ᔨᕆᒤᐊᐅᑉ ᐊᒡᓚᖏᑦ 2:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᓱᖕᒪᑦ ᐱᐅᓯᑦᓯᓐᓂᒃ ᐊᓯᑦᔩᓴᕅᑉᐱᓰ? ᐄᑦᔨᑉᑎᒥᐅᓄᑦ ᑲᓐᖑᓱᒃᑎᑕᐅᔪᒫᕐᐳᓯ ᓲᕐᓗᑦᑕᐅᖅ ᐊᓯᕆᐊᒥᐅᓄᑦ ᑍᒤᑎᑕᐅᓚᐅᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 2:36 Iomraidhean Croise

ᑯᕉᓂᑲ ᐂᑉᐸᖏᑦ 28:16

ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖅ ᐂᕼᐊᔅ ᑎᓕᓯᕗᖅ ᐊᖓᔪᖅᑳᕐᔪᐊᒧᑦ ᐊᓯᕆᐊᒥᐅᑕᒧᑦ ᐃᑲᔪᕐᑕᐅᔪᒪᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 20:5

ᐃᑎᐅᐱᐊᒥᐅᓂᒃ ᑕᑎᒃᓴᕐᐸᓚᐅᕐᑐᑦ ᐄᑦᔨᑉᑎᒥᐅᓂᒡᓗ ᐱᐅᓯᑎᑦᓯᓯᒪᓗᐊᕐᐸᓚᐅᕐᑐᑦ ᓯᕘᕋᓕᕈᒫᕐᐳᑦ ᓂᕆᐅᒋᔭᒃᓮᕈᑎᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 2:18

ᓱᓇᒥᒃ ᐱᕚᓪᓕᕋᔭᕐᐱᓯ ᐄᑦᔨᑉᑎᒧᓐᖓᐅᒍᓰ? ᓴᕼᐊᕆᐅᑉ ᑰᖓᓂᑦ ᐃᒥᕈᒪᓪᓗᓰ? ᓱᖕᒪᓪᓗ ᐊᓯᕆᐊᒧᑦ ᐂᕕᓯ ᑰᖏᓐᓂᑦ ᐃᒥᕈᒪᓪᓗᓰ?

ᔨᕆᒤᐊᐅᑉ ᐊᒡᓚᖏᑦ 2:23

ᖃᓄᕐᓕ ᐅᖃᕈᓐᓇᕐᐲᑦ, ᓴᓗᒤᓐᓂᖃᖏᓐᓂᕋᕐᓗᑎᑦ, ᒎᑎᓐᖑᐊᒧᓪᓗ ᐰᓕᒧᑦ ᒪᓕᓚᐅᖏᓐᓂᕋᕐᓗᑎᑦ, ᑕᑯᓕᕆᑦ ᓇᕐᓴᐅᑉ ᐃᓗᐊᓂ ᐃᓕᖅᑯᓯᕆᓚᐅᕐᑕᕐᓂᒃ, ᐱᓇᓱᐊᓚᐅᕐᑕᑎᓪᓗ ᑭᓲᖕᒪᖔᑕ, ᑳᒧᓕᒃᑎᑐᑦ ᓄᓕᐅᔪᑎᑐᑦ ᐃᓕᖅᑯᓯᖃᓚᐅᕋᕕᑦ ᓇᒧᑐᐃᓐᓇᖅ ᐂᖃᑦᑕᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 2:33

ᐅᖓᒋᔭᒃᓴᕐᓯᐅᓕᕌᖓᑦᓯ ᐱᓯᑎᐊᓘᕗᓯ, ᐊᕐᓁᑦ ᐱᐅᖏᑦᑐᓕᔪᑦ ᐱᐅᓯᑦᓯᓐᓂᒃ ᐃᓕᓴᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 22:20

“ᒪᔪᕋᕆᑦ ᓕᐸᓇᓂᒧᑦ, ᕾᒐᓛᕆᑦ ᐹᓴᓂᒥ, ᕾᒐᓛᕆᓪᓗ ᐊᐸᕅᒥ, ᐃᑲᔪᕐᑎᒋᓂᐊᕋᓱᒋᓚᐅᕐᑕᑎᑦ ᓄᖑᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 22:22

ᐰᕐᓯᔨᖁᑎᓯ ᐊᓄᕆᒧᑦ ᑎᒃᑕᐅᕋᕐᓂᐊᕐᐳᑦ, ᑕᐱᕆᕙᒃᑕᓯᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᖁᕕᐊᓇᖏᑦᑐᒥᒃ ᑲᓐᖑᓇᕐᑐᒥᒡᓗ ᑕᕝᕙ ᐊᑐᕐᓂᐊᕐᐳᑎᑦ, ᐱᐅᖏᑦᑐᓕᓂᓯ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 31:22

ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᔨᕆᒤᐊᐅᑉ ᐊᒡᓚᖏᑦ 37:7

“ᐃᒫᒃ ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐅᕙᓐᓄᑦ ᑐᒃᓯᐊᕐᕕᖃᖁᔨᓚᐅᕐᑐᖅ ᐅᖃᐅᑎᒍᒃ, ‘ᑕᑯᒋᑦ, ᐰᕉᑉ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐃᑲᔪᕆᐊᕐᓗᑎᒃ ᐄᑦᔨᑉᑎᒥᑦ ᐊᐅᓪᓚᕐᑑᒐᓗᐊᑦ, ᓄᓇᒥᖕᓄᑦ ᐄᑦᔨᑉᑎᒧᑦ ᐅᑎᕐᓂᐊᕆᕗᑦ.

ᔨᕆᒤᐊᐅᑉ ᐊᒡᓚᖏᑦ 46:12

ᐃᓅᖃᑎᒌᒡᔪᐊᓄᑦ ᑲᓐᖑᓇᕐᑐᒦᓐᓂᓯ ᑐᓴᐅᒪᔭᐅᓕᕐᐳᖅ, ᕿᐊᓂᓯᓗ ᓄᓇᕐᔪᐊᓕᒫᒥ ᑐᓵᔭᐅᓕᕐᐳᖅ, ᐅᓇᑕᕐᑎ ᐹᓪᓚᒃᐳᖅ ᐅᓇᑕᕐᑎᐅᖃᑎᒥᓄᑦ; ᑕᕝᕙ ᑕᒪᖏᒃ ᐅᕐᕈᖃᑎᒌᒃᐴᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:17

ᐃᑲᔪᕐᑎᒃᓴᕐᓯᐅᓚᐅᕐᐳᒍᑦ ᓴᐱᓕᑐᐃᓐᓇᕐᓗᑕ ᓱᓇᖃᖏᑦᑐᒧᑦ ᓱᓇᐅᕝᕙ, ᐃᓅᖃᑎᒌᒡᔪᐊᓂᓪᓗ ᐃᑲᔪᕐᓯᕐᑕᐅᓂᐊᕋᓱᒋᓪᓗᑕ ᐅᑕᖅᑭᓚᐅᕐᐳᒍᑦ ᑖᒃᑯᐊᓕ ᐱᐅᓕᓯᔪᓐᓇᓚᐅᓐᖏᓚᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:6

ᐄᑦᔨᑉᑎᒥᐅᓂᒃ ᐊᓯᕆᐊᒥᐅᓂᒡᓗ ᐊᖏᖃᑎᖃᕐᓯᒪᕗᒍᑦ, ᓂᕿᓂᒃ ᓈᒻᒪᑐᐃᓐᓇᕐᑐᓂᒃ ᐱᔪᓐᓇᕈᒪᓪᓗᑕ.

ᐃᓯᑭᐊᓕᐅᑉ ᐊᒡᓚᖏᑦ 16:28

“ᐊᓯᕆᐊᒥᐅᑦ ᓄᓕᐊᕐᓂᒃᑯᑦ ᐊᔪᕐᑐᓕᖃᑎᒋᓚᐅᕐᐸᓯ, ᓈᒻᒪᒃᓯᔪᓐᓇᖏᓐᓇᑦᓯ; ᓱᓕᓕ ᓈᒻᒪᒃᓯᑦᔪᑎᒋᖏᓐᓂᕙᓯ.

ᐃᓯᑭᐊᓕᐅᑉ ᐊᒡᓚᖏᑦ 29:7

ᐊᒡᒐᖕᓂᒃ ᑎᒍᓯᖕᒪᑕ, ᑕᕝᕙ ᓇᐱᓚᐅᕐᐳᑎᑦ, ᑐᐃᖏᓪᓗ ᐱᓪᓗᐃᑎᓪᓗᒋᑦ; ᐄᒐᕐᕕᒋᖕᒪᑎᓪᓗ, ᓇᐱᓚᐅᕐᐳᑎᑦ, ᕿᑎᖏᓪᓗ ᓇᐱᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 10:6

ᒎᑎᓐᖑᐊᖅ ᐊᐅᓪᓚᕈᑦᔭᐅᔪᒫᕐᐳᖅ ᐊᓯᕆᐊᒧᑦ, ᐂᑦᑑᑎᒋᔭᐅᔪᑎᑐᑦ ᐊᖓᔪᖅᑳᕐᔪᐊᒧᑦ ᐊᔪᖏᑦᑐᕐᔪᐊᕐᒧᑦ. ᐃᕗᕅᒥᓕ ᑲᓐᖑᓱᒃᑎᑕᐅᔪᒫᕐᐳᖅ, ᐃᓴᕆᐊᓕᓗ ᑲᓐᖑᓱᒃᑎᑕᐅᔪᒫᕆᕗᖅ ᒎᑎᓐᖑᐊᒥᓄᑦ.

ᕼᐆᓯᐊᑉ ᐊᒡᓚᖏᑦ 12:1

“ᐃᕗᕅᒥ ᐊᓄᕆᒥᑦ ᓂᕆᕗᖅ, ᒪᓕᒃᐳᕐᓗ ᐊᓄᕆᒥᒃ ᐅᓪᓗᓕᒫᖅ ᓯᕿᓂᐅᑉ ᓄᐃᕕᐊᓂᓐᖔᕐᑐᒥᒃ; ᓴᒡᓗᖃᑦᑕᓕᕐᐸᓪᓕᐊᑐᐃᓐᓇᕐᐳᑦ ᐱᕋᔭᖃᑦᑕᓕᕐᐸᓪᓕᐊᓪᓗᑎᒡᓗ; ᐊᖏᖃᑎᖃᕐᓯᒪᕗᓪᓗ ᐊᓯᕆᐊᒥᐅᓂᒃ, ᐅᕐᓱᐃᓪᓗ ᐂᑦᑑᑕᐅᕗᑦ ᐄᑦᔨᑉᑎᒧᑦ.”

ᕼᐆᓯᐊᑉ ᐊᒡᓚᖏᑦ 14:3

ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”

ᕼᐆᓯᐊᑉ ᐊᒡᓚᖏᑦ 5:13

“ᐃᕗᕅᒥ ᐃᒻᒥᓂᒃ ᑕᑯᒐᒥ ᖃᓄᖅ ᖃᓂᒪᑎᒋᓂᕐᒥᓂᒃ, ᔫᑕᐅᓪᓗ ᐃᑭᖏᑦ ᑕᑯᒐᒥᒋᑦ, ᑕᕝᕙ ᐃᕗᕅᒥ ᐂᓚᐅᕐᐳᖅ ᐊᓯᕆᐊᑉ ᐊᖓᔪᖅᑳᕐᔪᐊᖓᓄᑦ ᐃᑲᔪᕆᐊᕐᑕᐅᔪᒪᓪᓗᓂ, ᐃᑲᔪᕈᓐᓇᓚᐅᓐᖏᓚᕐᓕ ᐅᕝᕙᓗ ᐋᖅᑮᔪᓐᓇᓚᐅᓐᖏᓚᖅ ᐃᑭᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 7:11

ᐃᕗᕅᒥᐅᑦ ᑑᕕᑎᑐᑦ ᓯᓔᑦᑐᑎᑐᑦ ᓇᒧᑐᐃᓐᓈᕐᑐᑎᑐᑦ ᑍᒤᑉᐳᑦ, ᐄᑦᔨᑉᑎᒧᑦ ᐃᑲᔪᕐᑕᐅᔪᒪᕗᑦ, ᑭᖑᓂᐊᒍᑦ ᐊᓯᕆᐊᒧᑦ ᐂᓪᓗᑎᒃ.