ᔨᕆᒤᐊᐅᑉ ᐊᒡᓚᖏᑦ 2:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐅᓪᓚᖕᓂᕐᒧᑦ ᑲᒦᕈᑎᑦᑍᓕᒋᑦ, ᐃᒡᒋᐊᓪᓗ ᐸᓂᕐᑍᓕᓕ, ᐅᖃᕐᐳᑎᓪᓕ, ᑲᓄᐃᖏᑦᑐᖅ, ᐃᓅᖃᑎᑐᖃᕆᓐᖏᑕᑦᑕ ᒎᑎᖏᓐᓂᒃ ᐅᖓᒐᒪ ᑖᒃᑯᐊ ᒪᓕᖕᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 2:25 Iomraidhean Croise

ᑯᕉᓂᑲ ᐂᑉᐸᖏᑦ 28:22

ᐅᖁᒤᑦᑐᒃᑰᕐᑎᓪᓗᒍ ᐊᖓᔪᖅᑳᕐᔪᐊᖅ ᐂᕼᐊᔅ ᐅᒃᐱᓕᓚᓐᖏᓚᖅ ᐊᑕᓂᕐᒧᑦ; ᓱᕐᕋᓚᐅᓐᖏᓚᖅ ᐊᖓᔪᖅᑳᕐᔪᐊᖅ ᐂᕼᐊᔅ ᐱᐅᓯᕐᒥᓂᒃ.

ᑯᕉᓂᑲ ᐂᑉᐸᖏᑦ 28:23

ᑐᓂᕐᕈᓯᖃᑦᑕᓚᐅᕐᐳᖅ ᑕᒫᓯᑰᓯᐅᑉ ᒎᑎᓐᖑᐊᖏᓐᓄᑦ ᓵᓚᒋᔨᒋᓚᐅᕐᑕᒥᓄᑦ, ᐅᖃᕐᓗᓂ, “ᓯᕆᐊᒥᐅᑦ ᐊᖓᔪᖅᑳᕐᔪᐊᖏᑦ ᐃᑲᔪᓚᐅᕐᒪᒋᑦ, ᑐᓂᕐᕈᓯᕐᕕᒋᔪᒪᕙᒃᑲ ᐃᑲᔪᕐᑕᐅᓂᐊᕐᒪᖔᕐᒪ ᑖᒃᑯᓄᖓ.” ᑖᒃᑯᐊᓕ ᓱᒃᑯᑕᐅᑦᔪᑎᒋᖔᓚᐅᕐᐰᑦ, ᐃᓴᕆᐊᓕᒥᐅᓕᒫᓪᓗ.

ᐂᓮᐊᓯᐅᑉ ᐊᒡᓚᖏᑦ 2:6

ᐃᓄᖁᑎᑎᑦ ᐊᓂᑎᓚᐅᕐᐸᑎᑦ, ᔧᑰᑉ ᑭᖑᕚᖏᑦ, ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᓂᒃ ᐊᖓᒃᑰᓂᕐᓂᒃ ᐃᓕᖅᑯᓯᕐᑖᕐᓯᒪᓕᕐᒪᑕ; ᓯᕗᓂᒃᓴᒥᒡᓗ ᓇᓚᐅᑦᑍᖃᑦᑕᕐᑐᓂᒃ ᒪᓕᓕᕐᓗᑎᒃ ᐱᓕᔅᑍᓂᒥᐅᑎᑐᑦ, ᐃᓅᖃᑎᒋᓐᖏᑕᖏᑕᓗ ᐱᐅᓯᖏᓐᓂᒃ ᒪᓕᒃᓴᕐᓯᒪᓕᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 57:10

ᐃᓕᖅᑯᓯᕆᔭᓯ ᓯᕕᑐᓂᖓ ᑕᖃᑦᔪᑎᒋᒐᑦᓯᐅᒃ, ᓱᓕ ᐅᖃᓚᐅᓐᖏᓚᓯ, ‘ᓴᐱᕐᓇᕐᓯᕗᖅ,’ ᐱᔪᓐᓇᕐᓯᒃᑲᓐᓂᓚᐅᕋᑦᓯ, ᑍᒤᒻᒪᑦ ᐊᔪᓕᓚᐅᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 13:21

ᖃᓄᕐᓕ ᐅᖃᕐᓂᐊᕐᐱᓰ? ᐊᖓᔪᖅᑲᕐᑖᕈᑦᓯ ᐃᑲᔪᕐᑎᒋᓂᐊᕋᓱᒋᓪᓗᒋᑦ ᐊᒡᓛᑦ ᐃᓕᓴᓚᐅᕐᑕᑦᓯᓐᓄᑦ ᑕᐱᕆᔪᒪᓪᓗᒋᑦ, ᑕᕝᕙ ᐋᓐᓂᐊᒐᔭᓐᖏᓚᓰ? ᐊᕐᓇᑎᑐᑦ ᐃᕐᓂᓱᒃᑐᑎᑐᑦ?

ᔨᕆᒤᐊᐅᑉ ᐊᒡᓚᖏᑦ 13:22

ᐆᒻᒪᑎᑦᓯᓐᓂ ᐅᖃᕈᒫᕐᐳᓯ, ᓱᖕᒪᑦ ᑍᒤᑦᑐᒦᑉᐱᑖ? ᐅᓄᕐᑐᓂᒃ ᐊᔪᕐᑐᓕᓯᒪᓂᑦᓯᓐᓄᑦ ᑍᒤᑉᐳᓯ ᖁᓄᔪᕐᓂᐊᕐᑕᐅᔪᑎᑐᑦ ᐊᓐᓄᕌᑎᑦ ᐲᔭᕐᑕᐅᖕᒪᑕ ᐋᓐᓂᕐᓯᕐᑕᐅᓪᓗᑎᓪᓗ.

ᔨᕆᒤᐊᐅᑉ ᐊᒡᓚᖏᑦ 14:10

ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ ᐃᓄᖕᓄᑦ, “ᐅᕙᓐᓂᒃ ᕿᒤᖃᑦᑕᕐᓗᑎᒃ ᖁᕕᐊᓱᓚᐅᕐᐳᑦ, ᓄᖅᑲᖓᔭᕆᐊᒃᓴᖅ ᐊᔪᓚᐅᕋᒥᒃ; ᑍᒤᒻᒪᑦ ᐊᑕᓂᐅᑉ ᐃᓚᓕᐅᕈᓐᓃᕐᐰᑦ ᐱᐅᖏᑦᑐᓕᓂᖏᑦ ᐃᖅᑲᐅᒪᔭᑐᐊᕆᓕᕐᐰᑦ ᐊᔪᕐᑐᓕᓂᖏᓪᓗ ᐱᑦᔪᑎᒋᓪᓗᒋᑦ ᓱᒋᐊᕐᓂᐊᕐᐰᑦ.”

ᔨᕆᒤᐊᐅᑉ ᐊᒡᓚᖏᑦ 18:12

ᑖᒃᑯᐊᓕ ᑭᐅᒃᐸᑕ, ‘ᐋᒃᑲ, ᑍᒤᑦᓱᒪᓐᖏᓚᒍᑦ, ᐱᓇᓱᐊᕈᒪᔭᑦᑎᓐᓂᒃ ᐱᓇᓱᐊᕈᒪᒐᑦᑕ, ᑕᒪᑦᑕ ᒪᓕᒍᒪᒐᑦᑕ ᐆᒻᒪᑎᑦᑕ ᐱᐅᖏᑦᑐᓕᔪᒪᓂᖏᓐᓂᑦ ᓴᖑᔪᒪᓐᖏᓚᒍᑦ.’”

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 22:20

“ᒪᔪᕋᕆᑦ ᓕᐸᓇᓂᒧᑦ, ᕾᒐᓛᕆᑦ ᐹᓴᓂᒥ, ᕾᒐᓛᕆᓪᓗ ᐊᐸᕅᒥ, ᐃᑲᔪᕐᑎᒋᓂᐊᕋᓱᒋᓚᐅᕐᑕᑎᑦ ᓄᖑᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 22:21

ᐃᓂᕐᑎᕋᓱᓚᐅᕋᓗᐊᕐᐸᒋᑦ ᐊᔪᕐᓴᕐᓇᖏᑦᑐᒦᑎᓪᓗᑎᑦ, ᓈᓚᑦᔮᖏᓐᓂᕋᓚᐅᕐᐳᑎᓪᓕ ᑕᒪᓐᓇᓗ ᐃᓕᖅᑯᓯᕇᓐᓇᕋᕕᐅᒃ ᐃᓅᓱᒃᑑᓂᕐᓂᑦ ᐅᕙᓐᓂᒃ ᓈᓚᒍᓐᓇᓚᐅᖏᓐᓇᕕᑦ.

ᔨᕆᒤᐊᐅᑉ ᐊᒡᓚᖏᑦ 3:13

ᐸᓯᔭᒃᓴᐅᓃᑦ ᓇᓗᓁᓕᕈᒃ, ᐊᑕᓂᖅ ᒎᑏᑦ ᐊᑭᕋᕐᑐᓚᐅᕋᕕᐅᒃ ᐱᓂᐊᕐᓂᕆᔭᑎᓪᓗ ᔫᑎᐅᖏᑦᑐᑦ ᒎᑎᓐᖑᐊᖏᓐᓄᑦ ᐱᓂᐊᓚᐅᕋᕕᒋᑦ. ᓇᐹᕐᑐᐃᑦ ᓇᒧᑐᐃᓐᓇᖅ ᓯᐊᒻᒪᖓᔪᑦ ᐊᑖᓐᓂ ᐅᕙᓐᓂᒃ ᓈᓚᓚᐅᖏᓐᓇᕕᑦ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:4

ᓄᑕᕋᓛᑦ ᐅᖃᖏᑦ ᕿᓚᖕᒥᖕᓄᑦ ᓂᐱᓐᖓᓕᕐᐳᑦ ᐃᒥᕈᖕᓂᕐᒧᑦ, ᕿᑐᕐᖓᖏᑦ ᑐᒃᓯᕋᕋᓗᐊᕐᐳᑦ ᓂᕿᒃᓴᒥᒃ ᑐᓂᔭᐅᓇᑎᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 20:32

ᐃᓱᒪᒋᕙᒃᑕᓯ ᐊᑐᓕᓚᐅᕐᓯᒪᓂᐊᓐᖏᓚᑦ ᐃᒫᒃ ᐃᓱᒪᕙᒃᑲᑦᓯ, ‘ᐃᓅᖃᑎᒌᒡᔪᐊᑦ ᐊᑦᔨᒋᓚᐅᕐᓚᕗᑦ, ᓄᓇᓕᒡᔪᐊᓂ ᐊᕕᒃᑐᕐᓯᒪᔪᓃᑦᑐᑦ ᑐᒃᓯᐊᕐᕕᖃᕐᐸᒃᑐᑦ ᓇᐹᕐᑐᓂᒃ ᐅᔭᖅᑲᓂᒡᓗ.’”

ᕼᐆᓯᐊᑉ ᐊᒡᓚᖏᑦ 2:3

ᑐᓴᖏᑉᐸᑦ, ᐊᓐᓄᕅᔭᕐᓂᐊᕐᐸᕋ ᐊᓐᓄᕌᖃᕈᓐᓁᖁᓪᓗᒍ ᐃᓅᓕᓵᕐᓂᕆᓚᐅᕐᑕᒥᑐᑦ, ᐸᓂᕐᑎᓐᓂᐊᕐᐸᕋ ᓄᓇᑐᑦ ᓱᓇᖃᖏᑦᑐᑎᑐᑦ, ᐃᒥᕈᓕᕐᑎᓐᓂᐊᕐᐸᕋᓗ ᓄᓇᑐᑦ ᐸᓂᕐᑐᑐᑦ, ᑐᖁᓂᐊᕐᐳᕐᓗ ᖀᓪᓗᓂ.

ᕼᐆᓯᐊᑉ ᐊᒡᓚᖏᑦ 2:5

ᐊᓈᓇᖓ ᐊᑭᓕᕐᑐᕐᑕᐅᓪᓗᓂ ᐊᖑᓐᓂᐊᕐᑎᐅᓚᐅᕐᒪᑦ; ᑖᒃᑯᐊᓗ ᕿᑐᕐᖓᕐᑖᕆᓚᐅᕐᒪᒋᑦ ᑲᓐᖑᓇᕐᑐᒃᑯᑦ. ᓇᖕᒥᓂᖅ ᐅᖃᓚᐅᕐᒪᑦ, ‘ᐱᖃᑎᒋᖃᑦᑕᕐᑕᓐᓄᐊᕈᒪᓕᕐᐳᖓ, ᑖᒃᑯᓄᖓ ᓂᕿᖃᕐᑎᑕᐅᕙᒃᑲᒪ ᐃᒪᖃᕐᑎᑕᐅᓪᓗᖓᓗ, ᐊᓐᓄᕌᖃᕐᑎᑕᐅᒐᒪ, ᐅᕐᓱᒃᓴᖃᕐᑎᑕᐅᓪᓗᖓᓗ ᕔᓂᖃᕐᑎᑕᐅᒐᒪ.’

ᒪᓚᑬᑉ ᐊᒡᓚᖏᑦ 3:14

ᐅᖃᓚᐅᕋᑦᓯ, ‘ᒎᑎᒥᒃ ᐱᔨᑦᓯᕆᐊᒃᓴᖅ ᐊᑑᑎᖃᓐᖏᓚᖅ. ᓱᓇᒦᒃ ᐱᕚᓪᓕᕈᑎᖃᕈᓐᓇᕐᐱᑖ ᑖᑦᓱᒪ ᐊᑐᕐᑕᐅᖁᔭᖏᓐᓂᒃ ᒪᓕᒃᑯᑦᑕ? ᐃᓅᓗᑕᓗ ᕿᒃᓵᒡᓗᑕ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᓵᖓᓂ?

ᓘᑲᓯᐅᑉ ᐊᒡᓚᖏᑦ 15:22

ᐊᑖᑕᖓᑕ ᐱᔨᓂ ᐅᖃᐅᑎᕔᑦ, ‘ᑐᐊᕕᕐᓗᓯ ᐊᓐᓄᕌᓂᒃ ᐱᐅᓂᕐᐹᓂᒃ ᕾᑦᓯᓕᕆᑦᓯ, ᐊᓐᓄᕌᕐᓗᒍ; ᓇᒡᒍᐊᕐᒥᒃᑕᐅᓗᓂ, ᐃᑎᒐᒍᓯᕐᑕᐅᓗᓂᓗ;

ᓘᑲᓯᐅᑉ ᐊᒡᓚᖏᑦ 16:24

ᕾᒐᓛᓕᕐᐳᖅ, ‘ᐊᑖᑖᒃ ᐂᑉᕋᕼᐋᒻ, ᓂᑲᒋᓚᐅᓐᖓ, ᓛᓴᕉᓯ ᑎᓕᓚᐅᕈᒃ ᑎᑭᓂ ᒥᓱᒡᓗᒍ ᐃᒥᕐᒧᑦ, ᐅᖃᓐᓂᒃ ᓂᒡᓕᑎᕆᖁᓗᒍ; ᐋᓐᓂᐊᔪᐊᓘᒐᒪ ᐅᕙᓂ ᐃᑯᒫᓗᖕᒥ.’

ᕉᒪᒥᐅᓄᑦ 8:24

ᓂᕆᐅᖕᓂᕐᒧᑦ ᑕᒪᑐᒧᖓ ᐱᐅᓕᔭᐅᓚᐅᕋᑦᑕ, ᓂᕆᐅᒋᔭᕗᓪᓕ ᑕᑯᒍᑦᑎᒍ ᓂᕆᐅᖕᓂᐅᔪᓐᓃᕐᒪᑦ. ᑭᓇᓕ ᑕᑯᓐᓇᕐᑕᒥᓂᒃ ᓂᕆᐅᒍᓐᓇᕐᐹ?

ᒨᓯᓯ ᑕᓪᓕᒪᖏᑦ 28:48

ᑍᒤᒻᒪᑦ, ᐊᑭᕋᕐᑐᕐᑎᑦᓯᓐᓂᒃ ᐱᔨᑦᓯᕆᐊᖃᕈᒫᓕᕐᐳᓯ ᐊᑕᓂᐅᑉ ᑎᓕᓂᐊᕐᑕᖏᓐᓂᒃ ᐃᓕᑦᓯᓐᓄᑦ ᓵᓚᒋᔭᐅᖁᓪᓗᓯ, ᑳᒍᒫᕐᐳᓯ, ᐃᒥᕈᒡᓗᓯᓗ, ᐊᓐᓄᕌᖃᖏᓪᓗᓯᓗ ᓱᓇᓕᒫᓂᒡᓗ ᑭᓐᖒᒪᒃᓯᕐᓗᓯ; ᐊᑕᓂᐅᑉ ᐅᖁᒤᒃᓴᕐᑎᑦᓱᒫᕐᐹᓯ ᓂᑲᒋᖏᓪᓗᓂᓯ ᐋᓐᓂᕐᓇᕐᑐᓄᑦ ᓄᖑᑕᐅᓚᐅᖏᓐᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 32:16

ᒎᑎᓐᖑᐊᓄᑦ ᓵᓐᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᓮᓪᓗᑎᒃ ᓯᖕᓇᑎᑦᓯᓚᐅᕐᐳᑦ; ᓇᕐᕈᓇᕐᑐᓕᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᑎᑦᓯᓚᐅᕐᐳᑦ.