ᔨᕆᒤᐊᐅᑉ ᐊᒡᓚᖏᑦ 17:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐊᑕᓂᕐᒥᒃ ᑕᑎᖃᕐᑐᖅ, ᓂᕆᐅᒋᓗᒍ ᑕᑎᖃᕐᑐᖅ ᐊᑕᓂᕐᒥᒃ.

ᔨᕆᒤᐊᐅᑉ ᐊᒡᓚᖏᑦ 17:7 Iomraidhean Croise

ᐃᓐᖏᕈᑎᑦ 125:1

ᐊᑕᓂᕐᒥᒃ ᑕᑎᖃᕐᑐᑦ ᐊᑦᔨᖃᕐᐳᑦ ᖃᖅᑲᒥᒃ ᓮᐅᓂᒥᒃ, ᐊᐅᓚᑦᔭᖕᓂᐊᓐᖏᓚᑦ, ᓴᖅᑭᔮᖏᓐᓇᕐᓂᐊᕐᐳᓪᓕ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 146:5

ᐃᓄᒃ ᖁᕕᐊᓱᒃᐳᖅ ᔧᑰᑉ ᒎᑎᖓᓂᒃ ᐃᑲᔪᕐᑎᖃᕐᑐᖅ, ᐊᑕᓂᕐᒥᒃ ᒎᑎᒥᓂᒃ ᓂᕆᐅᒋᔭᒃᓴᖃᕐᑐᖅ.

ᐃᓐᖏᕈᑎᑦ 2:12

ᐃᑎᒐᖏᑦ ᑯᓂᒃᑭᑦ ᓂᓐᖓᖁᓇᒍ, ᓂᓐᖓᒃᐸᑦ ᐊᓯᕈᕐᑕᐅᔪᓐᓇᕋᑦᓯ ᐱᓂᐊᕐᓂᑦᓯᓐᓂᑦ, ᓂᓐᖓᖕᓂᖓ ᕿᓚᒥᐊᐱᒃ ᓄᐃᔪᓐᓇᕐᒪᑦ. ᖁᕕᐊᓱᑦᓯᐊᕐᐳᑦ ᑖᑦᓱᒥᖓ ᑕᑎᖃᕐᑐᑦ.

ᐃᓐᖏᕈᑎᑦ 20:8

ᑍᒃᑯᐊᓕ ᐅᕐᕈᐃᓐᓇᕐᐳᑦ ᐅᕐᕈᖓᓕᕐᓗᑎᒃ; ᐅᕙᒍᓪᓕ ᒪᑭᑕᕗᒍᑦ ᓇᐸᓪᓗᑕᓗ ᓇᖏᕐᐳᒍᑦ.

ᐃᓐᖏᕈᑎᑦ 34:8

ᐆᒃᓯᐅᒃ ᖃᐅᔨᓗᓯᓗ ᐊᑕᓂᖅ ᒪᒪᕐᑑᖕᒪᑦ; ᓮᒪᓇᕐᑐᒦᑉᐳᖅ ᐃᓄᒃ ᑖᑦᓱᒥᖓ ᑕᑎᖃᕐᑐᖅ!

ᐃᓐᖏᕈᑎᑦ 40:4

ᖁᕕᐊᓱᑦᓯᐊᕐᐳᖅ ᐃᓄᒃ ᐊᑕᓂᕐᒥᒃ ᑕᑎᖃᓕᕐᑐᖅ, ᐱᐅᔪᕆᔪᓂᒡᓗ ᐅᐱᒋᔭᖃᖏᑦᑐᖅ, ᓴᖑᕙᒃᑐᓂᒡᓗ ᒎᑎᐅᖏᑦᑐᓄᑦ ᐅᐱᒍᓱᖏᑦᑐᖅ.

ᐃᓐᖏᕈᑎᑦ 71:5

ᓂᕆᐅᒋᔭᖃᐅᑎᒋᒐᒃᑭᑦ, ᐃᕝᕕᑦ ᐊᑕᓃᖅ, ᑕᑎᒋᕚᒋᑦ ᐊᑕᓃᖅ, ᑍᒪᓐᖓᑦ ᐃᓅᓱᒃᑑᓂᓐᓂᑦ.

ᐃᓐᖏᕈᑎᑦ 84:12

ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖁᕕᐊᓱᒍᑎᒃᓴᖃᕐᐳᖅ ᐃᓄᒃ ᐃᓕᖕᓂᒃ ᑕᑎᖃᕐᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:20

ᐅᖃᐅᓯᕐᒥᒃ ᓈᓚᒃᑐᖅ ᐱᐅᔪᒥᒃ ᐊᔪᕈᓐᓃᕐᓂᐊᕐᐳᖅ, ᖁᕕᐊᓇᕐᑐᒦᑉᐳᖅ ᓇᓪᓕᐊᑦ ᐊᑕᓂᕐᒥᒃ ᑕᑎᖃᕐᑐᖅ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 39:18

ᐱᐅᓕᓂᐊᕐᐸᒋᑦ, ᐅᓇᑕᕐᑐᓄᑦ ᑐᖁᑕᐅᓂᐊᓐᖏᓚᑎᑦ, ᐃᓅᑎᑕᐅᓂᐊᕐᐳᑎᓪᓕ ᐅᕙᓐᓂᒃ ᐅᒃᐱᕆᔭᖃᕋᕕᑦ, ᐊᑕᓂᖅ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 3:28

ᑕᕝᕙ ᓂᐱᑯᓁᓴ ᐅᖃᕐᐳᖅ, “ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ, ᒎᑎᖓᑦ ᓂᕐᑐᕐᑕᐅᓕ, ᐂᖏᓕᖁᑎᓂ ᑎᓕᖕᒪᒍ ᐱᔨᓂᓗ ᓴᐳᑎᓪᓗᒋᑦ, ᑖᑦᓱᒥᖓ ᑕᑎᖃᕐᒪᑕ, ᐊᖓᔪᖅᑳᕐᔪᐊᑉ ᐱᖁᔨᓂᖓ ᐊᑐᕐᓇᒍ ᑎᒥᑎᒃ ᐊᓐᓂᕆᓇᒋᑦ, ᓇᖕᒥᓂᖅ ᒎᑎᑎᒃ ᐱᔨᑦᓯᕈᒪᓪᓗᒍ, ᐊᓯᖏᓐᓂᒃ ᐱᔨᑦᓯᕈᒪᓇᑎᒃ ᑐᒃᓯᐊᕐᕕᖃᕈᒪᓇᑎᒡᓗ.

ᔨᐸᓁᐊᐅᑉ ᐊᒡᓚᖏᑦ 3:12

ᑍᒃᑯᐊ ᐊᒥᐊᒃᑰᑎᓐᓂᐊᕐᐸᒃᑲ ᒥᑭᒡᓕᑎᕐᓯᒪᔪᑦ ᐱᐅᔪᕆᖏᑦᑐᓪᓗ ᐊᑯᓐᓇᑦᓯᓐᓂᑦ, ᑕᑎᖃᕐᑐᑦ ᐊᑕᓂᐅᑉ ᐊᑎᖓᓂᒃ.

ᐃᐱᓯᒥᐅᓄᑦ 1:12

ᑍᒤᒻᒪᑦ, ᐅᕙᒍᑦ ᓂᕆᐅᒋᔭᒃᓴᖃᖅᑳᕐᓯᒪᔪᒍᑦ ᙭ᔅᑑᓯᒥ ᑍᒤᑎᑕᐅᓯᒪᕗᒍᑦ ᑎᓕᔭᐅᓪᓗᑕ ᐃᓅᖁᓪᓗᑕ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᑕ ᓂᕐᑐᕐᑕᐅᓂᒃᓴᖓᓄᑦ.