ᔨᕆᒤᐊᐅᑉ ᐊᒡᓚᖏᑦ 14:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑐᒃᓯᐊᕋᓗᐊᕐᐸᑕ ᓂᕆᑦᑍᓕᓗᑎᒃ, ᑐᒃᓯᐊᕐᓂᖏᑦ ᑐᓴᕐᓂᐊᓐᖏᓚᒃᑲ, ᐃᑯᐊᓚᑦᓯᓗᑎᒃ ᑐᓂᕐᕈᓯᕋᓗᐊᕐᐸᑕ ᓂᐊᖂᔭᒃᓴᓂᒡᓘᓐᓃᑦ ᑐᓂᕐᕈᑎᖏᑦ ᐃᓚᓕᐅᕐᓂᐊᓐᖏᓚᒃᑲ; ᐊᓯᕈᕐᑕᐅᑎᓐᓂᐊᕐᐸᒃᑲᓕ ᐅᓇᑕᕐᓂᒃᑯᑦ, ᑳᖕᓇᕐᑐᒃᑯᑦ, ᖃᓂᒪᓇᕐᑐᑎᒍᓪᓗ.”

ᔨᕆᒤᐊᐅᑉ ᐊᒡᓚᖏᑦ 14:12 Iomraidhean Croise

ᔫᐱᐅᑉ ᐊᒡᓚᖏᑦ 27:9

ᐊᑲᐅᖏᑦᑐᒧᑦ ᑎᑭᑕᐅᒍᓂ, ᑐᒃᓯᐊᕐᐸᑦ ᒎᑎᐅᑉ ᑐᓴᕋᔭᕐᐸᐅᒃ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:28

ᑕᕝᕙ ᐅᕙᓐᓄᑦ ᓂᓪᓕᐊᓕᕈᒫᕐᐳᑎᑦ, ᑭᓯᐊᓂᓕ ᑭᐅᑦᔮᓐᖏᓚᖓ; ᐊᒃᓱᕈᕐᓗᑎᑦ ᐅᕙᓐᓂᒃ ᕿᓂᓕᕈᒫᕐᐳᑎᑦ ᓇᓂᔭᐅᓂᐊᓐᖏᓚᖓᓕ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:8

ᐱᐅᖏᑦᑐᑦ ᑐᓂᕐᕈᑎᖏᑦ ᐊᑕᓂᐅᑉ ᓇᕐᕈᒋᕔᑦ, ᐃᓱᐊᕐᑑᓪᓕ ᑐᒃᓯᐊᕐᓂᖏᑦ ᐊᑕᓂᐅᑉ ᖁᕕᐊᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:27

ᐱᐅᖏᑦᑐᑦ ᑐᓂᕐᕈᑎᖏᑦ ᓇᕐᕈᓇᕐᐳᑦ, ᐱᐅᓐᖏᓗᐊᕆᕗᑦ ᐱᐅᖏᑦᑐᒥᒃ ᐱᓂᐊᕈᑎᒋᔪᒪᓗᓂᒋᑦ ᑐᓂᕐᕈᑎᒋᒃᐸᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:9

ᓯᐅᑎᒥᓂᒃ ᒪᑐᓯᔫᑉ ᐱᖁᔭᓂᒃ ᓈᓚᒍᒪᖏᓪᓗᓂ, ᑖᑦᓱᒪ ᑐᒃᓯᐊᕐᓂᖓᑦᑕᐅᖅ ᐆᒥᒋᔭᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 58:3

ᐅᖃᓚᐅᕐᐳᑦ, “ᓱᖕᒪᑦ ᓂᕆᑦᑍᓕᓚᐅᕐᐱᑖ? ᓂᕆᑦᑍᓕᒐᓗᐊᕐᑎᓪᓗᑕ ᑕᑯᕙᓐᖏᓚᑏᑦ? ᓱᖕᒪᓪᓗ ᒥᑭᒡᓕᑎᕋᓱᐊᕐᐸᒃᐱᑖ ᒥᑭᒡᓕᑎᕐᑎᓪᓗᑕ ᐅᑦᔨᕈᓱᖃᑦᑕᖏᓐᓇᕖᑦ?” ᑕᑯᓕᕆᑦᓯ, ᓂᕆᑦᑍᓕᕕᒋᔭᑦᓯ ᐅᓪᓗᖓᓂ ᖁᕕᐊᒋᔭᑐᐃᓐᓇᑦᓯᓐᓂᒃ ᐊᑐᕐᐸᒃᑐᓯ, ᐱᓇᓱᐊᕐᑎᓯᓗ ᐅᖁᒤᒃᓴᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 11:11

ᑍᒤᒻᒪᑦ ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐱᐅᖏᑦᑐᒧᑦ ᑎᑭᑕᐅᑎᓐᓂᐊᕐᐸᒃᑲ ᕿᒫᔪᓐᓇᕐᓂᐊᓐᖏᑕᖓᓐᓂᒃ, ᐅᕙᓐᓂᒃ ᑕᑎᖃᕋᓱᒃᑲᓗᐊᕐᐸᑕ, ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 11:14

ᑍᒤᒻᒪᑦ ᐃᓄᐃᑦ ᑖᒃᑯᐊ ᑐᒃᓯᐅᑎᑦᑍᓕᒃᑭᑦ, ᕿᓄᑦᔪᑎᒋᑦᑍᓕᒃᑭᑦ ᑐᒃᓯᐅᑎᑦᑍᓕᓗᒋᓪᓗ, ᐅᖁᒤᒃᓴᓕᕈᑎᒃ ᑐᒃᓯᐊᕋᓗᐊᕐᐸᑕ ᑐᓴᕐᓂᐊᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 15:1

ᑕᕝᕙ ᐊᑕᓂᐅᑉ ᐅᖃᕐᕕᒋᕚᖓ, “ᒨᓯᓯᓗ ᓴᒧᐃᓕᓗ ᐅᕙᓐᓄᑦ ᕿᓄᒐᔭᕋᓗᐊᕐᐸᑎᒃ, ᑖᒃᑯᐊ ᐃᓅᖃᑎᒌᑦ ᓂᑲᒋᓕᕋᔭᓐᖏᓚᒃᑲ, ᑕᑯᓐᓇᕈᒪᖏᓐᓇᒃᑭᑦ ᓇᔪᕐᑕᓐᓂᑦ ᐊᐅᓪᓚᖁᓚᐅᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 16:4

ᑐᖁᕋᕈᒫᕐᐳᑦ ᖃᓂᒪᓇᕐᑐᓄᑦ, ᕿᒃᓵᒍᑕᐅᔪᒫᓐᖏᓚᑦ ᐃᓗᕕᕐᑕᐅᖏᓪᓗᑎᒡᓘᓐᓃᑦ; ᓄᓇᒥᓕ ᐊᓇᕐᑎᑐᑦ ᑕᒫᓃᕐᕆᑐᐃᓐᓇᕈᒫᕐᐳᑦ ᑎᒥᕕᓂᖏᑦ. ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᑳᖕᓇᕐᑐᕐᔪᐊᒧᓪᓗ, ᑎᒥᕕᓃᓪᓗ ᓂᖃᐅᓕᕈᒫᕐᐳᑦ ᑎᖕᒥᐊᓄᑦ ᐆᒪᔪᓄᓪᓗ ᓄᓇᒦᑦᑐᓄᑦ.”

ᔨᕆᒤᐊᐅᑉ ᐊᒡᓚᖏᑦ 21:6

ᐃᒡᓗᒐᓴᒡᔪᐊᕐᒥᐅᓪᓗ ᐱᒋᐊᕈᒃᑭᑦ ᐋᓐᓂᐊᓇᕐᑐᒧᑦ ᑐᖁᕋᕐᓂᐊᕐᐳᑦ ᐃᓄᐃᑦ ᐆᒪᔪᐃᓪᓗ.

ᔨᕆᒤᐊᐅᑉ ᐊᒡᓚᖏᑦ 24:10

ᐅᓇᑕᒐᐅᑎᑦᓱᒫᕐᐸᒃᑲ, ᑳᖕᓇᕐᑐᒦᑎᓪᓗᒋᓪᓗ, ᐋᓐᓂᐊᓇᕐᑐᖃᕐᑎᑉᐸᒡᓗᒋᓪᓗ, ᓄᖑᖏᓐᓂᓕᒫᖏᓐᓂ ᓄᓇᑖᕆᔭᐅᑎᓚᐅᕐᑕᓐᓂᒃ ᑖᒃᑯᓄᖓ ᓯᕗᓕᕕᓂᖏᓐᓄᓪᓗ.”

ᔨᕆᒤᐊᐅᑉ ᐊᒡᓚᖏᑦ 32:24

“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 6:20

ᐳᔫᕐᑎᑦᓯᑦᔪᑎᒃᓮᑦ ᓰᐸᒥᑦ ᐱᓯᒪᔪᑦ ᓱᓇᒧᑦ ᐊᑑᑎᖃᕐᐸᑦ, ᓄᓇᓂᓪᓘᓐᓃᑦ ᐅᖓᓯᒃᑐᓂᑦ ᓰᕐᓇᕐᑐᑦ ᐱᑖᕕᓂᖏᑦ? ᑐᓂᕐᕈᑎᓯ ᐆᒪᔪᕕᓃᑦ ᐆᓯᒪᔪᑦ ᑐᓂᕐᕈᓯᕐᕕᖕᒥ ᓈᒻᒪᒋᓐᖏᓚᒃᑲ, ᑐᓂᕐᕈᓯᕈᑎᒋᔭᓯᓗ ᖁᕕᐊᒋᓐᖏᓚᒃᑲ.

ᔨᕆᒤᐊᐅᑉ ᐊᒡᓚᖏᑦ 8:13

“ᑲᑎᕐᓱᐃᕕᖃᕈᓐᓃᕐᑎᑦᓱᒫᕐᐸᒃᑲ ᐊᑕᓂᖅ ᐅᖃᕐᐳᖅ, ᐅᕐᐱᒐᖁᑎᖏᑦ ᕔᓂᒃᓴᓂᒃ ᐸᐅᕐᖓᑕᖃᕈᓐᓃᕐᓗᑎᒃ ᓇᐹᕐᑐᖁᑎᖏᓪᓗ ᐱᕈᕐᕕᐅᔪᓐᓇᕈᓐᓃᕐᓗᑎᒃ ᐸᐅᕐᖓᓂᒃ ᐅᖃᐅᔭᖏᓪᓗ ᑐᖁᓕᔪᒫᕐᐳᑦ ᑐᓂᑦᔪᑎᒋᓚᐅᕐᑕᓐᓂᒃ ᐊᕐᓵᕐᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 9:16

ᓇᒧᑐᐃᓐᓇᖅ ᐃᓅᖃᑎᒌᒡᔪᐊᓄᑦ ᑲᑎᒪᖏᓪᓗᑎᒃ ᓄᓇᑖᕐᑐᕐᑎᑦᓱᒫᕐᐸᒃᑲ ᐃᓅᖃᑎᑖᕐᑎᓪᓗᒋᓪᓗ ᐃᓅᖃᑎᒋᓚᐅᓐᖏᑕᒥᖕᓂᒃ, ᓯᕗᓕᕕᓂᖏᑕᓘᓐᓃᑦ ᖃᐅᔨᒪᓚᐅᕐᓯᒪᓐᖏᑕᖏᓐᓄᑦ, ᑐᖁᑕᐅᓐᓇᕐᑐᒧᐊᕐᑎᓐᓂᐊᕐᐸᒃᑲ ᓄᖑᖅᑳᖏᓐᓂᖏᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 14:19

“ᓄᓇᓖᓪᓗ ᖃᓄᐃᓐᓇᕐᑐᓄᑦ ᑎᑭᑕᐅᓂᕐᓗᒃᑎᒃᑲᔭᕈᒃᑭᑦ, ᓂᓐᖓᐅᒪᓂᓐᓄᓪᓗ ᑎᑭᑕᐅᓗᑎᒃ ᐅᓄᕐᑐᑦ ᑐᖁᒐᔭᕐᐳᑦ, ᐃᓄᐃᓪᓗ ᐆᒪᔪᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 14:21

“ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓱᒋᐊᕐᓯᑦᔪᑎᓐᓂᒃ ᑎᑭᑎᑦᓯᒐᔭᕈᒪ ᓯᑕᒪᓂᒃ ᐱᐅᖏᓐᓂᕐᐹᓂᒃ ᔨᕉᓴᓕᒧᑦ, ᐅᓇᑕᕐᓂᕐᒥᒃ, ᑳᖕᓇᕐᑐᕐᔪᐊᕐᒥᒃ, ᐆᒪᔪᓂᒃ ᐃᕐᓯᓇᕐᑐᓂᒃ, ᖃᓄᐃᓐᓇᕐᑐᓄᓪᓗ ᑎᑭᑕᐅᓂᕐᓗᒃᑎᒃᑯᒃᑭᑦ, ᑖᒃᑯᐊ ᐊᓯᕈᐃᒐᔭᕐᐳᑦ ᐃᓄᖕᓂᒃ ᐆᒪᔪᓂᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 8:18

ᑍᒤᒻᒪᑦ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᓕᕐᐸᒃᑲ; ᐊᓐᓇᒃᑎᓐᓂᐊᓐᖏᓚᒃᑲ ᓂᑲᒋᓂᐊᕐᓇᒋᓪᓗ; ᕾᒐᓛᕐᓗᑎᒃ ᓂᓪᓕᐊᒐᓗᐊᕐᐸᑕ ᐅᕙᓐᓄᑦ ᑐᓴᑦᔮᓐᖏᓚᒃᑲ.”

ᕼᐆᓯᐊᑉ ᐊᒡᓚᖏᑦ 5:6

ᓰᐱᖁᑎᒥᖕᓂᒃ ᐆᒪᔪᖁᑎᒥᖕᓂᒡᓗ ᐂᑦᑐᐃᕗᑦ ᑐᓂᕐᕈᓯᕐᓗᑎᒃ ᐊᑕᓂᕐᒧᑦ, ᓇᒡᕚᕐᓂᐊᓐᖏᓚᓪᓕ ᑖᑦᓱᒥᖓ; ᑖᑦᓱᒪ ᕿᒪᒃᓯᒪᓕᕐᒪᒋᑦ.

ᐂᒨᓯᐅᑉ ᐊᒡᓚᖏᑦ 5:21

“ᓇᓪᓕᐅᓐᓂᕐᓯᐅᕐᕕᓯ ᐆᒥᒋᕙᒃᑲ ᓇᕐᕈᒋᓪᓗᒋᑦ, ᑐᒃᓯᐊᕆᐊᕐᓯᒪᓂᓯᓗ ᖁᕕᐊᒋᓐᖏᓚᒃᑲ.

ᒤᑲᐅᑉ ᐊᒡᓚᖏᑦ 3:4

ᒪᑐᒪ ᑭᖑᕐᖓᒍᑦ ᓯᕗᓕᕐᑏᑦ, ᑐᒃᓯᐊᕈᒫᕐᐳᑦ ᐊᑕᓂᕐᒧᑦ, ᑭᓯᐊᓂᓕ ᑐᓴᕐᓂᐊᓐᖏᓔᑦ; ᑍᑲᓂ ᑮᓇᓂ ᐃᔨᕈᒫᕐᐹ ᑖᒃᑯᓇᓐᖓᑦ, ᐱᐅᖏᑦᑐᐊᓗᖕᓂᒃ ᐱᓂᐊᓚᐅᕐᓂᖏᑦ ᐱᓪᓗᒋᑦ.

ᓴᑲᕅᐊᐅᑉ ᐊᒡᓚᖏᑦ 7:13

ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ, “ᓂᓪᓕᐊᒐᒪ ᓈᓚᒍᒪᓚᐅᖏᓚᑦ, ᑍᒤᒻᒪᑦ ᓂᓪᓕᐊᒐᓗᐊᕐᒪᑕ ᐅᕙᓐᓄᑦ ᓈᓚᒍᒪᓚᐅᓐᖏᓚᒃᑲ.

ᒪᓚᑬᑉ ᐊᒡᓚᖏᑦ 1:10

ᑭᓇ ᐊᑯᓐᓇᑦᓯᓐᓂ ᐅᒃᑯᐊᒥᒃ ᒪᑐᓯᔪᓐᓇᕐᐹ? ᐊᑐᕐᓂᕐᓗᒡᓗᓯ ᐃᑭᑦᓯᖁᓇᓯ ᑐᓂᕐᕈᓯᕐᕕᓐᓂ? ᐃᓕᑦᓯᓐᓂᒃ ᖁᕕᐊᒋᔭᖃᕈᓐᓃᕐᐳᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᑐᓂᕐᕈᑎᓯᓘᓐᓃᑦ ᐃᓚᓕᐅᕐᓂᐊᕈᓐᓃᕐᐸᒃᑲ.

ᒪᓚᑬᑉ ᐊᒡᓚᖏᑦ 2:13

ᓱᓕᓗ ᐃᒫᒃ ᐱᓂᐊᕐᓂᖃᕆᕗᓯ: ᐊᑕᓂᐅᑉ ᑐᓂᕐᕈᓯᕐᕕᖓ ᖁᕝᕕᐅᕐᓂᕐᓄᑦ ᐅᓕᒃᐸᓯ, ᕿᐊᓂᑦᓯᓐᓄᑦ ᐅᒡᒍᐊᕐᓂᑦᓯᓐᓄᓪᓗ; ᑐᓂᕐᕈᑎᓯ ᐃᓚᓕᐅᕈᓐᓁᕐᒪᒋᑦ, ᖁᕕᐊᒋᔪᓐᓁᕐᓗᒋᓪᓗ ᐱᓂᐊᕐᓂᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:8

ᑕᑯᕗᖓᓗ, ᑕᑯᒋᑦ, ᕿᒻᒥᕐᔪᐊᒥᒃ ᑐᖁᖓᔪᑎᑐᑦ ᖃᑯᐊᖓᔪᒥᒃ, ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᑐᖁᒥᒃ, ᑐᖁᖓᔪᓪᓗ ᐃᓂᖏᑕ ᑭᖑᓂᑦᓯᐊᖓᓂ ᒫᓕᒃᐹ; ᑖᒃᑯᐊᓗ ᐱᔪᓐᓇᕐᓂᕐᑖᕐᑎᑕᐅᕗᑦ ᓄᓇᕐᔪᐊᕐᒥᐅᑦ ᐃᓄᖏᑕ ᐊᕝᕙᖏᑕ ᓇᑉᐸᖏᓐᓂᒃ ᑐᖁᑎᑦᓯᖁᓪᓗᒋᑦ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᓄᑦ ᐋᓐᓂᐊᓇᕐᑐᓄᑦ ᐆᒪᔪᓄᓪᓗ ᐃᕐᓯᓇᕐᑐᑎᒍᑦ.