ᔨᕆᒤᐊᐅᑉ ᐊᒡᓚᖏᑦ 2:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐊᑕᓂᖅ ᐅᖃᕐᐳᖅ, “ᑎᒡᓕᒐᕐᑎ ᑲᓐᖑᓇᕐᑐᒥᒃ ᐊᑐᓕᕐᐸᖕᒪᑦ ᖃᐅᔨᔭᐅᔭᕌᖓᒥ, ᑍᒫᒃᑕᐅᖅ ᐃᓴᕆᐊᓕᒥᐅᑦ ᐃᓄᖏᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖁᑎᖏᑦ, ᑐᓂᕐᕈᓯᕐᑎᑦᓯᔩᑦ, ᒎᑎᒧᓪᓗ ᐱᔪᖃᓛᕐᑐᒥᒃ ᐅᖃᕐᑎᐅᔪᑦ.

ᔨᕆᒤᐊᐅᑉ ᐊᒡᓚᖏᑦ 2:26 Iomraidhean Croise

ᐄᓱᕋᐅᑉ ᐊᒡᓚᖏᑦ 9:7

ᓯᕗᓕᑦᑕ ᐅᓪᓗᖏᓐᓂᑦ ᒫᓐᓇᒧᑦ, ᐅᕙᒍᑦ ᐃᓄᖁᑎᑎᑦ ᐊᔪᕐᑐᓕᓯᒪᕗᒍᑦ ᐊᖏᔪᒻᒪᕆᐊᓗᖕᒥᒃ, ᐸᓯᔭᒃᓴᐅᓂᕗᑦ ᐱᓪᓗᒋᑦ ᐊᖓᔪᖅᑳᕐᔪᐊᕗᑦ, ᑐᓂᕐᕈᓯᕐᑎᑦᓯᔨᕗᓪᓗ ᑎᒍᔭᐅᓚᕿᓯᒪᕗᑦ, ᐃᓅᖃᑎᒃᓴᔭᕆᓐᖏᑕᑦᑎᓐᓄᑦ ᐊᖓᔪᖅᑳᕐᔪᐊᓄᑦ, ᑐᖁᓴᕐᑕᐅᓯᒪᕗᒍᑦ, ᑎᒡᓕᒡᕕᐅᓯᒪᕗᒍᑦ, ᐊᐅᓪᓚᕈᑦᔭᐅᓯᒪᕗᒍᑦ ᑎᒍᔭᐅᓯᒪᔪᑎᑐᑦ, ᓇᕐᕈᓇᕐᓯᑎᑕᐅᓯᒪᕗᒍᑦ ᐅᓪᓗᒥ ᓱᓕ ᑍᒤᑉᐳᒍᑦ.

ᐃᓐᖏᕈᑎᑦ 97:7

ᓴᓇᓯᒪᔪᓂᒃ ᑐᒃᓯᐊᕐᕕᖃᕐᑐᓕᒫᑦ ᑲᓐᖑᓱᒃᑎᑕᐅᓕᑦ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᐅᔪᕆᑦᔪᑎᖃᕐᑐᑦ; ᒎᑎᒋᔭᐅᔪᓯ ᑕᒪᑦᓯ ᑖᓐᓇ ᐹᒻᒪᒃᑎᕐᕕᒋᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 1:29

ᑲᓐᖑᓱᒃᑎᑕᐅᔪᒫᕐᐳᓯ ᓇᐹᕐᑐᓂᑦ ᑍᔭᐅᔪᓂᑦ ᐆᒃᒥᒃ ᖁᕕᐊᒋᓚᐅᕐᑕᑦᓯᓐᓂᑦ; ᐊᐅᐸᓪᓕᕐᑎᑕᐅᓗᓯᓗ ᐱᕈᕐᓰᕖᑦ ᓂᕈᐊᕆᓚᐅᕐᑕᑦᓯ ᐱᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 44:11

ᑕᑯᒋᑦ ᒪᓕᖃᑎᓕᒫᖏᑦ ᑕᕝᕙ ᑲᓐᖑᓇᕐᑐᒦᖃᑕᐅᕗᑦ; ᒎᑎᓐᖑᐊᒥᒃ ᓴᓇᔪᑦ ᐃᓄᑐᐃᓐᓇᐅᖕᒪᑕ, ᑲᑎᓪᓗᑎᒃ ᐃᑲᔪᕐᑎᒌᓕᕐᐸᑕ ᐊᑕᖏᕐᓗᑎᒃ; ᓯᕘᕋᓇᕐᑐᒧᑦ ᑎᑭᒐᔭᕐᐳᑦ, ᑲᓐᖑᓇᕐᑐᕐᔪᐊᕐᒧᓪᓗ.

ᐂᓮᐊᓯᐅᑉ ᐊᒡᓚᖏᑦ 44:9

ᒎᑎᓐᖑᐊᓂᒃ ᓴᓇᔪᓕᒫᑦ ᐊᑑᑎᒃᓴᖃᓐᖏᓚᑦ, ᐱᓪᓚᕆᐅᑎᑕᕋᓗᐊᖏᓪᓗ ᐱᕙᓪᓕᕐᓇᕐᑐᕐᑕᖃᕋᑎᒃ, ᐃᒻᒥᖕᓂᒃ ᓇᓗᓁᓕᕗᑦ; ᑕᐅᑐᖏᒻᒪᑕ ᖃᐅᔨᒪᓇᑎᒡᓗ, ᑕᒪᒃᑯᐊ ᑲᓐᖑᓇᕐᑐᒦᑎᑉᐳᑦ.

ᔨᕆᒤᐊᐅᑉ ᐊᒡᓚᖏᑦ 2:36

ᓱᖕᒪᑦ ᐱᐅᓯᑦᓯᓐᓂᒃ ᐊᓯᑦᔩᓴᕅᑉᐱᓰ? ᐄᑦᔨᑉᑎᒥᐅᓄᑦ ᑲᓐᖑᓱᒃᑎᑕᐅᔪᒫᕐᐳᓯ ᓲᕐᓗᑦᑕᐅᖅ ᐊᓯᕆᐊᒥᐅᓄᑦ ᑍᒤᑎᑕᐅᓚᐅᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 22:22

ᐰᕐᓯᔨᖁᑎᓯ ᐊᓄᕆᒧᑦ ᑎᒃᑕᐅᕋᕐᓂᐊᕐᐳᑦ, ᑕᐱᕆᕙᒃᑕᓯᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ, ᖁᕕᐊᓇᖏᑦᑐᒥᒃ ᑲᓐᖑᓇᕐᑐᒥᒡᓗ ᑕᕝᕙ ᐊᑐᕐᓂᐊᕐᐳᑎᑦ, ᐱᐅᖏᑦᑐᓕᓂᓯ ᐱᑦᔪᑎᒋᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 32:32

ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑕ ᓂᓐᖓᐅᑎᒃᓴᓕᐅᓚᐅᕐᒪᖓ ᐱᐅᖏᑦᑐᓂᒃ ᐱᓇᓱᐊᕐᓂᕐᒥᖕᓄᑦ ᐊᖓᔪᖅᑳᕐᔪᐊᖏᑎᒍᑦ, ᓯᕗᓕᕐᑎᖁᑎᖏᑎᒍᓪᓗ, ᑐᓂᕐᕈᓯᕐᑎᑦᓯᔨᖁᑎᖏᑎᒍᑦ ᒎᑎᒧᓪᓗ ᐅᖃᕐᑎᖁᑎᖏᑎᒍᑦ, ᐃᓄᒃᑎᒍᓪᓗ ᔫᑕᒥᐅᑎᒍᑦ ᔨᕉᓴᓕᒥᓗ ᓄᓇᖃᕐᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 4:9

ᐅᓪᓗᖅ ᓇᓪᓕᐅᑎᒃᐸᑦ, ᐊᑕᓂᖅ ᐅᖃᕐᐳᖅ, “ᐊᖓᔪᖅᑳᕐᔪᐊᑦ ᐊᖓᔪᖅᑳᖁᑎᖏᓪᓗ ᓴᐱᕐᓇᕐᑐᒧᑦ ᑎᑭᑕᐅᓂᐊᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᑲᑉᐱᐊᓱᖕᓂᐊᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᑲᒪᓂᐊᕐᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 48:27

ᐃᓴᕆᐊᓕᒥᐅᑦ ᑍᒫᒃᑕᐅᖅ ᒥᑕᐅᑎᒋᔭᐅᑎᓚᐅᓐᖏᓚᑏᑦ? ᑎᒡᓕᒃᑎᓄᓪᓗ ᐱᔭᐅᑎᓪᓗᒋᑦ, ᐃᓕᕿᑕᒫᕐᓗᑎᓪᓗ ᐅᖃᐅᓯᕆᓕᕌᖓᕕᒋᑦ ᐱᕙᓚᐅᓐᖏᓚᑏᑦ?

ᐃᓯᑭᐊᓕᐅᑉ ᐊᒡᓚᖏᑦ 16:54

ᑲᓐᖑᓇᕐᑐᒦᓐᓂᕐᒥᒃ ᐊᑐᕆᐊᖃᕈᒫᕐᐳᓯ ᐱᓂᐊᕐᓂᕆᓚᐅᕐᑕᓕᒫᑦᓯᓐᓂᒃ ᑲᓐᖑᓲᑎᖃᓕᕈᒫᕋᑦᓯ, ᖃᑕᓐᖑᑎᓯ ᐱᑦᓯᐊᕐᓂᕐᓴᐅᓂᕐᒥᖕᓄᑦ ᐃᒻᒥᖕᓂᒃ ᐅᐱᒋᓕᕈᒫᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 22:26

ᑐᓂᕐᕈᓯᕐᑎᑦᓯᔩᑦ ᐱᖁᔭᓐᓂᒃ ᓯᖁᒥᑦᓯᓪᓗᑎᒃ ᐃᑦᔪᕐᓁᑎᑕᓐᓂᒡᓗ ᓇᕐᕈᓇᕐᓯᑎᑦᓯᖃᑦᑕᕐᐳᑦ; ᐃᑦᔪᕐᓁᑦᑐᓂᒃ ᖃᐅᑕᒫᕐᓯᐅᑎᓂᒡᓗ ᐊᑦᔨᒌᖏᑦᑑᑎᑦᓯᔪᓐᓃᕐᐳᑦ, ᐊᔪᕆᕐᑐᐃᖃᑦᑕᕋᑎᒡᓗ ᓇᕐᕈᓇᕐᑐᑦ ᓇᕐᕈᓇᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ, ᓴᐸᑎᖁᑎᒃᑲᓗ ᑲᒪᒋᔪᓐᓁᕐᓗᒋᑦ, ᑍᒤᒻᒪᑦ ᓇᕐᕈᓇᕐᑎᑕᐅᓕᕐᐳᖓ ᑖᒃᑯᓇᓂ.

ᓴᑲᕅᐊᐅᑉ ᐊᒡᓚᖏᑦ 5:4

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᒪᑦ, ᓱᒋᐊᕐᑕᐅᑦᔪᑎᒃᓮᑦ ᑖᒃᑯᐊ ᐊᐅᓪᓚᕐᑎᓐᓂᐊᕐᓂᕋᕐᓗᒋᑦ, ᐃᑎᕐᓂᐊᕐᐳᓪᓗ ᑎᒡᓕᒃᐸᒃᑐᓕᒫᑦ ᐃᒡᓗᖏᓐᓄᑦ, ᐅᖃᕕᒃᓯᒪᓪᓗᑎᒃ ᓴᒡᓗᕙᒃᑐᓪᓗ ᐃᒡᓗᖏᓐᓄᑦ. ᐅᐸᒃᑕᒥᓂᓗ ᐃᒡᓗᒥ ᑕᕝᕙᓃᖏᓐᓇᕐᓂᐊᕐᐳᖅ ᓯᖁᒥᓐᓂᐊᕐᐹᓗ, ᕿᔪᐃᓪᓗ ᐅᔭᕋᖏᓪᓗ.”

ᕉᒪᒥᐅᓄᑦ 6:21

ᓱᓇᒥᒡᓕ ᑖᒃᑯᓇᓐᖓᑦ ᐱᕙᓪᓕᕈᑎᒃᓴᖃᕐᐱᓰ ᒫᓐᓇ ᑲᓐᖑᓇᕐᓂᕋᓕᕐᑕᑦᓯᓐᓂᒃ? ᑕᒪᒃᑯᐊ ᐃᓱᖃᕐᒪᑕ ᑐᖁᒥᒃ.