ᔨᕆᒤᐊᐅᑉ ᐊᒡᓚᖏᑦ 14:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐊᒡᓚᖏᑦ 14:22 Iomraidhean Croise

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᓯᕗᓪᓖᑦ 17:14

ᐊᑕᓂᖅ, ᐃᓴᕆᐊᓕᒥᐅᑦ ᒎᑎᖓ ᐃᒫᒃ ᐅᖃᕐᐳᖅ, ‘ᓂᐊᖂᔭᒃᓴᖅ ᐴᒍᑕᕐᒦᑦᑐᖅ ᓄᖑᓐᓂᐊᓐᖏᓚᖅ, ᐅᕐᓱᕐᓗ ᐴᒍᑕᕐᒦᑦᑐᖅ ᓴᓗᐊᕐᓂᐊᓐᖏᓚᖅ, ᐊᑕᓂᖅ ᓯᓚᓗᒃᑎᑦᓯᓚᐅᖅᑳᕐᑎᓐᓇᒍ ᓄᓇᒥ.’”

ᐊᑕᓃᑦ ᓯᕗᓪᓖᑦ 18:1

ᑕᒪᑐᒪ ᑭᖑᕐᖓᒍᑦ ᐅᓪᓗᐃᑦ ᐅᓄᕐᑐᑦ ᐊᓂᒍᕐᑎᓪᓗᒋᑦ ᐊᑕᓂᐅᑉ ᐅᖃᐅᓯᖓ ᑎᑭᑉᐳᖅ ᐃᓔᑦᔭᒧᑦ, ᐊᕐᕌᒍᐃᑦ ᐱᖓᔪᐊᓐᓂ, ᐅᖃᕐᓗᓂ, “ᐂᓕᕆᑦ, ᐂᕼᐊᑉᒧᑦ ᐅᐸᒍᑎᓗᑎᑦ; ᓯᓚᓗᒃᑎᑦᓯᓂᐊᓕᕋᒪ ᓄᓇᒧᑦ.”

ᐊᑕᓃᑦ ᓯᕗᓪᓖᑦ 8:36

ᕿᓚᖕᒥᑦ ᑐᓴᒃᑭᑦ, ᐃᓱᒪᒋᔪᓐᓁᕐᓗᒋᓪᓗ, ᐱᔨᕕᑦ ᐊᔪᕐᑐᓕᓂᖏᑦ, ᐃᓄᖁᑎᑎᑦ ᐃᓴᕆᐊᓕᒥᐅᑦ, ᐊᔪᕆᕐᑐᕐᓗᒋᓪᓗ ᐃᓅᓯᕐᒥᒃ ᐱᐅᔪᒥᒃ ᐊᑐᕆᐊᖃᕐᑕᖏᓐᓂᒃ; ᑕᕝᕙ ᓯᓚᓗᒃᑎᑦᓯᓕᕐᓗᑎᑦ ᓄᓇᖁᑎᖕᓄᑦ, ᑐᓂᓚᐅᕐᑕᕐᓄᑦ ᐃᓄᖁᑎᖕᓄᑦ ᓄᓇᑖᕆᔭᐅᖁᓪᓗᒍ.

ᔫᐱᐅᑉ ᐊᒡᓚᖏᑦ 28:26

ᓯᓚᓗᒃ ᐋᖅᑭᒃᓯᒪᕚ ᐱᒋᐊᕐᕕᒃᓴᖓᓗ, ᑲᓪᓘᓪᓗ ᑲᓪᓕᕐᕕᒃᓴᖓ ᐋᖅᑭᒃᓯᒪᒋᕚ;

ᔫᐱᐅᑉ ᐊᒡᓚᖏᑦ 5:10

ᓄᓇᒧᑦ ᓯᓚᓗᒃᑎᑦᓯᖃᑦᑕᕐᐳᖅ ᐱᕈᕐᓰᕖᓪᓗ ᐃᒻᒥᕐᓱᖃᑦᑕᕐᐰᑦ;

ᐃᓐᖏᕈᑎᑦ 130:5

ᐊᑕᓂᖅ ᐅᑕᖅᑭᕙᕋ, ᑕᕐᓂᕋ ᐅᑕᖅᑭᕗᖅ, ᐅᖃᐅᓯᖏᓪᓗ ᑕᑎᒋᕙᒃᑲ.

ᐃᓐᖏᕈᑎᑦ 135:7

ᑖᑦᓱᒪ ᓄᕗᔧᑦ ᐊᓄᕆᑕᓖᑦ ᖁᒻᒧᐊᒃᑎᑉᐰᑦ ᓄᓇᐅᑉ ᐃᓱᖏᓐᓂᑦ, ᖃᐅᒻᒪᓪᓚᒃᑎᑦᓯᖃᑦᑕᕐᑐᖅ ᓯᓚᓗᒃᑎᓪᓗᒍ; ᐊᓄᕌᓕᕐᑎᑦᓯᖃᑦᑕᕐᑐᕐᓗ ᓯᕐᓗᐊᖁᑎᒥᓂᑦ ᐱᔪᓂᒃ.

ᐃᓐᖏᕈᑎᑦ 147:8

ᕿᓚᖕᒥᒃ ᐅᓕᒃᓯᔪᖅ ᓄᕗᔭᓄᑦ, ᓄᓇᐅᓪᓗ ᓯᓚᓗᒃᑕᐅᓂᒃᓴᖓᓂᒃ ᐊᑐᐃᓐᓇᕈᐃᕙᒃᓗᓂ, ᖃᖅᑲᓂᓗ ᐃᕕᒃᓱᒐᕐᓂᒃ ᐱᕈᕐᑎᑦᓯᕙᒃᑐᖅ.

ᐃᓐᖏᕈᑎᑦ 25:21

ᐸᓯᔭᒃᓴᐅᖏᓐᓂᕐᒪ ᓱᖁᓯᔪᐃᓐᓂᕐᒪᓗ ᓴᐳᑎᓕᖓ; ᐃᓕᖕᓂᑦ ᓂᕆᐅᖕᓂᖃᕋᒪ.

ᐃᓐᖏᕈᑎᑦ 25:3

ᐃᓛᒃ, ᐃᓘᓐᓇᑎᒃ ᐃᓕᖕᓂᒃ ᓂᕆᐅᒃᑐᑦ ᑲᓐᖑᓱᒃᑎᑕᐅᓂᐊᓐᖏᓚᑦ; ᑲᓐᖑᓱᒃᑎᑕᐅᔭᕆᐊᖃᕐᐳᓪᓕ ᐱᑦᔪᑎᒃᓴᖃᕋᑎᒃ ᑲᑉᐱᐊᒋᔭᐅᔪᓂᒃ ᐱᓇᓱᐊᕐᑐᑦ.

ᐃᓐᖏᕈᑎᑦ 27:14

ᐊᑕᓂᖅ ᐅᑕᖅᑭᒍᒃ; ᑯᒃᓴᓱᖏᓪᓗᑎᑦ, ᑕᕝᕙ ᐆᒻᒪᑏᑦ ᓴᓐᖏᓂᕐᒥᒃ ᑐᓂᓯᕕᒋᓂᐊᕐᐹ; ᐅᖃᕐᐳᖓ, ᐊᑕᓂᖅ ᐊᑏ ᐅᑕᖅᑭᒍᒃ!

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 30:23

ᐱᕈᕐᑐᒃᓴᓂᒃ ᑲᓐᖓᕐᓱᐃᔭᕌᖓᑦᓯ ᐊᑕᓂᖅ ᓯᓚᓗᒃᑎᑦᓯᕙᒍᒫᕐᐳᖅ ᐱᕈᕈᑎᒃᓴᖏᓐᓂᒃ, ᐱᕈᕐᑐᕕᓂᕐᓂᒃ ᑲᑎᕐᓱᒐᒃᓴᖃᑦᓯᐊᖁᓪᓗᓯ, ᐱᕈᕐᓯᒪᑦᓯᐊᕐᑐᓂᒃ ᐊᒥᒐᖏᑦᑐᓂᒡᓗ. ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐆᒪᔪᖁᑎᓯ ᓂᕆᓇᓱᐊᕈᒫᕐᐳᑦ ᓄᓇᒥ ᓂᕿᒃᓴᖃᑦᓯᐊᕐᑐᒥ ᐊᒥᒐᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 41:29

ᑕᑯᒋᑦ ᑕᒪᕐᒥᒃ ᓱᓕᓐᖏᓚᑦ; ᐱᓇᓱᐊᕐᑕᖏᓪᓗ ᓱᓇᐅᓇᑎᒃ, ᒎᑎᓐᖑᐊᖏᑦ ᓴᓇᓯᒪᔪᑦ ᐊᓄᕆᑐᐃᓐᓇᐅᕗᑦ ᓱᓇᑕᖃᖏᑦᑐᑦ.”

ᔨᕆᒤᐊᐅᑉ ᐊᒡᓚᖏᑦ 10:12

ᑖᑦᓱᒪ ᐱᔪᓐᓇᕐᓂᕐᔪᐊᒥᓄᑦ ᓄᓇ ᐱᓐᖑᕐᑎᓚᐅᕐᐹ, ᓯᓚᕐᔪᐊᕐᓗ ᐃᓂᑖᕐᑎᓚᐅᕐᐹ ᓯᓚᑐᓂᕐᒥᒍᑦ, ᕿᓚᒡᓗ ᓂᕈᑐᔫᑎᑉᐹ ᖃᐅᔨᒪᓂᕐᔪᐊᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 10:13

ᓂᓪᓕᕌᖓᑦ ᐃᒤᑦ ᕿᓚᖕᒦᑦᑐᑦ ᐃᒃᑑᓛᕐᐳᑦ, ᓄᕗᔭᓂᒡᓗ ᓴᖅᑭᑎᑦᓯᕙᒡᓗᓂ ᓄᓇᕐᔪᐊᑉ ᑭᒡᓕᖓᓂᑦ, ᖃᐅᒻᒫᓪᓚᖃᕐᑎᑦᓯᓪᓗᓂᓗ ᓯᓚᓗᒃᑐᒥ, ᐊᓄᕆᖃᕐᑎᑦᓯᓪᓗᓂᓗ ᐱᖁᑎᒃᑯᕕᖕᒥᓂᑦ.

ᔨᕆᒤᐊᐅᑉ ᐊᒡᓚᖏᑦ 10:15

ᐊᑑᑎᒃᓴᖃᓐᖏᓚᑦ, ᓇᕐᕈᓇᕐᓗᑎᒡᓗ, ᓱᒋᐊᕐᑕᐅᕕᖓᑦ ᓇᓪᓕᐅᑎᒃᐸᑦ ᓇᓗᓇᕈᓐᓃᕈᒫᕐᐳᑦ ᓱᓇᒃᓴᐅᖏᓐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 10:3

ᐊᓯᑦᓯ ᐃᓕᖅᑯᓯᖏᑦ ᓱᓕᖏᒻᒪᑕ, ᓇᐹᕐᑐᒥᑦ ᓇᑲᑦᓯᒐᒥᒃ, ᓴᓇᓐᖑᐊᕐᑎᐅᓪᓗ ᓴᓇᓕᕐᐹ ᓴᓇᕐᕈᑎᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 16:19

ᐊᑕᓃᖅ ᐱᔪᓐᓇᐅᑎᒋᕙᒋᑦ ᓴᐴᓗᑕᕆᓪᓗᑎᓪᓗ, ᕿᒫᕕᒋᕙᒃᐸᒋᑦ ᐅᖁᒤᑦᑐᒦᓕᕌᖓᒪ, ᐃᓅᖃᑎᒌᒡᔪᐊᑦ ᐃᓕᖕᓄᐊᕐᑐᒃᓴᐅᖕᒪᑕ ᐅᖃᕐᓗᑎᒡᓗ: “ᓯᕗᓕᕗᑦ ᑭᖑᕐᖑᑦᔨᓚᐅᓐᖏᓚᑦ ᓱᓇᒥᒡᓘᓐᓃᑦ ᓴᒡᓗᕿᑕᐅᓂᕐᒥᒃ ᑭᓯᐊᓂ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᕚᓪᓕᕈᑎᒃᓴᐅᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 5:12

ᐊᑕᓂᖅ ᓴᒡᓗᑎᒋᓪᓗᒍ ᐅᖃᓚᐅᕐᒪᑕ ᐅᖃᕐᓗᑎᒃ, “ᖃᓄᐃᓕᐅᑦᔮᖏᓐᓚᖅ ᐅᕙᑦᑎᓐᓂᒃ, ᐊᓯᕈᕐᓇᕐᑐᒧᑦ ᑎᑭᑕᐅᑦᔮᓐᖏᓚᒍᑦ, ᐅᓇᑕᕐᑐᓂᒃ ᑳᖕᓇᕐᑐᒥᒡᓘᓐᓃᑦ ᑕᑯᓚᐅᕐᓯᒪᑦᔮᓐᖏᓚᒍᑦ.”

ᔨᕆᒤᐊᐅᑉ ᐊᒡᓚᖏᑦ 5:24

ᐃᓱᒪᓇᓱᐊᓐᖏᓚᓪᓘᓐᓃᑦ ᐊᑕᓂᖅ ᒎᑎᑎᒃ ᓯᕘᕋᒋᔪᒪᓗᒍ, ᐅᑭᐊᒃᓵᒃᑯᑦ ᐅᐱᕐᖔᒃᑯᓪᓗ ᓇᓪᓕᐅᑎᔭᕌᖓᑦ ᓯᓚᓗᒃᑎᑦᓯᕙᒃᑐᒥᒃ, ᐱᕈᕐᑐᓂᒡᓗ ᐱᕈᕇᕐᑎᑦᓯᕙᒃᑐᒥᒃ ᑲᑎᕐᓱᕐᑕᐅᕕᒃᓴᖏᓐᓂ ᑲᑎᕐᓱᕐᑕᐅᕙᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:16

ᓂᐱᒥᓄᑦ ᓂᓪᓕᕌᖓᑦ ᓯᓚ ᐃᒃᑑᓕᔮᕈᓐᓇᕐᐳᖅ, ᓄᕗᔭᓂᒃ ᓴᖅᑭᑎᑦᓯᔪᓐᓇᕐᑐᖅ ᓄᓇᕐᔪᐊᑉ ᑭᒡᓕᖓᓂᑦ, ᓯᓚᓗᓕᕌᖓᑦ ᖃᐅᒻᒪᓪᓚᖃᕐᑎᑦᓯᔪᓐᓇᕐᐳᖅ, ᐊᓄᕌᓕᕐᑎᑦᓯᕙᒃᑐᖅ ᐊᓄᕆᒃᑯᕕᖁᑎᒥᓂᑦ.

ᕼᐆᓯᐊᑉ ᐊᒡᓚᖏᑦ 2:7

ᐱᖃᑎᒋᕙᒃᑕᒥᓂᒃ ᒪᓕᖕᓂᐊᕋᓗᐊᕐᐳᖅ, ᐊᖑᓂᐊᓐᖏᓔᓪᓕ; ᕿᓂᕐᓂᐊᕋᓗᐊᕐᐰᑦ ᓇᓂᓂᐊᓐᖏᓔᓪᓕ. ᑕᕝᕙ ᐅᖃᓕᕈᒫᕐᐳᖅ, ‘ᐅᑎᕈᒪᓕᕐᐳᖓ ᓯᕗᓪᓕᕐᐹᒥᒃ ᐅᐃᒋᓯᒪᔭᓐᓄᑦ, ᑍᑲᓂ ᐱᑦᓯᐊᕐᑕᐅᓂᕐᓴᐅᓚᐅᕋᒪ ᒫᓐᓇᒥᑦ.’

ᔪᐃᓕᐅᑉ ᐊᒡᓚᖏᑦ 2:23

ᖁᕕᐊᓱᒋᑦᓯ, ᓮᐅᓂᐅᑉ ᕿᑐᕐᖓᖏᑦ, ᖁᕕᐊᓱᒋᑦᓯ ᐊᑕᓂᖅ ᒎᑎᓯ ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᐱᑦᔪᑎᒋᓗᒍ, ᓯᓚᓗᒡᕕᐅᑎᒻᒪᓯ ᓯᕗᓪᓕᕐᓯᐅᒻᒥᒃ ᓱᖁᓯᔪᐃᑦᑑᓂᕐᒥᓄᑦ, ᓯᓚᓗᒡᕕᐅᑎᓕᕐᒪᓯ ᓯᕗᓪᓕᕐᓯᐅᒻᒥᒃ ᑭᖑᓪᓕᕐᓯᐅᒻᒥᒡᓗ ᓲᕐᓗ ᑍᑦᓱᒪᓂᑐᑦ.

ᐂᒨᓯᐅᑉ ᐊᒡᓚᖏᑦ 4:7

“ᓯᓚᓗᒡᓗ ᓄᖅᑲᖓᑎᓚᐅᕐᐸᕋ, ᓱᓕ ᑕᖅᑭᓂᒃ ᐱᖓᓱᓂᒃ ᑲᑎᕐᓱᐃᕕᒃ ᓇᓪᓕᐅᑎᓚᐅᕐᑎᓐᓇᒍ, ᐃᒡᓗᒐᓴᖕᓂ ᐊᑕᐅᓯᕐᓂ ᓯᓚᓗᒃᑎᑦᓯᓚᐅᕐᐳᖓ, ᐃᒡᓗᒐᓴᖕᓂᓗ ᐊᓯᖏᓐᓂ ᓯᓚᓗᒃ ᓄᖅᑲᖓᑎᓚᐅᕐᐸᕋ, ᐱᕈᕐᓰᕖᑦ ᐃᓚᖏᑦ ᓯᓚᓗᒃᑕᐅᑎᓚᐅᕐᐸᒃᑲ; ᐱᕈᕐᓰᕖᓪᓗ ᓯᓚᓗᒡᕕᐅᓚᐅᖏᑦᑐᑦ ᑐᖁᓕᓚᐅᕐᐳᑦ.

ᒤᑲᐅᑉ ᐊᒡᓚᖏᑦ 5:6

ᑖᒃᑯᐊ ᐊᓯᕈᐃᔪᒫᕐᐳᑦ ᓴᕕᒡᔪᐊᒧᑦ ᐊᓯᕆᐊᒥᐅᑦ ᓄᓇᖓᓂᒃ, ᓂᒻᒪᕌᑎᐅᑉ ᓄᓇᖁᑎᖓᑕ ᐃᑎᕐᑕᕐᕕᖏᓐᓂᒃ, ᑖᑦᓱᒪ ᓴᐳᑎᔪᒫᕐᐹᑎᒍᑦ ᐊᓯᕆᐊᒥᐅᓂᑦ, ᑖᓐᓇ ᑎᑭᑉᐸᑦ ᓄᓇᑦᑎᓐᓄᑦ ᐊᐅᓚᑦᓯᓕᕈᒫᕐᐳᖅ ᓄᓇᖁᑎᑦᑎᓐᓂᒃ.

ᒤᑲᐅᑉ ᐊᒡᓚᖏᑦ 7:7

ᐅᕙᖓᓕ ᐊᑕᓂᕐᒥᒃ ᓂᕆᐅᒃᐳᖓ; ᐅᑕᖅᑭᓪᓗᖓᓗ ᒎᑎᓐᓂᒃ ᐱᐅᓕᕐᓯᔨᓐᓂᒃ, ᒎᑎᒪᓗ ᑐᓴᕐᓂᐊᕐᐹᖓ.

ᒫᑎᐅᓯᐅᑉ ᐊᒡᓚᖏᑦ 5:45

ᕿᑐᕐᖓᕆᔭᐅᓕᖁᓪᓗᓯ ᐊᑖᑕᑦᓯᓐᓄᑦ ᕿᓚᖕᒦᑦᑐᒧᑦ; ᑖᑦᓱᒪ ᓯᕿᓂᓂ ᖃᐅᒻᒪᒃᑎᒻᒪᒍ ᐱᑦᓯᐊᕐᑐᓄᑦ ᐱᑦᓯᐊᖏᑦᑐᓄᓪᓗ, ᓯᓚᓗᒃᑎᑦᓯᕙᒡᓗᓂᓗ ᐊᑲᐅᔪᓕᔪᓄᑦ ᐊᑲᐅᖏᑦᑐᓕᔪᓄᓪᓗ.

ᒨᓯᓯ ᑕᓪᓕᒪᖏᑦ 28:12

ᐊᕐᕌᒍᓕᒫᕐᓗ ᓯᓚᓗᒃᑎᑦᓯᖃᑦᑕᕈᒫᕐᐳᖅ ᓄᓇᒋᔭᑦᓯᓐᓄᑦ ᓯᕐᓗᐊᕐᔪᐊᒥᓂᑦ ᕿᓚᖕᒥᑦ ᓮᒻᒪᕐᑎᓪᓗᓂᓯᓗ ᑕᒤᑎᒍᑦ ᐱᓇᓱᐊᕐᓂᑦᓯᒍᑦ, ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓄᑦ ᐅᓄᕐᑐᓄᑦ, ᐊᑐᕐᑎᑦᓯᔪᓐᓇᖁᓪᓗᓯ, ᐊᓯᑦᓯᓐᓂᓪᓕ ᐊᑐᕐᑐᐊᕆᐊᖃᖃᑦᑕᕈᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 32:21

ᒎᑎᓐᖑᐊᖏᓐᓄᑦ ᓂᓐᖓᒃᑎᑕᐅᕗᖓ ᓯᖕᓇᕗᖓ ᒎᑎᐅᓂᕋᕐᑕᖏᓐᓄᑦ ᓱᓕᖏᑦᑐᓄᑦ, ᒎᑎᓪᓚᕆᐅᖏᑦᑐᓂᒃ ᒎᑎᖃᕋᓱᖕᒪᑕ. ᑍᒤᒻᒪᑦ ᐃᓅᖃᑎᒌᒡᔪᐊᓂᒃ ᐊᑐᕐᓗᖓ ᓂᓐᖓᒃᓴᕐᓂᐊᕐᐸᒃᑲ; ᐃᓅᖃᑎᒌᒡᔪᐊᓄᑦ ᓯᓔᑦᑐᓄᑦ ᓯᖕᓇᓕᕐᑎᓐᓂᐊᕐᐸᒃᑲ.