ᔨᕆᒤᐊᐅᑉ ᐊᒡᓚᖏᑦ 14:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᑖᒃᑯᓄᖓ ᐱᔪᒫᕐᑐᒃᓴᓂᒃ ᐅᖃᕐᑎᑕᐅᓂᕋᖃᑦᑕᕐᑐᓄᑦ ᐊᑎᕋ ᐊᑐᕐᓗᒍ ᑎᓕᓚᐅᖏᒃᑲᓗᐊᕐᑕᒃᑲ, ᐅᖃᕐᐸᒃᑐᑦ, ‘ᐅᓇᑕᕐᑐᖃᕐᓂᐊᓐᖏᓚᖅ ᑳᖕᓇᕐᑐᖃᕐᓂᐊᕋᓂᓗ ᑕᒫᓂ ᓄᓇᒥ’; ᑖᒃᑯᐊ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᐅᕙᓐᓄᑦ ᓇᖕᒥᓂᖅ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᒧᓪᓗ ᓄᖑᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 14:15 Iomraidhean Croise

ᐊᑕᓃᑦ ᓯᕗᓪᓖᑦ 22:25

ᒤᑬᐊᐅᑉ ᐅᖃᐅᑎᕚ, “ᑕᑯᒋᑦ, ᖃᐅᔨᔪᒫᕐᐳᑎᑦ ᐃᒡᓗᕈᓯᕐᒧᑦ ᖃᒪᓃᓐᓂᕐᐹᒧᑦ ᐃᔨᕆᐊᕐᑐᕈᕕᑦ!”

ᔨᕆᒤᐊᐅᑉ ᐊᒡᓚᖏᑦ 20:6

ᐃᕝᕕᓪᓕ ᐸᓱᕼᐅᕆ ᐃᒡᓗᒥᐅᖃᑎᓕᒫᑎᓪᓗ, ᐊᐅᓪᓚᕈᑦᔭᐅᔪᐃᓐᓇᐅᔪᒫᕐᐳᓯ ᐹᐱᓘᓂᒧᑦ; ᑍᑲᓂᓗ ᑐᖁᔪᒫᕐᐳᑎᑦ ᐃᓗᕕᕐᑕᐅᓗᑎᓪᓗ, ᐃᓚᓐᓇᕆᔭᓕᒫᑎᓪᓗ ᐃᓚᒋᓗᒋᑦ, ᓱᓕᖏᑦᑐᓂᒃ ᐅᖃᕐᕕᒋᕙᓚᐅᕐᑕᑎᑦ.”

ᔨᕆᒤᐊᐅᑉ ᐊᒡᓚᖏᑦ 23:30

ᑍᒤᒻᒪᑦ ᑕᑯᒋᑦ, ᐊᑕᓂᖅ ᐅᖃᕐᐳᖅ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ, ᐅᖃᐅᓯᒃᓴᕐᑖᖃᑦᑕᕐᑐᑦ ᐊᓯᒥᖕᓂᑦ ᐅᖃᐅᓯᕆᔭᐅᓂᕋᕐᓗᒋᓪᓗ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 27:15

ᑖᒃᑯᐊ ᑎᓕᓯᒪᓐᖏᓚᒃᑲ ᐃᓕᑦᓯᓐᓄᑦ, ᐊᑕᓂᖅ ᐅᖃᕐᐳᖅ, ᓱᓕᖏᑦᑐᒥᒃ ᐊᑎᕋ ᐊᑐᕐᓗᒍ ᐅᖃᖃᑦᑕᕐᐳᑦ, ᑍᒤᒻᒪᑦ ᖁᔭᓈᕈᑦᓯ ᐊᓯᕈᕐᑕᐅᔪᒫᕐᐳᓯ, ᓇᓚᐅᑦᑍᔪᖁᑎᓯᓗ ᐃᓕᑦᓯᓐᓂᒃ ᐅᖃᐅᑦᔪᐃᖃᑦᑕᕐᑐᑦ.

ᔨᕆᒤᐊᐅᑉ ᐊᒡᓚᖏᑦ 6:15

ᑲᓐᖑᓲᑎᖃᕐᐹᑦ ᑕᒪᒃᑯᓂᖓ ᓈᒻᒪᖏᑦᑐᓕᐅᕐᓂᕆᔭᒥᖕᓃᒃ? ᑍᒤᓐᖏᓚᑦ ᑲᓐᖑᓱᒍᓐᓁᓪᓕᕗᑦ, ᐊᐅᐸᓪᓕᕈᓐᓁᓪᓕᓪᓗᑎᒡᓘᓐᓃᑦ, ᑲᑕᒃᓯᒪᔪᓄᑦ ᑲᑕᖃᑕᐅᕕᒡᔪᐊᕐᓂᐊᕐᐳᑦ; ᓱᒋᐊᓕᕈᒃᑭᑦ, ᐃᒋᑕᐅᔪᒫᕐᐳᑦ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:12

ᑲᓐᖑᓲᑎᖃᕐᐹᑦ ᓈᒻᒪᖏᑦᑐᓂᒃ ᐃᓕᖅᑯᓯᖃᕐᓂᕐᒥᖕᓃᒃ? ᐋᒃᑲ. ᑲᓐᖑᓱᖏᑦᓯᐊᕐᐳᑦ, ᐊᐅᐸᓪᓕᕆᐊᒃᓵᕐᓘᓐᓃᑦ ᓇᓗᓕᕐᐳᑦ, ᑲᑕᒃᓯᒪᔪᓄᑦ ᑲᑕᖃᑕᐅᓂᐊᕐᐳᑦ, ᓱᒋᐊᓕᕈᒃᑭᑦ ᓱᓇᐅᔪᓐᓃᕈᒫᕐᐳᑦ ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:13

“ᑲᑎᕐᓱᐃᕕᖃᕈᓐᓃᕐᑎᑦᓱᒫᕐᐸᒃᑲ ᐊᑕᓂᖅ ᐅᖃᕐᐳᖅ, ᐅᕐᐱᒐᖁᑎᖏᑦ ᕔᓂᒃᓴᓂᒃ ᐸᐅᕐᖓᑕᖃᕈᓐᓃᕐᓗᑎᒃ ᓇᐹᕐᑐᖁᑎᖏᓪᓗ ᐱᕈᕐᕕᐅᔪᓐᓇᕈᓐᓃᕐᓗᑎᒃ ᐸᐅᕐᖓᓂᒃ ᐅᖃᐅᔭᖏᓪᓗ ᑐᖁᓕᔪᒫᕐᐳᑦ ᑐᓂᑦᔪᑎᒋᓚᐅᕐᑕᓐᓂᒃ ᐊᕐᓵᕐᑕᐅᔪᒫᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:20

ᐊᑕᓃᖅ! ᖃᓄᐃᒻᒪᑦ ᑍᒫᕌᓗᒃ ᓱᒋᐊᕐᐱᑎᒎᑦ? ᐊᕐᓁᑦ ᕿᑐᕐᖓᒥ ᓇᒡᓕᒋᓚᐅᕐᑕᒥ ᑎᒥᕕᓂᖏᓐᓂᒃ ᓂᕿᖃᕐᑐᒃᓴᐅᕚᑦ! ᑐᓂᕐᕈᓯᕐᑎᑦᓯᔩᑦ ᒎᑎᐅᓪᓗ ᐅᖃᕐᑎᖏᑦ ᑐᖁᕋᕐᑕᐅᕙᓕᕐᐳᑦ ᑐᒃᓯᐊᕐᕕᒃᔪᐊᕐᒥ.

ᐃᓯᑭᐊᓕᐅᑉ ᐊᒡᓚᖏᑦ 13:14

ᐊᕙᓗᕐᔪᐊᕐᓗ ᓯᖁᑦᑎᕈᒫᕐᐸᕋ ᖃᑯᕐᑕᒧᑦ ᒥᖑᐊᓚᐅᕐᑕᓯ, ᐅᕐᕉᕋᕐᑎᑦᓱᒫᕐᐸᕋ ᒪᓂᖅᑲᒧᑦ, ᑐᓐᖓᕕᕕᓂᑐᐃᓐᓇᐅᓕᕐᓗᓂ; ᐅᕐᕉᒃᐸᑦ ᐃᓕᑦᓯᑦᑕᐅᖅ ᑐᖁᔪᒫᕐᐳᓯ ᐊᑯᕐᖓᓐᓂ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 13:15

“ᑍᒫᒃ ᑕᕝᕙ ᐊᕙᓗᕐᔪᐊᖅ ᓂᓐᖓᐅᓯᓐᓄᑦ ᐱᓇᓱᐊᕐᕕᒋᔪᒫᕐᐸᕋ, ᑖᒃᑯᐊᓗ ᖃᑯᕐᑕᒥᒃ ᒥᖑᐊᕐᓯᓚᐅᕐᑐᑦ; ᑕᕝᕙ ᐅᖃᐅᑎᔪᒫᕐᐸᑦᓯ, ᐊᕙᓗᕐᔪᐊᖃᕈᓐᓃᕐᐳᖅ, ᒥᖑᐊᕐᓯᓚᐅᕐᑐᓪᓗ ᖃᑯᕐᑕᒥᒃ ᓄᖑᑉᐳᑦ,

ᐃᓯᑭᐊᓕᐅᑉ ᐊᒡᓚᖏᑦ 13:9

ᓱᒋᐊᕐᓯᓂᐊᕐᐳᖓ ᐱᔪᒫᕐᑐᓂᒃ ᓱᓕᖏᑦᑐᓂᒃ ᑕᑯᑎᑕᐅᓯᒪᓂᕋᕐᑐᓂᒃ ᓱᓕᖏᑦᑐᓂᒡᓗ ᓇᓚᐅᑦᑍᓂᕋᖃᑦᑕᕐᑐᓂᒃ; ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ ᐃᓄᖁᑎᒪ ᑲᑎᒪᖃᑦᑕᕐᓂᖏᓐᓄᑦ, ᐃᓴᕆᐊᓕᐅᑉ ᑭᖑᕚᖏᑕ ᐊᑎᖃᕐᕕᖏᓐᓄᑦ ᐃᓚᒋᔭᐅᑎᓐᓂᐊᕈᓐᓃᕐᐸᒃᑲ, ᐃᓴᕆᐊᓕᐅᓪᓗ ᓄᓇᖓᓄᑦ ᐃᑎᕐᓂᐊᕈᓐᓃᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ ᒎᑎ.

ᐃᓯᑭᐊᓕᐅᑉ ᐊᒡᓚᖏᑦ 14:10

ᑖᒃᑯᐊᒃ ᐊᔪᕐᑐᓕᓂᕐᒧᑦ ᓵᑕᐅᒐᔭᕐᐴᒃ ᐱᔪᖃᓛᕐᑐᒥᒡᓗ ᐅᖃᕐᑎ ᐃᓱᒪᓯᐅᕆᔭᕐᑐᕐᑐᕐᓗ ᓱᒋᐊᕐᑕᐅᓗᑎᒃ ᐊᑦᔨᒌᖕᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 14:9

“ᓇᓪᓕᐊᑦ ᐱᔪᖃᓛᕐᑐᒥᒃ ᐅᖃᕐᑎ ᐅᐃᕖᕐᕆᔭᐅᓂᒃᑯᑦ ᐅᖃᐅᓯᕐᓂᒃ ᐅᖃᕐᐸᑦ, ᑕᕝᕙ ᐅᕙᖓ ᐊᑕᓂᖅ ᑖᓐᓇ ᐱᔪᖃᓛᕐᑐᒥᒃ ᐅᖃᕐᑎ ᐅᐃᕖᕐᕆᓯᒪᕙᕋ, ᑕᕝᕙ ᐱᔪᓐᓇᕐᓂᓐᓄᑦ ᓵᒃᑲᔭᕐᐸᕋ, ᑐᖁᓪᓗᒍᓗ ᐃᓄᖁᑎᒪ ᐃᓴᕆᐊᓕᒥᐅᑦ ᐊᑯᕐᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 33:6

ᖃᐅᔨᓴᕐᑎᓕ ᑕᑯᒐᓗᐊᕐᓗᓂ ᐊᑭᕋᕐᒥᖕᓂᒃ ᕾᔪᓂᒃ ᑎᑦᑐᓚᐅᒻᒥᒃ ᓂᓪᓕᕐᑎᑦᓯᖏᑉᐸᑦ, ᐃᓅᖃᑎᖏᑦ ᖃᐅᔨᑎᑕᐅᖏᑉᐸᑕ, ᐊᑭᕋᒥᖕᓄᑦ ᑎᑭᑕᐅᓗᑎᒃ, ᑐᖁᑕᐅᔪᖃᕐᐸᑦ; ᑐᖁᑕᐅᔪᖅ ᐊᔪᕐᑐᓕᓂᕐᒥᓃᑎᓪᓗᒍ, ᑖᑦᓱᒪ ᑐᖁᑕᐅᓂᖓᓄᑦ ᖃᐅᔨᓴᕐᑎ ᓵᑕᒃᓴᐅᖔᕋᔭᕐᐳᖅ.

ᐂᒨᓯᐅᑉ ᐊᒡᓚᖏᑦ 7:17

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: ‘ᓄᓕᐊᑦ ᐊᖑᑎᓄᑦ ᐊᑐᒐᐅᓂᐊᓕᕐᐳᖅ ᐃᒡᓗᒐᓴᖕᓂ, ᐃᕐᓂᑎᓪᓗ ᐸᓂᑎᓪᓗ ᑐᖁᑕᐅᔪᒫᕐᐳᑦ ᓴᕕᒡᔪᐊᒧᑦ, ᓄᓇᖁᑏᑦ ᐊᕕᒃᑐᕐᑕᐅᔪᒫᕐᐳᖅ ᐆᒃᑐᕋᐅᑏᑦ ᐊᑐᕐᓗᒋᑦ; ᑐᖁᑕᐅᔪᒫᕐᐳᑎᓪᓗ ᓄᓇᒥ ᐃᑦᔪᕐᓇᕐᓂᕋᕐᑕᐅᔪᒥ, ᐃᓴᕆᐊᓕᒥᐅᓪᓗ ᐊᐅᓪᓚᕈᑦᔭᐅᓪᓚᕆᒍᒫᕐᐳᑦ ᑎᒍᔭᐅᓗᑎᒃ ᓄᓇᒥᖕᓂᑦ.’”

ᒤᑲᐅᑉ ᐊᒡᓚᖏᑦ 3:5

“ᑍᒤᒻᒪᑦ ᐊᑕᓂᖅ ᐅᖃᕐᐳᖅ, ᐃᓄᖁᑎᒃᑲ ᑕᒻᒪᕐᑎᑕᐅᕗᑦ ᓇᓚᐅᑦᑍᓂᕐᓗᒃᑐᓄᑦ, ᓮᓕᑦᓯᐊᕐᓂᕐᒥᒃ ᐊᖏᕈᑎᖃᕐᐸᒃᐳᑦ ᓂᕆᑎᑦᓯᔨᒥᖕᓂᒡᓗ, ᓂᕿᒃᓴᖃᕐᑎᑦᓯᖏᑦᑐᓄᓪᓗ ᓯᕘᕋᓵᕆᕙᒃᑐᑦ ᐅᓇᑕᕆᐊᕐᑐᕐᓂᐊᕐᓂᕋᕐᓗᒋᑦ.

ᒨᓯᓯ ᑕᓪᓕᒪᖏᑦ 18:20

ᓇᓪᓕᐊᓪᓕ ᐅᖃᓪᓚᒐᓱᐊᕐᐸᑦ ᐅᕙᓐᓄᑦ ᐅᖃᖁᔭᐅᓯᒪᖏᓪᓗᓂ, ᑖᓐᓇ ᑍᒫᑦᓮᓐᓇᕐᑕᐅᖅ ᒎᑎᒋᔭᐅᔪᓂᒃ ᐱᑦᔪᑎᖃᕐᓗᓂ ᐅᖃᓪᓚᒐᓱᐊᕐᑐᖅ ᑍᒫᑦᓮᓐᓇᖅ ᑖᓐᓇ ᑐᖁᔪᒪᕐᐳᖅ.’

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.