ᔨᕆᒤᐊᐅᑉ ᐊᒡᓚᖏᑦ 18:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 18:18 Iomraidhean Croise

ᓴᒧᐃᓕ ᐂᑉᐸᖏᑦ 15:31

ᑍᕕᑎ ᐅᖃᐅᑦᔭᐅᒐᒥ ᐊᕼᐃᑐᐱᐅᓪ ᐃᓚᓕᐅᑎᓂᖓᓂᒃ ᐋᑉᓴᓚᐅᑉ ᐊᑭᕋᕐᑐᓕᕐᓂᖓᓄᑦ, ᑐᒃᓯᐊᓚᐅᕐᐳᖅ, “ᐊᑕᓃᖅ, ᐃᓕᖕᓄᑦ ᑐᒃᓯᐊᕐᐳᖓ, ᐊᕼᐃᑐᐱᐅᑉ ᐃᓱᒪᓕᐅᕆᓂᖓ ᑐᑭᖃᕈᓐᓃᕐᑎᓚᐅᕈᒃ!”

ᓴᒧᐃᓕ ᐂᑉᐸᖏᑦ 17:14

ᐋᑉᓴᓚᒻ ᐃᓴᕆᐊᓕᒥᐅᓕᒫᓪᓗ ᐅᖃᕐᐳᑦ, “ᕼᐅᓮᑉ ᐊᑬᑎᒥᐅᑕᐅᑉ ᐃᓱᒻᒥᕐᑐᐃᑦᔪᑎᒋᔭᖓ ᐱᐅᓂᕐᓴᐅᕗᖅ ᐊᕼᐃᑐᐱᐅᑉ ᐃᓱᒻᒥᕐᓱᐃᑦᔪᑎᖏᓐᓂᑦ.” ᐊᑕᓂᖅ ᐱᒋᐊᕐᑎᑦᓯᓚᐅᕐᒪᑦ ᐊᕼᐃᑐᐱᓕᐅᑉ ᐃᓱᒻᒥᕐᑐᐃᒍᑎᒋᔭᖓ ᐱᐅᔪᐊᓗᒃ ᒪᓕᒃᑕᐅᖁᓇᒍ, ᑲᑕᖕᓇᕐᑐᒧᑦ ᑎᑭᑎᑦᓯᔪᓐᓇᖁᓪᓗᒍ ᐋᑉᓴᓚᒻᒧᑦ.

ᐊᑕᓃᑦ ᓯᕗᓪᓖᑦ 22:24

ᔨᑎᑬᐊᓕ ᓯᓈᓇᐅᑉ ᐃᕐᓂᖓ ᒤᑬᐊᒧᑦ ᐂᕗᖅ ᐸᑎᒃᓗᓂᐅᒡᓗ ᐅᓗᐊᖓᒍᑦ, ᐅᖃᕐᐳᖅ, “ᖃᓄᖅ ᐊᑕᓂᐅᑉ ᐊᓂᕐᓂᖓ ᐅᕙᓐᓂᑦ ᐊᓂᓪᓗᓂ ᐃᓕᖕᓂᒃ ᐅᖃᕐᑎᑦᓯᖔᓕᕐᐹ?”

ᑯᕉᓂᑲ ᐂᑉᐸᖏᑦ 24:21

ᑖᑦᓱᒥᖓᓕ ᐊᑭᕋᕐᑐᓕᕐᐳᑦ, ᐊᖓᔪᖅᑲᕐᔪᐊᓪᓗ ᑎᓕᓯᓂᖓ ᒪᓕᒡᓗᒍ ᒥᓪᓗᕐᐹᑦ ᐊᑕᓂᐅᑉ ᐃᒡᓗᖓᑕ ᓯᓚᓪᓕᐅᔭᖓᓂᑦ.

ᔫᐱᐅᑉ ᐊᒡᓚᖏᑦ 5:13

ᓯᓚᑐᓇᓱᒃᑐᑦ ᐱᓇᓱᐊᕋᓱᒃᑕᖏᑎᒍᑦ ᓄᖅᑲᕐᑎᖃᑦᑕᕐᐰᑦ; ᐱᓇᓱᐊᕋᓱᒃᑕᖏᓪᓗ ᓄᖅᑲᕐᑎᖃᑦᑕᕐᐰᑦ ᐱᓐᖏᓯᕐᑐᕋᓱᒃᑐᑦ.

ᐃᓐᖏᕈᑎᑦ 21:11

ᐃᓱᒪᓕᐅᖃᑎᒌᓚᐅᕐᒪᑕ ᐱᐅᖏᑦᑐᒥᒃ ᐱᓂᐊᕈᒪᓪᓗᑎᒃ ᐃᓕᖕᓄᑦ; ᐃᓱᒪᓕᐅᖃᑎᒌᓯᒪᕗᑦ ᑲᔪᓯᑎᑦᓱᓐᓇᓐᖏᑕᒥᖕᓂᒃ.

ᐃᓐᖏᕈᑎᑦ 52:2

ᐅᖃᓯ ᐋᖅᑭᒃᓱᐃᕗᑦ ᐊᓯᕈᐃᓂᕐᒥᒃ ᐃᐱᒃᑐᑐᑦ ᐅᓐᖏᔭᐅᑎᑐᑦ, ᐅᐃᕕᕆᒃᓯᓂᕐᒥᒃ ᐱᓇᓱᐊᕐᐳᓯ.

ᐃᓐᖏᕈᑎᑦ 57:4

ᓛᔭᑦ ᐊᑯᓐᓂᖓᓂ ᓇᓚᕗᖓ ᐃᓄᐃᑦ ᕿᑐᕐᖓᖏᑕ ᐊᑯᕐᖓᓐᓂ ᓛᔭᑎᑐᑦ ᑳᒃᑐᑎᑐᑦ; ᑖᒃᑯᐊ ᑭᒍᑎᖃᕐᐳᑦ ᓇᐅᒃᑯᑎᓂᒃ ᖃᕐᔪᓂᒡᓗ, ᐅᖃᖃᕐᐳᓪᓗ ᓴᕕᒡᔪᐊᓂᒃ ᐃᐱᒃᑐᓂᒃ.

ᐃᓐᖏᕈᑎᑦ 64:3

ᐅᖃᕐᒥᖕᓂᒃ ᐃᐱᒃᓮᕗᑦ ᓴᕕᒡᔪᐊᑎᑐᑦ, ᐅᖃᐅᓯᕐᒥᖕᓂᒃ ᐋᖅᑭᒃᓱᐃᕗᑦ ᐱᑎᒃᓯᒧᑦ ᑐᕌᕐᑎᑎᕐᑐᑎᑐᑦ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:21

ᑐᖁ ᐃᓅᓯᕐᓗ ᐅᖃᐅᑉ ᐱᔪᓐᓇᕐᓂᖓᓃᑉᐳᑦ, ᐅᖃᕐᒥᖕᓂᒃ ᐱᓪᓗᐊᑕᓖᑦ ᐱᕈᕐᑎᑕᖏᓐᓂᒃ ᓂᕿᖃᕐᓂᐊᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 32:7

ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 1:19

ᑖᒃᑯᐊ ᐅᓇᑕᕈᒫᕐᐹᑎᑦ; ᓵᓚᒋᔭᐅᓂᐊᓐᖏᓚᑎᓪᓕ, ᐅᕙᖓ ᐱᖃᑎᒋᓂᐊᕋᒃᑭᑦ ᓴᐳᑎᓯᒪᓗᑎᑦ. ᐅᕙᖓ ᐊᑕᓂᐅᔪᖓ ᐅᖃᕐᐳᖓ ᑕᒪᑐᒥᖓ.”

ᔨᕆᒤᐊᐅᑉ ᐊᒡᓚᖏᑦ 11:19

ᖃᐅᔨᒪᓇᖓᓕ ᓄᕐᕋᐅᔭᕐᑎᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᓕᕐᑐᑎᑐᑦ ᑍᒤᓚᐅᕐᐳᖓ. ᖃᐅᔨᒪᓚᐅᓐᖏᓚᖓ ᐋᖅᑭᒃᓱᐃᓯᒪᔪᕕᓂᐅᓕᕐᑎᓪᓗᒋᑦ ᑐᖁᑦᓯᔪᒪᓪᓗᑎᒃ ᐅᕙᓐᓂᒃ, ᐅᖃᕐᓗᑎᒃ, “ᓇᐹᕐᑐᖅ ᐊᓯᕈᓚᐅᕐᓚᕗᑦ ᐱᕈᕐᑐᖏᓪᓗ ᐆᒪᔪᑦ ᓄᓇᖓᓂᑦ ᓇᑲᓚᐅᕐᓚᕗᑦ, ᐊᑎᖓᓗ ᐃᖅᑲᐅᒪᔭᐅᔪᓐᓁᖁᓪᓗᒍ.”

ᔨᕆᒤᐊᐅᑉ ᐊᒡᓚᖏᑦ 18:11

ᑍᒤᒻᒪᑦ, ᔫᑕᐅᑉ ᔨᕉᓴᓕᐅᓪᓗ ᐃᓄᖏᑦ ᐅᖃᐅᑎᒃᑭᑦ, ᐃᒫᒃ ᑕᕝᕙ ᐊᑕᓂᖅ ᐅᖃᕐᐳᖅ, ‘ᑕᑯᒋᑦ, ᑲᑉᐱᐊᓇᕐᑐᒥᒃ ᑎᑭᑦᑐᒃᓴᒥᒃ ᐃᓕᑦᓯᓐᓄᑦ ᐋᖅᑭᒃᓱᐃᓕᕐᐳᖓ, ᖃᓄᐃᓕᒋᐊᕈᑎᒃᓴᓂᒡᓗ ᐅᐸᓗᖕᒊᔭᕐᓗᖓ, ᐱᐅᖏᑦᑐᓕᓂᑦᓯᓐᓂᑦ ᓵᒋᐊᓕᕆᑦᓯ ᐊᖅᑯᑎᑦᓯᓐᓂᑦ ᐱᓂᐊᕐᓂᓯᓗ ᐋᖅᑭᒋᐊᓕᕐᓯᐅᒃ.’

ᔨᕆᒤᐊᐅᑉ ᐊᒡᓚᖏᑦ 18:19

ᑕᕝᕙ ᑐᒃᓯᐊᓕᕐᐳᖓ, “ᐊᑕᓃᖅ ᓈᓚᓚᐅᓐᖓ, ᐅᕙᓐᓂᒃ ᐸᓯᔭᒃᓴᓐᖑᕐᑎᑦᓯᓇᓱᐊᕐᑐᑦ ᐅᖃᐅᓯᖏᑦ ᑐᓵᓚᐅᒃᑭᑦ!

ᔨᕆᒤᐊᐅᑉ ᐊᒡᓚᖏᑦ 2:8

ᑐᓂᕐᕈᓯᕐᑎᑦᓯᔩᓪᓗ ᑐᑭᓯᓇᓱᓚᐅᓐᖏᓚᑦ, ‘ᐊᑕᓂᖅ ᓇᓃᒻᒪᖔᑦ?’ ᐱᖁᔭᓂᒡᓗ ᐱᓇᓱᐊᕐᐸᒃᑑᒐᓗᐊᑦ ᐅᕙᓐᓂᒃ ᖃᐅᔨᒪᓚᐅᓐᖏᓚᑦ; ᓯᕗᓕᕐᑎᐅᔪᓪᓗ ᐅᕙᓐᓂᒃ ᐊᑭᕋᕐᑐᓚᐅᕐᐳᑦ, ᓇᓚᐅᑦᑍᔩᓪᓗ ᐰᓕᒧᑦ ᓇᓚᐅᑦᑍᔨᒋᔭᐅᓕᕐᓗᑎᒃ, ᒪᓕᒃᑲᒥᒃ ᒎᑎᓐᖑᐊᓂᒃ ᐊᑑᑎᒃᓴᖃᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᔨᕆᒤᐊᐅᑉ ᐊᒡᓚᖏᑦ 26:11

ᑐᓂᕐᕈᓯᕐᑎᑦᓯᔩᓪᓗ, ᓇᓚᐅᑦᑍᔪᓪᓗ, ᐊᖓᔪᖅᑳᓄᑦ ᐃᓄᖕᓄᓪᓗ ᐅᖃᕐᐳᑦ, “ᐅᓇ ᐊᖑᑦ ᑐᖁᑕᒃᓴᓐᖑᕐᑐᒃᓴᐅᕗᖅ, ᓄᓇᓕᖁᑎᕗᑦ ᐊᓯᕈᕐᑕᐅᓂᐊᕐᓂᕋᕐᓗᒋᑦ ᐅᖃᐅᓯᖃᕐᒪᑦ, ᓇᖕᒥᓂᕐᓗ ᐅᖃᐅᓯᕆᔭᖏᑦ ᑐᓴᕐᐸᓯ.”

ᔨᕆᒤᐊᐅᑉ ᐊᒡᓚᖏᑦ 37:13

ᑭᓯᐊᓂᓕ ᐱᓐᔭᒥᓂᒥᒃ ᐊᑎᖃᕐᑐᒃᑯᑦ ᐃᑎᕐᑕᕐᕕᒃᑯᑦ ᐊᓂᔭᕐᑐᓕᕐᑎᓪᓗᒍ, ᐅᓇᑕᕐᑏᑦ ᖃᐅᔨᓴᕐᑎᐅᔪᑦ ᐊᖓᔪᖅᑳᖓᑦᑕ ᐂᕅᐊᐅᑉ ᓯᓕᒤᐊᐅᑉ ᐃᕐᓂᖓᑕ, ᕼᐊᓇᓁᐊᐅᑉ ᑭᖑᕚᖓᑕ ᔨᕆᒤᐊ ᑎᒍᕚ, ᐅᖃᐅᑎᓪᓗᒍᓗ, “ᑲᐅᓪᑎᐊᒥᐅᓄᑦ ᕿᒫᓇᓱᐊᕐᐳᑎᑦ!”

ᔨᕆᒤᐊᐅᑉ ᐊᒡᓚᖏᑦ 43:2

ᐊᔭᕅᐊᐅᑉ ᕼᐅᓮᐊᐅᑉ ᐃᕐᓂᖓᑕ, ᔪᕼᐋᓇᓂᐅᓪᓗ ᑲᕆᐊᑉ ᐃᕐᓂᖓᑕ ᐊᓯᖏᑕᓗ ᐊᔪᖏᑦᑑᓐᓇᓱᒋᔪᑦ ᔨᕆᒤᐊ ᐅᖃᐅᑎᕚᑦ, “ᓱᓕᖏᑦᑐᓂᒃ ᐅᖃᕐᐳᑎᑦ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑎᓕᓐᖏᓛᑎᑦ ᐅᖃᕐᑎᑦᓴᕐᑐᕐᓗᑎᑦ ᐄᑦᔨᑉᑎᒥ ᓄᓇᖃᖁᖏᓪᓗᑕ.

ᔨᕆᒤᐊᐅᑉ ᐊᒡᓚᖏᑦ 44:16

“ᐊᑕᓂᐅᑉ ᐊᑎᖓᓂ ᐅᖃᐅᓯᕆᔭᑎᑦ ᓈᓚᖕᓂᐊᓐᖏᓚᕗᑦ,

ᔨᕆᒤᐊᐅᑉ ᐊᒡᓚᖏᑦ 44:17

ᐊᖏᕈᑎᒋᓚᐅᕐᑕᓕᒫᑦᑎᓐᓂᒃ ᐱᓇᓱᐊᕐᓂᐊᕐᐳᒍᑦ, ᐆᓯᒪᔪᓂᒃ ᑐᓂᕐᕈᓯᖃᑦᑕᕐᓂᐊᕐᐳᒍᑦ ᕿᓚᐅᑉ ᑯᐃᖓᓄᑦ, ᑯᕕᓯᕕᒋᕙᒡᓗᒍᓗ ᑐᓂᕐᕈᑎᓂᒃ ᐃᒥᕐᑕᐅᔪᒃᓴᓂᒃ; ᓲᕐᓗᑦᑕᐅᖅ ᓯᕗᓕᕕᓂᕗᑦ ᐊᖓᔪᖅᑳᕐᔪᐊᕆᔭᕗᓪᓗ ᐊᖓᔪᖅᑳᖁᑎᕗᓪᓗ ᑍᒤᓕᐅᕐᐸᓚᐅᕐᒪᑕ ᔫᑕᒥ ᔨᕉᓴᓕᒥᓗ, ᑍᑦᓱᒪᓂ ᓂᕿᒃᓴᖃᑦᓯᐊᕐᐸᓚᐅᕐᐳᒍᑦ ᐊᔪᕐᓴᕐᓇᕐᑐᕐᓯᐅᕋᑕᓗ ᐱᐅᖏᑦᑐᓂᒡᓗ ᑕᑯᓚᐅᕐᓇᑕ.

ᔨᕆᒤᐊᐅᑉ ᐊᒡᓚᖏᑦ 8:8

ᖃᓄᖅ ᐅᖃᕈᓐᓇᕐᐱᓰ? ᓯᓚᑐᓂᕋᕐᓗᓯ ᐊᑕᓂᐅᑉ ᐱᖁᔭᖏᓐᓂᒃ ᓇᔪᕐᑎᖃᕐᓂᑦᓯᓐᓄᑦ, ᑕᑯᒋᑦ, ᐊᒡᓚᖕᓂᒃ ᐃᓕᓯᒪᔪᖁᑎᓯ ᓱᓕᖏᑦᑐᒥᒃ ᐱᓇᓱᐊᕈᑎᖃᓕᕐᑎᓪᓗᒌᑦ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:62

ᐅᓪᓗᓕᒫᖅ ᖃᓄᐃᓕᓗᑎᒃ ᓱᒃᑯᐃᒐᔭᕐᒪᖔᕐᒥᒃ ᑐᑭᑖᕋᓱᐊᖃᑦᑕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 7:26

ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᓇᓪᓕᐅᑎᖃᑦᑕᕈᒫᕐᐳᑦ, ᑐᓴᐅᒪᑐᐃᓐᓇᕐᓂᒃᑯᑦ ᑐᓴᕐᑎᑦᓯᓃᑦ ᑭᖑᓕᕇᒃᑕᕈᒫᕐᐳᑦ; ᒎᑎᐅᓪᓗ ᐱᔪᒫᕐᑐᒃᓴᓂᒃ ᐅᖃᕐᑎᖏᑕ ᑕᑯᑎᑕᐅᓂᖏᓐᓂᒃ ᕿᓂᖃᑦᑕᕈᒫᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐊᓯᐅᔨᔪᒫᕐᐳᑦ, ᐃᓄᑐᖃᐅᔪᓪᓗ ᐅᖃᐅᑦᔨᒋᐊᕈᑎᒃᓴᖃᕈᓐᓁᕐᓗᑎᒃ.

ᒨᓯᓯ ᐱᖓᔪᖏᑦ 10:11

ᐃᓴᕆᐊᓕᒥᐅᓕᒫᑦ ᐃᓕᓐᓂᐊᕐᑎᑦᓴᕆᐊᖃᕐᐸᓯ ᐊᑕᓂᐅᑉ ᐱᖁᔭᖏᓐᓂᒃ ᒨᓯᓯᒃᑯᑦ ᑐᓂᔭᖏᓐᓂᒃ.”

ᒤᑲᐅᑉ ᐊᒡᓚᖏᑦ 3:6

‘ᑍᒤᒻᒪᑦ ᐅᓐᓄᐊᕐᓯᐅᕐᑐᑐᑦ ᐱᔪᒫᕐᐳᑦ ᑕᑯᑎᑕᐅᓃᑦ ᐱᓪᓗᒋᑦ ᓇᓚᐅᑦᓯᓇᓱᐊᕐᐸᒃᑐᓪᓗ ᐅᓐᓄᐊᕐᓯᐅᕐᑐᑐᑦ ᑍᒤᑦᓱᒫᕐᐳᑦ, ᐅᓪᓗᑐᑦ ᑖᕐᓯᔪᑐᑦ ᑍᒤᑦᓱᒫᕐᒪᑦ.’

ᒤᑲᐅᑉ ᐊᒡᓚᖏᑦ 3:7

ᓇᓚᐅᑦᑍᕙᒃᑐᑦ ᑲᓐᖑᓱᒃᑎᑕᐅᔪᒫᕐᐳᑦ, ᓯᕗᓂᒃᓴᓕᕆᕙᒃᑐᓪᓗ ᓇᓗᓕᕐᑎᑕᐅᓗᑎᒃ ᑮᓇᕐᒥᓂᒃ ᐅᓕᒃᓯᔪᒫᕐᐳᑦ, ᒎᑎᐅᑉ ᑭᐅᔪᓐᓁᓪᓕᔪᒫᕐᒪᒋᑦ.

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᓘᑲᓯᐅᑉ ᐊᒡᓚᖏᑦ 11:45

ᐱᖁᔭᓂᒃ ᐃᓕᓮᔩᑦ ᐃᓚᖓᑦᑕ ᐅᖃᐅᑎᕚ, “ᑍᒫᒃ ᐅᖃᕐᑎᓪᓗᑎᑦ, ᐅᕙᑦᑎᓐᓂᒃ ᓇᕐᕈᓇᕐᑎᑦᓯᒋᕗᑎᑦ!”

ᔪᐊᓇᓯᐅᑉ ᐊᒡᓚᖏᑦ 9:40

ᐹᕆᓯᓪᓕ ᑕᕝᕙᓃᑦᑐᑦ ᐃᓚᖏᑦ, ᑕᒪᑐᒥᖓ ᐅᖃᕐᑎᓪᓗᒍ ᑐᓴᕋᒥᒃ ᐅᖃᐅᑎᕚᑦ, “ᑕᐅᑐᖏᓐᓂᕕᑖ?”