ᔨᕆᒤᐊᐅᑉ ᐊᒡᓚᖏᑦ 17:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᓂᐊᕐᓂᓯ ᒪᓕᒡᓗᒋᑦ ᑭᖑᕐᖑᑎᔭᒃᓴᓯ ᐊᓯᐅᔨᔪᒫᕐᐸᓯ ᑐᓂᓚᐅᕐᑕᒃᑲ ᐃᓕᑦᓯᓐᓄᑦ, ᐊᑭᕋᓯᓐᓂᒃ ᐱᔨᑦᓯᕐᑎᑦᓱᒫᕐᐸᓯ ᓄᓇᒥ ᑲᐅᔨᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᒪᑐᑦ ᐃᑯᐊᓪᓚᒃᑎᑕᐅᖕᒪᑦ ᐃᑯᐊᓚᔪᒫᕐᓗᓂᓗ ᐃᓱᖃᖏᑦᑐᒧᑦ.”

ᔨᕆᒤᐊᐅᑉ ᐊᒡᓚᖏᑦ 17:4 Iomraidhean Croise

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᐊᑕᓃᑦ ᐂᑉᐸᖏᑦ 25:21

ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 9:28

ᒥᕐᖑᐃᕐᓯᓚᐅᕐᑎᓪᓗᒋᑦ ᑕᒪᓐᓇ ᐊᓂᒍᕐᒪᑦ, ᐊᔪᕐᑐᓕᓕᓚᐅᕆᕗᑦ ᐃᓕᖕᓄᑦ. ᑍᒤᒻᒪᑦ ᐊᑭᕋᖏᓐᓄᑦ ᑐᓂᓪᓗᒋᑦ ᓵᓚᒋᔭᐅᓯᒪᑎᓕᓚᐅᕐᐸᑎᑦ. ᖃᕿᐊᓕᕐᒪᑕᓗ ᐱᐅᓕᔭᐅᔪᒪᓕᕐᓗᑎᒡᓗ ᐃᓕᖕᓄᑦ, ᕿᓚᖕᒥᑦ ᑐᓴᓚᐅᕐᐸᑎᑦ; ᑍᒪᓐᖓᓪᓗ ᐅᓄᕐᑐᐊᕐᓱᕐᓗᒋᑦ ᐱᐅᓕᖃᑦᑕᓚᐅᕐᐸᑎᑦ ᓈᒃᑭᒍᓱᖕᓂᕐᔪᐊᕐᓄᑦ.

ᐂᓮᐊᓯᐅᑉ ᐊᒡᓚᖏᑦ 14:3

ᐊᑕᓂᐅᑉ ᐋᓐᓂᐊᓂᕆᓚᐅᕐᑕᑦᓯᓐᓂᑦ ᐅᖁᒤᑦᑐᒥᒡᓗ ᐃᓅᓯᖃᕐᓂᕆᓚᐅᕐᑕᑦᓯᓐᓂᑦ ᑕᕾᕐᓯᕐᑎᓕᕐᐹᓯ, ᐊᒃᓱᕈᕐᓗᓯᓗ ᐱᔨᑦᓯᕐᑎᑕᐅᑦᔪᑎᒋᓚᐅᕐᑕᑦᓯᓐᓂᑦ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᐂᓮᐊᓯᐅᑉ ᐊᒡᓚᖏᑦ 5:25

ᑍᒤᒻᒪᑦ ᐊᑕᓂᐅᑉ ᓂᓐᖓᐅᓯᖓ ᐃᑯᐊᓪᓚᓚᐅᕐᐳᖅ ᐃᓄᖁᑎᒥᓄᑦ, ᑕᓕᓂᓗ ᐃᓴᒃᐹ ᑖᒃᑯᓄᖓ ᐱᒋᐊᕈᒪᓪᓗᒋᑦ, ᖃᖅᑬᑦ ᓴᔪᒃᐱᓗᒃᐳᑦ; ᑎᒥᕕᓂᖏᓪᓗ ᐊᖅᑯᑎᓂ ᐃᒋᑕᐅᓯᒪᔪᑎᑐᑦ ᑍᒤᓕᕐᓗᑎᒃ. ᓂᓐᖓᐅᒪᓂᖓ ᓴᖑᓐᖏᓚᖅ ᐊᒡᒐᖏᑦ ᓱᓕ ᐅᕐᓕᕐᑐᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 50:11

ᑕᑯᒋᑦ, ᐃᑯᒪᒥᒃ ᐃᑯᐊᓪᓔᔪᓕᒫᑦ, ᖃᕐᔪᓂᒡᓗ ᐃᑯᒪᑎᑦᓯᓪᓗᑎᒃ ᐊᕙᑖᒍᑦ ᐱᓱᒃᑐᑦ: ᐱᓱᒃᐳᓯ ᐃᑯᒪᑎᑕᑦᓯ ᖃᐅᒪᑎᑕᖓᒍᑦ, ᖃᕐᔪᓄᓪᓗ ᐃᑯᒪᑎᑕᑦᓯᓐᓄᑦ! ᑍᒤᑦᑐᒥᒃ ᐱᑎᑕᐅᔪᒫᕐᐳᓯ ᐊᒡᒐᓐᓂᑦ: ᓇᓚᔪᒫᕐᐳᓯᓗ ᐋᓐᓂᐊᑎᑕᐅᓇᕐᑐᒥ.

ᐂᓮᐊᓯᐅᑉ ᐊᒡᓚᖏᑦ 66:24

ᐊᓂᒍᑎᒡᓗ ᑕᑯᔪᒫᕐᐳᑦ ᐅᕙᓐᓂᒃ ᐊᑭᕋᕐᑐᕐᑐᑦ ᑎᒥᕕᓂᖏᓐᓂᒃ ᑐᖁᖓᔪᓂᒃ; ᖁᐱᕐᕈᖏᓪᓗ ᑐᖁᔪᒫᓐᖏᓚᑦ, ᐃᑯᐊᓚᔪᒦᓪᓗᑎᒡᓗ ᖃᒥᑕᒃᓴᐅᖏᑦᑐᓂ, ᐃᓅᖃᑎᒌᒡᔪᐊᓄᑦ ᑕᒪᓐᓇ ᑕᑯᒥᓁᑦᑐᕐᔪᐊᖑᔪᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 12:7

ᐃᓄᖁᑎᒃᑲ ᖁᔭᓈᕐᐸᒃᑲ, ᑭᖑᕐᖑᑎᔭᒃᓴᒃᑲᓗ ᕿᒪᒡᓗᒋᑦ; ᐃᓄᖁᑎᒃᑲ ᓇᒡᓕᒋᓚᐅᕐᑕᒃᑲ ᐊᑭᕋᖏᓐᓄᑦ ᑐᓂᑦᔪᑎᒋᓕᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 15:14

ᓯᐊᓛᕆᔭᐅᓕᕈᒫᕐᐳᓯ ᐊᑭᕋᑦᓯᓐᓄᑦ ᓄᓇᒋᓚᐅᕐᓯᒪᓐᖏᑕᑦᓯᓐᓂ, ᓂᓐᖓᐅᓯᕋ ᐃᑯᐊᓛᕐᑐᑎᑐᑦ ᐃᑯᐊᓚᔪᒫᕐᒪᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 16:13

ᑍᒤᒻᒪᑦ ᓄᓇᒥᑦ ᑕᒫᓐᖓᑦ ᐃᒋᑕᐅᑎᓐᓂᐊᕐᐸᑦᓯ ᓄᓇᒧᑦ ᓯᕗᓕᕕᓂᑦᓯᓐᓄᑦ ᐊᒡᓛᑦ ᖃᐅᔨᒪᔭᐅᓚᐅᖏᑦᑐᒧᑦ ᓄᓇᑖᕐᓗᓯᓗ ᑕᕝᕙᓂ, ᑕᕝᕙᓂᓗ ᒎᑎᒋᔪᒪᔭᑦᓯᓐᓂᒃ ᒎᑎᖃᕈᒫᕋᑦᓯ ᖃᐅᑕᒫᑦ ᐱᔨᑦᓯᕐᓂᐊᕐᑕᑦᓯᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐃᓕᑦᓯᓐᓂᒃ ᓂᑲᒍᓱᖕᓂᐊᕈᓐᓃᕐᐳᖓ.’”

ᔨᕆᒤᐊᐅᑉ ᐊᒡᓚᖏᑦ 18:23

ᐊᑕᓃᖅ ᑲᐅᔨᒪᔧᓐᓇᕆᕙᑎᑦ ᑖᒃᑯᐊ ᑐᖁᑦᓯᓇᓱᐊᕐᓂᖏᑦ ᐅᕙᓐᓂᒃ. ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕐᑍᓕᒃᑭᑦ, ᐊᔪᕐᓂᖏᓪᓗ ᐲᔭᕐᑍᓕᓗᒋᑦ ᓵᖕᓂᑦ, ᓵᓚᒋᔭᐅᑎᒃᑭᑦ ᓂᓐᖓᐅᑦᔨᓂᕆᓛᕐᑕᕐᓄᓪᓗ ᑎᑭᑕᐅᑎᒃᑭᑦ.”

ᔨᕆᒤᐊᐅᑉ ᐊᒡᓚᖏᑦ 2:14

“ᐃᓴᕆᐊᓕ ᓯᐊᓛᖑᕚ, ᐃᕐᓂᐊᖑᓂᕐᒥᓂᑦ? ᓱᖕᒪᓪᓕ ᐊᑭᕋᕐᑐᕐᑎᖏᑕ ᐱᓇᓱᐊᕐᐰᑦ?

ᔨᕆᒤᐊᐅᑉ ᐊᒡᓚᖏᑦ 21:12

ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑭᖑᕚᖑᔪᓯ, ᐊᑕᓂᖅ ᐃᒫᒃ ᐅᖃᕐᐳᖅ: “ᓈᒻᒪᓈᕐᓯᒪᔪᒥᒃ ᐱᓇᓱᐊᖃᑦᑕᕆᑦᓯ ᖃᐅᑕᒫᑦ, ᓴᐳᑦᔨᓯᒪᓇᓱᐊᖃᑦᑕᕐᓗᓯᓗ ᑎᒡᓕᒡᕕᐅᓯᒪᔪᓂᒃ, ᓂᓐᖓᒡᓗᖓ ᐊᑭᓂᐊᖁᓇᖓ ᐃᑯᐊᓚᔪᑎᑐᑦ, ᐱᐅᖏᑦᑐᓕᓂᓯ ᐃᑯᐊᓚᒃᑕᐅᖁᓪᓗᒋᑦ, ᖃᒥᑕᐅᓂᐊᓐᖏᓚᕐᓗ ᓇᓪᓕᐊᓐᓄᓪᓘᓐᓃᑦ.”’

ᔨᕆᒤᐊᐅᑉ ᐊᒡᓚᖏᑦ 22:28

“ᑯᓂᐊ ᑖᓐᓇᐅᕚ ᓇᕐᕈᒋᔭᐅᔪᖅ, ᒪᕐᕋᐅᔭᖅ ᓯᖁᒥᓯᒪᔪᖅ, ᐃᒃᐱᒋᔭᐅᖏᑦᑐᖅ? ᓱᖕᒪᑦ ᕿᑐᕐᖓᓂ ᐃᓚᒋᓪᓗᒋᑦ ᐃᒋᑕᐅᔪᒃᓴᐅᕚᑦ ᓄᓇᒧᑦ ᖃᐅᔨᒪᓐᖏᑕᖓᓐᓄᑦ?

ᔨᕆᒤᐊᐅᑉ ᐊᒡᓚᖏᑦ 5:19

ᐃᓄᐃᓪᓗ ᐊᐱᕆᒃᐸᑕ, “ᖃᓄᐃᒻᒪᑦ ᐊᑕᓂᐅᑉ ᒎᑎᑦᑕ ᑍᒤᓕᐅᕐᑕᐅᑎᑉᐹᑎᒎᑦ? ᐅᖃᐅᑎᔭᒃᓴᕆᕙᑎᑦ, ᓄᓇᒋᔭᑦᓯᓐᓃᒃᑲᓗᐊᕐᓗᓯ ᐅᕙᓐᓂᒃ ᕿᒤᓪᓗᓯ ᐊᓯᑦᓯ ᒎᑎᒋᔭᖏᓐᓂᒃ ᒪᓕᖔᓕᓚᐅᕋᑦᓯ, ᓄᓇᒋᓐᖏᑕᑦᓯᓐᓃᓪᓗᓯ ᔫᑎᐅᖏᑦᑐᓄᑦ ᐊᐅᓚᑕᐅᓕᕈᒫᕐᐳᓯ.”

ᔨᕆᒤᐊᐅᑉ ᐊᒡᓚᖏᑦ 5:29

ᑕᒪᒃᑯᓄᖓ ᓱᒋᐊᕆᐊᖃᓐᖏᓚᒃᑳ? ᐊᑕᓂᖅ ᐅᖃᕐᐳᖅ, ᐊᑭᓂᐊᕐᑐᒃᓴᐅᓐᖏᓚᖔ ᐃᓅᖃᑎᒋᒡᔪᐊᓂᒃ ᑍᒤᓕᐅᕐᑐᓃᒃ?

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:12

ᐊᖅᑯᓵᕐᑐᓄᑦ ᐅᑦᔨᕆᔭᐅᔪᓐᓇᓐᖏᓚᖓ, ᑕᑯᓚᐅᕆᑦᓯ ᐋᓐᓂᐊᓂᒃᑲ, ᐋᓐᓂᐊᔪᓄᑦ ᐊᑦᔨᐅᓇᓱᒋᒐᑦᓯᐅᒃ? ᐊᑕᓂᐅᑉ ᓂᓐᖓᖕᓂᕐᒥᓄᑦ ᓱᒋᐊᕐᓯᓂᕆᔭᖓ ᐅᕙᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:2

ᑭᖑᕐᖑᑎᔭᕗᑦ ᑕᑯᓕᒪᓇᖏᑦᑐᓄᑦ ᐱᓯᒪᔭᐅᓕᕐᒪᑕ, ᐊᖏᕐᕋᕆᓚᐅᕐᑕᕗᓪᓗ ᐃᓂᒋᔭᐅᓕᕐᓗᑎᒃ ᑕᑯᓕᒪᓇᖏᑦᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 21:31

ᓂᓐᖓᐅᒪᓂᕋ ᐃᒃᐱᒋᔪᒫᕐᐸᓯ; ᐃᑯᒪᑐᑦ ᐃᑯᐊᓪᓚᒃᑎᓐᓂᐊᕐᐸᕋ ᐃᓕᑦᓯᓐᓄᑦ; ᐊᑦᑕᕆᔭᖃᖏᑦᑐᓄᑦ ᑐᓂᔪᒫᕐᐸᑦᓯ, ᑐᖁᕅᓂᕐᒥᒃ ᖃᐅᔨᒪᑦᓯᐊᕐᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 7:24

ᐃᓅᖃᑎᒌᒡᔪᐊᓂᑦ ᐱᐅᖏᓐᓂᕐᐹᓂᒃ ᑎᑭᑎᑦᓯᔪᒫᕐᐳᖓ ᐃᒡᓗᖏᑦ ᑖᒃᑯᓄᖓ ᐱᑖᕆᔭᐅᖁᓪᓗᒋᑦ; ᐱᐅᔪᕆᓂᕐᒧᑦ ᐊᔪᖏᑦᔪᑎᖏᑦ ᓄᖅᑲᕐᑎᑦᓱᒫᕐᐸᒃᑲ, ᐃᑦᔪᕐᓁᑦᑐᖁᑎᖏᓪᓗ ᓇᕐᕈᓇᕐᓯᑎᑕᐅᔪᒫᕐᐳᑦ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.