ᔨᕆᒤᐊᐅᑉ ᐊᒡᓚᖏᑦ 16:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑍᒤᒻᒪᑦ ᑕᑯᒋᑦ, ᖃᐅᔨᑎᓐᓂᐊᕐᐸᒃᑲ, ᑕᒪᑐᒪᓂ ᖃᐅᔨᑎᓐᓂᐊᕐᐸᒃᑲ, ᐱᔪᓐᓇᕐᓂᖃᕐᓂᓐᓂᒃ ᓴᓐᖏᔫᓂᓐᓂᒡᓗ, ᖃᐅᔨᓕᕐᓂᐊᕐᒪᑕ ᐊᑎᖃᕋᒪ ᐊᑕᓂᕐᒥᒃ.”

ᔨᕆᒤᐊᐅᑉ ᐊᒡᓚᖏᑦ 16:21 Iomraidhean Croise

ᐃᓐᖏᕈᑎᑦ 83:18

ᖃᐅᔨᑎᓚᐅᒃᑭᑦ ᐃᕝᕕᑑᓪᓗᑎᑦ, ᐊᓯᖃᖏᑦᑑᓪᓗᑎᑦ ᐊᑕᓂᑐᐊᖑᒐᕕᑦ, ᖁᑦᓯᖕᓂᕐᐸᐅᒐᕕᑦ ᓄᓇᕐᔪᐊᓕᒫᒥ.

ᐃᓐᖏᕈᑎᑦ 9:16

ᐊᑕᓂᖅ ᖃᐅᔨᒪᔭᐅᕗᖅ ᐃᖅᑲᕐᑐᐃᓂᖏᑕ ᐱᓂᐊᕐᓂᖏᑎᒍᑦ; ᐱᐅᖏᑦᑐᓕᔪᑦ ᓂᒐᕐᓯᒪᕗᑦ ᓇᖕᒥᓂᖅ ᐊᒡᒐᖕᒥᖕᓄᑦ ᓴᓇᓯᒪᔭᒥᖕᓄᑦ. ᐃᓱᒪᒃᓴᕐᓯᐅᕐᓂᖅ ᑐᒃᓯᐊᕐᓂᒃᑯᑦ. ᓰᓚ

ᒨᓯᓯ ᐂᑉᐸᖏᑦ 14:4

ᐱᔭᕐᓂᕈᓐᓃᕐᑎᓐᓂᐊᕋᒃᑯ, ᐃᓕᑦᓯᓐᓂᒡᓗ ᒪᓕᒃᓴᕐᓂᐊᕐᐳᖅ, ᓵᓚᖃᕐᓂᕋᓗ ᐊᖓᔪᖅᑳᕐᔪᐊᒥᒃ ᐅᓇᑕᕐᑐᒃᓴᖁᑎᖏᓐᓂᒡᓗ ᐅᐱᒋᔭᐅᑦᔪᑎᒋᓂᐊᕐᐸᕋ, ᑕᕝᕙ ᐄᑦᔨᑉᑎᒥᐅᑦ ᖃᐅᔨᓂᐊᕐᐳᑦ ᐊᑕᓂᐅᓂᓐᓂᒃ.” ᐃᓴᕆᐊᓕᒥᐅᓪᓗ ᐱᖁᔭᐅᓂᑎᒃ ᒪᓕᒡᓗᒍ ᐱᓂᐊᓚᐅᕐᐳᑦ.

ᒨᓯᓯ ᐂᑉᐸᖏᑦ 15:3

ᐊᑕᓂᖅ ᑖᓐᓇ ᐅᓇᑕᕐᑎᐅᕗᖅ; ᐊᑕᓂᕐᒥᒃ ᐊᑎᖃᕐᐳᖅ.

ᒨᓯᓯ ᐂᑉᐸᖏᑦ 6:3

ᓴᖅᑭᓚᐅᕐᐳᖓᓗ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᔪᒐᖃᖏᑦᑑᓪᓗᖓ ᒎᑎᐅᒐᒪ, ᑭᓯᐊᓂᓕ ᐊᑕᓂᕐᒥᒃ ᐊᑎᖃᕐᓂᓐᓂᒃ ᐊᑎᕐᒪᓗ ᐃᑦᔪᕐᓁᓐᓂᖓᓂᒡᓗ ᓇᓗᓁᕐᓯᓚᐅᓐᖏᓚᖓ ᑖᒃᑯᓄᖓ.

ᐂᓮᐊᓯᐅᑉ ᐊᒡᓚᖏᑦ 43:3

ᐅᕙᖓ ᐊᑕᓂᐅᒐᒪ ᒎᑏᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐱᐅᓕᔩᑦ; ᐄᑦᔨᑉᑎ ᑐᓂᕙᕋ ᐃᓕᖕᓄᑦ ᐊᑭᓕᐅᑎᒋᓪᓗᒍ, ᐃᑎᐅᐱᐊᓗ ᓰᐸᓗ ᐃᓕᖕᓄᑦ ᑕᐅᕐᓰᑦᔪᑎᒋᓪᓗᒋᒃ.

ᔨᕆᒤᐊᐅᑉ ᐊᒡᓚᖏᑦ 33:2

“ᐃᒫᒃ ᐊᑕᓂᖅ ᐅᖃᕐᐳᖅ ᑖᓐᓇ ᓄᓇᕐᔪᐊᕐᒥᒃ ᓴᓇᓚᐅᕐᑐᖅ, ᓴᖅᑭᑎᓪᓗᒍ ᐃᓂᒋᓂᐊᕐᑕᖓᓄᐊᕐᓗᒍᓗ, ᑖᓐᓇ ᐊᑕᓂᕐᒥᒃ ᐊᑎᖃᕐᐳᖅ,

ᐃᓯᑭᐊᓕᐅᑉ ᐊᒡᓚᖏᑦ 24:24

ᑕᕝᕙ ᐃᓯᑭᐊᓕ ᐃᓕᑦᓯᓐᓄᑦ ᓇᓗᓁᒃᑯᑕᐅᓕᕈᒫᕐᐳᖅ; ᐊᑐᕐᑕᓕᒫᖓᓂᒃ ᐊᑑᑎᔭᕆᐊᖃᕈᒫᕐᐳᓯ. ᑕᒪᓐᓇ ᓇᓪᓕᐅᑎᒃᐸᑦ, ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.’

ᐃᓯᑭᐊᓕᐅᑉ ᐊᒡᓚᖏᑦ 24:27

ᐅᓪᓗᒥ ᑕᕝᕙᓂᑦᓮᓐᓇᖅ ᕿᒫᔪᒧᑦ ᑎᑭᑕᐅᒍᕕᑦ ᐅᖃᕈᓐᓇᕐᓯᔪᒫᕐᐳᑎᑦ, ᐅᖃᓪᓚᓕᕐᓗᑎᓪᓗ ᐅᖃᕈᓐᓇᖏᑦᑑᔪᓐᓃᕐᓗᑎᑦ. ᑍᒤᒻᒪᑦ ᓇᓗᓁᒃᑯᑕᐅᔪᒫᕐᐳᑎᑦ ᐃᓄᖕᓄᑦ; ᖃᐅᔨᔪᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ.”

ᐃᓯᑭᐊᓕᐅᑉ ᐊᒡᓚᖏᑦ 25:14

ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᑭᓂᐊᕐᑎᑦᓱᒫᕐᐸᒃᑲ ᐄᑐᒥᒥᐅᓂᒃ; ᐱᓇᓱᐊᖁᓪᓗᒋᑦ ᓂᓐᖓᐅᑦᔨᓯᒪᓂᕋ ᒪᓕᒡᓗᒍ; ᖃᐅᔨᖁᓪᓗᒋᑦ ᐊᑭᓂᐊᕐᓂᓐᓂᒃ, ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 6:7

ᑐᖁᑕᐅᔪᖃᖃᑦᑕᕈᒫᕐᐳᑦ ᐊᑯᓐᓇᑦᓯᓐᓂ, ᖃᐅᔨᖁᓪᓗᓯ ᐊᑕᓂᐅᒐᒪ.

ᐂᒨᓯᐅᑉ ᐊᒡᓚᖏᑦ 5:8

ᑖᓐᓇ ᐅᓪᓗᕆᐊᑦ ᐃᓂᒋᔭᖏᑕ ᖃᓄᐃᓕᖓᓂᖏᓐᓂᒃ ᓴᓇᓚᐅᕐᑐᖅ, ᑖᕐᑐᕐᔪᐊᕐᒥᒡᓗ ᒧᒥᒃᑎᑦᓯᕙᒃᑐᖅ ᐅᓪᓛᓐᖑᕐᑎᓪᓗᒍ, ᐅᓪᓗᕐᒥᒡᓗ ᑖᕐᓯᑎᑦᓯᕙᒃᑐᖅ ᐅᓐᓄᐊᖑᓕᕐᓗᓂ, ᑕᕆᐅᕐᔪᐊᒥᒃ ᕾᖁᔨᕙᒃᑐᖅ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ, ᐊᑎᖃᕐᐳᖅ ᐊᑕᓂᕐᒥᒃ.