓐᓂᑐᐊᖅ ᓂᕆᑎᑉᐳᓯ! ᐰᕐᓯᔩᑦ ᓰᐱᖁᑎᒥᖕᓂᒃ ᓂᕆᑎᑦᓯᔭᕆᐊᖃᓐᖏᓛᑦ?

ᕼᐆᓯᐊᑉ ᐊᒡᓚᖏᑦ 4:6

ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

ᕼᐊᐸᑲᐅᑉ ᐊᒡᓚᖏᑦ 2:18

ᒎᑎᓕᐊᕆᔭᐅᓯᒪᔪᖅ ᓱᓇᒧᑦ ᐊᑑᑎᖃᕐᐹ? ᓴᓇᔨᒥᓄᑦ ᓴᓇᔭᐅᓯᒪᖕᒪᑦ ᓴᕕᕋᔭᖕᒥᑦ, ᓴᒡᓗᓂᕐᒧᑦ ᐊᔪᕆᕐᑐᐃᑦᔪᑕᐅᓪᓗᓂ. ᖃᓄᕐᓕ ᓴᓇᔪᕕᓂᐅᑉ ᐱᕙᓪᓕᐅᑎᒋᒐᔭᕐᐸᐅᒃ ᓴᓇᔭᕕᓂᓂ ᐱᔪᓐᓇᐅᑎᒋᓇᓱᐊᕈᓂᐅᒃ? ᒎᑎᒋᓇᓱᒃᑕᖓ ᐅᖃᕈᓐᓇᕐᑎᓐᓇᒍ!

ᒫᑎᐅᓯᐅᑉ ᐊᒡᓚᖏᑦ 16:26

ᐃᓄᒃ ᓱᓇᒥᒃ ᐱᕙᓪᓕᐅᑎᒃᓴᖃᕋᔭᕐᐹ ᓯᓚᕐᔪᐊᓕᒫᒥᒃ ᐱᑖᕈᓂ, ᐃᓅᓯᕐᒥᓂᒡᓗ ᐊᓯᐅᔨᓗᓂ ᐅᕝᕙᓗ ᓱᓇᒥᒃ ᑐᓂᔭᒃᓴᖃᕋᔭᕐᐹ? ᐃᓅᓯᕐᒥᓂᒃ ᐅᑎᕐᑎᑦᓯᔪᓐᓇᖁᓪᓗᒎ?

ᓘᑲᓯᐅᑉ ᐊᒡᓚᖏᑦ 11:52

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ ᐱᖁᔭᓂᒃ ᐃᓕᓮᔩᑦ! ᐃᓕᓯᒪᓂᐅᑉ ᒪᑐᖓᑕ ᐲᕈᑖ ᐱᓯᒪᒐᑦᓯᐅᒃ; ᐃᓕᑦᓯᓕ ᓇᖕᒥᓂᖅ ᐃᑎᕐᓂᐊᓐᖏᓚᓯ, ᐃᑎᕈᒪᔪᓪᓗ ᐃᑎᕐᑎᑦᑍᓕᓪᓗᒋᑦ!”

ᔪᐊᓇᓯᐅᑉ ᐊᒡᓚᖏᑦ 16:3

ᑍᒤᓕᐅᕐᕕᐅᔪᒫᕐᐳᓯ ᐊᑖᑕᒐᓗ ᐅᕙᒍᒃ ᖃᐅᔨᒪᖏᓐᓇᒥᑎᒃᑯᒃ.

ᔪᐊᓇᓯᐅᑉ ᐊᒡᓚᖏᑦ 8:55

ᑖᓐᓇᓕ ᖃᐅᔨᒪᓐᖏᓐᓇᑦᓯᐅᒃ; ᐅᕙᖓᓕ ᖃᐅᔨᒪᕙᕋ. ᖃᐅᔨᒪᖏᓐᓂᕋᕋᔭᕈᒃᑯ, ᐃᓕᑦᓯᑎᑐᑦᑕᐅᖅ ᓴᒡᓗᕿᑦᓯᓇᔭᕐᐳᖓ; ᖃᐅᔨᒪᕙᕋᓕ ᐅᖃᐅᓯᖏᓪᓗ ᒪᓕᒃᐸᒃᑲ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 4:2

ᑲᓐᖑᓇᕐᑐᓪᓕ ᐱᓂᐊᕐᓃᑦ ᐃᔨᕐᓯᒪᔪᑦ ᐊᑐᕈᒪᔪᓐᓃᕐᓯᒪᕙᕗᑦ; ᓯᓔᕐᕆᒃᓯᓂᕐᒥᒡᓗ ᐃᓕᖅᑯᓯᖃᕐᓇᑕ, ᒎᑎᐅᓪᓗ ᐅᖃᐅᓯᖏᑦ ᑐᑭᖃᕈᓐᓃᕐᑎᓐᖏᓚᕗᑦ, ᓱᓕᑦᓯᐊᕐᓂᕐᒥᒡᓕ ᓴᖅᑭᑎᑦᓯᕗᒍᑦ ᒎᑎᐅᑉ ᓵᖓᓂ ᐃᓄᖕᓄᑦ ᐃᓱᒪᖃᕐᕕᐅᔪᒪᓇᑕ ᓈᒻᒪᖏᑦᑐᒥᒃ.

ᒨᓯᓯ ᑕᓪᓕᒪᖏᑦ 33:10

ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ, ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ, ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.

ᓴᒧᐃᓕ ᓯᕗᓪᓖᑦ 12:21

ᓴᖑᑦᑍᓕᒋᑦᓯ ᓱᓇᐅᖏᑦᑐᓄᓪᓗ ᐱᓇᓱᐊᓕᕐᑍᓕᓗᓯ ᐃᓕᑦᓯᓐᓂᒃ ᐃᑲᔪᕈᓐᓇᖏᒻᒪᑕ ᐱᐅᓕᒃᓯᔪᓐᓇᕋᑎᒡᓗ, ᑕᒪᓐᓇ ᑍᒤᓕᐅᕐᓂᖅ ᐊᑑᑎᖃᖏᒻᒪᑦ.

ᓴᒧᐃᓕ ᓯᕗᓪᓖᑦ 2:12

ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ.