ᔨᕆᒤᐊᐅᑉ ᐊᒡᓚᖏᑦ 19:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᒡᓗᐃᑦ ᔨᕉᓴᓕᒦᑦᑐᑦ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᔫᑕᒦᑦᑐᑦ ᓇᕐᕈᓇᕐᓯᔪᒫᕐᐳᑦ ᑐᐱᑎᒥᐅᑎᑐᑦ, ᐃᒡᓗᓕᒫᑦ ᖄᖏᓐᓂ ᐃᑯᐊᓚᑦᓯᕕᐅᖃᑦᑕᕐᑐᑦ ᑐᓂᕐᕈᓯᕐᑐᓄᑦ, ᖁᑦᓯᒃᑐᒦᑦᑐᓄᑦ ᐃᒥᒐᒃᓴᓂᒡᓗ ᑐᓂᕐᕈᑕᐅᕙᒃᑐᑦ ᒎᑎᓐᖑᐊᓄᑦ ᓇᕐᕈᓇᕐᓯᑎᑕᐅᔪᒫᕐᐳᑦ ᑐᐱᑎᒥᐅᑎᑐᑦ.’”

ᔨᕆᒤᐊᐅᑉ ᐊᒡᓚᖏᑦ 19:13 Iomraidhean Croise

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᐊᑕᓃᑦ ᐂᑉᐸᖏᑦ 23:10

ᑐᐱᑎᐅᑉ ᑐᒃᓯᐊᕐᕕᒋᔭᐅᔪᓐᓁᓪᓕᑎᑉᐹ ᓇᕐᓴᒦᑦᑐᖅ ᕼᐃᓇᓂᒥᒃ ᑍᔭᐅᔪᒥ, ᑭᓇᓕᒫᖅ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᑐᓂᕐᕈᓯᖃᑦᑕᕈᓐᓁᖁᓪᓗᒋᑦ ᐃᑯᐊᓚᔪᒥ ᒧᓕᑭᒧᑦ.

ᐊᑕᓃᑦ ᐂᑉᐸᖏᑦ 23:12

ᑐᓂᕐᕈᓯᕐᕖᓪᓗ ᓯᖁᑦᑎᕐᑕᐅᑎᑉᐰᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᓇᑉᐸᕐᑕᐅᑎᑕᕕᓂᖏᑦ ᐂᕼᐊᓯᐅᑉ ᐃᒡᓗᖃᕐᕕᖓᑕ ᖁᓛᖓᓃᑦᑑᑉ ᓴᓂᐊᓂ ᐃᓂᖃᕐᑐᑦ, ᒫᓇᓯᐅᓪᓗ ᑐᓂᕐᕈᓯᕐᕕᓕᐊᕕᓂᖏᒃ ᐊᑕᓂᐅᑉ ᐃᒡᓗᖓᑕ ᓯᓚᓪᓕᖏᖕᓂ, ᓯᖁᑦᑎᕐᓗᒋᒃ ᐃᒋᑕᐅᑎᑉᐰᑦ ᓇᕐᓴᒧᑦ ᑍᔭᐅᔪᒧᑦ ᑭᑐᕌᓂᒥᒃ.

ᐊᑕᓃᑦ ᐂᑉᐸᖏᑦ 23:14

ᓇᐸᔪᓪᓗ ᓱᑬᑦ ᓯᖁᑦᑎᕐᐰᑦ ᑐᒃᓯᐊᕐᕕᐅᕙᒃᑐᑦ, ᐅᕐᕈᑎᓪᓗᒍᓗ ᐊᓯᕆᒻ, ᐃᓄᐃᓪᓗ ᓴᐅᓂᕕᓂᖏᓐᓂᒃ ᐃᓗᓪᓕᕐᑕᐅᖔᕐᓗᑎᒃ.

ᐃᓐᖏᕈᑎᑦ 74:7

ᐃᑦᔪᕐᓁᑦᑐᕕᖁᑏᑦ ᐃᑯᐊᓪᓚᒃᑎᑉᐹᑦ; ᐊᑎᕐᓄᑦ ᑐᒃᓯᐊᕐᕕᐅᖃᑦᑕᕐᑐᖅ ᓄᓇᒧᑦ ᑎᑭᓪᓗᒍ ᓇᕐᕈᓇᕐᓯᑎᑉᐹᑦ.

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 22:1

ᐅᖃᐅᓰᑦ ᑖᒃᑯᐊ ᐃᓂᕐᑎᕆᔪᑦ ᐱᑦᔪᑎᖃᕐᐳᑦ ᓇᕐᓴᕐᒥᒃ ᑕᑯᑎᑕᐅᕕᖕᒥᒃ, ᖃᓄᐃᒻᒪᑦ ᒪᔪᕐᓯᒪᕕᓯ, ᐃᓘᓐᓇᓕᒫᓯ ᐃᒡᓗᐃᑦ ᖄᖏᓐᓄᑦ?

ᔨᕆᒤᐊᐅᑉ ᐊᒡᓚᖏᑦ 19:12

ᐃᒫᒃ ᐱᓇᓱᐊᕐᓂᐊᕐᐳᖓ ᐅᕙᓂ ᓄᓇᖃᕐᑐᓄᑦ, ᐊᑕᓂᖅ ᐅᖃᕐᐳᖅ, ᑖᒃᑯᐊ ᐃᒡᓗᒐᓴᒡᔪᐊᑦ ᑐᐱᑎᒥᐅᑎᑑᓕᕈᒪᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 32:29

ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 44:18

ᕿᓚᐅᑉ ᑯᐃᖓᓄᑦ, ᐆᑕᕐᓯᒪᔪᓂᒃ ᑐᓂᕐᕈᓯᖃᑦᑕᕈᓐᓃᕋᑦᑕ ᑯᕕᓯᖃᑦᑕᕈᓐᓃᕋᑦᑕᓗ ᐃᒥᕐᑕᐅᔪᒃᓴᓂᒃ ᑐᓂᕐᕈᑎᓂᒃ, ᓱᓁᕈᑎᖔᕐᓯᒪᕗᒍᑦ, ᐅᓇᑕᕐᑐᓄᓪᓗ ᑐᖁᕋᕐᑕᐅᕙᓕᕐᓗᑕ ᑳᖕᓇᕐᑐᕐᔪᐊᒧᓪᓗ.”

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐊᒡᓚᖏᑦ 7:18

ᕿᑐᕐᖓᖏᑦ ᐃᑯᐊᓚᑦᓯᑦᔪᑎᒃᓴᓂᒃ ᕿᔪᒃᑕᕐᐳᑦ, ᐊᑖᑕᖏᑕᓗ ᐃᑭᓵᕐᓗᓂᒋᑦ, ᐊᕐᓇᖏᓪᓗ ᓂᐊᖂᔭᓕᐊᒃᓴᒥᖕᓂᒃ ᐃᖑᑦᓯᕗᑦ, ᓂᐊᖂᔭᓂᒡᓗ ᖃᓚᑦᑎᕗᑦ ᕿᓚᐅᑉ ᑯᐃᖓᑕ ᐱᓂᐊᕐᑕᖏᓐᓂᒃ. ᐃᒥᕐᑕᐅᔪᒃᓴᓂᒡᓗ ᑐᓂᕐᕈᓯᕐᐳᑦ ᒎᑎᓐᖑᐊᓄᑦ ᐅᕙᓐᓂᒃ ᓂᓐᖓᒃᓮᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 8:2

ᓴᖅᑭᔮᓕᕐᓗᑎᒃ ᓯᕿᓂᕐᒧᑦ, ᑕᖅᑭᕐᒧᑦ ᐅᓪᓗᕆᐊᓄᓪᓗ, ᐅᖓᒋᓗᒋᑦ ᑭᒡᒐᕐᑐᕐᓗᒋᓪᓗ ᑐᒃᓯᐊᕐᕕᒋᕙᓚᐅᕐᑕᖏᓐᓄᑦ, ᑲᑎᕐᓱᕐᑕᐅᓗᑎᒃ ᐃᓗᕕᕐᓄᐊᕐᑕᐅᔪᒫᓐᖏᓚᑦ, ᑕᒫᓃᕐᕆᑐᐃᓐᓇᕈᒫᕐᐳᑦ ᐊᓇᕐᑎᑐᑦ ᒪᓂᖅᑲᒦᑦᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 20:28

ᓄᓇᑖᕆᔭᐅᖁᓪᓗᒍᓕ ᐊᖏᕈᑎᒋᓚᐅᕐᑕᓐᓄᑦ ᑎᑭᑎᓐᓇᒃᑭᑦ, ᖃᖅᑲᓂᒃ ᐳᕐᑐᔪᓂᒃ ᓇᐹᕐᑐᓂᒡᓗ ᑐᖑᔪᕐᑐᓂᒃ ᑕᑯᓕᕋᒥᒃ ᑐᓂᕐᕈᓯᕐᕕᒋᓚᐅᕐᐰᑦ ᓇᕐᕈᓇᕐᑐᓂᒡᓗ ᑐᓂᕐᕈᓯᕐᕕᒋᓪᓗᒋᑦ; ᑕᕝᕙᓂ ᓂᓐᖓᒃᓮᑦᔪᑎᓂᒃ ᑐᓂᕐᕈᓯᖃᑦᑕᓚᐅᕐᐳᑦ ᐃᑯᐊᓚᑦᓯᓪᓗᑎᒃ; ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᖃᑦᑕᓚᐅᕐᐳᑦ, ᕔᓂᒥᒡᓗ ᑐᓂᕐᕈᑎᒥᖕᓄᑦ ᐃᓚᓕᐅᑦᔨᕙᒃᓗᑎᒃ.

ᔨᐸᓁᐊᐅᑉ ᐊᒡᓚᖏᑦ 1:5

ᑐᒃᓯᐊᕐᐸᒃᑐᓪᓗ ᕿᓚᐅᑉ ᐊᑖᓃᑦᑐᓄᑦ ᐃᒡᓗᒥᑦᑕ ᖄᖏᓐᓂ; ᐹᒻᒪᒃᑎᕐᐸᒃᑐᓪᓗ ᐅᖃᕕᒃᓗᑎᒃ ᐊᑕᓂᕐᒧᑦ ᒧᓛᒃᒥᒃ ᒎᑎᓐᖑᐊᒥᒃ ᐱᖃᓯᐅᑦᔨᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 10:9

ᖃᐅᑎᓪᓗᒍ ᑎᓕᔭᐅᔪᑦ ᐃᖏᕐᕋᑎᓪᓗᒋᑦ, ᔮᐸᒧᑦ ᖃᒡᓕᑎᓪᓗᒋᑦ, ᐲᑦᑐᕉᓯ ᐃᒡᓘᑉ ᖄᖓᓄᐊᕐᐳᖅ ᑐᒃᓯᐊᕆᐊᕐᑐᕐᓗᓂ, ᐅᓪᓗᖅ ᕿᑎᕋᓕᕐᑎᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 7:42

ᒎᑎᐅᓪᓕ ᐊᓚᓚᐅᕐᐰᑦ ᓵᑎᓪᓗᒋᑦ ᕿᓚᐅᑉ ᐅᓪᓗᕆᐊᖏᓐᓂᒃ ᑐᒃᓯᐊᕐᕕᖃᕐᓂᕐᒧᑦ, ᓇᓚᐅᑦᑍᔪᑦ ᐊᒡᓚᖏᓐᓂ ᑎᑎᕋᕐᓯᒪᖕᒪᑦ: ‘ᐃᓴᕆᐊᓕᒥᐅᖑᔪᓯ, ᑐᖁᑦᓯᓗᓯ ᐆᒪᔪᓂᒃ ᑐᓂᕐᕈᓯᕐᕕᒋᓚᐅᕐᐱᓯᓐᖔ ᐊᕐᕌᒍᓂᒃ 40ᓂᒃ ᐃᓄᖃᖏᑦᑐᒦᑎᓪᓗᓯ?

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.