ᔨᕆᒤᐊᐅᑉ ᐊᒡᓚᖏᑦ 13:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐃᒡᓗᒐᓴᒡᔪᐊᑦ ᓂᒋᑉᒦᑦᑐᑦ ᓇᒧᓐᖓᕐᕕᒃᓴᖃᕈᓐᓃᕐᒪᑕ, ᒪᑐᐃᕐᑕᐅᔪᓐᓇᕈᓐᓃᕐᓗᑎᒡᓗ; ᔫᑕᒥᐅᓕᒫᑦ ᐊᐅᓪᓚᕈᑦᔭᐅᕗᑦ ᐅᖓᓯᒃᑐᒧᑦ ᓄᓇᒋᓐᖏᑕᒥᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 13:19 Iomraidhean Croise

ᐊᑕᓃᑦ ᐂᑉᐸᖏᑦ 25:21

ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᑯᕉᓂᑲ ᓯᕗᓪᓖᑦ 9:1

ᐃᓴᕆᐊᓕᒥᐅᓕᒫᑦ ᑭᖑᕚᕇᒃᐸᓪᓕᐊᓂᖏᑎᒍᑦ ᑎᑎᕋᕐᑕᐅᓚᐅᕐᐳᑦ ᐱᒋᐊᕐᓂᖓᓂᑦ, ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖏᑕ ᑎᑎᖅᑲᖁᑎᖏᓐᓂ. ᔫᑕᒃᑯᓪᓕ ᐊᐅᓪᓚᕈᑦᔭᐅᓚᐅᕐᐳᑦ ᐹᐱᓘᓂᒧᑦ ᐱᐅᖏᑦᑐᓕᓯᒪᓂᖏᓐᓄᑦ.

ᔫᐱᐅᑉ ᐊᒡᓚᖏᑦ 12:14

ᒎᑎ ᓯᖁᑦᑎᕆᒃᐸᑦ, ᓇᓪᓕᐊᓐᓄᑦ ᓴᓇᔭᐅᒃᑲᓐᓂᕈᓐᓇᓐᖏᓚᖅ; ᐃᓄᒡᓗ ᐊᑦᓱᖏᐅᑎᒃᐸᒍ, ᑭᓇᒧᓪᓘᓐᓃᑦ ᐊᓂᑎᑕᐅᔪᓐᓇᓐᖏᓚᖅ.

ᔨᕆᒤᐊᐅᑉ ᐊᒡᓚᖏᑦ 17:26

ᐃᓄᐃᓪᓗ ᑎᑭᑉᐸᒍᒫᕐᐳᑦ, ᔫᑕᐅᑉ ᓄᓇᓕᖁᑎᖏᓐᓂᑦ, ᓄᓇᓕᖕᓂᓪᓗ ᔨᕉᓴᓕᐅᑉ ᓴᓂᐊᓃᑦᑐᓂᑦ, ᐱᓐᔭᒥᓂᐅᓪᓗ ᓄᓇᖏᓐᓂᑦ, ᖃᖅᑲᒥᐅᓪᓗ ᑭᒡᓕᖓᓂᒥᐅᓂᑦ ᓂᒋᑉᒥᓗ ᓄᓇᖃᕐᑐᓂᑦ ᑐᓂᕐᕈᓯᕆᐊᕐᑐᕐᓗᑎᒃ ᐆᑕᒃᓴᓂᒃ, ᓂᐊᖂᔭᒃᓴᓂᒃ, ᐳᔫᕐᑎᑕᒃᓴᓂᒡᓗ ᖁᔭᓕᑦᔪᑎᒃᓴᓂᒡᓗ ᐊᑕᓂᐅᑉ ᐃᒡᓗᖓᓂ.

ᔨᕆᒤᐊᐅᑉ ᐊᒡᓚᖏᑦ 20:4

ᐃᒫᒃ ᐊᑕᓂᖅ ᐅᖃᕐᐳᖅ; ᑕᑯᒋᑦ, ᑲᑉᐱᐊᓇᕐᑐᒥᒃ ᓇᖕᒥᓂᕐᓄᑦ ᑎᑭᑎᑦᓯᕕᒋᓂᐊᕐᐳᑎᑦ ᐃᓚᓐᓇᕆᔭᕐᓄᓪᓗ. ᓇᖕᒥᓂᖅ ᑕᑯᓐᓇᕈᒫᕋᕕᒋᑦ ᐅᓇᑕᕐᑐᓂ ᑐᖁᕋᕐᑕᐅᓕᕐᑎᓪᓗᒋᑦ ᐊᑭᕋᑦᓯᓐᓄᑦ, ᔫᑕᒥᐅᓕᒫᑦ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᓐᓄᑦ ᐱᔭᐅᑎᑦᓱᒫᕐᐸᒃᑲ; ᑖᑦᓱᒪᓗ ᐊᐅᓪᓚᕈᑎᔪᒫᕐᐰᑦ ᐹᐱᓘᓂᒧᑦ, ᑐᖁᓪᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 24:1

ᐊᖓᔪᖅᑳᕐᔪᐊᖅ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᓄᑦ ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᖏᓪᓗ ᕿᔪᓕᕆᔨᖏᑦ ᓴᕕᕋᔭᓕᕆᔩᓪᓗ ᐊᐅᓪᓚᕈᑦᔭᐅᓯᒪᔪᐃᓐᓇᐅᓕᕐᑎᓪᓗᒋᑦ ᔨᕉᓴᓕᒥᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᐊᑕᓂᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐃᕕᐅᔮᒃ ᒪᕐᕉᒃ ᐱᒋᓕᖕᓂᒃ ᐃᓗᓕᓖᒃ ᑐᒃᓯᐊᕐᕕᒡᔪᐊᑉ ᓯᕗᕌᓃᑦᑑᒃ.

ᔨᕆᒤᐊᐅᑉ ᐊᒡᓚᖏᑦ 28:4

ᐅᑎᕐᑎᓐᓂᐊᕆᕙᕋᓗ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ, ᐊᐅᓪᓚᕈᑦᔭᐅᓯᒪᖃᑕᐅᔪᓕᒫᓪᓗ ᐹᐱᓘᓂᒧᑦ ᐅᑎᕐᑎᒻᒥᓗᒋᑦ ᔫᑕᒧᑦ, ᐊᑕᓂᖅ ᐅᖃᕐᐳᖅ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦᑕ ᐊᓄᓯᒪᐅᑎᖓ ᕿᔪᒃ ᓯᖁᒥᓐᓂᐊᕋᒃᑯ.”

ᔨᕆᒤᐊᐅᑉ ᐊᒡᓚᖏᑦ 32:44

ᐱᕈᕐᓰᕕᖃᕐᕕᒃᓮᑦ ᓂᐅᕕᐊᖑᖃᑦᑕᓕᕈᒫᕐᐳᑦ ᓯᐅᓪᕕᕆᓄᑦ, ᓄᓇᖁᑎᑖᕈᑎᒡᓗ ᐊᑎᓕᐅᕐᑕᐅᕙᒡᓗᑎᒃ, ᓇᕿᑦᔪᓯᕐᑕᐅᓗᑎᒡᓗ ᐱᓐᔭᒥᓂᐅᑉ ᓄᓇᖓᓂ ᔨᕉᓴᓕᒥᓗ, ᔫᑕᒥᓗ, ᖃᖅᑲᒥᐅᓪᓗ ᓄᓇᓕᖏᓐᓂ, ᓯᐱᓚᒥᐅᓪᓗ ᐃᒡᓗᒐᓴᖏᓐᓂᑦ ᓂᒋᑉᒥᓗ ᓄᓇᖃᕐᑐᓂᒃ, ᓄᓇᑐᖃᖏᓐᓄᑦ ᐅᑎᕐᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 33:13

ᖃᖅᑲᒦᑦᑐᑦ ᐃᒡᓗᒐᓮᑦ, ᓇᑎᕐᓇᓂ ᓄᓇᖃᕐᑐᑦ, ᔫᑕᒥᐅᓪᓗ ᐅᓪᓗᓪᓗᐊᖓᑕ ᓇᓛᓂᒥᐅᑦ ᓂᒋᑉᒥ, ᐱᓐᔭᒥᓂᐅᓪᓗ ᓄᓇᖓᓂ, ᓄᓇᓖᓪᓗ ᔨᕉᓴᓕᐅᑉ ᖃᓂᒋᔭᖓᓃᑦᑐᑦ, ᔫᑕᐅᓪᓗ ᐃᒡᓗᒐᓴᖏᓐᓃᑦᑐᑦ, ᓰᐱᓕᕆᔨᖏᑦ ᓈᓮᔪᓐᓇᕐᓯᔪᒫᕆᕗᑦ ᓰᐱᖁᑎᒥᖕᓂᒃ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 39:9

ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ ᑎᒍᓪᓗᓂᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ ᐃᓚᒋᓪᓗᒋᑦ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᑐᑦ ᑖᑦᓱᒧᖓ.

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᔨᕆᒤᐊᐅᑉ ᐊᒡᓚᖏᑦ 52:28

ᐅᑯᐊ ᑕᕝᕙ ᐃᓄᐃᑦ ᐅᓄᕐᓂᖏᑦ ᓂᐱᑯᓁᓴᐅᑉ ᐊᐅᓪᓚᕈᑎᓚᐅᕐᑕᖏᑦ; ᐊᕐᕌᒍᐃᑦ 7ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔫᑎᓂᒃ ᐅᓄᕐᓂᖃᕐᑐᓂᒃ 3,023ᓂᒃ.

ᔨᕆᒤᐊᐅᑉ ᐊᒡᓚᖏᑦ 52:30

ᓂᐱᑯᓁᓴᐅᑉ ᐊᖓᔪᖅᑳᕐᔪᐊᖑᓂᖓᑕ 23ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔫᑎᓂᒃ 745ᓂᒃ. ᓂᐳᔭᕋᑕᓐ ᐅᓇᑕᕐᑏᑦ ᐊᖓᔪᖅᑳᒻᒪᕆᖓᑦᑕ ᐊᐅᓪᓚᕈᑎᔭᖏᑦ ᑲᑎᓕᒫᕐᓗᒋᑦ 4,600ᐅᓚᐅᕐᐳᑦ ᐃᓄᐃᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:3

ᐅᖁᒤᑦᑐᒦᑎᑕᐅᓪᓗᑎᒃ ᐊᒃᓱᕈᕐᓇᕐᑐᒦᑎᑕᐅᕗᑦ, ᔫᑕᒥᐅᓪᓗ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᕗᑦ, ᐃᓅᖃᑎᒌᒡᔪᐊᓂᑦ ᓄᓇᖃᖃᑕᐅᓕᕐᐳᑦ, ᒥᕐᖑᐃᕐᓯᕕᒃᓴᒥᒡᓗ ᓇᒡᕚᕈᓐᓇᕋᑎᒃ, ᐊᑭᕋᕐᑐᕐᑎᖏᑕ ᓵᓚᒋᖕᒪᔪᒃ ᓇᒧᓐᖓᕐᕕᒃᓴᖃᕈᓐᓁᕐᐳᑦ.

ᓴᑲᕅᐊᐅᑉ ᐊᒡᓚᖏᑦ 7:7

ᐊᑕᓂᖅ ᑍᒫᒃ ᐅᖃᖃᑦᑕᓚᐅᕐᐳᖅ ᐅᖃᕐᑎᒥᒍᑦ ᓯᕗᓪᓕᕐᑎᒍᑦ ᔨᕉᓴᓕᒻᒥᐅᑦ ᖃᓂᒋᔭᖏᓐᓃᑦᑐᓪᓗ ᓮᒻᒪᖃᑎᒌᑦᓯᐊᕐᑎᓪᓗᒋᑦ ᐊᔪᕐᓴᖏᑦᓯᐊᕐᑎᓪᓗᒋᓪᓗ, ᓂᕆᕕᒃ ᐃᓄᖃᕐᑎᓪᓗᒍ ᓯᕿᓂᐅᓪᓗ ᓂᐱᕕᐊᑕ ᓇᓛᓃᑦᑐᑦ ᐱᖑᐃᑦ ᐊᑖᓂ ᓄᓇᓕᖃᕐᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 28:15

“ᐊᑕᓂᐅᓪᓕ ᒎᑎᑦᓯ ᓂᐱᖓ ᓈᓚᖕᓂᐊᖏᒃᑯᑦᓯᐅᒃ ᑖᑦᓱᒪᓗ ᐊᑐᕐᑕᐅᖁᓯᒪᔭᖏᑦ ᐱᖁᔭᓕᒫᖏᓪᓗ ᑲᒪᒋᑦᓯᐊᕐᓂᐊᖏᒃᑯᑦᓯᐅᒃ ᐅᓪᓗᒥ ᐃᓕᑦᓯᓐᓄᑦ ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᒪᑯᐊ ᑕᕝᕙ ᓯᕗᓂᑦᓯᐊᖃᕐᓇᖏᑦᑐᑦ ᐃᓕᑦᓯᓐᓄᑦ ᑎᑭᓐᓂᐊᕐᐳᑦ ᓵᓚᒋᓗᓯᓗ:

ᒨᓯᓯ ᑕᓪᓕᒪᖏᑦ 28:52

ᓄᓇᓕᓕᒫᑦᓯᐊᑦ ᐊᑕᓂᐅᑉ ᒎᑎᑦᓯ ᑐᓂᓯᒪᔭᓕᒫᖏᑦ ᐅᓇᑕᕆᐊᕈᒫᕐᐰᑦ, ᐊᕙᓗᕐᔪᐊᖅ ᐳᕐᑐᔪᖅ, ᐊᑦᑕᕐᓇᖏᑦᑐᕐᓗ ᓱᕋᒃᑕᐅᔪᓐᓇᕋᓱᒋᓐᖏᑕᓯ ᐅᕐᕈᔪᒫᕐᐳᖅ.

ᔮᓱᐊᑉ ᐊᒡᓚᖏᑦ 18:5

ᓄᓇ ᐊᕕᒃᑐᕐᑕᐅᔪᓐᓇᕐᐳᖅ 7ᐅᓕᓗᒍ; ᔫᑕᐅᑉ ᑭᖑᕚᖏᑦ ᓅᓐᓂᐊᓐᖏᓚᑦ ᓄᓇᒥᖕᓂᑦ ᓯᕿᓂᐅᑉ ᓇᓛᓃᑦᑐᒥᑦ, ᔫᓯᐱᐅᓪᓗ ᑭᖑᕚᖏᑦ ᓄᓇᒥᖕᓂᑦ ᐅᓐᓄᐊᓪᓗᐊᑉ ᓇᓛᓃᑦᑐᒥᑦ ᓅᓐᓂᐊᖏᓐᓂᕗᑦ.