ᔨᕆᒤᐊᐅᑉ ᐊᒡᓚᖏᑦ 15:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓯᑕᒪᓂᒃ ᐊᑦᔨᒌᖏᑦᑐᓂᒃ ᐊᓯᕈᐃᔪᒃᓴᓂᒃ ᑎᑭᑎᑦᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᓴᕕᒡᔪᐊᒥᒃ ᑐᖁᑦᓯᑦᔪᑎᒃᓴᒥᒃ, ᕿᒻᒥᓂᒡᓗ ᑎᒥᖏᑦ ᐅᓂᐊᕐᑕᐅᓗᑎᒃ ᓂᕆᔪᒃᓴᓂᒃ, ᑎᖕᒥᐊᓂᒡᓗ ᑎᒥᕕᓂᕐᓂᒃ ᓂᕆᔪᒃᓴᓂᒃ, ᐆᒪᔪᓂᒡᓗ ᓄᔪᐊᕐᑕᓂᒃ ᑎᒥᕕᓂᕐᓂᒃ ᓂᕆᔪᒃᓴᓂᒃ ᓄᖑᑕᐅᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 15:3 Iomraidhean Croise

ᐃᓐᖏᕈᑎᑦ 68:23

ᐃᑎᒐᑎ ᐃᐸᕌᖁᓪᓗᒋᑦ ᐊᑭᕋᕐᑐᕐᑎᕕᑦ ᐊᐅᖏᓐᓄᑦ, ᕿᒻᒥᑎᓪᓗ ᐅᖃᕐᒥᖕᓄᑦ ᐃᓚᓐᖕᒊᖁᓪᓗᒋᑦ ᐊᑭᕋᕐᑐᕐᑎᖕᓂᑦ.”

ᐂᓮᐊᓯᐅᑉ ᐊᒡᓚᖏᑦ 18:6

ᐃᓘᓐᓇᓕᒫᑦᓯᐊᑎᒃ ᕿᒤᓐᓇᕐᑕᐅᔪᒫᕐᐳᑦ ᑎᖕᒥᐊᓄᑦ ᓂᕿᑐᕐᑐᓄᑦ ᖃᖅᑲᓃᑦᑐᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ. ᐊᐅᔭᓕᒫᖅ ᑎᖕᒥᐊᓄᑦ ᓂᕿᒋᔭᐅᓕᕈᒫᕐᐳᑦ, ᐅᑭᐅᓕᒫᕐᓗ ᐆᒪᔪᓄᑦ ᓄᓇᒦᑦᑐᓄᑦ ᓂᕿᒋᔭᐅᓗᑎᒃ.”

ᔨᕆᒤᐊᐅᑉ ᐊᒡᓚᖏᑦ 12:9

ᐃᓄᖁᑎᒋᔪᒪᓪᓗᒋᑦ ᓂᕈᐊᓚᐅᕐᑕᒃᑲ ᑎᖕᒥᐊᑎᑐᑦ ᐅᑭᓕᕆᐊᑐᑦ ᑍᒤᓕᕐᐳᑦ ᑎᖕᒥᐊᖑᖃᑎᖏᓐᓄᑦ ᓂᕆᔭᐅᓇᓱᐊᕐᑐᑎᑐᑦ, ᐆᒪᔪᑦ ᐃᕐᓯᓇᕐᑐᑦ ᕾᖁᓕᒃᑭᑦ ᑖᒃᑯᓂᖓ ᓂᕆᖃᑕᐅᓂᐊᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 14:12

ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᔨᕆᒤᐊᐅᑉ ᐊᒡᓚᖏᑦ 14:16

ᐃᓄᐃᓪᓗᑦᑕᐅᖅ ᐅᖃᓪᓚᒡᕕᒋᖃᑦᑕᓚᐅᕐᑕᖏᑦ ᐃᒋᑕᐅᔪᒫᕐᐳᑦ ᔨᕉᓴᓕᐅᑉ ᐊᖅᑯᑎᖏᓐᓄᑦ, ᑐᖁᕋᕈᒫᕐᐳᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᒧᓪᓗ, ᐃᓗᕕᕐᑎᒃᓴᖃᕈᒫᓐᖏᓚᑦ, ᓄᓕᐊᖏᑦ, ᐃᕐᓂᖏᑦ, ᐸᓂᖏᓪᓗ. ᐱᐅᖏᑦᑐᓕᓯᒪᓂᖏᓐᓄᑦ ᑎᑭᕝᕕᐅᑎᑦᓱᒫᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 16:4

ᑐᖁᕋᕈᒫᕐᐳᑦ ᖃᓂᒪᓇᕐᑐᓄᑦ, ᕿᒃᓵᒍᑕᐅᔪᒫᓐᖏᓚᑦ ᐃᓗᕕᕐᑕᐅᖏᓪᓗᑎᒡᓘᓐᓃᑦ; ᓄᓇᒥᓕ ᐊᓇᕐᑎᑐᑦ ᑕᒫᓃᕐᕆᑐᐃᓐᓇᕈᒫᕐᐳᑦ ᑎᒥᕕᓂᖏᑦ. ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒧᓪᓗ, ᑎᒥᕕᓃᓪᓗ ᓂᖃᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 7:33

ᐃᓗᕕᕐᓯᕕᒃᓴᖃᕈᓐᓃᕐᐸᑦ ᑎᒥᕕᓃᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ ᓂᕿᒋᔭᐅᑐᐃᓐᓇᓕᕈᒫᕐᐳᑦ, ᕿᒫᑎᑦᓯᔪᒃᓴᕐᑕᖃᕈᒫᓐᖏᓚᕐᓗ ᑕᒪᒃᑯᓂᖓ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:11

ᐊᖅᑯᑎᒋᔭᓐᓂᑦ ᐅᓂᐊᕐᓗᓂᖓ ᐅᒋᐊᕐᓴᕐᐹᖓ ᕿᒤᓐᓇᕐᓗᓂᖓᓗ ᐃᓱᖃᖏᑦᑐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 33:27

ᒪᑯᓂᖓ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓅᒐᒪ, ᖁᓚᕐᓇᓐᖏᓚᖅ ᐅᑯᐊ ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ; ᓄᓇᑐᐃᓐᓇᒥᓗ ᓄᓇᖃᕐᑐᑦ ᐆᒪᔪᓄᑦ ᐃᕐᓯᓇᕐᑐᓄᑦ ᓂᕆᔭᐅᑎᑦᓱᒫᕐᐸᒃᑲ; ᓴᐴᓗᑕᓕᖕᓃᑦᑐᓪᓗ ᕾᕈᓱᖕᓂᓗ ᖃᓂᒪᓇᕐᑐᓄᑦ ᑐᖁᕋᕈᒫᕐᐳᑦ.

ᒨᓯᓯ ᐱᖓᔪᖏᑦ 26:16

ᑕᕝᕙ ᓱᒋᐊᕐᓂᐊᕐᐸᑦᓯ, ᑲᑉᐱᐊᓇᕐᑐᒻᒪᕆᖕᒥᑦ ᑎᑭᑕᐅᓂᐊᕐᐳᓯ, ᐋᓐᓂᐊᓇᕐᑐᓂᒃ ᐆᑎᕐᓇᕐᓇᕐᑐᓂᒡᓗ ᑕᐅᑐᒍᓐᓁᕐᓇᕐᑐᓂᒡᓗ ᑐᖁᕙᓪᓕᐊᓇᕐᑐᓂᒡᓗ. ᐱᕈᕐᓰᕕᑦᓯᓐᓄᑦ ᐱᕈᕐᓯᐊᒃᓴᓂᒃ ᐃᓕᐅᖅᑬᑐᐃᓐᓇᖃᑦᑕᕐᓂᐊᕐᐳᓯ ᐊᑭᕋᑦᓯᓐᓂᑦ ᓂᕆᔭᐅᖃᑕᕐᓂᐊᕐᒪᑕ.

ᒨᓯᓯ ᐱᖓᔪᖏᑦ 26:22

ᓂᕐᔪᑎᓂᑦ ᐃᕐᓯᓇᕐᑐᓂᑦ ᑎᑭᑕᐅᑎᖃᑦᑕᕐᓂᐊᕐᐸᑦᓯ, ᕿᑐᕐᖓᑦᓯᓐᓂᒡᓗ ᑐᖁᑦᓯᑲᑦᑕᕐᓂᐊᕐᐳᑦ, ᓂᕐᔪᑎᖁᑎᑦᓯᓐᓂᒡᓗ ᑐᖁᕅᓂᐊᕐᐳᑦ, ᐅᓄᕈᓐᓃᕐᓂᐊᕐᐳᓯᓗ ᐊᖅᑯᑏᑦ ᓄᓇᑦᓯᓐᓃᑦᑐᑦ ᐃᓄᖃᕈᓐᓁᕐᓗᑎᒃ.

ᒨᓯᓯ ᐱᖓᔪᖏᑦ 26:25

ᐅᓇᑕᕐᓂᕐᒥᑦ ᑎᑭᑕᐅᑎᓐᓂᐊᕐᐸᑦᓯ ᓱᒋᐊᕐᑕᐅᓗᓯ ᐊᖏᖃᑎᒌᒍᑎᒋᓯᒪᔭᑦᑎᓐᓂᒃ ᓯᖁᒥᑦᓯᓂᓯ ᐱᓪᓗᒍ. ᐃᒡᓗᒐᓴᒡᔪᐊᓄᑦ ᕿᒫᒐᓗᐊᕈᑦᓯ, ᐋᓐᓂᐊᓇᕐᑐᓂᑦ ᐱᔪᓐᓁᕐᑎᑕᐅᔪᓐᓇᖏᑦᑐᓂᑦ ᑎᑭᑕᐅᓂᐊᕐᐳᓯ, ᐊᑭᕋᑦᓯᓐᓄᓪᓗ ᐃᓕᑦᓯᓐᓂᒃ ᑐᓂᕐᕈᑎᒋᔭᕆᐊᖃᓕᕐᓗᓯ.

ᐂᒨᓯᐅᑉ ᐊᒡᓚᖏᑦ 5:19

ᐊᑦᔨᖃᕈᒫᕐᒪᑦ ᐊᖑᒻᒥᒃ ᓛᔭᒥᒃ ᕿᒫᔪᒥᒃ, ᓇᓄᕐᒥᒡᓗ ᐹᕐᓯᔪᒥᒃ! ᐅᕝᕙᓗ ᐊᑦᔨᖃᕈᒫᕆᕗᖅ ᐃᒡᓗᒧᑦ ᐃᑎᕐᑐᒥᒃ, ᐊᑭᓐᓇᒧᑦ ᐊᔭᑉᐸᒃᐸᑦ ᖁᒡᓗᒋᐊᒧᑦ ᑮᔭᐅᔪᑐᑦ!

ᒨᓯᓯ ᑕᓪᓕᒪᖏᑦ 28:26

ᑐᖁᒍᑦᓯᓕ, ᑎᖕᒥᐊᕐᔪᐊᓂᑦ ᐆᒪᔪᓂᓪᓗ ᓄᔪᐊᕐᑐᓂᑦ ᐅᐸᒃᑕᐅᓗᓯ ᑎᒥᑦᓯ ᓂᕆᔭᐅᔪᒫᕐᐳᑦ; ᓇᓪᓕᐊᓐᓄᓪᓘᓐᓃᑦ ᕿᒪᒃᓯᑎᑦᓯᔪᒃᓴᕐᑕᖃᕈᒫᓐᖏᓚᖅ ᑖᒃᑯᓂᖓ.

ᒨᓯᓯ ᑕᓪᓕᒪᖏᑦ 32:24

ᑐᖁᕋᕈᒫᕐᐳᑦ ᐱᕐᓕᕋᕐᓗᑎᒃ ᖃᓂᒪᓐᓇᕐᒧᓪᓗ ᐆᑎᕐᓇᕐᑐᒧᑦ; ᑐᖁᕋᕈᒫᕐᐳᑦ ᖃᓂᒪᓐᓇᕐᑐᓄᑦ ᐱᐅᖏᑦᑐᐊᓗᖕᓄᑦ; ᓂᕐᔪᑎᓄᑦ ᓄᔪᐊᕐᑐᓄᑦ ᐅᐸᒃᑐᕐᑕᐅᑎᑦᓱᒫᕐᐸᒃᑲ, ᖁᒡᓗᒋᐊᓄᓪᓗ ᐹᕐᖑᕐᑐᓄᑦ ᑮᔭᐅᑎᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:8

ᑕᑯᕗᖓᓗ, ᑕᑯᒋᑦ, ᕿᒻᒥᕐᔪᐊᒥᒃ ᑐᖁᖓᔪᑎᑐᑦ ᖃᑯᐊᖓᔪᒥᒃ, ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᑐᖁᒥᒃ, ᑐᖁᖓᔪᓪᓗ ᐃᓂᖏᑕ ᑭᖑᓂᑦᓯᐊᖓᓂ ᒫᓕᒃᐹ; ᑖᒃᑯᐊᓗ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒥᐅᑦ ᐃᓄᖏᑕ ᐊᕝᕙᖏᑕ ᓇᑉᐸᖏᓐᓂᒃ ᑐᖁᑎᑦᓯᖁᓪᓗᒋᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᓄᑦ ᐋᓐᓂᐊᓇᕐᑐᓄᑦ ᐆᒪᔪᓄᓪᓗ ᐃᕐᓯᓇᕐᑐᑎᒍᑦ.