ᔨᕆᒤᐊᐅᑉ ᐊᒡᓚᖏᑦ 18:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐊᑕᓃᖅ ᑲᐅᔨᒪᔧᓐᓇᕆᕙᑎᑦ ᑖᒃᑯᐊ ᑐᖁᑦᓯᓇᓱᐊᕐᓂᖏᑦ ᐅᕙᓐᓂᒃ. ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕐᑍᓕᒃᑭᑦ, ᐊᔪᕐᓂᖏᓪᓗ ᐲᔭᕐᑍᓕᓗᒋᑦ ᓵᖕᓂᑦ, ᓵᓚᒋᔭᐅᑎᒃᑭᑦ ᓂᓐᖓᐅᑦᔨᓂᕆᓛᕐᑕᕐᓄᓪᓗ ᑎᑭᑕᐅᑎᒃᑭᑦ.”

ᔨᕆᒤᐊᐅᑉ ᐊᒡᓚᖏᑦ 18:23 Iomraidhean Croise

ᐃᓐᖏᕈᑎᑦ 119:126

ᐊᑕᓃᖅ, ᐱᒋᐊᕐᕕᒃᓮᑦ ᓇᓪᓕᐅᑎᕗᖅ, ᐱᖁᔭᑎᑦ ᓯᖁᒥᑕᐅᓯᒪᓕᕐᒪᑕ.

ᐃᓐᖏᕈᑎᑦ 35:4

ᑲᓐᖑᓱᒃᑎᑕᐅᓕᕐᓕᑦ ᐅᐱᓐᓇᕈᓐᓃᕐᓗᑎᒡᓗ ᐅᕙᓐᓂᒃ ᑐᖁᑦᓯᔪᒪᔪᑦ; ᐅᑎᒧᑦ ᓵᑎᑕᐅᓕᑦ, ᓇᓗᓕᕐᑎᑕᐅᓗᑎᒡᓗ ᐅᕙᓐᓂᒃ ᐋᓐᓂᕐᓯᓇᓱᐊᕐᑐᑦ.

ᐃᓐᖏᕈᑎᑦ 56:8

ᕿᒫᖃᑦᑕᕐᓂᕐᒪ ᖃᑦᓯᐅᓂᖏᓐᓂᒃ ᖃᐅᔨᒪᕗᑎᑦ; ᖁᕝᕕᒃᑲ ᐊᓕᒍᖁᑎᖕᓄᑦ ᐴᒃᑭᑦ; ᐊᒡᓚᖁᑎᖕᓂ ᑎᑎᕋᕐᓯᒪᓐᖏᓛᑦ?

ᐃᓐᖏᕈᑎᑦ 59:5

ᐃᕝᕕᑦ, ᐊᑕᓃᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᑦ, ᐃᓴᕆᐊᓕᑎᑦ ᒎᑎᖓᑦ. ᑐᐸᒃᓗᑎᑦ ᓱᒋᐊᓚᐅᒃᑭᑦ ᐃᓅᖃᑎᒌᒡᔪᐊᓕᒫᑦ; ᐱᐅᖏᑦᑐᓕᔪᑦ ᓇᓪᓕᐊᓪᓘᓐᓃᑦ ᓂᑲᒋᖏᓪᓗᒋᑦ. ᓰᓚ

ᐂᓮᐊᓯᐅᑉ ᐊᒡᓚᖏᑦ 10:3

ᖃᓄᐃᓕᐅᕈᒫᕐᐱᓰ ᐅᓪᓗᒥ ᓱᒋᐊᕐᑕᐅᕕᖕᒥ? ᐊᓯᕈᐃᔪᒧᑦ ᑎᑭᑕᐅᓕᕈᑦᓯ ᐅᖓᓯᒃᑐᒥᑦ ᐱᔪᒧᑦ? ᑭᓇᒧᑦ ᕿᒫᓛᕐᐱᓰ ᐃᑲᔪᕐᑕᐅᔪᒪᓗᓯ? ᐊᔪᕐᓴᖏᑦᔪᑎᓯ ᓇᒧᑦ ᕿᒪᓛᕐᐱᓯᒋᑦ?

ᐂᓮᐊᓯᐅᑉ ᐊᒡᓚᖏᑦ 2:9

ᑍᒤᒻᒪᑦ ᐃᓄᐃᑦ ᒥᑭᒡᓕᑎᕐᑎᑕᐅᕗᑦ, ᐊᖑᑎᓪᓗ ᐊᑐᓂᑦ ᓱᓇᐅᔪᓐᓃᕐᑎᑕᐅᓪᓗᑎᒃ; ᑍᒤᒻᒪᑦ ᐳᐃᒍᕐᑍᓕᒃᑭᑦ!

ᔨᕆᒤᐊᐅᑉ ᐊᒡᓚᖏᑦ 11:23

ᐊᒥᐊᒃᑯᖃᕐᓂᐊᓐᖏᓚᓪᓗ, ᐊᓇᑑᑎᒥᐅᑦ ᐃᓄᖏᑦ ᐊᓯᕈᕐᑕᐅᓇᕐᑐᒧᑦ ᑎᑭᑕᐅᔪᒫᕐᐳᑦ, ᐊᕐᕌᒍᒥ ᓱᒋᐊᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ.”

ᔨᕆᒤᐊᐅᑉ ᐊᒡᓚᖏᑦ 15:15

“ᐊᑕᓃᖅ ᖃᐅᔨᒪᑦᓯᐊᕋᕕᑦ, ᐃᖅᑲᐅᒪᓗᖓ ᐅᐸᓚᐅᓐᖓ, ᐊᑭᕋᕐᑐᕐᑎᒃᑲ ᐊᑭᓂᐊᕐᕕᒋᓚᐅᒃᑭᑦ, ᕿᓄᐃᓵᕈᓐᓇᕐᓂᓐᓄᑦ ᐊᐅᓪᓚᕈᑦᔭᐅᑎᑦᑍᓕᓐᖓ; ᐅᖁᒤᒃᓴᕐᑎᑕᐅᓂᕋ ᐃᓕᖕᓂᒃ ᐱᑦᔪᑎᖃᕐᓂᖓ ᖃᐅᔨᒪᕙᑦ.

ᔨᕆᒤᐊᐅᑉ ᐊᒡᓚᖏᑦ 17:18

ᐊᑭᕋᕐᑐᕐᑎᒃᑲ ᑲᓐᖑᓇᕐᑐᒧᐊᕐᑎᒃᑭᑦ, ᑲᓐᖑᓇᕐᑐᒧᐊᕐᑎᓐᓇᖓ; ᓴᐱᓕᕐᑎᒃᑭᑦ ᓴᐱᕐᓇᕐᑐᒧᐊᕐᑎᓐᓇᖓ, ᐱᐅᖏᑦᑐᒧᑦ ᑎᑭᕝᕕᐅᑎᒃᑭᑦ; ᐊᓯᕈᒃᑭᑦ ᐊᓯᕈᕐᑕᐅᓇᕐᑐᒧᑦ ᒪᕐᕈᕕᓪᓗᐊᕐᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 17:4

ᐱᓂᐊᕐᓂᓯ ᒪᓕᒡᓗᒋᑦ ᑭᖑᕐᖑᑎᔭᒃᓴᓯ ᐊᓯᐅᔨᔪᒫᕐᐸᓯ ᑐᓂᓚᐅᕐᑕᒃᑲ ᐃᓕᑦᓯᓐᓄᑦ, ᐊᑭᕋᓯᓐᓂᒃ ᐱᔨᑦᓯᕐᑎᑦᓱᒫᕐᐸᓯ ᓄᓇᒥ ᑲᐅᔨᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᒪᑐᑦ ᐃᑯᐊᓪᓚᒃᑎᑕᐅᖕᒪᑦ ᐃᑯᐊᓚᔪᒫᕐᓗᓂᓗ ᐃᓱᖃᖏᑦᑐᒧᑦ.”

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 26:11

ᑐᓂᕐᕈᓯᕐᑎᑦᓯᔩᓪᓗ, ᓇᓚᐅᑦᑍᔪᓪᓗ, ᐊᖓᔪᖅᑳᓄᑦ ᐃᓄᖕᓄᓪᓗ ᐅᖃᕐᐳᑦ, “ᐅᓇ ᐊᖑᑦ ᑐᖁᑕᒃᓴᓐᖑᕐᑐᒃᓴᐅᕗᖅ, ᓄᓇᓕᖁᑎᕗᑦ ᐊᓯᕈᕐᑕᐅᓂᐊᕐᓂᕋᕐᓗᒋᑦ ᐅᖃᐅᓯᖃᕐᒪᑦ, ᓇᖕᒥᓂᕐᓗ ᐅᖃᐅᓯᕆᔭᖏᑦ ᑐᓴᕐᐸᓯ.”

ᔨᕆᒤᐊᐅᑉ ᐊᒡᓚᖏᑦ 26:8

ᔨᕆᒤᐊᓕ ᐅᖃᕇᑐᐊᕐᒪᑦ ᐃᓄᖕᓄᑦ ᐊᑕᓂᐅᑉ ᐅᖃᖁᔭᖏᓐᓂᒃ ᑎᒍᔭᐅᕗᖅ ᑐᓂᕐᕈᓯᕐᑎᑦᓯᔨᓄᓪᓗ ᓇᓚᐅᑦᑍᔪᓄᓪᓗ ᐃᓄᓕᒫᓄᓪᓗ, ᐅᖃᐅᑎᓪᓗᒍᓗ, “ᑐᖁᔪᒃᓴᐅᕗᑎᑦ!

ᔨᕆᒤᐊᐅᑉ ᐊᒡᓚᖏᑦ 37:15

ᔨᕆᒤᐊᓗ ᐊᑲᐅᒋᖏᒻᒪᕆᓕᕐᐹᑦ ᐋᓐᓂᕐᓯᕐᑕᐅᑎᓪᓗᒍᓗ ᑎᒍᔭᐅᓯᒪᕕᖕᒧᐊᕐᑕᐅᑎᑉᐹᑦ ᔫᓇᑕᓂᐅᑉ ᑎᑎᕋᕐᑎᐅᑉ ᐃᒡᓗᕈᓯᖓᓄᑦ, ᑖᓐᓇ ᐃᒡᓗᕈᓯᖅ ᑎᒍᔭᐅᓯᒪᕕᓐᖑᕐᑎᓯᒪᒐᒥᑦᔪᒃ.

ᔨᕆᒤᐊᐅᑉ ᐊᒡᓚᖏᑦ 38:4

ᐊᖓᔪᖅᑳᖑᔪᑦ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᑦ, “ᐃᓄᒃ ᑖᓐᓇ ᑐᖁᑕᐅᔪᒃᓴᐅᕗᖅ, ᐅᓇᑕᕐᑐᒃᓴᓂᒃ ᓴᐱᕐᓵᕆᖕᒪᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᓂᒃ, ᐃᓄᖕᓂᒡᓗ, ᐅᖃᐅᓯᕆᖃᑦᑕᕐᑕᒥᓄᑦ ᐃᓄᖕᓂᒃ ᐱᔪᓐᓇᕐᓯᑎᑦᓯᓇᓱᐊᖏᒻᒪᑦ ᓴᐱᓕᕐᑎᑦᓯᓇᓱᖔᕐᒪᓪᓕ.”

ᔨᕆᒤᐊᐅᑉ ᐊᒡᓚᖏᑦ 6:15

ᑲᓐᖑᓲᑎᖃᕐᐹᑦ ᑕᒪᒃᑯᓂᖓ ᓈᒻᒪᖏᑦᑐᓕᐅᕐᓂᕆᔭᒥᖕᓃᒃ? ᑍᒤᓐᖏᓚᑦ ᑲᓐᖑᓱᒍᓐᓁᓪᓕᕗᑦ, ᐊᐅᐸᓪᓕᕈᓐᓁᓪᓕᓪᓗᑎᒡᓘᓐᓃᑦ, ᑲᑕᒃᓯᒪᔪᓄᑦ ᑲᑕᖃᑕᐅᕕᒡᔪᐊᕐᓂᐊᕐᐳᑦ; ᓱᒋᐊᓕᕈᒃᑭᑦ, ᐃᒋᑕᐅᔪᒫᕐᐳᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 6:21

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᐃᓄᖁᑎᓐᓄᑦ ᐊᐳᕈᑎᒃᓴᖃᕐᑎᑦᓯᓂᐊᕐᐳᖓ ᐹᓪᓚᖁᓪᓗᒋᑦ, ᕿᑐᕐᖓᕇᓕᒫᑦ ᐊᐳᕈᑎᒃᓴᖃᕐᓂᐊᕐᐳᑦ, ᓯᓚᖅᑲᑎᒌᑦ ᐃᓚᓐᓈᕇᓪᓗ ᐊᓯᕈᕐᑕᐅᓂᐊᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 8:12

ᑲᓐᖑᓲᑎᖃᕐᐹᑦ ᓈᒻᒪᖏᑦᑐᓂᒃ ᐃᓕᖅᑯᓯᖃᕐᓂᕐᒥᖕᓃᒃ? ᐋᒃᑲ. ᑲᓐᖑᓱᖏᑦᓯᐊᕐᐳᑦ, ᐊᐅᐸᓪᓕᕆᐊᒃᓵᕐᓘᓐᓃᑦ ᓇᓗᓕᕐᐳᑦ, ᑲᑕᒃᓯᒪᔪᓄᑦ ᑲᑕᖃᑕᐅᓂᐊᕐᐳᑦ, ᓱᒋᐊᓕᕈᒃᑭᑦ ᓱᓇᐅᔪᓐᓃᕈᒫᕐᐳᑦ ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:60

ᖃᐅᔨᒪᓪᓗᑎᓪᓗ ᐊᑭᕋᕐᑐᕐᑎᒪ ᐅᓄᕐᓂᖏᓐᓂᒃ, ᑎᕐᓕᓈᕆᔪᒪᓪᓗᑎᒡᓗ ᐋᖅᑭᒃᓱᐃᓯᒪᕙᖕᓂᖏᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:61

ᐊᑕᓃᖅ ᐊᑭᕋᕐᑐᕋᓱᖕᓂᖏᑦ ᑐᓴᕐᓯᒪᒐᕕᒋᑦ, ᑎᕐᓕᓈᕆᓪᓗᑎᒡᓗ ᐱᓂᕐᓗᐃᓇᓱᐊᖃᑦᑕᖕᓂᖏᑦ.

ᓘᑲᓯᐅᑉ ᐊᒡᓚᖏᑦ 21:22

ᑖᒃᑯᐊ ᐅᓪᓗᐃᑦ ᓱᒋᐊᕐᑕᐅᕕᐅᖕᒪᑕ, ᐊᒡᓚᖕᓂ ᐅᖃᐅᓯᐅᓯᒪᔪᓕᒫᑦ ᓇᓚᐅᓯᖁᓪᓗᒋᑦ.

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.