ᔨᕆᒤᐊᐅᑉ ᐊᒡᓚᖏᑦ 16:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᔪᒫᕐᐸᒃᑲ ᐱᐅᖏᑦᑐᓕᓂᖏᓐᓄᑦ ᐊᔪᕐᑐᓕᓂᖏᓐᓄᓪᓗ, ᓄᓇᖁᑎᒐ ᓇᕐᕈᓇᕐᓯᑎᑕᐅᓯᒪᖕᒪᑦ ᐆᒪᖏᑦᑐᓂᒃ ᒎᑎᓐᖑᐊᓕᐅᕐᕕᐅᓪᓗᑎᒃ, ᑭᖑᕐᖑᑎᔭᒃᓴᕋᓗ ᓇᕐᕈᓇᕐᑐᓂᒃ ᒎᑎᓐᖑᐊᓂᒃ ᑕᑕᑎᕐᓯᒪᕚᑦ.”

ᔨᕆᒤᐊᐅᑉ ᐊᒡᓚᖏᑦ 16:18 Iomraidhean Croise

ᐃᓐᖏᕈᑎᑦ 106:38

ᐸᓯᔭᒃᓴᐅᖏᑦᑐᒥᒃ ᐊᐅᖕᒥᒃ ᑯᕕᓯᓚᐅᕐᐳᑦ, ᐊᒡᓛᑦ ᐃᕐᓂᖏᑦᑕ ᐸᓂᖏᑦᑕᓗ ᐊᐅᖏᓐᓂᒃ, ᑐᓂᕐᕈᓯᖃᑦᑕᓕᓚᐅᕐᒪᑕ ᑬᓇᓂᒥᐅᑦ ᒎᑎᓐᖑᐊᖏᓐᓄᑦ: ᓄᓇᓗ ᓇᕐᕈᓇᕐᓯᑎᑕᐅᓚᐅᕐᐳᖅ ᐊᐅᖕᒧᑦ.

ᐂᓮᐊᓯᐅᑉ ᐊᒡᓚᖏᑦ 24:5

ᐃᓄᐃᑦ ᓄᓇᕐᔪᐊᕐᒥᒃ ᐱᐅᔪᓐᓃᕐᑎᑦᓯᓯᒪᖕᒪᑕ ᒎᑎᐅᑉ ᐱᖁᔭᖏᓐᓂᒃ ᓯᖁᒥᑦᓯᖃᑦᑕᕐᓂᕐᒧᑦ, ᐊᖏᖃᑎᒌᖕᓂᐅᓪᓗ ᒪᓕᒐᖏᓐᓂᒃ ᓯᖁᒥᑦᓯᖃᑦᑕᕐᓂᕐᒥᖕᓄᑦ ᐃᓱᖃᖏᑦᑐᒧᑦ ᑐᕌᖓᓚᐅᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 61:7

ᑲᓐᖑᓇᕐᑐᒦᓚᐅᕐᓂᑦᓯᓐᓄᑦ ᒪᕐᕈᐃᕐᑑᑎᓪᓗᐊᖓᓂᒃ ᐅᐱᒋᔭᐅᓂᖃᓕᕈᒫᕐᐳᓯ, ᓱᓇᒃᓴᐅᓐᖏᑎᑕᐅᓂᖅ ᑭᖑᕝᕕᕐᑕᐅᔪᒫᕐᐳᖅ ᓇᔪᕐᑕᓯᓐᓂᒃ ᖁᕕᐊᓲᑎᖃᓕᕐᓂᕐᒥᒃ, ᑍᒤᒻᒪᑦ ᓄᓇᖁᑎᒋᓕᕐᑕᑦᓯᓐᓂ ᐱᖃᓕᕈᒫᕐᐳᓯ ᒪᕐᕈᐃᕐᑑᑎᓪᓗᐊᖓᓂᒃ; ᖁᕕᐊᓱᖕᓂᕐᓗ ᐃᓱᖃᖏᑦᑐᒧᑦ ᐱᒋᓕᕈᒫᕐᐸᓯ.

ᐂᓮᐊᓯᐅᑉ ᐊᒡᓚᖏᑦ 65:6

“ᑕᑯᒋᑦ, ᐊᒡᓚᒃᓯᒪᕗᑦ ᓵᓐᓂ; ᓂᐰᑐᐃᓐᓇᕐᓂᐊᓐᖏᓚᖓ ᐊᑭᓂᐊᕈᒫᕐᐳᖓ, ᐃᓛᒃ ᐊᑭᓂᐊᕐᓂᕋ ᓵᖏᓐᓄᑦ ᐱᑎᑦᓱᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 65:7

ᐊᔪᕐᑐᓕᓂᖏᑦ ᓯᕗᓕᕕᓂᖏᑕᓗ ᐊᔪᕐᑐᓕᓂᖏᑦ ᑲᑎᓪᓗᒋᑦ, ᐊᑕᓂᖅ ᐅᖃᕐᐳᖅ; ᑐᓂᕐᕈᓯᖃᑦᑕᓚᐅᕐᓂᖏᓐᓄᑦ ᐃᓯᕐᓗᐊᕐᓂᑎᑦᓯᓪᓗᑎᒃ ᖃᖅᑬᑦ ᖄᖏᓐᓂ, ᐱᖑᕐᓂᓗ ᓇᕐᕈᓇᕐᓯᑎᑦᓯᓪᓗᑎᒃ ᐅᕙᓐᓂᒃ, ᑍᒤᒻᒪᑦ ᓵᖓᓐᓄᐊᕐᓯᔪᒫᕐᐳᖓ ᐊᑭᓂᐊᕐᕕᐅᔪᒃᓴᐅᓂᖏᓐᓂᒃ ᐊᔪᕐᑐᓕᓂᕆᓯᒪᔭᖏᑦ ᒪᓕᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 17:18

ᐊᑭᕋᕐᑐᕐᑎᒃᑲ ᑲᓐᖑᓇᕐᑐᒧᐊᕐᑎᒃᑭᑦ, ᑲᓐᖑᓇᕐᑐᒧᐊᕐᑎᓐᓇᖓ; ᓴᐱᓕᕐᑎᒃᑭᑦ ᓴᐱᕐᓇᕐᑐᒧᐊᕐᑎᓐᓇᖓ, ᐱᐅᖏᑦᑐᒧᑦ ᑎᑭᕝᕕᐅᑎᒃᑭᑦ; ᐊᓯᕈᒃᑭᑦ ᐊᓯᕈᕐᑕᐅᓇᕐᑐᒧᑦ ᒪᕐᕈᕕᓪᓗᐊᕐᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 2:7

ᓄᓇᒧᐊᕐᑎᓚᐅᕐᐸᑦᓯ ᐱᕈᕐᑐᖃᑦᓯᐊᕐᑐᒧᑦ, ᐱᕈᕐᑐᖏᓐᓂᒃ ᓂᕿᖃᖁᓪᓗᓯ, ᐱᕈᕐᑎᑦᓯᖁᓪᓗᓯᓗ, ᑕᒪᐅᓐᖓᕋᑦᓯᓕ ᓄᓇᖁᑎᒐ ᓇᕐᕈᓇᕐᓯᑎᓚᐅᕐᐸᓯ, ᑭᖑᕐᖑᑎᔭᐅᒐᔭᕐᑐᕐᓗ ᐱᐅᔪᓐᓃᕐᑎᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 3:9

ᐃᓴᕆᐊᓕᒥᐅᑉ ᓈᒻᒪᖏᑦᑐᓕᓂᖓ ᔫᑕᐅᑉ ᓱᕙᓪᓕᕈᑎᒋᓚᐅᖏᒻᒪᒍ. ᓄᓇ ᓇᕐᕈᓇᕐᓯᑎᓚᐅᕐᐹ ᐊᓯᓐᓂᐊᕈᑎᖃᕐᓗᓂᓗ ᐅᔭᕋᖕᒥᒃ ᕿᔪᖕᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 44:4

ᐅᖃᕐᑎᓐᓂᒃ ᐱᓇᓱᐊᕐᕕᐅᔭᕐᑐᕐᑎᖃᑦᑕᓚᐅᕐᐸᑦᓯ, ᐅᖃᐅᑎᓪᓗᓯ, ‘ᐱᐅᖏᑦᑐᓂᒃ ᐆᒥᒋᔭᓐᓂᒃ ᐱᓇᓱᐊᓕᖁᓇᓯ.’

ᔨᕆᒤᐊᐅᑉ ᐊᒡᓚᖏᑦ 7:30

“ᔫᑕᒥᐅᑦ ᓵᓐᓂ ᐊᔪᕐᑐᓕᓯᒪᖕᒪᑕ, ᐊᑕᓂᖅ ᐅᖃᕐᐳᖅ, ᒎᑎᓐᖑᐊᓂᒃ ᓇᕐᕈᓇᕐᑐᓂᒃ ᐃᓕᐅᖅᑬᓯᒪᖕᒪᑕ ᑐᒃᓯᐊᕐᕕᒡᔪᐊᖁᑎᓐᓄᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᓇᕐᕈᓇᕐᓯᑎᑦᓯᕗᑦ ᑍᒤᓕᐅᕐᓂᕐᒥᖕᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 11:18

ᑕᕝᕗᖓᕈᑎᒃ, ᐃᑦᔪᕐᓇᕐᑐᓂᒃ ᐲᔧᔪᒫᕐᐳᑦ ᒎᑎᒧᓪᓗ ᓇᕐᕈᓇᕐᑐᓕᒫᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 11:21

ᐅᖓᒋᔭᖃᕐᑐᓪᓕ ᐱᐅᖏᑦᑐᓂᒃ ᒎᑎᒧᓪᓗ ᓇᕐᕈᓇᕐᑐᓂᒃ, ᐊᑭᓂᐊᕈᒫᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ. ᐊᑕᓂᖅ ᒎᑎ ᐅᖃᕐᐳᖅ.”

ᐃᓯᑭᐊᓕᐅᑉ ᐊᒡᓚᖏᑦ 36:18

ᑍᒤᒻᒪᑦ ᓂᓐᖓᕝᕕᒋᓚᐅᕐᐸᒃᑲ ᐃᓄᐊᕐᓗᑎᒃ ᐊᐅᖕᒥᒃ ᑯᕕᓯᖃᑦᑕᕐᒪᑕ ᓄᓇᒧᑦ, ᒎᑎᓐᖑᐊᓄᓪᓗ ᓄᓇᑎᒃ ᓇᕐᕈᓇᕐᓯᑎᓚᐅᕐᒪᑦᔪᒃ.

ᐃᓯᑭᐊᓕᐅᑉ ᐊᒡᓚᖏᑦ 5:11

“ᑍᒤᒻᒪᑦ, ᐆᒪᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓚᐅᕋᑦᓯᐅᒃ ᐱᐅᖏᑦᑐᓂᒃ ᓇᕐᕈᓇᕐᑐᓂᒡᓗ ᐱᓂᐊᕐᓂᖃᕐᓂᑦᓯᓐᓄᑦ, ᑍᒤᒻᒪᑦ ᑐᖁᕋᕈᒫᕐᐸᑦᓯ; ᑕᑯᔭᓕᒫᓐᓂᒃ ᐊᒥᐊᒃᑯᖏᓪᓗᖓ, ᓂᑲᒋᔪᒫᓐᖏᓚᑦᓯᓗ.

ᕼᐆᓯᐊᑉ ᐊᒡᓚᖏᑦ 9:7

ᐅᓪᓗᐃᑦ ᓱᒋᐊᕐᑕᐅᕖᑦ ᑎᑭᑉᐳᑦ, ᐅᓪᓗᐃᓪᓗ ᐊᑭᓕᕐᑕᐅᕖᑦ ᑎᑭᑉᐳᑦ; ᐃᓴᕆᐊᓕ ᖃᐅᔨᓂᐊᕐᐳᖅ. ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᓯᓔᑦᑑᕗᖅ, ᐊᓂᕐᓂᓕᕆᔪᕐᓗ ᐃᓱᒤᕈᑎᕗᖅ, ᐱᐅᖏᑦᑐᓕᓂᓯ ᐊᖏᓗᐊᕐᓂᖓᓄᑦ ᐆᒥᓱᖕᓂᓯᓗ ᐊᖏᓗᐊᕐᓂᖓᓄᑦ.

ᒨᓯᓯ ᐱᖓᔪᖏᑦ 26:30

ᑐᒃᓯᐊᕐᕕᒃᓯ ᖃᖅᑲᓃᑦᑐᑦ ᓯᖁᒥᒐᔭᕐᐸᒃᑲ, ᐃᓯᕐᓗᐊᕐᓂᑎᑦᓯᕕᖁᑎᓯᓗ ᑐᓂᕐᕈᓯᕐᕖᑦ ᐅᕐᕈᑎᓪᓗᒋᑦ, ᑎᒥᓯᓗ ᑐᖁᖓᔪᑦ ᐃᒋᒃᑲᔭᕐᐸᒃᑲ ᒎᑎᓐᖑᐊᑦᓯᓐᓄᑦ ᓯᖁᒥᓯᒪᓕᕐᑐᓄᑦ, ᓂᓐᖓᐅᒪᓗᖓ.

ᒤᑲᐅᑉ ᐊᒡᓚᖏᑦ 2:10

ᒪᑭᓪᓗᑎᑦ ᐊᐅᓪᓚᓕᕆᑦ, ᑖᓐᓇ ᑕᕾᕐᓯᕐᕕᒋᖏᓐᓇᕕᐅᒃ; ᓱᕈᕐᑎᕐᑕᐅᓯᒪᓕᕐᒪᑦ ᐊᓯᕈᕐᑕᐅᓪᓗᓂᓗ, ᓯᖁᒥᑕᐅᓪᓚᕆᖕᓂᐊᕐᐳᖅ ᐋᖅᑭᒍᓐᓁᓪᓕᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:6

ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᒪᓕᒡᓗᒍ ᐱᓂᐊᕐᕕᒋᓯᐅᒃ, ᐱᓂᐊᕐᓂᕆᓚᐅᕐᑕᖏᓪᓗ ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᓗᒍ, ᖃᓪᓗᑎᖓ ᐃᒻᒥᕐᑕᐅᓕ ᒪᕐᕈᐃᕐᑐᓪᓗᐊᕐᓗᓂ ᓴᓐᖏᓂᕐᓴᒥᒃ ᐃᓕᑦᓯᓐᓂᒃ ᐃᒥᕐᑎᑦᓯᓯᒪᓂᖓᓂᑦ.