ᔨᕆᒤᐊᐅᑉ ᐊᒡᓚᖏᑦ 19:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓯᕗᓂᒃᓴᓕᐊᕆᓯᒪᔭᒃᑲ ᐊᑐᕈᓐᓃᕐᑎᓐᓂᐊᕐᐸᒃᑲ, ᑐᖁᕋᕐᑕᐅᑎᓪᓗᒋᓪᓗ ᐅᓇᑕᕐᑐᓂ ᐊᑭᕋᖏᓐᓄᑦ, ᑖᒃᑯᓂᖓ ᑐᖁᕅᔪᒪᔪᓂᒃ, ᑎᒥᕕᓂᖏᓪᓗ ᓂᕆᔭᒃᓴᐅᖁᓪᓗᒋᑦ ᑎᖕᒥᐊᓄᑦ ᐆᒪᔪᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 19:7 Iomraidhean Croise

ᐊᑕᓃᑦ ᐂᑉᐸᖏᑦ 21:14

ᐊᒥᐊᒃᑰᔫᒐᓗᐊᑦ ᕿᒤᓐᓇᕐᓗᒋᑦ ᖁᔭᓈᕈᒫᕐᐸᒃᑲ, ᐊᑭᕋᖏᓐᓄᑦ ᑐᓂᑦᔪᑎᒋᓗᒋᑦ ᐃᓱᒤᓐᓇᕐᕆᑎᐅᓗᑎᒃ ᓵᓚᒋᔭᐅᔪᒫᕐᒪᑕ ᓄᓇᖓᑦ ᓱᓁᕈᑦᔭᐅᑦᓯᐊᕐᓗᓂ ᑎᒎᖅᑬᕕᐅᑎᑦᓱᒫᕐᐸᕋ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:30

ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 29:14

ᑍᒤᒻᒪᑦ ᓱᓕ ᑲᒪᓇᕐᑐᓂᒃ ᐅᑯᐊ ᐃᓄᐃᑦ ᐱᓂᐊᕐᕕᒋᔪᒪᕙᒃᑲ, ᑕᑕᒥᓇᕐᑐᓂᒃ ᖁᐊᕐᓵᖓᓇᕐᑐᓂᒡᓗ; ᓯᓚᑐᔪᖁᑎᖏᓪᓗ ᐊᑐᕈᓐᓃᕈᒫᕐᐳᑦ, ᐃᓄᖏᑕᓗ ᓇᓗᓇᕐᑐᓂᒃ ᖃᐅᔨᔪᓐᓇᕐᓂᖏᑦ ᒪᑐᓯᒪᓕᕈᒫᕐᐳᖅ.”

ᐂᓮᐊᓯᐅᑉ ᐊᒡᓚᖏᑦ 8:10

ᐃᓕᑦᓯᓐᓄᑦ ᐅᖃᖃᑎᒌᓕᕆᑦᓯ, ᑲᑎᒪᑦᔪᑎᓯᓕ ᑲᔪᓯᓂᐊᓐᖏᓚᖅ; ᐅᖃᐅᓯᕐᒥᒃ ᐅᖃᕋᓗᐊᕈᑦᓯ, ᓱᓕᓂᐊᓐᖏᓚᖅ, ᒎᑎᐅᑉ ᐃᓚᒋᖕᒪᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 15:2

ᐊᐱᕆᔭᐅᒍᕕᑦ, ‘ᓇᒧᓐᖓᕐᓂᐊᕋᑦᑕᓖ?’ ᐅᖃᐅᑎᓂᐊᕐᐸᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ: “ᑍᒃᑯᐊ ᐋᓐᓂᐊᔪᑦ ᑐᖁᓂᐊᕐᐳᑦ, ᐅᓇᑕᕐᑐᓂᓗ ᑐᖁᔪᒃᓴᒃᓮᑦ ᑐᖁᓂᐊᕐᐳᑦ; ᐱᕐᓕᕐᓗᑎᒡᓗ ᑐᖁᔪᒃᓮᑦ ᐱᕐᓕᕐᓗᑎᒃ ᑐᖁᓂᐊᕐᐳᑦ, ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒃᓮᑦ ᐊᐅᓪᓚᕈᑦᔭᐅᓂᐊᕐᐳᑦ.”’

ᔨᕆᒤᐊᐅᑉ ᐊᒡᓚᖏᑦ 15:9

ᐊᕐᓇᖅ 7ᓂᒃ ᕿᑐᕐᖓᓕᒃ ᓄᑮᕈᑎᓂᐊᕐᐳᖅ ᐊᓂᕐᓇᖏᕐᓗᓂᓗ; ᓯᕿᓂᖅ ᑕᑯᓐᓇᕈᓐᓃᕐᓂᐊᕐᐹ ᓱᓕ ᐅᓪᓘᒐᓗᐊᕐᑎᓪᓗᒍ; ᖁᕕᐊᓇᖏᑦᑐᒦᓐᓂᐊᕐᐳᖅ ᑲᓐᖑᓇᕐᑐᒦᓪᓗᓂᓗ. ᐊᒥᐊᒃᑰᔫᓪᓗ ᐅᓇᑕᕐᑐᓂ ᑐᖁᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 16:4

ᑐᖁᕋᕈᒫᕐᐳᑦ ᖃᓂᒪᓇᕐᑐᓄᑦ, ᕿᒃᓵᒍᑕᐅᔪᒫᓐᖏᓚᑦ ᐃᓗᕕᕐᑕᐅᖏᓪᓗᑎᒡᓘᓐᓃᑦ; ᓄᓇᒥᓕ ᐊᓇᕐᑎᑐᑦ ᑕᒫᓃᕐᕆᑐᐃᓐᓇᕈᒫᕐᐳᑦ ᑎᒥᕕᓂᖏᑦ. ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒧᓪᓗ, ᑎᒥᕕᓃᓪᓗ ᓂᖃᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 18:21

ᑍᒤᒻᒪᑦ ᕿᑐᕐᖓᖏᑦ ᑳᖕᓇᕐᑐᕐᔪᐊᒧᑦ ᐱᕐᓕᕋᓕᕐᓕᑦ; ᐅᓇᑕᕐᑐᓄᓪᓗ ᑐᖁᕋᕐᑕᐅᓕᕐᓕᑦ, ᓄᓕᐊᖏᑦ ᕿᑐᕐᒊᕈᑦᔭᐅᓕᕐᓕᑦ, ᐅᐃᒡᒐᕐᓂᐅᓕᕐᓗᑎᒡᓗ, ᐊᖑᑎᖏᓪᓗ ᑐᖁᕋᕐᑕᐅᓗᑎᒃ ᐋᓐᓂᐊᓇᕐᑐᓄᑦ, ᐃᓅᓱᒃᑐᖁᑎᖏᓪᓗ ᐅᓇᑕᕐᑐᓂ ᑐᖁᕋᕐᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 22:19

ᐃᓗᕕᕐᑕᐅᓂᖓ ᓯᐅᑎᖅᑯᕐᑐᔪᑎᑐᑦ ᐱᔭᐅᔪᒫᕐᐳᖅ, ᐅᓂᐊᕐᑕᐅᓪᓗᓂ ᐃᒋᑕᐅᑐᐃᓐᓇᕐᓗᓂ ᒪᓂᖅᑲᒧᑦ ᔨᕉᓴᓕᐅᑉ ᐃᑎᕐᑕᕐᕕᖏᑕ ᓯᓚᑖᓄᑦ.”

ᔨᕆᒤᐊᐅᑉ ᐊᒡᓚᖏᑦ 22:25

ᐃᓕᖕᓂᒃ ᑐᖁᑦᓯᔪᒪᔪᓄᑦ ᐱᔭᐅᑎᑦᓱᒫᕐᐸᒋᑦ, ᑲᑉᐱᐊᒋᔭᕐᓄᑦ, ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᓄᖏᓐᓄᓪᓗ ᑲᐅᓪᑎᐊᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 32:28

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᑐᓂᓕᕐᐸᒃᑲ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᑦᓱᒪᓗ ᑎᒍᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 34:20

ᑍᒃᑯᐊ ᐃᓕᑦᓯᓐᓂᒃ ᑐᖁᑦᓯᔪᒪᔪᓄᑦ ᐱᔭᐅᑎᓐᓂᐊᕐᐸᑦᓯ, ᑎᒥᕕᓃᓪᓗ ᓂᕿᒋᔭᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.

ᔨᕆᒤᐊᐅᑉ ᐊᒡᓚᖏᑦ 46:26

ᑐᓂᑦᔪᑎᒋᓂᐊᕐᐸᒃᑲᓗ ᑖᒃᑯᓂᖓ ᑐᖁᑦᓯᔪᒪᔪᓄᑦ, ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐊᖓᔪᖅᑳᖁᑎᖏᓐᓄᓪᓗ. ᑕᒪᑐᒪᓕ ᑭᖑᓂᖓᒍᑦ ᐄᑦᔨᑉᑎ ᓄᓇᒋᔭᐅᔪᓐᓇᕐᓯᑎᑦᓱᒫᕆᕙᕋ ᑕᒪᑐᒪ ᓯᕗᓂᖓᓂᑐᑦ ᓄᓇᒋᔭᐅᔪᑐᖃᐅᖕᒪᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 7:33

ᐃᓗᕕᕐᓯᕕᒃᓴᖃᕈᓐᓃᕐᐸᑦ ᑎᒥᕕᓃᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ ᓂᕿᒋᔭᐅᑐᐃᓐᓇᓕᕈᒫᕐᐳᑦ, ᕿᒫᑎᑦᓯᔪᒃᓴᕐᑕᖃᕈᒫᓐᖏᓚᕐᓗ ᑕᒪᒃᑯᓂᖓ.

ᔨᕆᒤᐊᐅᑉ ᐊᒡᓚᖏᑦ 8:2

ᓴᖅᑭᔮᓕᕐᓗᑎᒃ ᓯᕿᓂᕐᒧᑦ, ᑕᖅᑭᕐᒧᑦ ᐅᓪᓗᕆᐊᓄᓪᓗ, ᐅᖓᒋᓗᒋᑦ ᑭᒡᒐᕐᑐᕐᓗᒋᓪᓗ ᑐᒃᓯᐊᕐᕕᒋᕙᓚᐅᕐᑕᖏᓐᓄᑦ, ᑲᑎᕐᓱᕐᑕᐅᓗᑎᒃ ᐃᓗᕕᕐᓄᐊᕐᑕᐅᔪᒫᓐᖏᓚᑦ, ᑕᒫᓃᕐᕆᑐᐃᓐᓇᕈᒫᕐᐳᑦ ᐊᓇᕐᑎᑐᑦ ᒪᓂᖅᑲᒦᑦᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 8:8

ᖃᓄᖅ ᐅᖃᕈᓐᓇᕐᐱᓰ? ᓯᓚᑐᓂᕋᕐᓗᓯ ᐊᑕᓂᐅᑉ ᐱᖁᔭᖏᓐᓂᒃ ᓇᔪᕐᑎᖃᕐᓂᑦᓯᓐᓄᑦ, ᑕᑯᒋᑦ, ᐊᒡᓚᖕᓂᒃ ᐃᓕᓯᒪᔪᖁᑎᓯ ᓱᓕᖏᑦᑐᒥᒃ ᐱᓇᓱᐊᕈᑎᖃᓕᕐᑎᓪᓗᒌᑦ?

ᔨᕆᒤᐊᐅᑉ ᐊᒡᓚᖏᑦ 8:9

ᓯᓚᑐᔪᑦ ᑲᓐᖑᓱᒃᑎᑕᐅᓂᐊᕐᐳᑦ, ᑲᒪᓂᐊᕐᑎᑕᐅᓂᐊᕐᐳᓪᓗ ᐊᔪᓕᕐᑎᑕᐅᓗᑎᒃ, ᐊᑕᓂᐅᑉ ᐱᖁᔭᖏᓐᓂᒃ ᒪᓕᒍᒪᖏᓐᓇᒥᒃ, ᖃᓄᐃᑦᑐᒥᒃ ᑍᒪ ᓯᓚᑐᓂᖃᓕᕐᐹᑦ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:37

ᐅᖃᐅᓯᕆᔭᑦᑎᓐᓂᒃ ᐊᑑᑎᔪᓐᓇᕋᔭᓐᖏᓚᒍᑦ ᐊᑕᓂᐅᑉ ᑍᒤᑎᖏᑉᐸᒍ.

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᐱᖓᔪᖏᑦ 26:25

ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᕉᒪᒥᐅᓄᑦ 3:31

ᑕᕝᕙᓕ ᑕᒪᑐᒧᖓ ᐅᒃᐱᕐᓂᕐᒧᑦ ᐱᖁᔭᑦ ᐊᑐᕈᓐᓃᕐᑎᑉᐸᕘᑦ? ᑍᒤᓐᖏᓚᖅ! ᐱᖁᔭᓪᓕ ᑐᓐᖓᕕᒋᓂᕐᓴᕆᓕᕐᐸᕗᑦ.

ᕉᒪᒥᐅᓄᑦ 4:14

ᐱᖁᔭᓂᒡᓕ ᒪᓕᑦᓯᐊᕐᓂᕐᒧᑦ ᒎᑎᐅᑉ ᐊᖏᕐᓯᒪᓂᖓᓂᒃ ᐱᑎᑕᐅᒐᔭᕐᐸᑕ, ᐅᒃᐱᕐᓂᖅ ᑕᕝᕙ ᐊᑐᕈᓐᓃᕐᐳᖅ, ᒎᑎᐅᓪᓗ ᐊᖏᕐᓯᒪᓂᖓ ᐊᑐᕈᓐᓃᕐᓗᓂ.

ᓴᒧᐃᓕ ᓯᕗᓪᓖᑦ 17:46

ᐅᓪᓗᒥ ᑕᕝᕙᓂ ᐊᑕᓂᐅᑉ ᑐᓂᓂᐊᕐᐹᑎᑦ ᐱᔪᓐᓇᕐᓂᓐᓄᑦ, ᐱᒋᐊᕐᓂᐊᕐᐸᒋᑦ, ᓂᐊᖁᐃᓪᓗ ᓇᑲᓐᓂᐊᕐᐸᕋ; ᐅᓪᓗᒥᓗ ᐱᓕᔅᑍᓂᒥᐅᑦ ᑕᖕᒫᕐᓯᒪᕕᖓᓂ ᑎᒥᕕᓃᑦ ᑐᓂᓂᐊᕐᐸᕋ ᑎᖕᒥᐊᓄᑦ ᖃᖓᑕᖃᑦᑕᕐᑐᓄᑦ ᐅᒫᔪᓄᓪᓗ ᓄᓇᒦᑦᑐᓄᑦ; ᓄᓇᕐᔪᐊᕐᒥᐅᓕᒫᑦ ᖃᐅᔨᖁᓪᓗᒋᑦ ᐃᓴᕆᐊᓕᒥ ᒎᑎᑕᖃᕐᒪᑦ.