ᔨᕆᒤᐊᐅᑉ ᐊᒡᓚᖏᑦ 19:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒧᑦ ᐊᖓᔪᖅᑳᕐᔪᐊᖑᔪᓯ ᔨᕉᓴᓕᒥᐅᑕᐅᔪᓯᓗ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᑯᒋᑦ, ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᓂᐊᕐᐳᖓ ᑕᒪᐅᖓ, ᑐᓴᕐᑐᓪᓗ ᖁᐊᕐᓵᖓᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 19:3 Iomraidhean Croise

ᐃᓐᖏᕈᑎᑦ 102:15

ᑕᕝᕙ ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᑎᖓᓂᒃ ᓯᕘᕋᔪᒫᕐᐳᑦ, ᐊᖓᔪᖅᑳᕐᔪᐊᓪᓗ ᓄᓇᒦᑦᑐᓕᒫᑦ ᐃᓕᖕᓂᒃ ᓂᕐᑐᕐᓇᕐᑎᑦᓯᔪᒫᕐᐳᑦ;

ᐃᓐᖏᕈᑎᑦ 110:5

ᐊᑕᓂᖅ ᑕᓕᕐᐱᖕᓃᑉᐳᖅ; ᐊᖓᔪᖅᑳᕐᔪᐊᑦ ᓯᖁᒥᑦᓱᒫᕐᐰᑦ ᓂᓐᖓᖕᓂᖓᑕ ᐅᓪᓗᖏᓐᓂ.

ᐃᓐᖏᕈᑎᑦ 2:10

ᒫᓐᓇᓕ ᑍᒤᒻᒪᑦ, ᐊᖓᔪᖅᑳᕐᔪᐊᖑᔪᓯ, ᓯᓚᑐᓕᕆᑦᓯ; ᐅᑦᔨᕐᑐᕐᓗᓯᓗ, ᐃᓕᑦᓯ ᓄᓇᒥ ᐊᐅᓚᑦᓯᔨᐅᔪᓯ.

ᐂᓮᐊᓯᐅᑉ ᐊᒡᓚᖏᑦ 28:19

ᑏᒐᕐᑕᐅᖃᑦᑕᕈᒫᕐᐳᓯ ᐱᒋᐊᕐᑕᐅᓂᑕᒫᑦ; ᖃᐅᑕᒫᑦ ᐅᓪᓛᑕᒫᑦ ᑏᒐᕐᑕᐅᖃᑦᑕᕈᒫᕐᐳᓯ, ᐅᓪᓗᒃᑯᓪᓗ ᐅᓐᓄᐊᒃᑯᓪᓗ; ᑲᑉᐱᐊᓇᖃᑦᑕᕈᒫᕐᐳᖅ ᐅᖃᐅᓯᕐᒥᒃ ᑐᓴᕐᓗᓯ ᑐᑭᓯᑦᓯᐊᕐᓗᒍᓗ.”

ᔨᕆᒤᐊᐅᑉ ᐊᒡᓚᖏᑦ 13:18

ᐊᖓᔪᖅᑳᕐᔪᐊᖅ ᐊᓈᓇᖓᓗ ᐅᖃᐅᑎᒃᑭᒃ, ᐊᖓᔪᖅᑲᐅᕕᑦᓯᓐᓂᒃ ᐲᓕᕆᑦᓯᒃ, ᐊᖓᔪᖅᑳᕐᔪᐊᕐᓯᐅᑎᓯᒃ ᓂᐊᖂᑏᒃ ᑕᑯᒥᓇᕐᑐᑦ ᓂᐊᖁᑦᓯᖕᓂᑦ ᐲᕐᑕᐅᓯᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 17:20

ᐅᖃᐅᑎᓗᒋᓪᓗ, ‘ᐊᑕᓂᐅᑉ ᐅᖃᐅᓯᖏᓐᓂᒃ ᑐᓴᕆᑦᓯ, ᐊᖓᔪᖅᑳᕐᔪᐊᖑᔪᓯ ᐃᓄᑐᐃᓐᓇᐅᔪᓯᓗ ᔫᑕᒥ, ᔨᕉᓴᓕᒥᐅᑕᐅᔪᓯᓗ ᐃᑎᕐᑕᕐᕕᒃᑎᒍᑦ ᐃᑎᕐᐸᒃᑐᓯ.

ᔨᕆᒤᐊᐅᑉ ᐊᒡᓚᖏᑦ 18:11

ᑍᒤᒻᒪᑦ, ᔫᑕᐅᑉ ᔨᕉᓴᓕᐅᓪᓗ ᐃᓄᖏᑦ ᐅᖃᐅᑎᒃᑭᑦ, ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᑲᑉᐱᐊᓇᕐᑐᒥᒃ ᑎᑭᑦᑐᒃᓴᒥᒃ ᐃᓕᑦᓯᓐᓄᑦ ᐋᖅᑭᒃᓱᐃᓕᕐᐳᖓ, ᖃᓄᐃᓕᒋᐊᕈᑎᒃᓴᓂᒡᓗ ᐅᐸᓗᖕᒊᔭᕐᓗᖓ, ᐱᐅᖏᑦᑐᓕᓂᑦᓯᓐᓂᑦ ᓵᒋᐊᓕᕆᑦᓯ ᐊᖅᑯᑎᑦᓯᓐᓂᑦ ᐱᓂᐊᕐᓂᓯᓗ ᐋᖅᑭᒋᐊᓕᕐᓯᐅᒃ.’

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 25:29

ᑕᑯᓕᕆᑦᓯ, ᐃᒡᓗᒐᓴᒡᔪᐊᖁᑎᒪ ᐊᓯᕈᕐᑕᐅᑦᔪᑎᒃᓴᖓᓂᒃ ᑎᑭᑎᑦᓯᕙᓪᓕᐊᓕᕐᐳᖓ, ᓱᒋᐊᕐᑕᐅᓂᐊᕋᓱᒋᖏᑉᐱᓰ? ᓱᒋᐊᕐᑕᐅᖏᑦᑑᓂᐊᓐᖏᓚᓯ, ᑐᖁᕋᕐᑕᐅᑦᔪᑎᒃᓴᓯᓐᓂᒃ ᑎᑭᑎᑦᓯᓂᐊᕋᒪ ᐃᓅᔪᓕᒫᓄᑦ ᓄᓇᒥ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 35:17

ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔫᑕᒥᐅᓄᑦ ᔨᕉᓴᓕᒥᐅᓕᒫᓄᓪᓗ ᑎᑭᑕᐅᑎᑦᓯᔪᒫᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓐᓂᒃ, ᐅᖃᐅᑎᕙᓚᐅᕋᓗᐊᕋᒃᑭᑦ ᓈᓚᒍᒪᓚᐅᖏᒻᒪᑕ, ᑎᓕᓯᑦᔪᑎᓐᓂᒡᓗ ᓈᓚᒍᒪᓚᐅᕋᑎᒃ.”

ᔨᕆᒤᐊᐅᑉ ᐊᒡᓚᖏᑦ 44:3

ᐃᓄᒋᓚᐅᕐᑕᖏᓐᓂᑦ ᓂᓐᖓᒃᑎᑕᐅᓚᐅᕋᒪ ᐱᐅᖏᑦᑐᓕᓂᖏᓐᓄᑦ, ᑐᓂᕐᕈᓯᕐᓗᑎᒃ ᑐᒃᓯᐊᕐᕕᖃᖃᑦᑕᓚᐅᕐᒪᑕ ᐊᓯᓐᓂᒃ ᒎᑎᒋᔪᒪᔭᒥᖕᓂᒃ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᓯᕗᓕᕕᓂᖏᑕ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓂᐅᔭᓚᐅᓐᖏᑕᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 6:19

ᓄᓈ ᑐᓴᓕᕆᑦ, ᐃᓅᖃᑎᒌᑦ ᑖᒃᑯᐊ ᐊᓯᕈᕐᑕᐅᓇᕐᑐᒧᑦ ᑎᑭᕝᕕᐅᑎᓐᓂᐊᕐᐸᒃᑲ, ᐱᓂᐊᕐᓂᖏᑕ ᐱᕈᕐᑎᑕᖏᓐᓄᑦ, ᐅᖃᐅᓯᓐᓂᒃ ᓈᓚᓚᐅᖏᒻᒪᑕ ᐱᖁᔭᓐᓂᒡᓗ ᓇᕐᕈᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 7:5

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᐃᓕᑦᓯᓐᓄᑦ ᑎᑭᓕᕐᐳᑦ!

ᒫᑎᐅᓯᐅᑉ ᐊᒡᓚᖏᑦ 10:18

ᐅᕙᖓᓗ ᐱᑦᔪᑎᒋᓗᖓ ᐃᖅᑲᕐᑐᕐᑕᐅᔪᒫᕐᐳᓯ ᐊᐅᓚᑦᓯᔨᐅᔪᓄᑦ ᐊᖓᔪᖅᑳᕐᔪᐊᓄᓪᓗ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᐅᓯᖃᕈᓐᓇᖁᓪᓗᓯ ᑖᒃᑯᓄᖓ, ᔫᑎᐅᖏᑦᑐᓄᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:29

“‘ᓯᐅᑎᖃᕐᑑᑉ ᑐᓴᓕᕐᒋᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᓯᖏᑦ ᐅᒃᐱᕐᑑᖃᑎᒌᓄᑦ.’”

ᓴᒧᐃᓕ ᓯᕗᓪᓖᑦ 3:11

ᑕᕝᕙ ᐊᑕᓂᐅᑉ ᓴᒧᐃᓕ ᐅᖃᐅᑎᕚ, “ᑕᑯᒋᑦ, ᐱᓇᓱᐊᕈᒪᓕᕐᐳᖓ ᐃᓴᕆᐊᓕᒥᐅᓄᑦ, ᓯᐅᑎᓖᓪᓗ ᓇᓪᓕᐊᑦ ᑐᓴᕐᑐᑦ ᖁᐊᕐᓵᕈᒫᕐᐳᑦ.