ᔨᕆᒤᐊᐅᑉ ᐊᒡᓚᖏᑦ 17:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᕝᕙ ᐊᖓᔪᖅᑳᕐᔪᐊᕆᔭᓯ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᑦ ᐊᖓᔪᖅᑳᖁᑎᖏᓪᓗ ᐃᑎᕐᐸᖕᓂᐊᕐᐳᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ ᔫᑕᒥᐅᓂᒃ ᔨᕉᓴᓕᒥᐅᓂᒡᓗ ᐃᓚᖃᕐᓗᑎᒃ ᕿᒧᒃᓯᐅᑎᖁᑎᒥᒃᑎᒍᑦ, ᐃᒡᓗᒐᓴᒡᔪᐊᓪᓗ ᑖᒃᑯᐊ ᐃᓄᕾᓐᓇᕐᓂᐊᕐᐳᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 17:25 Iomraidhean Croise

ᓴᒧᐃᓕ ᐂᑉᐸᖏᑦ 7:16

ᑭᖑᕚᑎᓪᓕ ᐊᑕᓂᐅᕖᓪᓗ ᓱᖁᓯᔪᐃᑦᑑᑎᑦᓱᒪᕙᒃᑲ ᐃᓱᖃᖏᑦᑐᒧᑦ; ᐊᖓᔪᖅᑲᐅᓃᓪᓗ ᑲᔪᓯᓂᐊᕐᐳᖅ ᐃᓱᖃᖏᑦᑐᒧᑦ.’”

ᓴᒧᐃᓕ ᐂᑉᐸᖏᑦ 8:4

ᑍᕕᑎᐅᓪᓗ ᑎᒍᓚᐅᕐᐰᑦ 1,700ᐃᑦ ᕿᒻᒥᕐᔪᐊᒃᑰᕐᑏᑦ, 20,000ᐃᓪᓗ ᐅᓇᑕᕐᑐᒃᓮᑦ ᐱᓱᒃᑏᑦ; 100ᓂᒡᓗ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᑎᒍᓯᓚᐅᕐᐳᖅ ᐊᓯᓕᒫᖏᑦ ᑭᖑᓪᓖᖏᑕ ᓄᑭᖏᑦ ᓱᒃᑯᑎᕐᓗᒋᑦ.

ᒨᓯᓯ ᐂᑉᐸᖏᑦ 12:14

ᑕᒪᓐᓇᓗ ᐅᒃᐱᕐᓂᒃᑯᑦ ᓇᓪᓕᐅᓐᓂᕐᓯᐅᕈᑎᒋᖃᑦᑕᕆᐊᖃᕈᒫᕐᐸᓯ ᐃᖅᑲᐅᒪᒃᓯᕈᑕᐅᖁᓪᓗᒍ ᖃᓄᖅ ᐅᕙᖓ ᐊᑕᓂᐅᔪᖓ ᐱᓇᓱᐊᓚᐅᕐᓯᒪᓂᓐᓂᒃ, ᓇᓪᓕᐅᓐᓂᕐᓯᐅᕐᐸᒍᒫᕐᐸᓯ ᑍᒪᓐᖓᑦ ᓯᕗᓂᕐᒥ ᐱᔪᒫᕐᑐᒥ.”

ᐂᓮᐊᓯᐅᑉ ᐊᒡᓚᖏᑦ 9:7

ᐊᖓᔪᖅᑳᖑᓂᖓᓗ ᐱᕈᕐᐸᓪᓕᐊᖏᓐᓇᕈᒫᕐᐳᖅ; ᖃᓄᐃᖏᑦᓯᐊᕐᓇᕐᑐᖅ ᐃᓱᖃᕈᒫᓐᖏᓚᖅ. ᑍᕕᑎᐅᑉ ᐃᒃᓯᕙᐅᑕᕐᔪᐊᖓᓂ, ᐊᖓᔪᖅᑳᕐᔪᐊᖑᕕᖓᓂᓗ, ᐃᓂᑖᕐᑎᓪᓗᒍ ᑲᔪᓯᑎᓪᓗᒍᓗ ᓈᒻᒪᓈᑦᓯᐊᕐᓂᕐᒥᒃ, ᐃᓱᐊᕐᓂᕐᒥᒡᓗ, ᒫᓐᓇᒥᑦ ᐱᒋᐊᕐᓗᓂ ᐃᓱᖃᖏᑦᑐᒧᓪᓗ. ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓗᖏᕐᑐᕐᓂᖓ ᑕᒪᑐᒥᖓ ᓇᖕᒥᓂᖅ ᐱᓇᓱᐊᕈᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 13:13

ᑍᒤᓕᒃᐸᑕ ᑕᕝᕙ ᐅᖃᐅᑎᓂᐊᕐᐸᑎᑦ, ‘ᐃᒫᒃ ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐋᖓᔮᕐᑎᑦᓯᓂᐊᕐᐳᖓ ᓇᓂᑐᐃᓐᓇᖅ ᓄᓇᓕᖕᓂᒃ ᑕᒫᓂ: ᐊᖓᔪᖅᑳᕐᔪᐊᓂᒃ ᑍᕕᑎᐅᑉ ᐊᖓᔪᖅᑲᐅᕕᖓᓂᑦ ᐱᓯᒪᔪᓂᒃ, ᑐᓂᕐᕈᓯᕐᑎᑦᓯᔨᓂᒃ, ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᔨᕉᓴᓕᒥᐅᓕᒫᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 22:2

ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᒃᑭᑦ, ᔫᑕᐅᑉ ᐊᖓᔪᖅᑳᕐᔪᐊᖓ ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓂ ᐊᖓᔪᖅᑳᖑᔪᑎᑦ, ᐊᖓᔪᖅᑳᖁᑎᑎᓪᓗ ᐃᓄᑯᑎᑎᓪᓗ ᑐᓴᖃᑎᒋᓗᒋᑦ ᐃᑎᖃᑦᑕᕐᑐᑦ ᐃᑎᕐᑕᕐᕕᒃᑯᑦ.

ᔨᕆᒤᐊᐅᑉ ᐊᒡᓚᖏᑦ 22:30

ᐊᑕᓂᖅ ᐃᒫᒃ ᐅᖃᕐᒪᑦ, ‘ᐊᖑᑦ ᑖᓐᓇ ᑎᑎᕋᕐᓯᒪᓂᐊᕐᐸᓯ ᕿᑐᕐᖏᓱᐃᑦᑑᓂᕋᕐᓗᒍ, ᐱᔪᓐᓇᕐᓯᓐᓂᖏᑦᑐᖅ ᐃᓅᓪᓗᓂ, ᑭᖑᕚᖏᑦ ᒪᑭᑦᑐᓐᓇᕐᓯᔪᖃᕈᒫᓐᖏᓚᑦ, ᑍᕕᑎᐅᑉ ᐊᖓᔪᖅᑲᐅᓂᖓᑕ ᐃᒃᓯᕙᐅᑕᕐᔪᐊᖓᓂ ᐊᖓᔪᖅᑳᕐᔪᐊᓐᖑᕐᑐᖃᕐᓂᐊᓐᖏᓚᑦ, ᐊᐅᓚᑦᓯᔪᕐᑕᖃᕐᓂᐊᕋᓂᓗ ᔫᑕᒥ.’”

ᔨᕆᒤᐊᐅᑉ ᐊᒡᓚᖏᑦ 22:4

ᐱᖁᔭᒃᑲ ᑖᒃᑯᐊ ᒪᓕᑦᓯᐊᕈᑦᓯᐅᒃ, ᑕᕝᕙ ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓂ ᐃᒃᓯᕙᐅᑕᕐᔪᐊᖃᕐᑐᑦ, ᐊᖓᔪᖅᑳᖁᑎᖏᓪᓗ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ ᐊᕙᒻᒧᒐᕈᒫᕐᐳᑦ ᕿᒧᒃᓯᐅᑎᒃᑯᑦ ᐊᒃᓴᓗᐊᓕᒃᑯᑦ ᕿᒻᒥᕐᔪᐊᒃᑯᓪᓗ, ᓯᐊᓛᖏᑦ ᐃᓄᖁᑎᖏᓪᓗ ᐃᓚᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 25:5

ᐅᖃᖃᑦᑕᓚᐅᕐᐳᓪᓗ, ‘ᓵᒋᐊᓕᕆᑦᓯ, ᑕᒪᑦᓯ ᐊᑐᓂᑦ, ᐱᐅᖏᑦᑐᓕᓂᑦᓯᓐᓂᑦ ᐱᓂᐊᕐᓂᕆᔭᑦᓯᓐᓂᓪᓗ ᓈᒻᒪᖏᑦᑐᓂᑦ ᓄᓇᖃᑯᑖᒍᓐᓇᕐᓂᐊᕋᑦᓯ ᐊᑕᓂᐅᑉ ᓄᓇᑖᕆᔭᐅᑎᓯᒪᔭᖓᓂᒃ ᐃᓕᑦᓯᓐᓄᑦ ᓯᕗᓕᑦᓯᓐᓄᓪᓗ ᑍᑦᓱᒪᓂᐊᓗᖕᒥᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 33:15

ᐅᓪᓗᐃᑦ ᑍᒃᑯᐊ ᓇᓪᓕᐅᑎᒃᐸᑕ ᓴᖅᑭᑎᑦᓯᔪᒫᕐᐳᖓ ᐊᑲᐅᔪᒥᒃ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᑖᓐᓇ ᐊᑲᐅᔪᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᕈᒫᕐᐳᖅ ᓄᓇᒥ.

ᔨᕆᒤᐊᐅᑉ ᐊᒡᓚᖏᑦ 33:17

ᐃᒫᒃ ᐊᑕᓂᖅ ᐅᖃᕐᐳᖅ, ᑍᕕᑎᐅᑉ ᑭᖑᕚᖏᓐᓂᑦ ᐱᔪᒥᒃ ᐊᖓᔪᖅᑳᕐᔪᐊᒃᓴᕐᑕᕾᓐᓇᕈᒫᕐᐳᖅ ᐃᓴᕆᐊᓕᒥᐅᓂ.

ᔨᕆᒤᐊᐅᑉ ᐊᒡᓚᖏᑦ 33:21

ᑍᒫᒃᑕᐅᖅ ᐱᔨᓐᓄᑦ ᑍᕕᑎᒧᑦ ᐊᖏᖃᑎᒌᒍᑎᒐ ᓕᕔᑎᓪᓗ ᑐᓂᕐᕈᓯᕐᑎᑦᓯᔨᐅᓂᖏᓐᓄᑦ ᓯᖁᒥᒃᑲᔭᕐᐳᖅ, ᑍᕕᑎᐅᑉ ᑭᖑᕚᖏᓐᓂᑦ ᐱᔪᒃᓴᖃᕈᓐᓃᕋᔭᕐᐳᖅ ᐃᒃᓯᕙᐅᑕᕐᔪᐊᕐᒥ ᐊᖓᔪᖅᑳᕐᔪᐊᖑᔪᒃᓴᓂᒃ.

ᔨᕆᒤᐊᐅᑉ ᐊᒡᓚᖏᑦ 7:3

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᓕᖅᑯᓯᕆᔭᓯ ᐱᓂᐊᕐᓂᕆᔭᓯᓗ ᐋᖅᑭᒋᐊᕐᑕᒃᓴᕆᕙᓯ ᓄᓇᖃᕈᒪᒍᑦᓯ ᑕᒫᓂ.

ᔨᕆᒤᐊᐅᑉ ᐊᒡᓚᖏᑦ 7:7

ᑕᕝᕙ ᓄᓇᖃᕐᑎᑦᓱᓐᓇᕋᔭᕐᐸᑦᓯ ᑕᒫᓂ, ᓯᕗᓕᕕᓂᑦᓯᓐᓄᑦ ᓄᓇᑖᕆᔭᐅᑎᓚᐅᕐᑕᕋ ᓄᓇᒋᔭᐅᖏᓐᓇᖁᓪᓗᒍ ᐃᓱᖃᖏᑦᑐᒧᑦ.

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᐄᑉᕈᐃᓄᑦ 12:22

ᐃᓕᑦᓯᓕ ᖃᖅᑲᒧᑦ ᓮᐅᓂᒧᑦ ᑎᑭᓯᒪᕗᓯ ᒎᑎᐅᑉ ᑐᖁᓱᐃᑦᑑᑉ ᐃᒡᓗᒐᓴᒡᔪᐊᖁᑎᖏᓐᓄᑦ, ᔨᕉᓴᓕᒧᑦ ᕿᓚᖕᒦᑦᑐᒧᑦ, ᐂᖏᓕᒐᓴᒡᔪᐊᓄᑦ ᓈᓴᕐᑕᐅᔪᓐᓇᖏᑦᑐᓄᑦ ᖁᕕᐊᓱᖃᑎᒌᒡᓗᑎᒃ ᑲᑎᒪᔪᓄᑦ,

ᓴᒧᐃᓕ ᓯᕗᓪᓖᑦ 8:11

ᓴᒧᐃᓕᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᑦᓯ ᐊᐅᓚᑦᓯᓕᕈᓂ ᐃᒫᒃ ᐱᐅᓯᖃᕐᕕᒋᔪᒫᕐᐹᓯ: ᐃᕐᓂᓯ ᐅᓇᑕᕐᑐᒃᓴᓐᖑᕐᑎᑦᓱᒫᕐᐰᑦ ᐃᓚᖏᓪᓗ ᐅᓇᑕᕐᑎᒋᓗᓂᒋᑦ ᕿᒧᒃᓯᐅᑎᓄᑦ ᐊᒃᓴᓗᐊᓕᖕᓄᑦ, ᐃᓚᖏᓪᓗ ᕿᒻᒥᕐᔪᐊᒃᑯᑦ ᐅᓇᑕᕐᑎᒋᓗᓂᒋᑦ, ᐃᓚᖏᓪᓗ ᐅᓪᓚᒃᑎᐅᓗᑎᒃ ᕿᒧᒃᓯᐅᑏᑦ ᐊᒃᓴᓗᐊᓖᑦ ᓯᕗᕌᓂ;