ᔨᕆᒤᐊᐅᑉ ᐊᒡᓚᖏᑦ 18:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᓄᖁᑎᒪᓕ ᐳᐃᒍᕐᐹᖓ; ᐆᑕᒃᓴᓂᒃ ᑐᓂᕐᕈᓯᕐᐸᓕᕐᐳᑦ ᒎᑎᓐᖑᐊᓄᑦ; ᐹᓪᓚᒃᐳᑦ ᐱᓂᐊᕐᓂᑎᒃ ᒪᓕᒡᓗᒋᑦ, ᐃᓅᓯᕆᔭᐅᖁᔭᐅᓚᐅᕐᑐᖅ ᓯᕗᓕᕐᒥᖕᓄᑦ ᒪᓕᖏᓐᓇᒥᑦᔪᒃ ᐊᑐᕐᑕᐅᕙᖏᑦᑐᑎᒎᕋᓱᐊᕐᐳᑦ ᐊᖅᑯᓯᐊᖑᓯᒪᖏᑦᑐᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 18:15 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 9:17

ᐱᖁᔭᕐᓂᒃ ᓈᓚᒍᒪᔪᓐᓁᓚᐅᕐᐳᑦ ᐳᐃᒍᕐᓗᑎᒡᓗ ᐱᓂᐊᕐᓂᕆᓚᐅᕐᑕᕐᓂᒃ, ᑲᒪᓇᕐᑐᓕᓂᕆᓚᐅᕐᑕᕐᓂᒡᓗ, ᐱᐅᔪᕆᓂᕐᒥᖕᓄᑦ ᓯᕗᓕᕐᑎᒃᓴᒥᖕᓂᒃ ᓂᕈᐊᓚᐅᕐᐳᑦ ᐅᑎᖁᓪᓗᒋᑦ ᓯᐊᓛᖑᓂᕐᒧᑦ ᕿᓚᒃᑕᐅᓯᒪᓂᕆᓚᐅᕐᑕᒥᖕᓄᑦ. ᐃᕝᕕᓪᓕ ᒎᑎᐅᕗᑎᑦ ᐃᓱᒪᒋᔪᓐᓁᕐᓯᓲᖑᓪᓗᑎᑦ, ᐱᑦᓯᐊᕐᑐᑎᑦ ᓂᑲᒍᓱᒃᑐᑎᓪᓗ, ᓂᓐᖓᒃᓴᕅᖏᑦᑐᑎᑦ, ᓈᒃᑭᒍᓱᖕᓃᑦ ᐊᖏᔫᖕᒪᑦ, ᑖᒃᑯᐊ ᕿᒪᓚᐅᓐᖏᓚᑎᑦ.

ᐂᓮᐊᓯᐅᑉ ᐊᒡᓚᖏᑦ 3:12

ᐃᓄᖁᑎᒪᓕ ᓱᕈᓰᑦ ᐅᖁᒤᒃᓴᕐᑎᑦᓯᔨᒋᕔᑦ, ᐊᕐᓇᓄᓪᓗ ᐊᐅᓚᑕᐅᓪᓗᑎᒃ. ᐃᓄᖁᑎᒃᑳ, ᑕᓯᐅᕐᑎᑦᓯᓐᓄᑦ ᑕᒻᒪᕐᑎᑕᐅᓯᒪᕗᓯ, ᐊᖅᑯᑎᒋᔭᕆᐊᖃᕐᑕᑦᓯᓐᓂᒡᓗ ᓇᓗᓕᕐᑎᑕᐅᓯᒪᓪᓗᓯ.

ᐂᓮᐊᓯᐅᑉ ᐊᒡᓚᖏᑦ 41:29

ᑕᑯᒋᑦ ᑕᒪᕐᒥᒃ ᓱᓕᓐᖏᓚᑦ; ᐱᓇᓱᐊᕐᑕᖏᓪᓗ ᓱᓇᐅᓇᑎᒃ, ᒎᑎᓐᖑᐊᖏᑦ ᓴᓇᓯᒪᔪᑦ ᐊᓄᕆᑐᐃᓐᓇᐅᕗᑦ ᓱᓇᑕᖃᖏᑦᑐᑦ.”

ᐂᓮᐊᓯᐅᑉ ᐊᒡᓚᖏᑦ 57:14

ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.”

ᐂᓮᐊᓯᐅᑉ ᐊᒡᓚᖏᑦ 62:10

ᑲᔪᓯᒋᑦᓯ, ᑲᔪᓯᒋᑦᓯ ᐃᑎᕐᑕᕐᕕᒃᑯᑦ, ᐃᓄᐃᑦ ᐊᑐᕐᓂᐊᕐᑕᖓᑦ ᐊᑐᐃᓐᓇᕈᓕᕐᓯᐅᒃ; ᓴᓇᒋᑦᓯ, ᓴᓇᒋᑦᓯ ᐊᖅᑯᑎᕐᔪᐊᖅ ᐋᖅᑭᒃᑎᕐᑕᐅᑦᓯᐊᕐᓕ ᐅᔭᕅᔭᕐᑕᐅᑦᓯᐊᕐᓗᓂ, ᓮᒻᒪᓯᕐᑕᐅᓗᓂᓗ ᐃᓄᒋᐊᒃᑐᓄᑦ ᑕᑯᒃᓴᐅᓂᐊᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 9:16

ᓯᕗᓕᕐᑏᑦ ᑕᓯᐅᕐᓯᓚᐅᕐᐳᑦ ᑖᒃᑯᓂᖓ ᑕᒻᒪᕐᓇᕐᑐᒧᑦ, ᑕᓯᐅᕐᑕᐅᔪᓪᓗ ᑖᒃᑯᓄᖓ ᐄᔭᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 1:16

ᐃᓄᖁᑎᒃᑲ ᓱᒋᐊᕐᓂᐊᕋᒃᑭᑦ ᐊᔪᕐᑐᓕᓂᕆᓚᐅᕐᑕᖏᑦ ᐱᓪᓗᒋᑦ, ᐅᕙᓐᓂᒃ ᕿᒤᓯᒪᖕᒪᑕ, ᐆᒪᔪᓂᒡᓗ ᑐᓂᕐᕈᓯᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᒎᑎᓐᖑᐊᓄᓪᓗ ᓴᓇᓯᒪᔭᒥᖕᓄᑦ ᑐᒃᓯᐊᕐᕕᖃᖃᑦᑕᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 10:15

ᐊᑑᑎᒃᓴᖃᓐᖏᓚᑦ, ᓇᕐᕈᓇᕐᓗᑎᒡᓗ, ᓱᒋᐊᕐᑕᐅᕕᖓᑦ ᓇᓪᓕᐅᑎᒃᐸᑦ ᓇᓗᓇᕈᓐᓃᕈᒫᕐᐳᑦ ᓱᓇᒃᓴᐅᖏᓐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 11:12

ᔫᑕᐅᑉ ᐃᒡᓗᒐᓴᖏᑦ ᔨᕉᓴᓕᒥᐅᓪᓗ ᐃᓄᖏᑦ, ᑕᑎᖃᕋᓱᐊᕈᒫᕐᐳᑦ ᒎᑎᓐᖑᐊᓂᒃ ᑐᒃᓯᐊᕐᕕᒋᕙᒃᑕᒥᖕᓂᒃ, ᐱᐅᓕᔨᒋᔪᓐᓇᕐᓂᐊᓐᖏᓔᓪᓕ ᑲᑉᐱᐊᓇᕐᑐᒧᑦ ᑎᑭᑕᐅᒍᑎᒃ.

ᔨᕆᒤᐊᐅᑉ ᐊᒡᓚᖏᑦ 11:13

ᔫᑕᒥᐅᑕᐅᔪᓯ ᒎᑎᖃᓕᕐᐳᓯ ᓄᓇᖁᑎᑦᓯᑐᑦ ᐅᓄᕐᑎᒋᔪᓂᒃ; ᑐᓂᕐᕈᓯᕐᕕᖃᐅᓕᕐᓗᓯᓗ ᔨᕉᓴᓕᒥᐅᑦ ᐊᖅᑯᑎᖏᑎᑐᑦ ᐅᓄᕐᑎᒋᔪᓂᒃ ᓇᕐᕈᓇᕐᑐᓂᒃ, ᒎᑎᓐᖑᐊᒧᑦ ᐰᓕᒧᑦ ᐃᓯᕐᓗᐊᕐᓂᑎᑦᓯᕕᑦᓯᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 11:17

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᕈᕐᑎᓚᐅᕋᓗᐊᕐᒪᓯ, ᐃᓴᕆᐊᓕᒥᐅᓪᓕ ᔫᑕᒥᐅᓪᓗ ᐅᕙᓐᓂᒃ ᓂᓐᖓᒃᓮᓯᒪᕗᑦ ᐱᐅᖏᑦᑐᓕᓂᕐᒥᖕᓄᑦ, ᑐᓂᕐᕈᓯᕐᓗᑎᒃ ᒎᑎᓐᖑᐊᒧᑦ ᐰᓕᒧᑦ.”

ᔨᕆᒤᐊᐅᑉ ᐊᒡᓚᖏᑦ 13:25

ᑖᒃᑯᐊ ᑕᕝᕙ ᓄᓇᖁᑎᓯ ᓇᓚᐅᑦᑖᕈᑎᒃᑯᑦ ᑭᒡᓕᓕᐅᕐᓯᒪᔪᑦ, ᐃᓕᑦᓯᓐᓄᑦ ᐱᔭᐅᖁᓪᓗᒋᑦ ᓇᓗᓁᕐᓯᒪᔭᒃᑲ, ᐊᑕᓂᖅ ᐅᖃᕐᐳᖅ, ᐅᕙᓐᓂᒃ ᐳᐃᒍᓚᐅᕋᑦᓯ ᑕᑎᖃᓕᕐᓗᓯᓗ ᓱᓕᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 17:13

ᐊᑕᓃᖅ ᐃᓴᕆᐊᓕᒥᐅᑦ ᓂᕆᐅᒋᔭᖃᕐᕕᒋᔭᖓᑦ, ᐃᓕᖕᓂᒃ ᕿᒤᔪᑦ ᑲᓐᖑᓇᕐᑐᒦᑦᓱᒫᕐᐳᑦ; ᐃᓕᖕᓂᒃ ᑐᓄᐃᔪᑦ ᐳᔪᕋᒃᑯᑦ ᐊᑎᓕᐅᕐᑕᐅᓯᒪᔪᑎᑐᑦ ᐊᓯᐅᔪᒫᕐᐳᑦ, ᐊᑕᓂᕐᒥᒃ ᕿᒤᓚᐅᕐᒪᑕ, ᐃᒥᕐᕕᒃᓴᒥᒃ ᐃᓅᓯᖃᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 18:14

ᓕᐸᓇᓂᐅᑉ ᖃᖅᑲᖏᑕ ᐊᐳᑎᖓ ᐊᓯᐅᑐᐃᓐᓇᓚᐅᕐᓯᒪᕚ? ᑰᖏᓪᓘᓐᓃᑦ ᐅᖓᓯᒃᑐᒥᑦ ᑰᒃᑐᑦ ᐃᒤᕈᑎᑐᐃᓐᓇᓚᐅᕐᓯᒪᕚᑦ?

ᔨᕆᒤᐊᐅᑉ ᐊᒡᓚᖏᑦ 19:5

ᐳᕐᑐᔪᓂᒃ ᑐᓂᕐᕈᓯᕐᕕᓕᐅᕐᓯᒪᕗᑦ ᐰᓕᒧᑦ ᕿᑐᕐᖓᒥᖕᓂᒡᓗ ᐃᑯᐊᓚᔪᒧᑦ ᑐᓂᕐᕈᓯᐅᑎᓪᓗᒋᑦ ᐰᓕᒧᑦ ᑐᒃᓯᐊᕈᑎᒋᖃᑦᑕᕐᐰᑦ, ᑍᒤᓕᐅᖁᓪᓗᒋᑦ ᐅᖃᓚᐅᕐᓯᒪᓐᖏᓚᖓ ᐱᖁᔭᓕᐅᓚᐅᕐᓯᒪᓐᖏᓚᖓᓘᓐᓃᑦ, ᑍᒤᑦᑐᒥᒃ ᐃᓱᒪᓚᐅᕐᓯᒪᖏᓐᓇᒪ.

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:19

ᐱᐅᖏᓐᓂᑦᓯ ᐋᖅᑭᒋᐊᕐᑕᐅᑎᓐᓂᐊᕐᐹᓯ, ᑲᑕᒃᓯᒪᓂᑦᓯᓗ ᓱᐊᖕᓂᐊᕐᐹᓯ. ᐃᓱᒪᒋᑦᓯᐊᕐᓯᐅᒃ ᑐᑭᓯᓇᓱᐊᕐᓗᒍᓗ ᐱᐅᖏᑦᑑᓂᖓ ᖁᕕᐊᓇᖏᑦᑑᓂᖓᓗ ᐊᑕᓂᕐᒥᒃ ᒎᑎᑦᓯᓐᓂᒃ ᕿᒤᓯᒪᓗᓂ ᓂᕐᑐᕐᓇᕐᓂᖓᓗ ᐃᓱᒪᒋᔪᓐᓃᕐᓗᒍ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᒎᑎ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 2:32

ᐊᕐᓇᐅᑉ ᐃᓅᓱᒃᑑᑉ ᐱᐅᓴᐅᑎᓂ ᐳᐃᒍᕈᓐᓇᕐᐸᒌᑦ? ᐅᐃᑖᕐᓂᐊᓕᕐᑐᕐᓗ ᐊᓐᓄᕌᓂ ᑲᑎᑎᑕᐅᔪᕐᓯᐅᑏᑦ ᐳᐃᒍᕈᓐᓇᕐᐸᒌᑦ? ᐃᓄᖁᑎᒪᓕ ᐳᐃᒍᕐᓯᒪᓕᕐᐹᖓ ᐅᓪᓗᑦ ᐊᒡᓛᑦ ᓈᓴᕐᓗᒋᑦ ᐳᐃᒍᕐᓯᒪᓂᖏᑦ ᐅᓄᓗᐊᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 3:21

ᕿᐊᕙᓗᖕᓂᒃ ᑐᓴᕐᓴᐅᔪᖃᕐᐳᖅ ᐱᖑᐃᑦ ᖄᖏᓐᓂ ᓇᐹᕐᑐᖃᖏᓐᓂᕐᒥ. ᑖᒃᑯᐊᖑᕗᑦ ᐃᓴᕆᐊᓕᒥᐅᑦ ᕿᐊᓂᖏᑦ ᕿᓄᓂᖏᓪᓗ ᓈᒻᒪᖏᑦᑐᓕᓚᐅᕐᓂᕐᒥᖕᓄᑦ ᐊᑕᓂᕐᒥᒡᓗ ᒎᑎᒥᖕᓂᒃ ᐳᐃᒍᓚᐅᕐᓂᕐᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 44:25

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᑕᒪᑦᓯ ᓄᓕᐊᓯᓗ ᐱᓂᐊᕐᓂᑦᓯᒍᑦ ᓇᓗᓇᕈᓐᓃᕐᑎᑦᓯᕗᓯ ᐊᑐᕈᒪᓚᐅᕐᑕᓯ ᐅᖃᕐᑎᓪᓗᓯ, ‘ᐊᖏᖃᑎᒌᒍᑎᓕᐅᕐᐳᒍᑦ ᐆᓯᒪᔪᓂᒃ ᑐᓂᕐᕈᓯᖃᑦᑕᕈᒪᓪᓗᑕ ᑯᕕᓯᖃᑦᑕᕈᒪᓪᓗᑕᓗ ᐃᒥᕐᑕᒃᓴᖏᓐᓂᒃ ᑐᓂᕐᕈᓯᖃᑦᑕᕐᓗᑕᓗ ᕿᓚᐅᑉ ᑯᐃᖓᓄᑦ.’ ᐊᑏ ᑍᒤᓕᐅᕈᒪᒍᑦᓯ ᑍᒤᓕᐅᕆᑦᓯ ᐊᖏᕈᑎᒋᓚᐅᕐᑕᓯ ᐊᑐᕐᓗᒍ.

ᔨᕆᒤᐊᐅᑉ ᐊᒡᓚᖏᑦ 51:18

ᐊᑐᕐᓇᓐᖏᓚᑦ ᒥᑕᐅᑎᒋᔭᒃᓴᓕᐅᑐᐃᓐᓇᕐᐳᑦ, ᖃᐅᔨᓇᓱᐊᕐᑕᐅᒃᐸᑕ ᐊᑐᕐᑐᒃᓴᐅᖏᓐᓂᖏᑦ ᓇᓗᓇᕈᓐᓃᕋᔭᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 6:16

ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’

ᔨᕆᒤᐊᐅᑉ ᐊᒡᓚᖏᑦ 7:9

ᑎᒡᓕᖃᑦᑕᕐᓂᐊᕐᐱᓰ? ᐃᓄᐊᕐᐸᒡᓗᓯᓗ, ᐊᓯᓐᓂᐊᕐᐸᒡᓗᓯᓗ ᐊᖏᕈᑎᒋᔭᕕᓂᑦᓯᓐᓂᒡᓗ ᐱᔮᖅᑯᒥᒃ ᐊᑐᕈᓐᓃᕐᐸᒡᓗᓯ, ᒎᑎᓐᖑᐊᒧᓪᓗ ᐰᓕᒧᑦ ᑐᓂᕐᕈᓯᕐᐸᒡᓗᓯ, ᒎᑎᓐᖑᐊᓂᒡᓗ ᒪᓕᓕᕐᐸᒡᓗᓯ ᖃᐅᔨᒪᓚᐅᓐᖏᑕᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 21:15

ᓴᐱᓕᕐᑎᑦᓯᖁᓪᓗᒍ, ᐹᓪᓚᒃᑎᑦᓯᓗᓂᓗ ᐅᓄᕐᑐᓂᒃ ᐃᑎᕐᑕᕐᕕᓕᒫᖏᓐᓂ. ᓯᕗᕋᓵᕆᕗᖓ ᓴᕕᒡᔪᐊᕐᒧᑦ ᖃᐅᒻᒪᓪᓚᒃᑎᑐᑦ ᓴᖅᑭᖃᑦᑕᕐᑐᒥᒃ; ᕿᓪᓚᕆᒃᓴᕐᓯᒪᔪᒥᒃ ᑐᖁᕅᓂᐊᓕᕋᒥ.

ᐃᓯᑭᐊᓕᐅᑉ ᐊᒡᓚᖏᑦ 36:15

ᐃᓅᖃᑎᒌᒡᔪᐊᑦ ᒥᑕᐅᑎᒃᓴᕐᓂᖏᓐᓂᒃ ᑐᓵᑎᓐᓂᐊᕈᓐᓃᕐᐸᒋᑦ, ᐃᓄᐃᓪᓗ ᑲᓐᖑᓇᕐᑐᒦᑎᑕᐅᓂᖏᓐᓂᒃ ᑎᒍᒥᐊᕐᓂᐊᕈᓐᓃᕐᐳᑎᑦ ᐃᓅᖃᑎᒌᒡᔪᐊᓪᓗ ᕿᑐᕐᖎᔭᕐᐸᖕᓂᐊᕈᓐᓃᕐᐸᑎᑦ, ᐊᑕᓂᖅ ᒎᑎ ᐅᖃᕐᐳᖅ.”

ᕼᐆᓯᐊᑉ ᐊᒡᓚᖏᑦ 11:2

ᕾᖁᒃᑲᓐᓂᓕᕌᖓᒃᑭᑦ ᕿᒫᒃᑲᓐᓂᖃᑦᑕᓚᐅᕐᐳᑦ ᐅᕙᓐᓂᒃ, ᐰᓕᒧᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ, ᐃᑯᐊᓪᓔᕙᒃᓗᑎᒡᓗ ᑎᐱᑦᓯᐊᕆᒃᑐᓂᒃ ᒎᑎᓐᖑᐊᓄᑦ.

ᕼᐆᓯᐊᑉ ᐊᒡᓚᖏᑦ 2:13

ᓱᒋᐊᕐᓂᐊᕐᐸᕋᓗ ᓇᓪᓕᐅᓐᓂᕐᓯᐅᖃᑦᑕᕐᓂᕆᓚᐅᕐᑕᖓᓄᑦ ᐰᓕᒧᑦ ᐃᑭᑦᓯᓂᕆᖃᑦᑕᓚᐅᑕᖓᓄᓪᓗ ᐃᓯᕐᓗᐊᕐᓂᑎᑦᓯᓂᕐᒥᒃ ᑖᒃᑯᓄᖓ ᐱᐅᓴᐅᑎᓂᒡᓗ ᐊᑐᖃᑦᑕᕐᓂᕆᔭᖓ ᓇᒡᒍᐊᕐᒥᖕᓂᒡᓗ, ᐱᖃᑎᒋᕙᒃᑕᒥᓄᓪᓗ ᐅᐸᒍᑎᖃᑦᑕᓚᐅᕐᓂᖓᓄᑦ, ᐅᕙᓐᓂᒡᓗ ᐳᐃᒍᐃᓂᕆᓚᐅᕐᑕᖓᓄᑦ, ᐅᖃᕐᐳᖅ ᐊᑕᓂᖅ.”

ᕼᐆᓯᐊᑉ ᐊᒡᓚᖏᑦ 2:6

“ᑍᒤᒻᒪᑦ ᐊᕙᓗᓕᐅᕐᓂᐊᕐᐸᕋ ᐅᕐᐱᖕᓄᑦ ᑲᑭᓐᓇᕐᑐᓕᖕᓄᑦ; ᐊᕙᓗᓕᐅᕐᓗᒍ ᐊᑭᓐᓇᓕᐅᕈᑎᓂᐊᕐᐸᕋ ᓴᐴᓗᑦᓯᕐᓗᒍ, ᐊᓂᕕᒃᓴᒥᓂᒃ ᓇᓂᓯᔪᓐᓁᓪᓕᖁᓪᓗᒍ.

ᒪᓚᑬᑉ ᐊᒡᓚᖏᑦ 2:8

“ᐃᓕᑦᓯᓕ ᕿᒤᓯᒪᕗᓯ ᐊᖅᑯᒻᒥᒃ; ᐅᓄᕐᑐᓂᒡᓗ ᐹᓪᓚᒃᑎᑦᓯᓚᐅᕐᐳᓯ ᐊᔪᕆᕐᑐᐃᓂᑦᓯᒍᑦ; ᓕᕔᓪᓗ ᐊᖏᖃᑎᒌᒍᑎᖏᓐᓂᒃ ᓯᖁᒥᑦᓯᓯᒪᓪᓗᓯ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 15:6

ᑕᕝᕙ ᐊᑖᑕᒥᓂᒃ ᐊᓈᓇᒥᓂᒡᓗ ᐅᐱᒍᓱᖏᒃᑲᓗᐊᕐᐸᑦ ᖃᓄᐃᒋᕙᓐᖏᑕᓯ. ᑍᒤᓕᐅᕐᑎᓪᓗᓯ ᒎᑎᐅᑉ ᒪᓕᒃᑕᐅᖁᔭᖓᓂᒃ ᒪᓕᓐᖏᓚᓯ. ᒪᓕᖔᕈᒪᓪᓗᓯ ᓇᖕᒥᓂᖅ ᐊᔪᕆᕐᑐᑎᒋᕙᒃᑕᑦᓯᓐᓂᒃ.

ᕉᒪᒥᐅᓄᑦ 14:21

ᐱᐅᓂᕐᓴᐅᕗᖅ ᓂᕿᒥᒃ ᓂᕆᖏᒃᑯᕕᒃ ᐅᐂᓂᒥᒡᓘᓐᓃᑦ ᐃᒥᖏᒃᑯᕕᑦ ᐊᓯᖏᓐᓂᒡᓘᓐᓃᑦ ᐅᒃᐱᕐᑑᖃᑎᕕᑦ ᑲᑕᒍᑎᒋᒐᔭᕐᑕᖓᓂᒃ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.