ᔨᕆᒤᐊᐅᑉ ᐊᒡᓚᖏᑦ 2:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᕿᔪᖕᒧᑦ ᐅᖃᕐᐳᑦ, ᐊᑖᑕᒋᕙᒋᑦ, ᐅᔭᕋᖕᒧᓪᓗ ᐅᖃᕐᓗᑎᒃ, ᐃᕐᓂᐊᕆᓚᐅᕐᐸᕐᒪ. ᐅᕙᓐᓂᒃ ᑐᓄᐃᕗᑦ ᓵᓐᖓᔪᒪᓇᑎᒡᓗ ᐅᕙᓐᓄᑦ, ᑭᓯᐊᓂᓕ ᐅᖁᒤᒃᓴᓕᕌᖓᒥᒃ ᐅᖃᕐᐸᒃᐳᑦ, ᐱᐅᓕᔭᐅᔪᒪᓪᓗᑎᒃ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 2:27 Iomraidhean Croise

ᑯᕉᓂᑲ ᐂᑉᐸᖏᑦ 29:6

ᓯᕗᓕᕗᑦ ᐱᐅᖏᑦᑐᓕᓚᐅᕐᒪᑕ ᐊᑕᓂᐅᑉ ᒎᑎᑦᑕ ᓵᖓᓂ; ᑖᑦᓱᒥᖓᓗ ᕿᒤᓚᐅᕐᒪᑕ, ᐊᑕᓂᐅᓪᓗ ᐊᓯᐊᓄᑦ ᑕᑯᓐᓇᖔᓕᓚᐅᕐᒪᑕ; ᑐᓄᐃᓪᓗᑎᒡᓗ ᑖᑦᓱᒥᖓ.

ᐂᓮᐊᓯᐅᑉ ᐊᒡᓚᖏᑦ 26:16

ᐊᑕᓃᖅ, ᐅᖁᒤᒃᓴᓕᕌᖓᒥᒃ ᐃᓕᖕᓂᒃ ᕿᓂᓕᕐᐸᒃᐳᑦ, ᐃᓗᖏᕐᑐᕐᓗᑎᒃ ᑐᒃᓯᐊᓕᖃᑦᑕᕐᒪᑕ, ᐃᓕᖕᓄᑦ ᓱᒋᐊᕐᑕᐅᓕᕌᖓᒥᒃ.

ᔨᕆᒤᐊᐅᑉ ᐊᒡᓚᖏᑦ 10:8

ᓯᓔᑦᑑᕗᑦ ᓯᓚᑐᓂᖃᕋᑎᒡᓗ; ᐊᔪᕆᕐᑐᕐᑕᐅᓯᒪᒐᒥᒃ ᐃᓱᒪᖃᖏᑦᑐᓄᑦ ᕿᔪᖕᓄᑦ ᒎᑎᓐᖑᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 18:17

ᐊᓄᕆᐅᑉ ᓴᓐᖏᔫᕕᖓᓂᑦ ᐊᓄᕌᕐᕕᐅᔪᑎᑐᑦ ᓯᐊᒻᒪᕈᒫᕐᐳᑦ ᐊᑭᕋᖏᑕ ᓵᖏᓐᓂ. ᑲᑉᐱᐊᓇᕐᑐᓪᓗ ᓇᓪᓕᐅᑎᒃᐸᑕ ᑐᓄᒐ ᑕᑯᔪᒫᕐᐹᑦ, ᑮᓇᕋᐅᖏᑦᑐᖅ.”

ᔨᕆᒤᐊᐅᑉ ᐊᒡᓚᖏᑦ 2:24

ᓯᐅᑎᖅᑯᕐᑐᔪᑎᑐᓪᓗ ᐃᓄᖃᖏᑦᑐᒥ ᓱᖏᐅᓯᒪᔪᑎᑐᑦ, ᐱᔪᒪᓂᖃᓗᐊᒧᑦ ᐊᖑᒻᒧᑦ ᓇᕆᐊᕐᐳᖅ, ᓄᓕᐅᔪᑎᑐᑦ ᓄᖅᑲᕐᑎᓯᒪᔭᒃᓴᐅᓐᖏᓚᖅ, ᐊᖑᑎᓪᓗ ᑖᑦᓱᒥᖓ ᐱᓇᓱᐊᕐᓗᑎᒃ ᐊᒃᓱᕈᕆᐊᖃᓐᖏᓚᑦ, ᓄᓕᐊᕐᕕᖓᑦ ᓇᓪᓕᐊᑎᒃᐸᑦ ᒪᓂᒪᑲᐅᑎᒋᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 22:23

ᓕᐸᓇᓂᒥᐅᑕᐅᔪᓯ ᐃᒡᓗᖃᐅᑦᓯᐊᕐᑐᓯ ᕿᔪᑦᓯᐊᕙᖕᓂᒃ ᓰᑕᕆᓂᑦ ᓴᓇᓯᒪᔪᓂᒃ, ᐅᒡᒐᕐᓱᕈᒫᕐᐳᓯᓕ ᐋᓐᓂᐊᓇᕐᑐᒧᑦ ᑎᑭᑕᐅᓕᕈᑦᓯ, ᐊᕐᓇᑐᑦ ᐃᕐᓂᓱᒃᑐᑎᑐᑦ.”

ᔨᕆᒤᐊᐅᑉ ᐊᒡᓚᖏᑦ 3:9

ᐃᓴᕆᐊᓕᒥᐅᑉ ᓈᒻᒪᖏᑦᑐᓕᓂᖓ ᔫᑕᐅᑉ ᓱᕙᓪᓕᕈᑎᒋᓚᐅᖏᒻᒪᒍ. ᓄᓇ ᓇᕐᕈᓇᕐᓯᑎᓚᐅᕐᐹ ᐊᓯᓐᓂᐊᕈᑎᖃᕐᓗᓂᓗ ᐅᔭᕋᖕᒥᒃ ᕿᔪᖕᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 30:7

ᐅᓪᓗᖅ ᑍᓐᓇ ᑲᑉᐱᐊᓇᕐᑐᖃᕐᑐᖅ ᐊᑦᔨᖃᕈᒫᓐᖏᓚᖅ ᔧᑯᒃᑯᑦ ᐊᒃᓱᕈᕐᓇᕐᑐᒦᑦᓱᒫᕐᐳᑦ, ᑭᓯᐊᓂᓕ ᑕᕝᕙᓐᖓᑦ ᐱᐅᓕᔭᐅᔪᒫᕐᐳᑦ.”

ᔨᕆᒤᐊᐅᑉ ᐊᒡᓚᖏᑦ 32:33

ᐅᕙᓐᓂᒃ ᑐᓄᐃᓚᐅᕐᒪᑕ ᓵᓐᖓᓇᓱᐊᕈᓐᓃᕐᓗᑎᒡᓘᓐᓃᑦ ᐊᔪᕆᕐᑐᖃᑦᑕᓚᐅᕋᓗᐊᕐᐸᒃᑲ ᐅᓄᕐᑐᐃᕐᓱᕐᓗᒋᑦ ᓈᓚᒍᒪᓚᐅᓐᖏᓚᓪᓕ, ᑐᓴᕈᒪᓇᑎᒡᓘᓐᓃᑦ ᐋᖅᑭᒋᐊᕐᓯᓂᕆᓇᓱᐊᕐᑕᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 37:3

ᐊᖓᔪᖅᑳᕐᔪᐊᕐᓗ ᔨᑎᑬᐊ ᑎᓕᓯᓚᐅᕐᐳᖅ ᔨᕼᐅᑲᐅᓕᒥᒃ ᓯᓕᒤᐊᐅᑉ ᐃᕐᓂᖓᓂᒃ, ᑐᓂᕐᕈᓯᕐᑎᑦᓯᔨᒥᒡᓗ ᔨᐸᓁᐊᒥᒃ ᒫᓯᐊᐅᑉ ᐃᕐᓂᖓᓂᒃ ᔨᕆᒤᐊᒧᑦ ᒎᑎᐅᑉ ᐅᖃᕐᑎᖓᓄᑦ ᐃᒫᒃ ᐅᖃᐅᑎᔭᐅᖁᓪᓗᒍ, “ᐊᑕᓂᕐᒧᑦ ᒎᑎᑦᑎᓐᓄᑦ ᑐᒃᓯᐅᑎᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 23:35

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᕙᓐᓂᒃ ᐳᐃᒍᕐᓗᑎᑦ ᑐᓄᐃᓚᐅᕋᕕᑦ, ᑍᒤᒻᒪᑦ ᐊᑭᓕᕐᑕᐅᓂᐊᓕᕐᐳᑎᑦ ᐃᒃᓯᒎᕐᓂᕆᓚᐅᕐᑕᕐᓄᑦ ᐊᖑᓐᓂᐊᕐᑎᐅᓂᕆᓚᐅᕐᑕᕐᓄᓪᓗ.”

ᐃᓯᑭᐊᓕᐅᑉ ᐊᒡᓚᖏᑦ 8:16

ᐂᑎᒃᑭᕚᖓᓗ ᐊᑕᓂᐅᑉ ᐃᒡᓗᖓᑕ ᐊᓃᕋᔭᕐᕕᖓᑕ ᐃᓗᓪᓕᖓᓄᑦ; ᑕᑯᒋᓪᓗ, ᐊᑕᓂᐅᑉ ᑐᒃᓯᐊᕐᕕᖁᑎᖓᑕ ᐃᑎᕐᑕᕐᕕᖓᓂ, ᑐᕐᓲᖓᑕ ᑐᓂᕐᕈᓯᕐᕕᐅᓪᓗ ᐊᑯᓐᓂᖓᓂ, ᐊᖑᑎᓂᒃ 25 ᖃᓂᒋᔮᓃᑦᑐᓂᒃ, ᐊᑕᓂᐅᑉ ᑐᒃᓯᐊᕐᕕᖁᑎᖓᓂᒃ ᑐᓄᓐᖓᔪᓂᒃ, ᓯᕿᓂᐅᑉ ᓄᐃᕕᐊᑕ ᓇᓛᓄᑦ ᓵᓐᖓᔪᓂᒃ, ᓯᕿᓂᕐᒧᑦ ᑐᒃᓯᐊᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:7

ᐊᑕᓃᖅ, ᐃᓱᐊᕐᑑᒐᕕᑦ, ᐅᓪᓗᒥᓕ ᐃᓕᖕᓄᑦ ᑲᓐᖑᓱᖕᓂᕐᒥᒃ ᐅᓕᒃᓯᒪᕗᒍᑦ, ᐃᓄᐃᑦ ᔫᑕᒥ ᓄᓇᖃᕐᑐᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᖃᓂᑦᑐᒧᑦ ᐅᖓᓯᒃᑐᒧᓪᓗ ᓄᓇᖃᑎᒌᒃᔪᐃᓪᓗ ᐊᓯᖏᓐᓄᑦ ᓯᐊᒻᒪᕐᑎᓯᒪᒐᑦᑎᒍᑦ, ᐃᓕᖕᓄᑦ ᑲᔪᓯᖃᑦᑕᕐᓯᒪᖏᓐᓂᑦᑎᓐᓄᑦ.

ᕼᐆᓯᐊᑉ ᐊᒡᓚᖏᑦ 4:12

ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.

ᕼᐆᓯᐊᑉ ᐊᒡᓚᖏᑦ 5:15

“ᐃᓄᖁᑎᒃᑲ ᕿᒪᒃᓯᒪᓂᐊᕐᐸᒃᑲ ᐸᓯᔭᒃᓴᐅᓂᕐᒥᖕᓂᒃ ᖃᐅᔨᓚᐅᖏᓐᓂᖏᓐᓂ ᐅᕙᓐᓂᒡᓗ ᕿᓂᓕᓚᐅᖏᓐᓂᖏᓐᓂ, ᐃᒻᒪᖄᓕ ᐊᒃᓱᕈᓕᕈᑎᒃ ᐅᕙᓐᓂᒃ ᕿᓂᓕᕈᒫᕐᐳᑦ.”

ᕼᐆᓯᐊᑉ ᐊᒡᓚᖏᑦ 7:14

ᐆᒻᒪᑎᒥᖕᓂᑦ ᐱᔪᒥᒃ ᐱᓇᑎᒃ ᑐᒃᓯᐊᕐᕕᒋᓚᐅᕐᐹᖓ, ᐃᓐᓇᖓᕕᖕᒥᖕᓂᑦ ᐃᓚᓐᓂᕐᓴᕐᓗᑎᒃ ᑐᒃᓯᐊᕐᕕᒋᓚᐅᕋᓗᐊᕐᐹᖓ; ᕿᓄᓪᓗᑎᒃ ᓂᐊᖂᔭᒃᓴᒥᒃ ᕔᓂᒥᒡᓗ ᐃᒻᒥᖕᓂᒃ ᑭᓪᓕᐊᓪᓗᑎᒃ, ᐅᕙᓐᓂᒃ ᐊᑭᕋᕐᑐᓚᐅᕐᐳᑦ.