ᔨᕆᒤᐊᐅᑉ ᐊᒡᓚᖏᑦ 2:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᑕᓂᖅ ᐅᖃᕐᐳᖅ: “ᓱᓇᒥᒃ ᓯᕗᓕᓯ ᐸᑦᓯᑎᒃᓴᖃᓚᐅᕐᐹᑦ ᐅᕙᓐᓄᑦ? ᓱᓇᒧᑦ ᐅᕙᓐᓂᒃ ᑐᓄᐃᑎᑕᐅᕚᑦ? ᑐᒃᓯᐊᕐᕕᖃᓕᕐᓗᑎᒡᓗ ᐊᑑᑎᒃᓴᖃᖏᑦᑐᓂᒃ ᒎᑎᓐᖑᐊᓂᒃ, ᓇᖕᒥᓂᖅ ᓱᓇᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 2:5 Iomraidhean Croise

ᐊᑕᓃᑦ ᐂᑉᐸᖏᑦ 17:15

ᒪᓕᒃᑕᐅᖁᔭᖏᓐᓂᒃ ᒪᓕᒍᒪᓚᐅᓐᖏᓚᑦ ᓯᕗᓕᕕᓂᖏᑕ ᒎᑎᒥᒃ ᐊᖏᖃᑎᒌᒍᑎᓕᐅᕐᓯᒪᓂᖏᓐᓂᒃ ᑲᔪᓯᑎᑦᓯᓚᐅᓐᖏᓚᑦ, ᐃᓂᕐᑎᕆᑦᔪᑎᖏᓪᓗ ᓈᓚᓚᐅᓐᖏᓔᑦ. ᑐᒃᓯᐊᕐᕕᖃᖔᓕᕐᓗᑎᒃ ᒎᑎᓐᖑᐊᓂᒃ ᓱᓕᖏᑦᑐᓂᒃ ᓇᖕᒥᓂᖅ ᓱᓕᔪᓐᓃᕐᑎᓚᐅᕐᐳᑦ, ᐃᓅᖃᑎᒌᒡᔪᐊᓂᒃ ᐊᑕᓂᕐᒥᒃ ᐅᒃᐱᕆᔭᖃᖏᑦᑐᓂᒃ ᒪᓕᖃᑕᐅᑐᐃᓐᓇᓕᕐᓗᑎᒃ, ᐊᑕᓂᐅᑉ ᒪᓕᒃᑕᐅᖁᓚᐅᓐᖏᑕᖏᓐᓂᒃ.

ᐃᓐᖏᕈᑎᑦ 115:8

ᓴᓇᔪᕕᓃᑦ ᑖᒃᑯᓂᖓ ᐃᒻᒥᖕᓂᒃ ᐊᑦᔨᓕᐅᕐᓯᒪᕗᑦ; ᑖᒃᑯᓂᖓᓗ ᑕᑎᖃᕐᑐᓕᒫᑦ ᑖᒃᑯᑎᑐᓇᖅ ᑍᒤᑦᑑᓕᕐᓱᑎᒃ.

ᐂᓮᐊᓯᐅᑉ ᐊᒡᓚᖏᑦ 29:13

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᐃᓄᐃᑦ ᐅᑯᐊ ᖃᓂᕐᒥᖕᓄᑦ ᖃᓂᑦᑑᓇᓱᐊᕐᐳᑦ ᐅᐱᒋᓪᓗᖓᓗ ᑲᓂᕐᒥᖕᓄᑦ, ᐆᒻᒪᑎᖏᑕᓕ ᐅᖓᓯᒋᕚᖓ, ᐅᕙᓐᓂᒡᓗ ᐃᓕᕋᓱᖕᓂᖏᑦ ᐃᓄᐃᑦ ᐱᖁᔨᓂᖏᓐᓂᒃ ᒪᓕᒡᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 44:9

ᒎᑎᓐᖑᐊᓂᒃ ᓴᓇᔪᓕᒫᑦ ᐊᑑᑎᒃᓴᖃᓐᖏᓚᑦ, ᐱᓪᓚᕆᐅᑎᑕᕋᓗᐊᖏᓪᓗ ᐱᕙᓪᓕᕐᓇᕐᑐᕐᑕᖃᕋᑎᒃ, ᐃᒻᒥᖕᓂᒃ ᓇᓗᓁᓕᕗᑦ; ᑕᐅᑐᖏᒻᒪᑕ ᖃᐅᔨᒪᓇᑎᒡᓗ, ᑕᒪᒃᑯᐊ ᑲᓐᖑᓇᕐᑐᒦᑎᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 46:12

ᓈᓚᒃᓯᓐᖓ ᓯᑎᔪᓂᒃ ᐆᒻᒪᑎᖃᕐᑐᓯ, ᐱᐅᓕᔭᐅᓂᕐᒥᑦ ᐅᖓᓯᒃᑐᓯ.

ᔨᕆᒤᐊᐅᑉ ᐊᒡᓚᖏᑦ 10:8

ᓯᓔᑦᑑᕗᑦ ᓯᓚᑐᓂᖃᕋᑎᒡᓗ; ᐊᔪᕆᕐᑐᕐᑕᐅᓯᒪᒐᒥᒃ ᐃᓱᒪᖃᖏᑦᑐᓄᑦ ᕿᔪᖕᓄᑦ ᒎᑎᓐᖑᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 12:2

ᑲᓐᖓᕐᓱᓚᐅᕐᐸᑎᑦ ᐊᒫᖃᑦᓯᐊᓕᕐᓗᑎᒡᓗ, ᐱᕈᕐᐳᑦ ᐸᐅᕐᖓᖃᓕᕐᓗᑎᒃ; ᖃᓂᑉᐳᑎᑦ ᖃᓂᖏᓐᓄᑦ ᐆᒻᒪᑎᖏᓐᓄᓪᓕ ᐅᖓᓯᒃᐳᑎᑦ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 2:4

ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ ᐃᓕᑦᓯ ᔧᑯᒧᑦ ᑭᖑᕚᕆᔭᐅᔪᓯ, ᐃᓴᕆᐊᓕᒥᐅᓄᓪᓗ ᑭᖑᕚᕆᔭᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 8:19

ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 11:15

“ᐃᓅᑉ ᐃᕐᓂᖓ, ᖃᑕᓐᖑᑎᑎᑦ ᐊᒡᓛᑦ ᐃᓚᑎᑦ, ᐊᐅᓪᓚᕈᑦᔭᐅᓯᒪᔪᓯᒍᑦ ᐃᓚᓯ, ᐃᓴᕆᐊᓕᐅᑉ ᑭᖑᕚᓕᒫᖏᑦ, ᑖᒃᑯᐊ ᔨᕉᓴᓕᒦᑦᑐᑦ ᐅᖃᕐᓯᒪᖕᒪᑕ, ‘ᐅᖓᓯᒃᑐᒦᓗᐊᓕᕐᐳᑦ ᐊᑕᓂᕐᒥᑦ; ᓄᓇ ᑕᒪᓐᓇ ᓇᖕᒥᓂᕆᓕᕐᐸᕗᑦ.’

ᐃᓯᑭᐊᓕᐅᑉ ᐊᒡᓚᖏᑦ 14:5

ᐅᕙᓐᓄᑦ ᓵᑦᑎᐊᖁᒐᓗᐊᕐᐸᒃᑲ ᐃᓴᕆᐊᓕᐅᑉ ᑭᖑᕚᖏᑦ, ᐅᕙᓐᓂᒃ ᐊᕕᑦᑎᓯᒪᖕᒪᑕ ᒎᑎᓐᖑᐊᓅᕐᓂᕐᒥᖕᓄᑦ.

ᔫᓇᐅᑉ ᐊᒡᓚᖏᑦ 2:8

ᓱᓇᒃᓴᐅᖏᑦᑐᓄᑦ ᒎᑎᓐᖑᐊᓄᑦ ᑐᒃᓯᐊᕐᐸᒃᑐᑦ ᓈᒃᑭᒋᔭᐅᓂᒃᓴᒥᖕᓂᑦ ᕿᒤᕗᑦ.

ᒫᑎᐅᓯᐅᑉ ᐊᒡᓚᖏᑦ 15:8

‘ᐅᑯᐊ ᐃᓄᐃᑦ ᐅᖃᐅᓯᕐᒥᒍᑦ ᐃᓱᒪᒋᑦᓯᐊᕐᐹᖓ, ᐆᒻᒪᑎᖏᑕᓕ ᐅᖓᓯᒋᕚᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 14:15

“ᓱᖕᒪᑦ ᑍᒤᓕᐅᕐᐱᓰ? ᐅᕙᒍᒃ ᐃᓄᑐᐃᓐᓇᐅᖕᒥᔪᒍᒃ ᐃᓕᑦᓯᑎᑐᑦ, ᑕᒪᐅᖓ ᐅᖃᕆᐊᕐᑐᕐᐳᒍᒃ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ, ᒪᑯᓇᓐᖓᑦ ᓱᓕᖏᑦᑐᐊᓗᖕᓂᑦ, ᓵᒋᐊᖁᓪᓗᓯ ᒎᑎᒧᑦ ᐆᒪᔪᒧᑦ, ᕿᓚᖕᒥᒃ ᓄᓇᒥᒡᓗ ᐃᒪᕐᕕᖕᒥᒡᓗ ᐃᓗᐊᓃᑦᑐᓂᒡᓗ ᑕᒤᓐᓂᒃ ᓴᓇᓚᐅᕐᑐᒧᑦ.

ᕉᒪᒥᐅᓄᑦ 1:21

ᒎᑎᒥᒃ ᖃᐅᔨᒪᒐᓗᐊᕐᐳᑦ ᓂᕐᑐᕐᓇᒍᓕ ᒎᑎᖃᕐᑐᑎᑐᑦ ᖁᔭᒋᓇᒍᓘᓐᓃᑦ, ᐃᓱᒪᒋᔭᖏᑦ ᐊᑑᑎᖃᕈᓐᓃᕐᐳᑦ ᐃᓱᒪᖏᓪᓗ ᐃᒃᐱᒍᓱᖏᑦᑐᑦ ᑖᕐᓯᑎᑕᐅᕗᑦ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.

ᓴᒧᐃᓕ ᓯᕗᓪᓖᑦ 12:21

ᓴᖑᑦᑍᓕᒋᑦᓯ ᓱᓇᐅᖏᑦᑐᓄᓪᓗ ᐱᓇᓱᐊᓕᕐᑍᓕᓗᓯ ᐃᓕᑦᓯᓐᓂᒃ ᐃᑲᔪᕈᓐᓇᖏᒻᒪᑕ ᐱᐅᓕᒃᓯᔪᓐᓇᕋᑎᒡᓗ, ᑕᒪᓐᓇ ᑍᒤᓕᐅᕐᓂᖅ ᐊᑑᑎᖃᖏᒻᒪᑦ.