ᔨᕆᒤᐊᐅᑉ ᐊᒡᓚᖏᑦ 14:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”

ᔨᕆᒤᐊᐅᑉ ᐊᒡᓚᖏᑦ 14:9 Iomraidhean Croise

ᑯᕉᓂᑲ ᐂᑉᐸᖏᑦ 7:14

ᑕᕝᕙ ᐃᓄᖁᑎᒃᑲ ᐊᑎᓐᓂ ᑐᒃᓯᐊᕐᓗᑎᒃ ᐃᒻᒥᖕᓂᒃ ᒥᑭᒡᓕᑎᕐᐸᑕ, ᑐᒃᓯᐊᕐᓗᑎᒡᓗ ᑮᓇᓐᓂᒃ ᕿᓂᓕᕐᐸᑕ, ᐱᐅᖏᑦᑐᓕᓂᕐᒥᓂᒡᓗ ᕿᒤᒃᐸᑕ, ᑕᕝᕙ ᑐᓴᕐᓂᐊᕐᐸᒃᑲ ᕿᓚᖕᒥᑦ, ᐊᔪᕐᓂᖏᓪᓗ ᐃᓱᒪᒋᔪᓐᓁᕐᓗᒋᑦ ᓄᓇᖓᓗ ᐆᒻᒪᕐᑎᓐᓂᐊᕐᐸᕋ.

ᐃᓐᖏᕈᑎᑦ 10:1

ᐊᑕᓃᖅ, ᓱᖕᒪᑦ ᓇᖏᕐᐱᑦ ᐅᖓᓯᒃᑐᒥ? ᓱᖕᒪᓪᓗ ᐊᔪᕐᓇᕐᑐᖃᓕᕌᖓᑦ ᐃᔨᕐᓯᒪᖃᑦᑕᕐᐲᑦ?

ᐃᓐᖏᕈᑎᑦ 27:9

ᑮᓁᑦ ᐊᓚᐅᒪᑎᓐᓂᐊᕐᓇᒍ ᐅᕙᓐᓂᑦ! ᐱᔩᑦ ᐊᔭᒃᑐᕐᓂᐊᕐᓇᒍ ᓂᓐᖓᐅᒪᓂᕐᒧᑦ; ᐃᑲᔪᕐᑎᒋᖃᑦᑕᕐᓯᒪᒐᒃᑭᑦ. ᓇᕐᕈᒋᓕᕐᓂᐊᕐᓇᖓ, ᕿᒪᖕᓂᐊᕐᓇᖓᓗ, ᒎᑏᒃ ᐱᐅᓕᔨᒋᒐᒃᑭᑦ!

ᐃᓐᖏᕈᑎᑦ 46:5

ᐃᒡᓗᒐᓴᒡᔪᐊᑦ ᒎᑎ ᕿᑎᖓᓃᑉᐳᖅ, ᑖᒃᑯᐊᓗ ᐊᐅᓚᑎᑕᐅᓂᐊᓐᖏᓚᑦ; ᒎᑎᐅᑉ ᐃᑲᔪᕐᓂᐊᕐᐹ, ᐅᓪᓛᑉ ᖃᐅᓕᕐᓂᖓᓂᑦ.

ᐂᓮᐊᓯᐅᑉ ᐊᒡᓚᖏᑦ 12:6

ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”

ᐂᓮᐊᓯᐅᑉ ᐊᒡᓚᖏᑦ 43:7

ᑕᒪᕐᒥᒃ ᐊᑎᒃᑯᑦ ᕾᖁᔭᐅᓯᒪᔪᑦ, ᐱᓐᖑᕐᑎᓚᐅᕐᑕᒃᑲ ᓂᕐᑐᕐᑕᐅᑦᔪᑎᒃᓴᓐᓄᑦ; ᐋᖅᑭᒃᓱᓚᐅᕋᒃᑭᑦ, ᐃᓄᓕᐊᕆᓪᓗᒋᓪᓗ.”

ᐂᓮᐊᓯᐅᑉ ᐊᒡᓚᖏᑦ 51:9

ᑐᐸᓕᕆᑦ, ᑐᐸᓕᕆᑦ, ᐊᓐᓄᕌᕐᓗᑎᓪᓗ ᐱᔪᓐᓇᕐᓂᕐᒥᒃ, ᐊᑕᓂᐅᑉ ᐱᔪᓐᓇᕐᓂᖓᓂᒃ; ᑐᐸᓕᕆᑦ, ᑍᑦᓱᒪᓂᐊᓗᒃᑎᑐᑦ, ᕅᕼᐊᐱᒥᒃ ᐊᒡᒍᐃᓚᐅᕐᓯᒪᓐᖏᓚᑏᑦ, ᐆᒪᔪᕐᔪᐊᒥᒡᓗ ᖁᒡᓗᒋᐊᖑᔮᕐᑐᒥᒃ ᑲᐱᓯᓚᐅᓐᖏᓚᑏᑦ?

ᐂᓮᐊᓯᐅᑉ ᐊᒡᓚᖏᑦ 59:1

ᑕᑯᒋᑦ ᐊᑕᓂᐅᑉ ᑕᓕᖓ ᓁᓗᐊᓐᖏᓚᖅ ᐱᐅᓕᒃᓯᔭᕆᐊᒃᓴᖅ, ᓯᐅᑎᖏᒡᓗ ᑐᓵᑦᓯᐊᖏᑦᑑᓇᑎᒃ, ᑐᓴᕈᓐᓁᓪᓕᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 63:19

ᐊᑦᔨᖃᑐᐃᓐᓇᓕᕐᐳᒍᑦ ᑍᒃᑯᓂᖓ ᐃᓕᖕᓂᒃ ᐊᖓᔪᖅᑳᖃᓚᐅᕐᓯᒪᖏᑦᑐᓂᒃ, ᐊᑎᕐᓂᒡᓗ ᑍᔭᐅᒍᓯᖃᓚᐅᕐᓯᒪᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 15:16

ᐅᖃᐅᑎᒐᕕᖓ ᐅᖃᐅᓯᕆᔭᑎᑦ ᐆᒻᒪᒻᒥᐅᑕᕐᑖᕆᓚᐅᕐᐸᒃᑲ, ᖁᕕᐊᓲᑎᒃᓴᕐᑖᕆᓪᓗᒋᓪᓗ ᐃᓗᒃᑯᑦ, ᕾᖁᔭᐅᓯᒪᒐᒪ ᐊᑎᒃᑯᑦ, ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 51:5

ᐃᓴᕆᐊᓕᒥᐅᑦ ᔫᑕᒥᐅᓪᓗ ᕿᒪᒃᑕᐅᓯᒪᓐᖏᓚᑦ ᒎᑎᒥᖕᓄᑦ ᐊᑕᓂᕐᒧᑦ ᐊᔪᒐᖃᖏᑦᑐᕐᔪᐊᕐᒧᑦ ᓄᓇᖓᑦ ᐸᓯᔭᒃᓴᐅᒐᓗᐊᕐᑎᓪᓗᒍ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦᑕ ᓵᖓᓂ.

ᔨᕆᒤᐊᐅᑉ ᐊᒡᓚᖏᑦ 8:19

ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:20

ᓱᖕᒪᑦ ᐳᐃᒍᕐᐱᑎᒍᑦ ᐃᓱᖃᖏᑦᑐᒧᑦ? ᐊᓚᐅᒪᓪᓗᑕᓗ ᐊᑯᓂᐊᓗᒃ?

ᐃᓯᑭᐊᓕᐅᑉ ᐊᒡᓚᖏᑦ 48:35

ᐊᕙᓗᕐᔪᐊᑉ ᐊᖏᓂᖓ ᑐᑭᒧᑦ ᓴᓂᒧᓪᓗ 10,080ᓂᒃ ᐆᒃᑑᑎᓂᒃ ᐊᖏᓂᖃᕐᑐᒃᓴᐅᕗᖅ; ᒫᓐᓇᒥᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᑦ ᑖᒃᑯᐊ ᐊᑎᖃᕐᑐᒃᓴᐅᕗᑦ, ᐊᑕᓂᖅ ᑕᕝᕙᓃᑉᐳᖅ.”

ᕼᐊᐸᑲᐅᑉ ᐊᒡᓚᖏᑦ 1:2

“ᐊᑕᓃᖅ, ᖃᓄᖅ ᐊᑯᓂᐅᑎᒋᔪᖅ ᐃᑲᔪᕐᑕᐅᔪᒪᓗᖓ ᓂᓪᓕᐊᔪᒃᓴᐅᕗᖔ? ᓈᓚᒍᓐᓇᕐᑎᓐᓇᒃ ᐅᕙᓐᓂᒃ? ᑲᑉᐱᐊᓇᕐᑐᒦᓕᕌᖓᑦᑕ ᓴᐳᑦᔨᓇᓱᐊᕈᓐᓇᕐᑎᓐᓇᒃ.

ᓴᑲᕅᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᒪᑦ, ᐅᕙᖓ ᓇᖕᒥᓂᖅ ᐃᑯᒪᐅᓗᖓ ᐊᕙᓗᕐᔪᐊᕆᔭᐅᔪᒫᕐᐳᖓ, ᐃᒡᓗᒐᓴᒡᔪᐊᓂᒡᓗ ᑖᒃᑯᓂᖓᑦ ᑲᑦᔮᕐᓇᕐᑎᑦᓯᔪᒫᕐᐳᖓ.’”

ᓴᑲᕅᐊᐅᑉ ᐊᒡᓚᖏᑦ 8:3

ᐃᒫᒃ ᐊᑕᓂᖅ ᐅᖃᕐᐳᖅ, ᓮᐅᓂᒧᑦ ᐅᑎᕐᓂᐊᕐᐳᖓ ᔨᕉᓴᓕᒥᓗ ᐃᓂᖃᓕᕐᓗᖓ. ᓄᓇᓕᒡᔪᐊᑦ ᑕᕝᕙᓂ ᑍᔭᐅᓕᕈᒫᕐᐳᑦ ᓱᖁᓯᔪᐃᑦᑐᒥᒃ, ᖃᖅᑲᕐᓗ ᓄᓇᓖᑦ ᐃᓂᒋᔭᖓ ᑍᔭᐅᓕᕈᒫᕐᐳᖅ ᐊᑕᓂᐅᑉ ᖃᖅᑲᖓᓂᒃ ᐃᑦᔪᕐᓁᑦᑐᒥᒃ.

ᒨᓯᓯ ᓯᑕᒪᖏᑦ 11:23

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᑕᓂᐅᑉ ᑕᓕᖓ ᓁᒡᓕᒋᐊᕐᓯᒪᕚ? ᒫᓐᓇᓕ ᖃᐅᔨᓂᐊᓕᕐᐳᑎᑦ ᐅᖃᐅᓯᕆᔭᕋ ᑲᔪᓯᓂᐊᕐᒪᖔᑦ ᖃᔪᓯᓂᐊᖏᒻᒪᖔᓪᓘᓐᓃᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:17

ᐃᓄᓕᒫᑦ ᐊᑕᓂᕐᒥᒃ ᕿᓂᓕᖁᓪᓗᒋᑦ, ᔫᑎᐅᖏᑦᑐᑦ ᓇᖕᒥᓂᕆᔪᒪᓪᓗᒋᑦ ᕾᖁᓯᒪᔭᓕᒫᒃᑲ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:16

ᓱᓇᒥᒡᓗ ᐊᖏᖃᑎᒌᒍᓐᓇᕐᐹᒃ? ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᒎᑎᓐᖑᐊᕐᓗ? ᐅᕙᒍᓪᓕ ᒎᑎᐅᑉ ᐃᓅᖏᓐᓇᕐᑑᑉ ᑐᒃᓯᐊᕐᕕᒡᔪᐊᖁᑎᒋᕚᑎᒍᑦ. ᒎᑎ ᐅᖃᕐᓯᒪᖕᒪᑦ: “ᐃᓂᒋᓂᐊᕐᐸᒃᑲ ᐃᓅᖃᑎᒋᓗᒋᓪᓗ, ᑖᒃᑯᓄᖓ ᒎᑎᒋᔭᐅᓂᐊᕐᐳᖓ, ᑖᒃᑯᐊᓗ ᐃᓄᖁᑎᒋᓂᐊᕐᐸᒃᑲ.”

ᒨᓯᓯ ᑕᓪᓕᒪᖏᑦ 23:14

ᐊᑕᓂᖅ ᒎᑎᓯ ᑕᖕᒫᕐᓯᒪᕕᑦᓯᓐᓂ ᐃᖏᕐᕋᖃᑦᑕᕐᒪᑦ, ᓄᓇᒋᔭᑦᓯᓐᓂ ᓴᐳᑦᔨᓪᓗᓂ ᐊᑭᕋᑦᓯᓐᓂᒡᓗ ᑐᓂᓯᓪᓗᓂ ᐃᓕᑦᓯᓐᓄᑦ, ᑍᒤᒻᒪᑦ ᑕᖕᒫᕐᓯᒪᕕᓯ ᐃᑦᔪᕐᓁᑦᑐᒃᓴᐅᕗᖅ, ᐊᑐᖁᔭᐅᖏᑦᑐᒥᒃ ᐃᓅᓯᖃᕐᑍᓕᓗᓯ ᐊᑕᓂᕐᒧᑦ ᐊᓚᕐᑕᐅᖁᓇᓯ.”

ᒨᓯᓯ ᑕᓪᓕᒪᖏᑦ 28:10

ᑕᕝᕙ ᓄᓇᕐᔪᐊᕐᒥᐅᓕᒫᑦ ᖃᐅᔨᔪᒫᕐᐳᑦ ᕾᖁᔭᐅᓯᒪᒐᑦᓯ ᐊᑕᓂᐅᑉ ᐊᑎᖓᓂ; ᓯᕘᕋᒋᓂᐊᕐᐹᓯᓗ.

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3

ᓂᐱᕐᔪᐊᒥᒡᓗ ᑐᓴᕐᐳᖓ ᐃᒃᓯᕙᐅᑕᕐᔪᐊᕐᒥᑦ ᐅᖃᕐᑐᒥᒃ, “ᑕᑯᒋᑦ, ᒎᑎ ᓄᓇᖃᖃᑦᑕᐅᓂᐊᓕᕐᐳᖅ ᐃᓄᖕᓄᑦ. ᑖᑦᓱᒪ ᐃᒡᓗᒥᐅᖃᑎᒋᓂᐊᕐᐰᑦ, ᑖᑦᓱᒪᓗ ᐃᓄᖁᑎᒋᓂᐊᕐᐰᑦ, ᒎᑎᐅᓪᓗ ᓇᖕᒥᓂᖅ ᓇᔪᕐᓂᐊᕐᐰᑦ ᒎᑎᒋᔭᐅᓗᓂ.

ᓴᒧᐃᓕ ᓯᕗᓪᓖᑦ 12:22

ᐊᑕᓂᐅᑉ ᐃᓄᖁᑎᓂ ᐃᒋᓐᓂᐊᓐᖏᓔᑦ, ᐊᑎᓂ ᐃᑦᔪᕐᓁᑦᑐᖅ ᐱᓪᓗᒍ, ᐊᑕᓂᐅᑉ ᖁᕕᐊᒋᓚᐅᕐᒪᒍ ᐃᓕᑦᓯᓐᓂᒃ ᐃᓄᖁᑎᑖᕆᐊᒃᓴᖅ ᓇᖕᒥᓂᕐᑖᕆᓗᓂᓯ.