ᔨᕆᒤᐊᐅᑉ ᐊᒡᓚᖏᑦ 18:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᓄᓇᖓ ᐊᑐᕐᑐᒃᓴᐅᔪᓐᓃᕐᓂᐊᕐᐳᖅ, ᓄᓇᒋᔭᐅᔭᕆᐊᒃᓴᖅ ᓇᕐᕈᒋᔭᐅᓕᕐᓗᓂ. ᐊᖅᑯᓵᕐᑐᓕᒫᑦ ᑲᒪᓂᐊᖃᑦᑕᕈᒫᕐᐳᑦ ᐃᓕᕿᑕᒫᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 18:16 Iomraidhean Croise

ᐊᑕᓃᑦ ᓯᕗᓪᓖᑦ 9:8

ᐅᓇ ᑐᒃᓯᐊᕐᕕᒡᔪᐊᖅ ᓱᕋᒃᓯᒪᓕᕐᓗᓂ ᓯᖁᒥᓯᒪᓕᕈᒪᕐᐳᖅ, ᐃᓄᓕᒫᑦ ᑖᑦᓱᒥᖓ ᑕᑯᔪᕕᓃᑦ ᖁᐊᕐᓵᕐᓗᑎᒡᓗ ᑲᒪᓂᐊᕈᒫᕐᐳᑦ ᐅᖃᕐᓗᑎᒡᓗ, ‘ᖃᓄᐊᓗᒃ ᐊᑕᓂᖅ ᑍᒤᓕᐅᕐᐸ ᑕᕝᕗᖓ ᓄᓇᒧᑦ ᐅᕗᖓᓗ ᑐᒃᓯᐊᕐᕕᒡᔪᐊᒧᑦ?’

ᑯᕉᓂᑲ ᐂᑉᐸᖏᑦ 29:8

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᑎᑭᑉᐳᖅ ᔫᑕᒧᑦ ᔨᕉᓴᓕᒧᓪᓗ, ᐃᓱᐊᖏᑦᑐᑦ ᑲᑉᐱᐊᓇᕐᑐᓪᓗ ᑖᒃᑯᓄᖓ ᑎᑭᑎᓚᐅᕐᐰᑦ, ᑕᑕᒥᓐᓇᕐᑐᑦ, ᒥᑕᐅᑎᒋᔭᐅᓇᕐᑐᑦ ᑕᑯᓯᒪᔭᓯ ᓇᖕᒥᓂᖅ ᐃᔨᑦᓯᓐᓄᑦ.

ᐃᓐᖏᕈᑎᑦ 109:25

ᐊᑭᕋᕐᑐᕐᑎᒃᑲ ᐅᕙᓐᓂᒃ ᑕᑯᓴᕐᑐᑦ ᒥᑕᐅᑎᒃᓴᕐᐳᑦ; ᓂᐊᖁᕐᒥᖕᓂᒃ ᐃᓕᕿᓴᒫᕐᓗᑎᒃ.

ᐃᓐᖏᕈᑎᑦ 22:7

ᐅᕙᓐᓂᒃ ᑕᑯᔪᑦ ᑕᒪᕐᒥᒃ ᐃᔪᕆᕚᖓ ᒥᑕᐅᑎᒋᓪᓗᖓ; ᖃᓂᕐᒥᖕᓄᓪᓗ ᐅᖃᕐᓂᕐᓗᒡᕕᒋᕚᖓ, ᐃᓕᕿᑕᒫᕐᓗᑎᒡᓗ, ᐅᖃᕐᐳᑦ,

ᐃᓐᖏᕈᑎᑦ 44:14

ᐃᔪᕆᔭᒃᓴᓐᖑᕐᐳᒍᑦ ᐃᓅᖃᑎᒌᒡᔪᐊᓄᑦ, ᐃᓕᕿᑕᒫᕈᑕᐅᓕᕐᓗᑕᓗ ᒥᑕᐅᑕᐅᓂᕐᒧᑦ ᐃᓄᖕᓄᑦ.

ᐂᓮᐊᓯᐅᑉ ᐊᒡᓚᖏᑦ 37:22

ᐊᑕᓂᖅ ᐃᒫᒃ ᐅᖃᕐᐳᖅ ᓯᓇᑭᕆᑉ ᐱᓪᓗᒍ: ‘ᐅᐃᒡᒐᓲᑉ ᓮᐅᓂᐅᑉ ᐸᓂᖓᑕ; ᐆᒥᒋᕚᑎᑦ, ᒥᑕᐅᑎᒋᓪᓗᑎᓪᓗ; ᐃᓕᕿᑕᒫᕐᓗᓂᓗ ᑐᓄᖕᓂ ᔨᕉᓴᓕᐅᑉ ᐸᓂᖓ.

ᐂᓮᐊᓯᐅᑉ ᐊᒡᓚᖏᑦ 6:11

ᑕᕝᕙ ᐅᖃᕐᐳᖓ, “ᐊᑕᓃᖅ, ᖃᓄᖅ ᑕᒪᓐᓇ ᐊᑯᓂᐅᑎᒋᔭᕆᐊᖃᕐᐹ?” ᑭᐅᕚᖓᓗ ᐅᖃᕐᓗᓂ: “ᐃᒡᓗᒐᓴᒡᔪᐊᑦ ᓯᖁᒥᑦᓯᐊᕐᐸᑕ ᑭᓯᐊᓂ ᐃᓄᖃᕈᓐᓃᕐᓗᑎᒡᓗ, ᐃᒡᓗᐃᓪᓗ ᐃᓄᖃᕈᓐᓃᕐᐸᑕ, ᓄᓇᖓᓪᓗ ᐃᓄᖃᕈᓐᓃᑦᓯᐊᕐᐸᑦ.

ᔨᕆᒤᐊᐅᑉ ᐊᒡᓚᖏᑦ 19:8

ᑖᒃᑯᐊ ᐃᒡᓗᒐᓴᒡᔪᐊᑦ ᓱᕋᒃᑕᐅᑎᓐᓂᐊᕐᐸᒃᑲ ᓇᕐᕈᒋᔭᒃᓴᓐᖑᕐᑎᓪᓗᒋᓪᓗ; ᐊᖅᑯᓵᕐᑐᓪᓗ ᑲᒪᓂᐊᕐᓗᑎᒃ ᓱᕋᒃᑎᕐᓯᒪᓂᖓᓂᒃ ᖁᐊᕐᓵᖓᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 29:18

ᐅᓇᑕᕐᑕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᖃᕐᑎᑦᓯᓗᖓᓗ ᐋᓐᓂᐊᓇᕐᑐᖃᕐᑎᑦᓯᓂᐊᕐᐳᖓ ᐃᓅᖃᑎᒌᒡᔪᐊᓄᓪᓗ ᑲᑉᐱᐊᓲᑕᐅᓂᐊᕐᐳᑦ ᑕᒪᒃᑯᐊ ᑕᑯᔭᐅᓕᕈᑎᒃ ᑍᒃᑯᓄᖓ ᑎᑭᑎᒃᑯᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 42:18

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑍᒫᒃᑕᐅᖅ ᔨᕉᓴᓕᒥᐅᓄᑦ ᓂᓐᖓᕕᒡᔪᐊᕐᓂᕋ ᓴᖅᑭᑎᓚᐅᕋᒃᑯ, ᐃᓕᑦᓯᓐᓄᑦᑕᐅᖅ ᓴᖅᑭᑎᑦᓱᓐᓇᕆᕙᕋ ᐄᑦᔨᑉᑎᒧᐊᕐᓂᐊᕈᑦᓯ. ᑕᑯᔪᒥᓇᕐᑑᔪᒫᓐᖏᓚᓯ ᐃᓄᖕᓄᓪᓗ ᒥᑕᐅᑎᒋᔭᒃᓴᐅᔪᒫᕐᐳᓯ ᐅᖃᕐᓂᕐᓘᑎᒃᓴᐅᓗᓯᓗ, ᓄᓇᓯᓗ ᑕᒪᓐᓇ ᑕᑯᒃᑲᓐᓂᕈᓐᓇᕈᒫᓐᖏᓚᓯᐅᒃ.”

ᔨᕆᒤᐊᐅᑉ ᐊᒡᓚᖏᑦ 44:12

ᔫᑕᒥᐅᑦ ᐊᒥᐊᒃᑯᖏᑦ ᐄᑦᔨᑉᑎᒥ ᓄᓇᖃᕆᐊᕐᑐᕐᓯᒪᔪᑦ ᓄᖑᓐᓂᐊᕐᐸᒃᑲ ᐃᓘᓐᓇᑎᒃ ᐄᑦᔨᑉᑎᒦᓕᕋᓗᐊᕐᑎᓪᓗᒋᑦ ᑐᖁᕋᕈᒫᕐᐳᑦ, ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ, ᒥᑭᓐᓂᕐᐹᒥᑦ ᐱᔪᓐᓇᕐᓂᕐᐹᑦ ᑎᑭᓪᓗᒋᑦ, ᑐᖁᑕᐅᔪᒫᕐᐳᑦ ᐅᓇᑕᕐᑐᒃᓴᓄᑦ ᑳᖕᓇᕐᑐᕐᔪᐊᒧᓪᓗ, ᐅᖃᕐᓂᕐᓘᑎᒃᓴᓐᖑᕈᒫᕐᐳᑦ ᑕᑯᒥᓁᑦᑑᓗᑎᒡᓗ ᐃᒋᑕᒃᓴᐅᓂᐊᕐᐳᑦ ᐸᓯᔭᒃᓴᐅᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 48:27

ᐃᓴᕆᐊᓕᒥᐅᑦ ᑍᒫᒃᑕᐅᖅ ᒥᑕᐅᑎᒋᔭᐅᑎᓚᐅᓐᖏᓚᑏᑦ? ᑎᒡᓕᒃᑎᓄᓪᓗ ᐱᔭᐅᑎᓪᓗᒋᑦ, ᐃᓕᕿᑕᒫᕐᓗᑎᓪᓗ ᐅᖃᐅᓯᕆᓕᕌᖓᕕᒋᑦ ᐱᕙᓚᐅᓐᖏᓚᑏᑦ?

ᔨᕆᒤᐊᐅᑉ ᐊᒡᓚᖏᑦ 49:13

ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᐳᔾᕋᒥᐅᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᑕᑯᒥᓁᑦᑐᕐᔪᐊᖑᓕᕐᓗᑎᒃ, ᐸᓯᔭᒃᓴᐅᔪᒫᕐᐳᑦ ᐅᖃᕐᓂᕐᓘᑎᒃᓴᐅᓕᕐᓗᑎᒡᓗ, ᓄᓇᓕᖁᑎᓕᒫᖏᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 49:17

“ᐄᑐᒥᒥᐅᑦ ᑕᑯᒥᓁᑦᑐᕐᔪᐊᓐᖑᕈᒫᕐᐳᑦ, ᐊᖅᑯᓵᕐᑐᑦ ᒥᑕᐅᑎᒃᓴᕐᐸᒍᒫᕐᐳᑦ ᑕᑯᔭᒥᖕᓂᒃ, ᑖᑦᓱᒪ ᓯᖁᑦᑎᕐᓯᒪᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 50:13

ᐊᑕᓂᕐᒧᑦ ᓂᓐᖓᒡᕕᐅᓯᒪᓂᕐᒥᖕᓄᑦ ᐃᓄᖃᕈᓐᓃᕈᒫᕐᐳᑦ ᓱᓇᖃᕈᓐᓃᕐᓗᓂᓗ, ᐹᐱᓘᓂᒥᒃ ᐊᖅᑯᓵᕐᑐᑦ ᑕᒪᕐᒥᒃ ᑲᒪᓂᐊᕈᑎᒋᔪᒫᕐᐹᑦ ᑲᑉᐱᐊᓲᑎᒋᓗᒍᓗ ᓱᕋᒃᓯᒪᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 51:37

ᐹᐱᓘᓂᒥᐅᑦ ᖃᑦᑎᒃᓯᓯᒪᓕᕈᒫᕐᐳᑦ ᓄᓇᓕᕕᓂᑐᐃᓐᓇᐅᓕᕈᑎᒃ, ᑎᕆᒐᓂᐊᖓᔪᓄᑦ ᐃᓂᐅᓕᕐᓂᐊᕐᐳᖅ ᑕᑯᒥᓁᑦᑐᕐᔪᐊᖑᔪᒫᕐᐳᖅ, ᐃᓄᖃᖏᓪᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 51:43

ᓄᓇᓕᖁᑎᖏᑦ ᓱᓁᕈᑎᔪᒫᕐᐳᑦ, ᐸᓂᕐᓗᑎᒃ ᓯᐅᕋᕐᔪᐊᑎᑐᑦ ᑍᒤᓕᕐᓗᑎᒃ ᓄᓇᖃᕐᕕᐅᔪᓐᓃᕐᓗᑎᒡᓗ, ᐃᖏᕐᕋᔪᓄᓪᓗ ᐊᖅᑯᑎᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:12

ᐊᖅᑯᓵᕐᑐᓄᑦ ᐅᑦᔨᕆᔭᐅᔪᓐᓇᓐᖏᓚᖓ, ᑕᑯᓚᐅᕆᑦᓯ ᐋᓐᓂᐊᓂᒃᑲ, ᐋᓐᓂᐊᔪᓄᑦ ᐊᑦᔨᐅᓇᓱᒋᒐᑦᓯᐅᒃ? ᐊᑕᓂᐅᑉ ᓂᓐᖓᖕᓂᕐᒥᓄᑦ ᓱᒋᐊᕐᓯᓂᕆᔭᖓ ᐅᕙᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 12:19

ᐃᓄᐃᑦ ᑕᕝᕙᓂ ᓄᓇᓖᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ ᔨᕉᓴᓕᒥᐅᑦ ᐱᑦᔪᑎᒋᓪᓗᒋᑦ ᐃᓴᕆᐊᓕᒥ ᓄᓇᓖᑦ: ᓂᕆᔪᒫᕐᐳᑦ ᑲᑉᐱᐊᓱᒡᓗᑎᒃ, ᐃᒥᕈᒫᕐᐳᓪᓗ ᐃᓱᒪᔮᕐᓗᑎᒃ, ᓄᓇᖓᑦ ᓱᓁᕈᑦᔭᐅᔪᒫᕐᒪᑦ, ᑕᕝᕙᓃᑦᑐᓕᒫᑦ ᐱᕋᔭᖕᓂᒃᑯᑦ ᐃᓅᓂᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 27:36

ᓂᐅᕕᕋᕐᑎᓕᒫᑦ ᓯᓚᕐᔪᐊᕐᒥ ᓯᕘᕋᑦᔪᑎᒋᓕᕐᐹᓯ; ᑲᑉᐱᐊᓇᕐᑐᒥᒃ ᐃᓱᓕᒃᑲᑦᓯ ᐱᑕᖃᕐᓂᐊᕈᓐᓃᕐᓗᓯᓗ ᐃᓱᖃᖏᑦᑐᒧᑦ.’”

ᐃᓯᑭᐊᓕᐅᑉ ᐊᒡᓚᖏᑦ 36:3

“ᑍᒤᒻᒪᑦ ᐱᔪᖃᓛᕐᑐᒥᒃ ᐅᖃᐅᑎᒃᑭᑦ, ᐅᖃᕐᓗᑎᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᒃᑯᓇᓐᖓᑦ ᓱᓁᕈᑦᔭᐅᓚᐅᕋᕕᑦ, ᐊᕙᑎᓕᒫᕐᓂᑦ ᑲᑐᑦᔭᐅᓪᓗᑎᑦ ᓵᓚᐅᓚᐅᕋᕕᑦ, ᐃᓅᖃᑎᒌᒡᔪᐊᓄᑦ ᐱᑖᕆᔭᐅᓚᐅᕐᐳᑎᑦ, ᐃᓄᖕᓄᓪᓗ ᐅᖃᐅᓯᐅᖃᑦᑕᓕᓚᐅᕐᐳᑎᑦ ᐅᖃᐅᓯᐅᓂᕐᓗᖃᑦᑕᓕᕐᓗᑎᓪᓗ;

ᐃᓯᑭᐊᓕᐅᑉ ᐊᒡᓚᖏᑦ 6:14

ᐱᔪᓐᓇᕐᓂᓐᓄᑦ ᓄᓇᒋᔭᖓ ᐱᒋᐊᕈᒫᕐᐸᕋ, ᐃᓄᖃᕈᓐᓃᕐᑎᓪᓗᒍ ᐊᑐᕐᑐᒃᓴᐅᔪᓐᓃᕐᑎᓪᓗᒍᓗ, ᓄᓇᒋᔭᓕᒫᖏᓐᓂ, ᐃᓄᖃᖏᑦᑐᒥᑦ ᕆᑉᓚᒧᑦ ᑎᑭᓪᓗᒍ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᒐᒪ.”

ᒨᓯᓯ ᐱᖓᔪᖏᑦ 26:32

ᓄᓇᓯ ᐊᓯᕈᕐᓂᐊᕐᐸᕋ ᓱᓇᐅᔪᓐᓁᕐᑎᓪᓗᒍ, ᐊᑭᕋᓯ ᐊᒡᓛᑦ ᑕᑕᒥᓐᓂᐊᕐᐳᑦ ᓄᓇᑦᓯ ᐊᓯᕈᕐᓯᒪᓂᖓᓂᒃ.

ᒨᓯᓯ ᐱᖓᔪᖏᑦ 26:43

ᓄᓇ ᑭᓯᐊᓂ ᐃᓄᖏᓐᓂᑦ ᕿᒪᒃᑕᐅᔭᕆᐊᖃᕈᒫᕐᒪᑦ, ᑕᕾᕐᓯᑦᓯᐊᕈᓐᓇᖁᓪᓗᒍ, ᐃᓄᐃᓪᓗ ᐊᑭᓖᔭᕆᐊᖃᓕᕐᓗᑎᒃ ᐱᖁᔭᓐᓂᒃ ᒪᓕᒐᒃᓴᐅᖁᔭᓐᓂᒡᓗ ᓈᓚᓚᐅᖏᓐᓂᕐᒥᖕᓂᒃ.

ᒤᑲᐅᑉ ᐊᒡᓚᖏᑦ 6:16

ᐊᖓᔪᖅᑳᕐᔪᐊᑉ ᐅᒻᕆᐅᑉ ᒪᓕᖓᖏᓐᓂᒃ ᒪᓕᒃᑲᑦᓯ, ᐂᕼᐊᑉᓗ ᐱᓂᐊᕐᓂᖏᓐᓂᒃ ᐱᐅᖏᑦᑐᓂᒃ ᒪᓕᒃᓗᓯ; ᑍᒃᑯᐊ ᐱᐅᓯᖏᓐᓂᒃ ᐱᐅᓯᖃᕋᑦᓯ; ᑍᒤᒻᒪᑦ ᐃᓂᓕᐅᕈᒫᕐᐳᓯ ᓄᓇᖅᑲᑎᓯ ᒥᑕᐅᑎᒃᓴᐅᓕᕐᓗᑎᒃ, ᐃᓅᖃᑎᒌᒡᔪᐊᓄᓪᓗ ᒥᑕᐅᑎᒋᔭᐅᓂᓯ ᐊᑐᓕᕐᓗᒍ.”

ᒫᑎᐅᓯᐅᑉ ᐊᒡᓚᖏᑦ 27:39

ᑕᕝᕘᓇ ᐊᖅᑯᓵᕐᑐᑦ ᐃᓕᕿᑕᒫᕐᓗᑎᒃ ᐅᖃᕐᓂᕐᓗᐊᖃᑦᑕᕐᐳᑦ ᔩᓱᓯᒧᑦ: ᐅᖃᕐᓗᑎᒃ;

ᒫᑯᓯᐅᑉ ᐊᒡᓚᖏᑦ 15:29

ᐃᓄᐃᑦ ᓴᓐᓂᖓᔪᓕᐅᑉ ᓴᓂᐊᒎᕐᑐᑦ, ᓂᐊᖁᕐᒥᖕᓂᒃ ᐃᓕᕿᑕᒫᕐᓗᑎᒃ ᐅᖃᕐᐳᑦ, “ᑕᑯᒋᑦ! ᑐᒃᓯᐊᕐᕕᒡᔪᐊᕐᒥᒃ ᓯᖁᒥᑦᓯᓂᐊᓚᐅᕐᑐᑎᑦ ᓴᓇᖕᒥᓗᒍ ᐅᓪᓗᓂᒃ ᐱᖓᓱᓂᒃ,

ᒨᓯᓯ ᑕᓪᓕᒪᖏᑦ 28:59

ᑕᕝᕙ ᐊᑕᓂᐅᑉ ᑎᑭᑕᐅᑎᑦᓱᒫᕐᐹᓯ ᐋᓐᓂᐊᓇᕐᑐᓂᒃ ᐋᖅᑭᒃᑕᐅᔪᓐᓇᖏᑦᑐᓂᒡᓗ ᖃᓂᒪᓐᓇᕐᑐᓂᒡᓗ ᐱᐅᖏᑦᑐᐊᓗᖕᓂᒃ ᐃᓕᑦᓯᓐᓄᑦ ᑭᖑᕚᑦᓯᓐᓄᓪᓗ ᑎᑭᑎᑦᓯᔪᒫᕐᐳᖅ.

ᒨᓯᓯ ᑕᓪᓕᒪᖏᑦ 29:23

ᓄᓇᓕᒫᖅ ᐱᕈᕐᓰᕕᓕᒫᓪᓗ ᓱᓇᒃᓴᐅᔪᓐᓃᕈᒫᕐᐳᑦ, ᐅᔭᕋᖕᓄᑦ ᐃᑯᐊᓪᓚᒃᓴᕅᑦᑐᓄᑦ ᑕᕆᐅᕐᒧᓪᓗ; ᑲᓐᖓᕐᓱᐃᕕᐅᔪᒫᓐᖏᓚᖅ, ᐊᒡᓛᑦ ᐱᕈᕐᓂᕐᓗᒃᑐᓂᒃ ᐱᕈᕐᕕᐅᔪᓐᓃᕈᒫᕐᐳᖅ. ᓄᓇᓯᓗ ᓱᑑᒪᒥᐅᑦ ᒍᒨᕋᒥᐅᓪᓗ ᐃᒡᓗᒐᓴᖏᑎᑐᑦ ᑍᒤᑦᑑᓕᕈᒫᕐᐳᖅ, ᐊᑦᒪᒥᐅᑎᑐᓪᓗ ᔨᐳᐃᒥᐅᑎᑐᓪᓗ, ᐊᑕᓂᐅᑉ ᑖᒃᑯᐊ ᓄᖑᑎᓚᐅᕐᒪᒋᑦ ᓂᓐᖓᕕᒡᔪᐊᕐᕕᒋᓪᓗᒋᑦ.