ᔨᕆᒤᐊᐅᑉ ᐊᒡᓚᖏᑦ 19:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ “ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 19:15 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᓂᕼᐃᒤᐊᐅᑉ ᐊᒡᓚᖏᑦ 9:29

ᐃᓂᕐᑎᓚᐅᕐᐸᑎᓪᓗ ᓈᓚᑦᓯᐊᖁᓪᓗᒋᑦ ᐃᓕᓐᓂᐊᕐᑎᑦᓯᒍᑎᖕᓂᒃ, ᑭᓯᐊᓂᓕ ᐱᐅᔪᕆᓂᕐᒥᖕᓄᑦ ᓈᓚᒍᒪᓚᐅᓐᖏᓚᑦ ᐱᖁᔭᕐᓂᒃ, ᐱᖁᔭᕐᓂᒃ ᒪᓕᖕᓂᒃ ᐃᓅᓯᐅᒐᓗᐊᕐᑎᓪᓗᒍ, ᑭᓯᐊᓂᓕ ᓯᑎᔫᓚᐅᕐᐳᑦ ᐊᐅᓚᑕᒃᓴᐅᓇᑎᒃ ᓈᓚᒍᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 11:17

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᕈᕐᑎᓚᐅᕋᓗᐊᕐᒪᓯ, ᐃᓴᕆᐊᓕᒥᐅᓪᓕ ᔫᑕᒥᐅᓪᓗ ᐅᕙᓐᓂᒃ ᓂᓐᖓᒃᓮᓯᒪᕗᑦ ᐱᐅᖏᑦᑐᓕᓂᕐᒥᖕᓄᑦ, ᑐᓂᕐᕈᓯᕐᓗᑎᒃ ᒎᑎᓐᖑᐊᒧᑦ ᐰᓕᒧᑦ.”

ᔨᕆᒤᐊᐅᑉ ᐊᒡᓚᖏᑦ 13:11

ᑍᒫᒃᑕᐅᖅ ᐊᖑᑦ ᕿᑎᕈᓯᓲᖑᖕᒪᑦ ᕿᓚᒃᓱᒍ, ᐃᓴᕆᐊᓕᒥᐅᓕᒫᑦ ᔫᑕᒥᐅᓕᒫᓪᓗ ᐅᕙᓐᓄᑦ ᕿᓚᒃᓱᕈᒫᕆᕙᒃᑲ, ᐊᑕᓂᖅ ᐅᖃᕐᐳᖅ, ᐃᓄᖁᑎᒋᔪᒪᓪᓗᒋᑦ ᓇᖕᒥᓂᕆᓗᒋᑦ ᓂᕐᑐᕐᑕᐅᑦᔪᑎᒋᓗᒋᓪᓗ, ᐅᐱᒋᔭᐅᑦᔪᑎᒋᓗᒋᓪᓗ, ᐅᕙᓐᓂᒡᓕ ᓈᓚᒍᒪᓚᐅᓐᖏᓚᑦ.”

ᔨᕆᒤᐊᐅᑉ ᐊᒡᓚᖏᑦ 17:23

ᑖᒃᑯᐊᓕ ᓈᓚᓚᐅᓐᖏᓚᑦ ᑐᓴᓚᐅᓐᖏᓚᓪᓗ, ᓯᑎᔫᒐᓱᓚᐅᕐᐳᓪᓕ ᓈᓚᒍᒪᓇᑎᒡᓗ ᐅᖃᐅᑦᔫᓯᐊᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 18:11

ᑍᒤᒻᒪᑦ, ᔫᑕᐅᑉ ᔨᕉᓴᓕᐅᓪᓗ ᐃᓄᖏᑦ ᐅᖃᐅᑎᒃᑭᑦ, ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᑲᑉᐱᐊᓇᕐᑐᒥᒃ ᑎᑭᑦᑐᒃᓴᒥᒃ ᐃᓕᑦᓯᓐᓄᑦ ᐋᖅᑭᒃᓱᐃᓕᕐᐳᖓ, ᖃᓄᐃᓕᒋᐊᕈᑎᒃᓴᓂᒡᓗ ᐅᐸᓗᖕᒊᔭᕐᓗᖓ, ᐱᐅᖏᑦᑐᓕᓂᑦᓯᓐᓂᑦ ᓵᒋᐊᓕᕆᑦᓯ ᐊᖅᑯᑎᑦᓯᓐᓂᑦ ᐱᓂᐊᕐᓂᓯᓗ ᐋᖅᑭᒋᐊᓕᕐᓯᐅᒃ.’

ᔨᕆᒤᐊᐅᑉ ᐊᒡᓚᖏᑦ 19:3

ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᐅᒃ, ᔫᑕᒧᑦ ᐊᖓᔪᖅᑳᕐᔪᐊᖑᔪᓯ ᔨᕉᓴᓕᒥᐅᑕᐅᔪᓯᓗ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᑯᒋᑦ, ᐊᓯᕈᕐᑕᐅᓇᕐᑐᒥᒃ ᑎᑭᑎᑦᓯᓂᐊᕐᐳᖓ ᑕᒪᐅᖓ, ᑐᓴᕐᑐᓪᓗ ᖁᐊᕐᓵᖓᓂᐊᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 22:21

ᐃᓂᕐᑎᕋᓱᓚᐅᕋᓗᐊᕐᐸᒋᑦ ᐊᔪᕐᓴᕐᓇᖏᑦᑐᒦᑎᓪᓗᑎᑦ, ᓈᓚᑦᔮᖏᓐᓂᕋᓚᐅᕐᐳᑎᓪᓕ ᑕᒪᓐᓇᓗ ᐃᓕᖅᑯᓯᕇᓐᓇᕋᕕᐅᒃ ᐃᓅᓱᒃᑑᓂᕐᓂᑦ ᐅᕙᓐᓂᒃ ᓈᓚᒍᓐᓇᓚᐅᖏᓐᓇᕕᑦ.

ᔨᕆᒤᐊᐅᑉ ᐊᒡᓚᖏᑦ 25:3

“ᐊᕐᕌᒍᓂᒃ 23ᓂᒃ, ᔫᓮᐊᐅᑉ ᐋᒪᓐ ᐃᕐᓂᖓᑕ ᐊᖓᔪᖅᑳᕐᔪᐊᖑᓂᖓᑕ 13ᒋᓕᕐᑕᖓᓐᓂᑦ ᐱᒋᐊᕐᓗᒍ ᐅᓪᓗᒥᒧᑦ ᑎᑭᓪᓗᒍ ᐊᑕᓂᐅᑉ ᐅᖃᕐᑕᖏᓐᓂᒃ ᐅᕙᓐᓄᑦ ᐅᖃᕐᕕᒋᖃᑦᑕᕐᓯᒪᕙᑦᓯ ᐅᓄᕐᑐᐃᓱᕐᓗᖓ, ᓈᓚᓚᐅᕐᓯᒪᓐᖏᓚᓯᓕ.

ᔨᕆᒤᐊᐅᑉ ᐊᒡᓚᖏᑦ 25:4

ᐊᑕᓂᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᒥᓂᒃ ᑎᓕᓯᕕᒋᖃᑦᑕᓚᐅᕐᐹᓯ ᐅᓄᕐᑐᐃᕐᓱᕐᓗᓂ, ᑐᓴᕈᓐᓇᓚᐅᓐᖏᓚᓯᓕ ᓈᓚᓚᐅᕐᓇᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 25:7

ᑭᓯᐊᓂᓕ ᓈᓚᒍᒪᓚᐅᓐᖏᓚᓯ ᐊᑕᓂᖅ ᐅᖃᕐᐳᖅ, ‘ᐊᑲᐅᒋᓐᖏᑕᓐᓂᒃ ᐱᓂᐊᕐᓯᒪᕗᓯ ᓴᓇᔭᑦᓯᒍᑦ ᐊᓯᕈᕐᑕᐅᓇᕐᑐᒧᓪᓗ ᐃᓕᑦᓯᓐᓂᒃ ᑎᑭᑎᓯᒪᕗᓯ.’

ᔨᕆᒤᐊᐅᑉ ᐊᒡᓚᖏᑦ 25:8

“ᑍᒤᒻᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, ‘ᓈᓚᓚᐅᖏᓐᓂᓯ ᐅᖃᐅᓯᕐᓂᒃ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 36:31

ᐱᐅᖏᑦᑐᓕᓂᓯ ᐱᓪᓗᒋᑦ ᓱᒋᐊᕐᓂᐊᕐᐸᒋᑦ ᑭᖑᕚᑎᓪᓗ ᐊᖓᔪᖅᑳᖁᑎᑎᓪᓗ: ᔨᕉᓴᓕᒥᐅᓄᑦ ᔫᑕᒥᐅᓄᓪᓗ ᑕᒤᓐᓄᑦ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᓇᓪᓕᐅᑎᔪᒫᕐᓂᕋᕐᑕᓐᓂᒃ ᑕᒤᓐᓂᒃ ᐅᕙᓐᓂᒃ ᓈᓚᓚᐅᖏᓐᓂᖏᑦ ᐱᑦᔪᑎᒋᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 6:19

ᓄᓈ ᑐᓴᓕᕆᑦ, ᐃᓅᖃᑎᒌᑦ ᑖᒃᑯᐊ ᐊᓯᕈᕐᑕᐅᓇᕐᑐᒧᑦ ᑎᑭᕝᕕᐅᑎᓐᓂᐊᕐᐸᒃᑲ, ᐱᓂᐊᕐᓂᖏᑕ ᐱᕈᕐᑎᑕᖏᓐᓄᑦ, ᐅᖃᐅᓯᓐᓂᒃ ᓈᓚᓚᐅᖏᒻᒪᑕ ᐱᖁᔭᓐᓂᒡᓗ ᓇᕐᕈᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 7:26

ᑐᓴᕐᑕᐅᕙᓚᐅᓐᖏᓚᖓ ᓈᓚᒃᑕᐅᓇᖓᓗ ᓯᑎᒃᑎᑉᐸᓪᓕᐊᖔᑐᐃᓐᓇᓚᐅᕐᐳᑦ. ᐱᐅᖏᑦᑐᓕᑦᑍᓕᖏᓐᓂᕐᓴᐅᓪᓗᑎᒡᓗ ᓯᕗᓕᕕᓂᑦᓯᓐᓂᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:2

ᐊᑕᓂᖅ ᓂᑲᒍᓱᖕᓂᖃᕋᓂ ᔧᑯᒃᑯᑦ ᐃᒡᓗᒐᓴᒡᔪᐊᖁᑎᖏᑦ ᐊᓯᕈᕐᑕᐅᑎᑉᐰᑦ ᓂᓐᖓᕕᒡᔪᐊᕐᓂᕐᒥᓄᑦ ᔫᑕᐅᑉ ᐸᓂᖏᑕ ᐱᔭᐅᑦᔧᕐᓯᒪᑦᔪᑎᖏᑦ ᓯᖁᒥᑉᐰᑦ ᐊᖓᔪᖅᑲᐅᕕᖏᑦ ᐊᖓᔪᖅᑳᕐᔪᐊᖏᑕᓗ ᐃᕐᓂᖏᑦ ᐅᐱᓐᓇᕈᓐᓃᕐᑎᓪᓗᒋᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ.